2 Kolɛntikalu 11
11
Pɔli ni faɲafɔ keladennu
1Ǹ'a fɛ ài yi ǹa hangilindanya kuma mina ài ma dɔni ne. Ài jaanin ne, ài yi ǹa ko mina ài ma! 2Kamasɔlɔn ǹ'ài makeleyala iwo Ala y'ài makeleyala teme. Kamasɔlɔn a kɛyine iwo ǹ n'ài maminala kɛ́ kelen ne yɛ, min taanin kɛla Masa Tɔɔmasenin ne. Ǹ'a fɛ le k'ài lasɛnɛyanin di a ma iwo singbili min ma kɛ́ ko lɔn ba bene. 3Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ. 4Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ. 5Kɛɛ keladen jɛlɛmatɔɔba wolu koni, ǹ ta miliya lɔ, wolu foi fisayanin tɛ ǹ ne. 6Hali ni wolu dalɔdiyanin ka kɛ ka timin ǹ na, ǹa lɔnni dɛsɛnin tɛ. Mɔ do vɛ wo lagbɛ ài yɛ boloɲa suu bɛ ma ko bɛ lɔ.
7Ǹ ka Ala ya Samakan Kein lase ài ma waate min nɔ, ài ma ǹ sala. Ǹe do ka ǹ fanmajii fɔsa ài dalaya kɔlɔ yi ta. Ǹ ka hakɛ le ta ài la wo le? 8Ǹ na limaniyajama dɔgbɛlɛlu bolo latɛla ka m̀ bolo sii ǹ sala kɔlɔ ka bɛn ài madɛmɛnko ma. 9#Filipikalu 4.15-18.Ǹ tɛɛ ài fɛlɔ waate min nɔ, m̀ mako tɛɛ fen na, wo bɛ n'a kɛ, m̀ ma kɛ mɔɔ kundoni ne. Kamasɔlɔn mɔ badenma minu ka na m̀ ma ka bɔ Masaduwani, wolu le ka m̀ makolu laɲia. Wo ma, m̀ ma diɲa ka ǹ doni sii ài kun boloɲa suu suu ma. A do kɛtɔ ten ne kɔtunun. 10Damanda Masa Tɔɔmasenin ya tuɲa yi ǹ josokun nɔ, mɔɔ foi tɛ je Akayi koovi lɔ min yi se ǹ dansiila ǹ ɲalɔkɛnɛyako min na. 11Jalasa ài diyanin tɛ ǹ yɛ? Ala gbugbu k'a lɔn ko ài diyayine ǹ yɛ!
12Ado ǹ'i min na yi ne, ǹ totɔle wo la fɔsa ǹ'i wasokɛba wolu kɔlɔbɔ, minu y'a ɲaɲininna k'a fɔ ko aiya baale ni mɔ ta lɔkaanyine. 13Mɔɔ suu wolu koni, faɲafɔ keladen ne ai le, ani wunafali baaleden minu y'ai jɛlɛ kɛla iwo Masa Tɔɔmasenin ya keladennu. 14Wo do pa tɛ kawananko le, kamasɔlɔn Soitana gbu y'a jɛlɛ kɛla iwo mɛlɛka nɔɔlɔnin. 15Wo lɔ saa, ni Soitana ya bɔidennu k'ai jɛlɛ kɛ iwo bɔiden telenmandelu, kawananko tɛ wo le. Ado ai laban kɛtɔ bɛnna ai kɛkolu le ma.
Pɔli ya tɔlɔyakolu
16Ǹ'a fɔla kɔtunun, mɔɔ mɔɔ kà ǹ jate hangilindan ne! Niwotɛ, ài y'ài bolo sii ǹ kɔlɔ iwo hangilindan fɔsa ǹe gbu yi ǹ jɛlɛ matɔɔ dɔni ne. 17Ni ǹ ka ǹ jɛlɛ matɔɔ tan, wo lɔ, ǹ tɛ wo fɔla mɔ Tii ya siya kɔkan, kɛɛ ǹ'a fɔla hangilindanya bolo le ma. 18Komi mɔɔ siyama y'ai jɛlɛ matɔɔla ka bɛn dunuɲakolu le ma, wo lɔ, ǹe gbu kɛtɔ ǹ jɛlɛ matɔɔla. 19Ài yi hangilindannu ya ko minala ài ma sawa boloma, àilu minu yi hangilimalu le! 20Kamasɔlɔn ài yi mɔɔlu ya ko minala ài ma minu y'ài minala jɔnya boloma, k'ài bolo latɛ, k'ài tɔɲɔ, ka kafa ài ma, ani k'ài gbasi ài ɲa lɔ. 21A yi maloyako le le m̀ ma k'a fɔ ko, ko wolu kɛko fanga tɛɛ tɛ mɔ la!
