Jakobus 2
2
Dit 2. Kapitel.
1Min lew Brödhern! ha ek di Glow van Jesus Kristus, üs Herr ön di Herligheid, dat hi dit Onsen van di Person tölet.
2For wan er en Man ön ju Forsåmling kâm me en gold Ring en me en ståtelk Kload, mar diär kam uk en arem Man ön en sollet Kload.
3En I wild se üp di Man, diär dit ståtelk Kload drait, en I said tö höm: Sät di hjir hjart hogst ön, en said tö di arem Man: Bliw dü diär stunen, of sät di hjir hjårt üp min Futstölk.
4En I betänk dit ek rogt, mar I ud Rigter, en måke diär en arig Forskel.
5Hir tö, min lew Brödhern! hēd Gott ek di Armen üp dös Wârld ütwälet, om ön di Glow rik tö wisen, en Arwing van dit Rik, wat Gott dânen löwet hēd, diär höm lew hå.
6Mar I hå di Arem foragtelk behandelt. Sen-t ek di Rikken, diär Gewalt aur ju öwe, en ti ju voar-t Gerigt?
7Last ja ek di di gud Nom, hurvan I nämt sen?
8Wan I di Könnings Wet volbring eter di Skreft: Ha din Naist lew üs di sallew, da dö I wel.
9Mar wan I di Person önse, da dö I Send, en ud van di Wet bestråfet üs di Forbrekers.
10For wan er hokken di hile Wet halt; en forsendigt sik ön jen, di es-t hilental skildig.
11For di diar said hēd: Dü skedt di Ee ek brēk, di hed uk said, dü skedt ek doadslå. Wan dü nü di Ee ek brakst, mar slaist doad, da hēst dü tögen di Wet wat forbreken.
12Sprēk sa, en dö sa, alliküs dânen, diär dör di Wet van di Friheid rigtet ud skel.
13Mar diär skel en ünbarmhartig Gerigt aur danen gung diär nin Bârmhartigheid öwet hå; en di Bârmhartigheid rümet sik tögen dit Gerigt.
14Wat helpt et, min Brödhern! wan er hokken said, dat hi di Glow hed, en hi hēd dag di Werke ek. Kjen uk di Glow höm selig måke.
15Mar wan er en Brödher of Sester bloat wiär, en Mangel hed om Kloader en di dågligs Kost.
16En hokken van ju said tö jam: Gung hen me Fred, warme ju, īt ju sat, mar I iw jam ek, wat ja foar jår Lif nödig hå, wat wild jam dit help?
17Alliksa es uk di Glow, wan hi nin Werke hēd, doad ön höm sallew.
18Mar diär måt hokken si: Dü hēst di Glow, en ik hå di Dåden. Wise mi din Glow me din Dåden, da wel ik di uk wise min Glow me min Dåden.
19Dü liwst, dat er mar jen Gott es. Dü dädst wel diärön; di Düweler liw dit uk en sjilwe.
20Mar wedt dü begrip, dü legtfârdig Mensk, dat di Glow sönder Dåden doad es?
21Es üs Våder Abraham ek dör sin Dåden rogtfardig uden, üs hi sin Seen Isaak üp Ålter åfert?
22Sjogst dü, dat di Glow mewirket hēd me sin Dåden; en dör sin Dåden es sin Glow volkommen uden.
23En di Skreft es tö folling kjemmen, diär sa said: Abraham hed Gott liwt, en dit es höm üs Rogtfârdigheid törekent uden, en hi es Gottes Frindj nämt uden.
24Nü se I dag, dat di Mensk dör di Werke rogtfardig ud, en ek dör di Glow alining.
25Alliksa us di Hur Rahab, es jü ek dör di Werke foar rogtfârdig önsen uden, aurdat ja di Bödbringers âpnōm, en let jam en uder Wei üt.
26For alliksa üs di Lif sönder Geist doad es, sa es uk di Glow sönder Werke doad.
Currently Selected:
Jakobus 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
