2 Kolɛntikalu 10
10
Pɔli ya kumanɔbɔ ka bɛn aa keladenya ma
1Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma. 2Wo lɔ saa, m̀'ɛ nala ài tɛma, ài jon, ài kà kɛ sabu le ǹ'i kɛ mɔɔ faiyanin ne ài kanma, iwo ǹ jii y'a ma ko ǹ kɛtɔ a kɛla mɔɔ wolu la teme, minu y'ai milila ko m'i maa dunuɲalɔtɛɛ kɛla ka bɛn dunuɲamɔɔlu kokɛɲalu le ma. 3Hali ni mɔ ka kɛ mɔ nii la dunuɲa min nɔ, mɔ tɛ maa kɛlɛ kɛla iwo dunuɲamɔɔlu y'a kɛla teme. 4Kamasɔlɔn maa kɛlɛkɛfennu tɛ dunuɲa ta ɲɔɔzii le, mafɔ Ala ya kɛlɛkɛfen fangamalu, see yi minu yɛ ka kɛlɛkunkɔlɔbɛn jiinnu laben, 5ani wasoko minu bɛ yi wulila ka dansii Ala lɔnko la. M'i miliya suu bɛ le ladonna Masa Tɔɔmasenin ya kuntiiya kɔlɔ a kannabatoko lɔ. 6Ni àiya kannabato ka dafa waate min nɔ, wo vɛ kɛla, mɔ lɔbɛnyine ka kolobaliya ko suu bɛ latɔn.
7Ài yi kolu lakɔlɔsi kobɛn minu y'ài ɲakɔlɔ! Ni mɔɔ dɔ lanin ka kɛ a la ko Masa Tɔɔmasenin ta le a le, fɔ wo tii y'a lɔn ko ǹu gbu yi Masa Tɔɔmasenin ta le le, iwo ale. 8Wo lɔ saa, hali ni ǹ ka kɛ ǹ jɛlɛ matɔɔla k'a dannatimin ka bɛn seetiiya ma, mɔ Tii na min dila mɔ ma ài lasawatiko lɔ, ài halakiko tɛ, wo vɛ kɛla, wo maloya tɛ ǹ na. 9A tɛ k'a fɔ ko ǹ'a fɛ le k'ài masiyan ǹa lɛtɛlɛlu le. 10Kamasɔlɔn mɔɔ dɔlu y'a fɔla, ai vɛɛ: «Pɔli ya lɛtɛlɛlu magbiliyayine k'ai faiya, kɛɛ ale gbu vɛ kɛla mɔ ɲakɔlɔ, fanga tɛ kɛla a la, ani a dalakan tɛ foi ɲia.» 11Kɛɛ mɔɔ suu wolu y'a lɔn ko m'i kuma minu sɛvɛla maa lɛtɛlɛlu kɔnɔ hali ni mɔ tɛ ài tɛma, m'i wolu gbu le kɛla ni mɔ ka kɛ ài tɛma.
12Mɔ tɛ mɔ wakalila ka mɔ la mɔɔ wolu ma minu y'ai jɛlɛ matɔɔla, niwotɛ ka mɔ jate ai ɲɔɔzii le. Kɛɛ ni ai ka kɛ ai sumala i ɲɔɔ ma, ani k'i la i ɲɔɔ ma, wo vɛ kɛla, koɲaye tɛ ai bolo. 13Ǹu koni, mɔ tɛ mɔ wasola ka timin mɔ dan na. Kɛɛ Ala na baale min kalifala mɔ la, min taanin kɛla sabu le mɔ na sena ài fɛlɔ, m'i mɔ wasola ka bɛn wo le ma. 14Mɔ tɛ mɔ dan latiminna ka kɛ iwo mɔ ma se ài fɛlɔ, kamasɔlɔn mɔ nayine haan fɔɔ ài fɛlɔ Masa Tɔɔmasenin ya Samakan Kein ne. 15Mɔ do tɛ mɔ wasola k'a dannatimin ka dɔlu sɛyɛnɔ kɛ mɔ ta le. Kɛɛ mɔ jii y'a ma le ko ni àiya limaniya ma ka to kafonna, wo vɛ kɛla, maa baale la yi sawatile ài tɛma bubale, ka bɛn maa baale dakun ma. 16Wo boloɲa ma, m'i sene ka taa Samakan Kein lase kɔtunun jamanalu lɔ minu y'ài kɔma, jani m'i mɔ waso dɔlu sɛyɛnɔ la, ai na min kɛla ai ta baale dakun nɔ.
17A sɛvɛnin tan ne kitabu kɔnɔ, ko: «Ni mɔɔ min y'a fɛ k'a waso, fɔ wo tii y'a waso mɔ Tii ya kokɛninnu le la.» 18Kamasɔlɔn mɔɔ min y'a jɛlɛ matɔɔla, wo tii tɛnala jatela, mafɔ mɔ Tii vɛ mɔɔ min matɔɔla.