Wo bɛ n'a kɛ, ni dɔlu y'ai wakalila k'ai jɛlɛ matɔɔ ko ko si lɔ, ǹe fana yi sene ka wo ɲɔɔzii kɛ. Ǹe do yi kumala iwo hangilindan! 22Jalasa keladen wolu yi Hebulu le le? Ǹe fana yi wo le le. Jalasa Bani Isilanka le ai le? Ǹe fana yi wo le le. Jalasa Nabi Ibulahima bɔzɔn ne ai le? Ǹe fana yi wo le le. 23#Kɛkolu 16.23.Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le. 24A vɛ kɛ siɲa loolu le, Jahudiya kuntiilu yi gbusan ɲa bisawa ni kɔnɔ (39) bɔla ǹ nɔ. 25#Kɛkolu 16.22; Kɛkolu 14.19.A vɛ kɛ siɲa sawa le, Lɔmukalu yi m̀ gbasila bele le. Mɔɔlu ka m̀ bon kawakulun ne siɲa kelen ne ko ai yi ǹ faa. Kulunba ka tiɲa ǹ ne siɲa sawa le kɔɔji kɔkan, ado ǹ ka tele kelen ni su kelen kɛ kɔɔji lɔ. 26#Kɛkolu 9.23; Kɛkolu 14.5.M̀'ɛ waate siyama kɛ taamana masuwakolu dakɔlɔ ka bɛn kɔɔtɛɛko ma, ani benkannikɛbalu, ani ǹ jɛlɛkanu mɔɔlu, ani siboloma gbɛlɛ mɔɔlu. Ǹ tɛɛ masuwakolu le dakɔlɔ solu kɔnɔ, ani tuu kɔlɔ, ani kɔɔji kɔkan, ani ka bɛn faɲafɔ badenmalu ma. 27Baale gbɛlɛn ni gbeleya ka kun ǹ nɔ. Ǹ ka siɲana siyama kɛ, kɔɔn ni minkɛlɔɔ vɛ ǹ na. Ado siɲa siyama lɔ, balo tɛɛ tɛ m̀ bolo. Ǹe do ka tɔlɔya nɛnɛ bolo, kamasɔlɔn feeyabɔ ɲɛnɛma tɛɛ tɛ m̀ bolo. 28Wo bɛ kɔ, ǹ haminyine lon bɛ limaniyajamalu bɛ ya ko le. 29Ni limaniyamɔɔ dɔ falilɔ ka teeya, ǹe gbu falilɔ yi teeyale. Ni ai dɔ kunnɔ ka tɛɛ, wo do yi ǹ josomagbale.
30Ni ǹ ka kan ka ǹ jɛlɛ matɔɔ, fɔ ǹ'i ǹ jɛlɛ matɔɔ ǹa fangandanyako le lɔ. 31Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla. 32#Kɛkolu 9.23-25.Ǹ tɛɛ Damase so kɔnɔ waate min nɔ, jamanakunnasiiba min tɛɛ Masakɛ Alɛtasi kɔlɔ, wo ka aa bɔidennu lɔ so dondalu lakɔlɔsila m̀ minako lɔ. 33Kɛɛ limaniyamɔɔlu ka m̀ bila gbɔlɔ lɔ ka ǹ labɔ funɛtɛlɛ la, ka ǹ lajii julu le so jiin kɔma. Wo lɔ, ǹ ka kisi ten ne ka bɔ jamanakunnasiiba bolo.
