2 Petrus 3
3
Dit 3. Kapitel.
1Döt es di taust Bref, welk ik ön ju skriw, min Lewsten! hurön ik ju aprogtig Sen âpwäk en formåne.
2Omdat I tänk om di Urder, welk ju tövoaren van di hellig Profeten said uden sen; en om dit Gebot van üs, welk di Herr en Seligmåker sin Aposteler sen.
3En wēt dit foar-t jest, dat ön di lēst Dagen Spotters kom skel, diär eter jår ein Lesten wandele.
4En si: Hur es /di/ Tölöwing van sin Tökomst? For eter dat di Våders inslöppen sen, bliwt et Alles sa, üs-t van di Skaffings-Begen ön wessen hēd.
5Mar mudwellig wel ja ek wēt, dat dör Gottes Urd di Hemmel ön di voarige /Tid/ uk wiär, en di Örd üt dit Weter, en ön dit Weter bestönd.
6Diäraur wåd tö di Tid di Wârld me di Sendflöd aurswumt.
7Sa ud uk nü di Hemmel en di Örd forhüddet dör sin Urd, om-dat-s biding tö dit Jöld behölden ud üp di Dai, wan dit Gerigt es, en di Gottloasen jar Fordamnis.
8Mar di jen Såk wel ik ju ek forswügge, I Lewsten! dat jen Dai foar di Herr es üs düsend Jår, en düsend Jår üs jen Dai.
9Di Herr talmt ek me di Tölöwing, üs Sommen dit foar en Apsküwen hoald; mar hi hēd Geduld me üs, en wel ek, dat er hokken forlesen gung skel, mar dat Arkjen sik tö Bōt kirt.
10Mar di Herr sin Dai skel kom üs en Tif ön di Nagt, da skel di Hemmel forgung me en gurt Skrappel, di Elemente skel ön Brand kom en smel, en di Örd en di Werke, welk diärön sen, skel forbren.
11Wan nü dit Alles forgung skel, hurdelling skekket et sik da foar ju, ön en hellig Wandel en Gottesfürgt tö lewwin?
12Dat I tēw en ile tö di Tökomst van di Herr sin Dai, wan di Hemmel dör Jöld forgung, en di Elemente ön di Hit smelt ud.
13Mar wü tew eter en ni Hemmel, en en ni Örd eter sin Tölöwing, hurön Geregtigheid unet.
14Diärom, min Lewsten! wil I diäreter tew skel, da wänd Flit ön, dat I voar höm sönder Plakken en sönder Skildj ön Fred befünden ud.
15En üs Herr sin Geduld agt I foar ju Seligheid; alliküs uk üs lew Brödher Paulus eter di Wisheid, welk höm iwen es, ju skrewwen hēd.
16Alliksa üs hi uk ön alle Brewer diärvan sprakt, hurön som Dinge swår tö forstunen sen, welk di Swårlirigen en Legtfardigen forwirre, alliküs di üder Skreften tö jar ein Fordamnis.
17Mar I, min Lewsten! wil I dit nü tövoaren wēt, da nem ju ön Agt, dat I ek dör Forirring ön di rokloas Lid, me samt jam forfört ud, en ju ein Fastigheid forles.
18Mar wugse ön di Gnåd en Känels van üs Herr en Seligmaker Jesus Kristus. Höm komt di Iär tö, nü en ön di Ewigheid. Amen.
Currently Selected:
2 Petrus 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
