1 Kolɛntikalu 4
4
Masa Tɔɔmasenin ya keladennu
1Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la. 2Ni do baale dɔ kalifanin ka kɛ mɔɔ dɔ la, min yi ɲininna wo tii fɛ, wo le lanandeya le. 3Ǹe koni, hali ni àilu niwotɛ adamaden dɔlu y'a fɛ ka fɛɛ bɔ ǹa baalekɛɲa la, wo tɛ ǹ ɲana foi le. Tuɲa le, ǹe gbu tɛ kiti tɛɛla ka bɛn ǹa baale ma. 4Ǹe do josolɔgbɛyine ka bɛn ǹa baale ma, kɛɛ wo bɛ n'a kɛ, wo tɛnala kɛla ǹ joko le. Min yi ǹa kiti tɛɛla, wo le mɔ Tii gbu le. 5Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.
6M̀ badenmalu, m̀'ɛ ko minu la ǹe ni Apolosi ma ka kɛ misali le ài madɛmɛnko lɔ, fɔsa ko min sɛvɛnin kitabu kɔnɔ, ài kana timin wo la, ani ài kana ài diyanan ta mɔ lɔ fannɔbuɲa boloma. 7Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?
8Ài vɛ wasa jɔ! Ài do vɛ banaya jɔ! Ài vɛ masaya damina, k'a talan mɔ fɛ tɛ ài la! A tɛɛ bɛnne ni ài tɛɛ kɛ masa le, fɔsa mɔ fɛ tɛɛ kɛ àiya masaya la! 9Kamasɔlɔn a yi ǹ kɔnɔ ko Ala vɛ ǹu keladennu to mɔɔ bɛ laban na iwo kɛlɛkɔlɔdennu, saya latɛɛnin minu ma. Kamasɔlɔn mɔ vɛ kɛ tɔɔmasefen ne bolokɔni la dunuɲa bɛ yɛ, adamaden ni mɛlɛkalu bɛ. 10Mɔɔ hangilindan ne mɔ le Masa Tɔɔmasenin ya ko lɔ, kɛɛ hangilima le àilu le Masa Tɔɔmasenin ya kafonɲɔɔya lɔ. Fangandan ne mɔ le, kɛɛ àilu do yi fangama le le. Mɔɔlu y'ài minala buɲali boloma, ka ǹu lafeya. 11Hali bi kɔɔn ni jilɔɔ yi mɔ la. Faani kolon ne yi mɔ kanna. Ai yi mɔ gbasila waate bɛ, ado jiya kelen tɛ mɔ la. 12#Kɛkolu 18.3.M'i sɛyɛla baale gbɛlɛn ne mɔ bolo la. Ai vɛ mɔ jɛvɛla, m'i duwawu le kɛla ai yɛ. Ai vɛ mɔ jangatala, m'i wo manɔla. 13Ai vɛ tɔɔlala mɔ la, m'i wo javila kuma kein ne le. Hali bi mɔ kɛnin ai ɲana iwo dunuɲa ɲama ni nɔɔ suu bɛ.
14Ǹ tɛ ko minu sɛvɛla ài lamaloyako lɔ, mafɔ k'ài lali iwo ǹ diyanan dennu. 15Hali kalanmɔɔ waa tan (10 000) ka kɛ ài bolo Masa Tɔɔmasenin ya siya kɔkan, ài fanu walanin tɛ. Ǹe do vɛ kɛ ài fa le Masa Tɔɔmasenin Isa ya siya kɔkan ka bɛn Samakan Kein ma. 16#1 Kolɛntikalu 11.1; Filipikalu 3.17.Wo ma, ǹ'ài madiyala, ài y'ài suma m̀ ma. 17Ǹ na Timote lataala ài ma ka bɛn wo le ma, ale min taanin kɛla ǹ diyanan den ne ani lanande mɔ Tii ya siya kɔkan. Ale le kɛtɔ ài hangili bilala ǹ taamaɲa lɔ Masa Tɔɔmasenin ya siya kɔkan, iwo ǹ'i limaniyajamalu bɛ kalanna teme fan bɛ lɔ.
18Ài dɔlu vɛ kafa ka kɛ iwo ǹ tɛnala nala ài ma. 19Kɛɛ ni mɔ Tii ka diɲa, a lɔ tɛnala mɛnna, ǹ kɛtɔ nala ài ma. Wo vɛ kɛla, ǹ kɛtɔ mɔɔ kafanin wolu fanga lɔnna, ai kumakan makan tɛ. 20Kamasɔlɔn Ala ya masaya tɛ danna kumalɔbɔko ma dein, mafɔ fanga. 21Ài yi mindɛ kɔ yi ne? Ài y'a fɛ ǹ'i na ài ma gbusan ne, baa ǹ'i na kanundeya ni sɔniyali boloma?