Currently Selected:
2 Kolɛntikalu 11: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
2 Kolɛntikalu 11
11
Pɔli ni faɲafɔ keladennu
1Ǹ'a fɛ ài yi ǹa hangilindanya kuma mina ài ma dɔni ne. Ài jaanin ne, ài yi ǹa ko mina ài ma! 2Kamasɔlɔn ǹ'ài makeleyala iwo Ala y'ài makeleyala teme. Kamasɔlɔn a kɛyine iwo ǹ n'ài maminala kɛ́ kelen ne yɛ, min taanin kɛla Masa Tɔɔmasenin ne. Ǹ'a fɛ le k'ài lasɛnɛyanin di a ma iwo singbili min ma kɛ́ ko lɔn ba bene. 3Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ. 4Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ. 5Kɛɛ keladen jɛlɛmatɔɔba wolu koni, ǹ ta miliya lɔ, wolu foi fisayanin tɛ ǹ ne. 6Hali ni wolu dalɔdiyanin ka kɛ ka timin ǹ na, ǹa lɔnni dɛsɛnin tɛ. Mɔ do vɛ wo lagbɛ ài yɛ boloɲa suu bɛ ma ko bɛ lɔ.
7Ǹ ka Ala ya Samakan Kein lase ài ma waate min nɔ, ài ma ǹ sala. Ǹe do ka ǹ fanmajii fɔsa ài dalaya kɔlɔ yi ta. Ǹ ka hakɛ le ta ài la wo le? 8Ǹ na limaniyajama dɔgbɛlɛlu bolo latɛla ka m̀ bolo sii ǹ sala kɔlɔ ka bɛn ài madɛmɛnko ma. 9#Filipikalu 4.15-18.Ǹ tɛɛ ài fɛlɔ waate min nɔ, m̀ mako tɛɛ fen na, wo bɛ n'a kɛ, m̀ ma kɛ mɔɔ kundoni ne. Kamasɔlɔn mɔ badenma minu ka na m̀ ma ka bɔ Masaduwani, wolu le ka m̀ makolu laɲia. Wo ma, m̀ ma diɲa ka ǹ doni sii ài kun boloɲa suu suu ma. A do kɛtɔ ten ne kɔtunun. 10Damanda Masa Tɔɔmasenin ya tuɲa yi ǹ josokun nɔ, mɔɔ foi tɛ je Akayi koovi lɔ min yi se ǹ dansiila ǹ ɲalɔkɛnɛyako min na. 11Jalasa ài diyanin tɛ ǹ yɛ? Ala gbugbu k'a lɔn ko ài diyayine ǹ yɛ!
12Ado ǹ'i min na yi ne, ǹ totɔle wo la fɔsa ǹ'i wasokɛba wolu kɔlɔbɔ, minu y'a ɲaɲininna k'a fɔ ko aiya baale ni mɔ ta lɔkaanyine. 13Mɔɔ suu wolu koni, faɲafɔ keladen ne ai le, ani wunafali baaleden minu y'ai jɛlɛ kɛla iwo Masa Tɔɔmasenin ya keladennu. 14Wo do pa tɛ kawananko le, kamasɔlɔn Soitana gbu y'a jɛlɛ kɛla iwo mɛlɛka nɔɔlɔnin. 15Wo lɔ saa, ni Soitana ya bɔidennu k'ai jɛlɛ kɛ iwo bɔiden telenmandelu, kawananko tɛ wo le. Ado ai laban kɛtɔ bɛnna ai kɛkolu le ma.
