1 Kolɛntikalu 5
5
Kanukɛko min yi limaniyajama tɛma
1Tuɲa le, m̀'ɛ a mɛn ko kanukɛko yi kɛla ài tɛma, min suu tɛ kɛla hali Alalɔnbalilu gbu tɛma, haan fɔɔ kɛ́ y'a fa moso ta. 2Wo bɛ lɔ, ài kafanin! A yi di vɛ? Ài man kan ka ài josomakasi ka bɛn wo ma, ka ko wo kɛba gbɛn ài tɛma? 3Hali m̀ ma kɛ ài fɛ yi ne, ǹ hangili y'ài kɔ. Mɔɔ min na ko suu min kɛla, m̀'ɛ ban wo tii ya kiti tɛɛla k'a kɛ iwo ǹ'ài fɛ le. 4Ài vɛ ài ladɛnna mɔ Tii Isa tɔɔ lɔ, ǹ hangili kɛtɔ ài fɛ, ani mɔ Tii Isa ya seetiiya kɛtɔ kɛla je. 5Wo waate, ài yi mɔɔ wo don Soitana bolo a falikolo halakiko lɔ, fɔsa tumadɔ a nii yi kisi mɔ Tii ya lon.
6 #
Galatiyakalu 5.9. Àiya wasoko bɛnnin tɛ. Ài m'a lɔn ko sɛɛ pitinin ne yi buludɛɛ lakunnin bɛ lafununna? 7Wo le y'a ma, ài yi koyonkɛba wo gbɛn ài tɛma, k'ài jɛlɛ lasɛnɛya fɔsa ài yi kɛ mɔɔ kula le, iwo ǹu Jahudiyalu yi bululafununsɛɛ kɔlɔ labɔla teme maa bonnu la ka dɛɛ kula ladan, sɛɛ tɛ min na. Kamasɔlɔn Masa Tɔɔmasenin min taanin kɛla maa Timinkunna Selilon saa bolan ne, wo vɛ kɛ salaka le. 8Wo le y'a ma, ài m'i selilon wo kɛ, kɛɛ mɔ kà a kɛ bululafununsɛɛ kɔlɔ le, min taanin kɛla kɔnɔlɔgbeya ni koyon ne. Mafɔ, a yi kɛ bulu fununbali le le, min taanin kɛla josolɔgbɛya ni tuɲandeya le.
9Ǹ n'a fɔla ài yɛ ǹa lɛtɛlɛ lɔ kɔlɔman ne, ǹ ko, diɲɔɔya kà don àilu ni kanukɛbalu tɛma. 10Kɛɛ ǹ kan tɛɛ tɛ dunuɲamɔɔlu ma minu yi kanu kɛla, ani natabayakolu, ani gbanayakolu, ani joosɔkolu. Ni wo le tɛɛ, fɔ ài tɛɛ bɔ dunuɲa min nɔ. 11Kɛɛ tandainɔ yi ne, ǹ'a sɛvɛla k'a lagbɛ ài yɛ, ǹ ko, ni mɔɔ dɔ y'ài tɛma min y'a fɔla a jɛlɛ ma ko ài badenma le a le, k'a talan wo tii yi kanukɛba le le, niwotɛ nataba, niwotɛ joosɔba, niwotɛ jɛvɛlikɛba, niwotɛ gbɛtɔ, niwotɛ gbanan, wo vɛ kɛla, diɲɔɔya ka don àilu ni wo tii tɛma feu! Hali ka dɔnni kɛ wo tii fɛ, ài kà wo kɛ.
12Ka limaniyabalilu ya kiti tɛɛ, ǹ kunko tɛ wo le. Kɛɛ limaniyamɔɔ minu fɛ y'ài la, jalasa àilu le man kan ka wolu ya kiti tɛɛ? 13Limaniyabalilu koni, Ala gbu le kɛtɔ wolu ya kiti tɛɛla. A do sɛvɛnin tan ne kitabu kɔnɔ, ko: «Ài yi mɔɔ yon gbɛn ài tɛma.»