Currently Selected:
1 Kolɛntikalu 4: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
1 Kolɛntikalu 4
4
Masa Tɔɔmasenin ya keladennu
1Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la. 2Ni do baale dɔ kalifanin ka kɛ mɔɔ dɔ la, min yi ɲininna wo tii fɛ, wo le lanandeya le. 3Ǹe koni, hali ni àilu niwotɛ adamaden dɔlu y'a fɛ ka fɛɛ bɔ ǹa baalekɛɲa la, wo tɛ ǹ ɲana foi le. Tuɲa le, ǹe gbu tɛ kiti tɛɛla ka bɛn ǹa baale ma. 4Ǹe do josolɔgbɛyine ka bɛn ǹa baale ma, kɛɛ wo bɛ n'a kɛ, wo tɛnala kɛla ǹ joko le. Min yi ǹa kiti tɛɛla, wo le mɔ Tii gbu le. 5Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.
6M̀ badenmalu, m̀'ɛ ko minu la ǹe ni Apolosi ma ka kɛ misali le ài madɛmɛnko lɔ, fɔsa ko min sɛvɛnin kitabu kɔnɔ, ài kana timin wo la, ani ài kana ài diyanan ta mɔ lɔ fannɔbuɲa boloma. 7Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?
8Ài vɛ wasa jɔ! Ài do vɛ banaya jɔ! Ài vɛ masaya damina, k'a talan mɔ fɛ tɛ ài la! A tɛɛ bɛnne ni ài tɛɛ kɛ masa le, fɔsa mɔ fɛ tɛɛ kɛ àiya masaya la! 9Kamasɔlɔn a yi ǹ kɔnɔ ko Ala vɛ ǹu keladennu to mɔɔ bɛ laban na iwo kɛlɛkɔlɔdennu, saya latɛɛnin minu ma. Kamasɔlɔn mɔ vɛ kɛ tɔɔmasefen ne bolokɔni la dunuɲa bɛ yɛ, adamaden ni mɛlɛkalu bɛ. 10Mɔɔ hangilindan ne mɔ le Masa Tɔɔmasenin ya ko lɔ, kɛɛ hangilima le àilu le Masa Tɔɔmasenin ya kafonɲɔɔya lɔ. Fangandan ne mɔ le, kɛɛ àilu do yi fangama le le. Mɔɔlu y'ài minala buɲali boloma, ka ǹu lafeya. 11Hali bi kɔɔn ni jilɔɔ yi mɔ la. Faani kolon ne yi mɔ kanna. Ai yi mɔ gbasila waate bɛ, ado jiya kelen tɛ mɔ la. 12#Kɛkolu 18.3.M'i sɛyɛla baale gbɛlɛn ne mɔ bolo la. Ai vɛ mɔ jɛvɛla, m'i duwawu le kɛla ai yɛ. Ai vɛ mɔ jangatala, m'i wo manɔla. 13Ai vɛ tɔɔlala mɔ la, m'i wo javila kuma kein ne le. Hali bi mɔ kɛnin ai ɲana iwo dunuɲa ɲama ni nɔɔ suu bɛ.
14Ǹ tɛ ko minu sɛvɛla ài lamaloyako lɔ, mafɔ k'ài lali iwo ǹ diyanan dennu. 15Hali kalanmɔɔ waa tan (10 000) ka kɛ ài bolo Masa Tɔɔmasenin ya siya kɔkan, ài fanu walanin tɛ. Ǹe do vɛ kɛ ài fa le Masa Tɔɔmasenin Isa ya siya kɔkan ka bɛn Samakan Kein ma. 16#1 Kolɛntikalu 11.1; Filipikalu 3.17.Wo ma, ǹ'ài madiyala, ài y'ài suma m̀ ma. 17Ǹ na Timote lataala ài ma ka bɛn wo le ma, ale min taanin kɛla ǹ diyanan den ne ani lanande mɔ Tii ya siya kɔkan. Ale le kɛtɔ ài hangili bilala ǹ taamaɲa lɔ Masa Tɔɔmasenin ya siya kɔkan, iwo ǹ'i limaniyajamalu bɛ kalanna teme fan bɛ lɔ.
18Ài dɔlu vɛ kafa ka kɛ iwo ǹ tɛnala nala ài ma. 19Kɛɛ ni mɔ Tii ka diɲa, a lɔ tɛnala mɛnna, ǹ kɛtɔ nala ài ma. Wo vɛ kɛla, ǹ kɛtɔ mɔɔ kafanin wolu fanga lɔnna, ai kumakan makan tɛ. 20Kamasɔlɔn Ala ya masaya tɛ danna kumalɔbɔko ma dein, mafɔ fanga. 21Ài yi mindɛ kɔ yi ne? Ài y'a fɛ ǹ'i na ài ma gbusan ne, baa ǹ'i na kanundeya ni sɔniyali boloma?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023