Currently Selected:
2 Kolɛntikalu 10: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
2 Kolɛntikalu 10
10
Pɔli ya kumanɔbɔ ka bɛn aa keladenya ma
1Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma. 2Wo lɔ saa, m̀'ɛ nala ài tɛma, ài jon, ài kà kɛ sabu le ǹ'i kɛ mɔɔ faiyanin ne ài kanma, iwo ǹ jii y'a ma ko ǹ kɛtɔ a kɛla mɔɔ wolu la teme, minu y'ai milila ko m'i maa dunuɲalɔtɛɛ kɛla ka bɛn dunuɲamɔɔlu kokɛɲalu le ma. 3Hali ni mɔ ka kɛ mɔ nii la dunuɲa min nɔ, mɔ tɛ maa kɛlɛ kɛla iwo dunuɲamɔɔlu y'a kɛla teme. 4Kamasɔlɔn maa kɛlɛkɛfennu tɛ dunuɲa ta ɲɔɔzii le, mafɔ Ala ya kɛlɛkɛfen fangamalu, see yi minu yɛ ka kɛlɛkunkɔlɔbɛn jiinnu laben, 5ani wasoko minu bɛ yi wulila ka dansii Ala lɔnko la. M'i miliya suu bɛ le ladonna Masa Tɔɔmasenin ya kuntiiya kɔlɔ a kannabatoko lɔ. 6Ni àiya kannabato ka dafa waate min nɔ, wo vɛ kɛla, mɔ lɔbɛnyine ka kolobaliya ko suu bɛ latɔn.
7Ài yi kolu lakɔlɔsi kobɛn minu y'ài ɲakɔlɔ! Ni mɔɔ dɔ lanin ka kɛ a la ko Masa Tɔɔmasenin ta le a le, fɔ wo tii y'a lɔn ko ǹu gbu yi Masa Tɔɔmasenin ta le le, iwo ale. 8Wo lɔ saa, hali ni ǹ ka kɛ ǹ jɛlɛ matɔɔla k'a dannatimin ka bɛn seetiiya ma, mɔ Tii na min dila mɔ ma ài lasawatiko lɔ, ài halakiko tɛ, wo vɛ kɛla, wo maloya tɛ ǹ na. 9A tɛ k'a fɔ ko ǹ'a fɛ le k'ài masiyan ǹa lɛtɛlɛlu le. 10Kamasɔlɔn mɔɔ dɔlu y'a fɔla, ai vɛɛ: «Pɔli ya lɛtɛlɛlu magbiliyayine k'ai faiya, kɛɛ ale gbu vɛ kɛla mɔ ɲakɔlɔ, fanga tɛ kɛla a la, ani a dalakan tɛ foi ɲia.» 11Kɛɛ mɔɔ suu wolu y'a lɔn ko m'i kuma minu sɛvɛla maa lɛtɛlɛlu kɔnɔ hali ni mɔ tɛ ài tɛma, m'i wolu gbu le kɛla ni mɔ ka kɛ ài tɛma.
12Mɔ tɛ mɔ wakalila ka mɔ la mɔɔ wolu ma minu y'ai jɛlɛ matɔɔla, niwotɛ ka mɔ jate ai ɲɔɔzii le. Kɛɛ ni ai ka kɛ ai sumala i ɲɔɔ ma, ani k'i la i ɲɔɔ ma, wo vɛ kɛla, koɲaye tɛ ai bolo. 13Ǹu koni, mɔ tɛ mɔ wasola ka timin mɔ dan na. Kɛɛ Ala na baale min kalifala mɔ la, min taanin kɛla sabu le mɔ na sena ài fɛlɔ, m'i mɔ wasola ka bɛn wo le ma. 14Mɔ tɛ mɔ dan latiminna ka kɛ iwo mɔ ma se ài fɛlɔ, kamasɔlɔn mɔ nayine haan fɔɔ ài fɛlɔ Masa Tɔɔmasenin ya Samakan Kein ne. 15Mɔ do tɛ mɔ wasola k'a dannatimin ka dɔlu sɛyɛnɔ kɛ mɔ ta le. Kɛɛ mɔ jii y'a ma le ko ni àiya limaniya ma ka to kafonna, wo vɛ kɛla, maa baale la yi sawatile ài tɛma bubale, ka bɛn maa baale dakun ma. 16Wo boloɲa ma, m'i sene ka taa Samakan Kein lase kɔtunun jamanalu lɔ minu y'ài kɔma, jani m'i mɔ waso dɔlu sɛyɛnɔ la, ai na min kɛla ai ta baale dakun nɔ.
17A sɛvɛnin tan ne kitabu kɔnɔ, ko: «Ni mɔɔ min y'a fɛ k'a waso, fɔ wo tii y'a waso mɔ Tii ya kokɛninnu le la.» 18Kamasɔlɔn mɔɔ min y'a jɛlɛ matɔɔla, wo tii tɛnala jatela, mafɔ mɔ Tii vɛ mɔɔ min matɔɔla.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023