Lɔmukalu 14

Ài k'i ɲɔɔ kiti

1 # Kɔlɔsikalu 2.16. Mɔɔ min ya limaniya dɔɔyanin ài tɛma, ài y'ài bolo sii wo tii kɔlɔ. Ài do kà sɔsɔyali bila a la ka bɛn koɲayenkolu ma. 2Mɔɔ dɔ limaniyanin ko a yi sene fen suu bɛ dɔ dɔnna, k'a talan mɔɔ min ya limaniya dɔɔyanin, wo tii yi gbelelɔfennu le dɔnna dein. 3Mɔɔ min yi fen bɛ dɔ dɔnna, a man kan ka dɔ lafeya min tɛ fen bɛ dɔ dɔnna. Wo fana kà a mɔɔɲɔɔ kiti min yi fen bɛ dɔ dɔnna, kamasɔlɔn Ala bolo siinin wo tii ma fana kɔlɔ. 4I i jɛlɛ yena mɔɔ suu mindɛ le k'a fɔ ko i yi dɔ ya bɔiden kiti? Ni a lɔnin ka to niwotɛ k'a ben, aa kuntii kunko le wo le. A do lɔnin kɛtɔ tola, kamasɔlɔn a see yi mɔ Tii yɛ k'a lalɔnin to.

5Mɔɔ dɔ yi je min yi lon dɔlu lafisayala lon dɔgbɛlɛlu le, k'a talan mɔɔ dɔ yi lon bɛ tala kelen ne le. Wo lɔ, mɔɔ kelenkelenna bɛ y'a jɛlɛkanu miliya ta ka bɛn wo ma, ani ka la wo la feu. 6Mɔɔ min yi lon dɔ buɲala, wo tii y'a buɲala mɔ Tii le yɛ. Mɔɔ min yi fen bɛ dɔ dɔnna, wo tii yi dɔnni kɛla mɔ Tii buɲako le lɔ, kamasɔlɔn a yi balika bɔla Ala yɛ. Dɔ min tɛ fen bɛ dɔ dɔnna, wo tii y'a kɛla mɔ Tii buɲako le lɔ, kamasɔlɔn ale fana yi balika bɔla Ala le yɛ. 7Mɔ suu suu tɛ mɔ nii la mɔ jɛlɛkanu yɛ, ado mɔ suu suu tɛ sala mɔ jɛlɛkanu yɛ. 8Ni mɔ ka kɛ mɔ nii la, m'i mɔ nii la mɔ Tii le yɛ. Ni mɔ do ka sa, mɔ sanin mɔ Tii le yɛ. Wo lɔ, hali ni mɔ ka to mɔ nii la o, mɔ ka sa o, mɔ Tii ta le mɔ le. 9Wo le k'a kɛ, Masa Tɔɔmasenin ka sa ka niimaya kɛ kɔtunun, fɔsa a yi kɛ fuleni ni niimalu bɛ Tii le.

10 # 2 Kolɛntikalu 5.10. Ile koni, i i badenma kitila mindɛ lɔ? Niwotɛ, a yi di vɛ i jɔnin i badenma ma? Kamasɔlɔn mɔ bɛ lalɔtɔle Ala ɲakɔlɔ kititɛɛko lɔ. 11Kamasɔlɔn mɔ Tii n'a fɔla kitabu kɔnɔ, ko:

«Damanda ǹ'i Ɲɛnɛmayatii Ala le le,

adamaden bɛ kɛtɔ ai kumɛlɛni bilala ǹ kɔlɔ,

ani ka Ala tanu ai da le.»

12Wo boloɲa ma, mɔ kelenkelenna bɛ kɛtɔ mɔ jɛlɛkanu ya dandɛɛli kɛla Ala yɛ.

Ài k'ài badenmalu kunnɔtɛɛ

13Wo lɔ saa, mɔ k'i ɲɔɔ kiti butu. Mafɔ, m'a latɛɛ ko mɔ tɛnala ko ko si kɛla min kɛtɔ mɔ badenma kunnɔtɛɛko sabu le, niwotɛ a lafiliko. 14Komi ǹ'i Masa Tɔɔmasenin Isa ya kafonɲɔɔya lɔ, ǹ k'a lɔn ne, ado ǹ layine a la kosɛvɛ ko dɔnnifen suu suu tɛ je k'a fɔ min kɔsɔnin a jɛlɛ ma. Kɛɛ do, ni mɔɔ min k'a mili ko fen dɔ kɔsɔnin, wo vɛ kɛla, a kɔsɔnin wo tii le yɛ. 15Ni i k'i badenma josomagba ka bɛn iya dɔnnifen ma, wo vɛ kɛla, i tɛ taamana kanundeya lɔ butu. Iya dɔnnifen kà kɛ i mɔɔɲɔɔ kunnɔtɛɛko sabu le, Masa Tɔɔmasenin na sala min tii yɛ. 16Wo lɔ saa, fen min bɛnnin ài ɲakɔlɔ, ài ka kɛ sabu le dɔlu yi kuma yon fɔ wo ma. 17Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila. 18Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

19Wo le y'a ma, ko minu yi nala josolajii ni ɲɔɔ lasawati le, ài m'i wolu le ɲinin. 20Ài kà Ala ya baale tiɲa ka bɛn dɔnnifenko ma. Tuɲa le, dɔnnifen suu bɛ ladaanyine, kɛɛ a bɛnnin tɛ i yi fen dɔ dɔn min kɛtɔ i badenma kunnɔtɛɛla. 21A bɛnyine i kà soo dɔn, niwotɛ ka gbɛ min, niwotɛ ka ko ko si kɛ min yi kɛ i badenma lafiliko sabu le. 22Limaniya min y'i bolo ka bɛn ko minu ma, wo yi to ile ni Ala wotɛ. Ni mɔɔ min ka ko dɔ jate koɲuma le, ni wo tii miliya tɛ a kɛlɛla a kɛko lɔ, wo tii ma yi duwawuden ne le. 23Kɛɛ ni mɔɔ min ka sika dɔnnifen dɔ ma, ni wo tii ka wo dɔn, a v'a jɛlɛ jobaliya, kamasɔlɔn a tɛ dɔnni kɛla limaniya boloma. Ni ko ko si ma bɔ limaniya lɔ, wo yi julumbu le le.

Currently Selected:

Lɔmukalu 14: MBT2023

Highlight

Copy