Pɔli ya tɔlɔyakolu
16Ǹ'a fɔla kɔtunun, mɔɔ mɔɔ kà ǹ jate hangilindan ne! Niwotɛ, ài y'ài bolo sii ǹ kɔlɔ iwo hangilindan fɔsa ǹe gbu yi ǹ jɛlɛ matɔɔ dɔni ne. 17Ni ǹ ka ǹ jɛlɛ matɔɔ tan, wo lɔ, ǹ tɛ wo fɔla mɔ Tii ya siya kɔkan, kɛɛ ǹ'a fɔla hangilindanya bolo le ma. 18Komi mɔɔ siyama y'ai jɛlɛ matɔɔla ka bɛn dunuɲakolu le ma, wo lɔ, ǹe gbu kɛtɔ ǹ jɛlɛ matɔɔla. 19Ài yi hangilindannu ya ko minala ài ma sawa boloma, àilu minu yi hangilimalu le! 20Kamasɔlɔn ài yi mɔɔlu ya ko minala ài ma minu y'ài minala jɔnya boloma, k'ài bolo latɛ, k'ài tɔɲɔ, ka kafa ài ma, ani k'ài gbasi ài ɲa lɔ. 21A yi maloyako le le m̀ ma k'a fɔ ko, ko wolu kɛko fanga tɛɛ tɛ mɔ la!
Wo bɛ n'a kɛ, ni dɔlu y'ai wakalila k'ai jɛlɛ matɔɔ ko ko si lɔ, ǹe fana yi sene ka wo ɲɔɔzii kɛ. Ǹe do yi kumala iwo hangilindan! 22Jalasa keladen wolu yi Hebulu le le? Ǹe fana yi wo le le. Jalasa Bani Isilanka le ai le? Ǹe fana yi wo le le. Jalasa Nabi Ibulahima bɔzɔn ne ai le? Ǹe fana yi wo le le. 23#Kɛkolu 16.23.Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le. 24A vɛ kɛ siɲa loolu le, Jahudiya kuntiilu yi gbusan ɲa bisawa ni kɔnɔ (39) bɔla ǹ nɔ. 25#Kɛkolu 16.22; Kɛkolu 14.19.A vɛ kɛ siɲa sawa le, Lɔmukalu yi m̀ gbasila bele le. Mɔɔlu ka m̀ bon kawakulun ne siɲa kelen ne ko ai yi ǹ faa. Kulunba ka tiɲa ǹ ne siɲa sawa le kɔɔji kɔkan, ado ǹ ka tele kelen ni su kelen kɛ kɔɔji lɔ. 26#Kɛkolu 9.23; Kɛkolu 14.5.M̀'ɛ waate siyama kɛ taamana masuwakolu dakɔlɔ ka bɛn kɔɔtɛɛko ma, ani benkannikɛbalu, ani ǹ jɛlɛkanu mɔɔlu, ani siboloma gbɛlɛ mɔɔlu. Ǹ tɛɛ masuwakolu le dakɔlɔ solu kɔnɔ, ani tuu kɔlɔ, ani kɔɔji kɔkan, ani ka bɛn faɲafɔ badenmalu ma. 27Baale gbɛlɛn ni gbeleya ka kun ǹ nɔ. Ǹ ka siɲana siyama kɛ, kɔɔn ni minkɛlɔɔ vɛ ǹ na. Ado siɲa siyama lɔ, balo tɛɛ tɛ m̀ bolo. Ǹe do ka tɔlɔya nɛnɛ bolo, kamasɔlɔn feeyabɔ ɲɛnɛma tɛɛ tɛ m̀ bolo. 28Wo bɛ kɔ, ǹ haminyine lon bɛ limaniyajamalu bɛ ya ko le. 29Ni limaniyamɔɔ dɔ falilɔ ka teeya, ǹe gbu falilɔ yi teeyale. Ni ai dɔ kunnɔ ka tɛɛ, wo do yi ǹ josomagbale.
30Ni ǹ ka kan ka ǹ jɛlɛ matɔɔ, fɔ ǹ'i ǹ jɛlɛ matɔɔ ǹa fangandanyako le lɔ. 31Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla. 32#Kɛkolu 9.23-25.Ǹ tɛɛ Damase so kɔnɔ waate min nɔ, jamanakunnasiiba min tɛɛ Masakɛ Alɛtasi kɔlɔ, wo ka aa bɔidennu lɔ so dondalu lakɔlɔsila m̀ minako lɔ. 33Kɛɛ limaniyamɔɔlu ka m̀ bila gbɔlɔ lɔ ka ǹ labɔ funɛtɛlɛ la, ka ǹ lajii julu le so jiin kɔma. Wo lɔ, ǹ ka kisi ten ne ka bɔ jamanakunnasiiba bolo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023