Currently Selected:
1 Kolɛntikalu 5: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
1 Kolɛntikalu 5
5
Kanukɛko min yi limaniyajama tɛma
1Tuɲa le, m̀'ɛ a mɛn ko kanukɛko yi kɛla ài tɛma, min suu tɛ kɛla hali Alalɔnbalilu gbu tɛma, haan fɔɔ kɛ́ y'a fa moso ta. 2Wo bɛ lɔ, ài kafanin! A yi di vɛ? Ài man kan ka ài josomakasi ka bɛn wo ma, ka ko wo kɛba gbɛn ài tɛma? 3Hali m̀ ma kɛ ài fɛ yi ne, ǹ hangili y'ài kɔ. Mɔɔ min na ko suu min kɛla, m̀'ɛ ban wo tii ya kiti tɛɛla k'a kɛ iwo ǹ'ài fɛ le. 4Ài vɛ ài ladɛnna mɔ Tii Isa tɔɔ lɔ, ǹ hangili kɛtɔ ài fɛ, ani mɔ Tii Isa ya seetiiya kɛtɔ kɛla je. 5Wo waate, ài yi mɔɔ wo don Soitana bolo a falikolo halakiko lɔ, fɔsa tumadɔ a nii yi kisi mɔ Tii ya lon.
6 #
Galatiyakalu 5.9. Àiya wasoko bɛnnin tɛ. Ài m'a lɔn ko sɛɛ pitinin ne yi buludɛɛ lakunnin bɛ lafununna? 7Wo le y'a ma, ài yi koyonkɛba wo gbɛn ài tɛma, k'ài jɛlɛ lasɛnɛya fɔsa ài yi kɛ mɔɔ kula le, iwo ǹu Jahudiyalu yi bululafununsɛɛ kɔlɔ labɔla teme maa bonnu la ka dɛɛ kula ladan, sɛɛ tɛ min na. Kamasɔlɔn Masa Tɔɔmasenin min taanin kɛla maa Timinkunna Selilon saa bolan ne, wo vɛ kɛ salaka le. 8Wo le y'a ma, ài m'i selilon wo kɛ, kɛɛ mɔ kà a kɛ bululafununsɛɛ kɔlɔ le, min taanin kɛla kɔnɔlɔgbeya ni koyon ne. Mafɔ, a yi kɛ bulu fununbali le le, min taanin kɛla josolɔgbɛya ni tuɲandeya le.
9Ǹ n'a fɔla ài yɛ ǹa lɛtɛlɛ lɔ kɔlɔman ne, ǹ ko, diɲɔɔya kà don àilu ni kanukɛbalu tɛma. 10Kɛɛ ǹ kan tɛɛ tɛ dunuɲamɔɔlu ma minu yi kanu kɛla, ani natabayakolu, ani gbanayakolu, ani joosɔkolu. Ni wo le tɛɛ, fɔ ài tɛɛ bɔ dunuɲa min nɔ. 11Kɛɛ tandainɔ yi ne, ǹ'a sɛvɛla k'a lagbɛ ài yɛ, ǹ ko, ni mɔɔ dɔ y'ài tɛma min y'a fɔla a jɛlɛ ma ko ài badenma le a le, k'a talan wo tii yi kanukɛba le le, niwotɛ nataba, niwotɛ joosɔba, niwotɛ jɛvɛlikɛba, niwotɛ gbɛtɔ, niwotɛ gbanan, wo vɛ kɛla, diɲɔɔya ka don àilu ni wo tii tɛma feu! Hali ka dɔnni kɛ wo tii fɛ, ài kà wo kɛ.
12Ka limaniyabalilu ya kiti tɛɛ, ǹ kunko tɛ wo le. Kɛɛ limaniyamɔɔ minu fɛ y'ài la, jalasa àilu le man kan ka wolu ya kiti tɛɛ? 13Limaniyabalilu koni, Ala gbu le kɛtɔ wolu ya kiti tɛɛla. A do sɛvɛnin tan ne kitabu kɔnɔ, ko: «Ài yi mɔɔ yon gbɛn ài tɛma.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023