Hakalia 1
1
He Kalaga ke Toe Liliu ki te Aliki
1 #
Ehe 4.24—5.1; 6.14 I te valu o māhina o te lua o tauhaga talu te kavea o Taliu ma tupu o Pelehia, na hau ai te kupu a te Aliki ki te pelofeta ko Hakalia, te ataliki o Pelekia ma ko he makopuna o Ito. 2Na vāgana te Aliki o Kautau o te Lagi kia Hakalia ke lea vēnei ki te nuku, “Ko au, te Aliki, na ita lahi lele ki nā tupuna o koutou, 3kae nei ko au e lea atu kia te koutou, ‘Toe liliu mai kia te au, oi ka toe liliu atu ai au kia te koutou.’ 4Ia koutou nahe vē ko nā tupuna o koutou. I nā aho kua loa, na fakailoa ki ei e nā pelofeta taku fekau, ko kilātou ke liliu kehe mai o lātou olaga kino ma faiga kino. Kae nae hē fia fakalogo lele pe fia uhitaki mai kilātou kia te au. 5Iēfea nei la nā tupuna o koutou? Ko kilātou ma nā pelofeta kua leva te feoti. 6Kae ko nā fakatonuga ma nā lapatakiga na kō tuku atua kui atu i aku kaukauna te kau pelofeta, na taunuku lava ki nā tupuna o koutou, e vē lava ona lea ai au. Oi na toe halamō lava kilātou ma lea vē, ‘Kua fai e te Aliki o Kautau o te Lagi kia te kimātou te mea e tatau ma onomea mo kimātou. Na ia fakatinoa lava te mea na lea ia e ia faia.’ ”
Ko te Fakaaliga Muamua: Ko nā Tamāloa e Tiketike i nā Holofanua
7I te lua o tauhaga talu te kavea o Taliu ma tupu, i te 24 o aho o te hefulu tahi o māhina (te māhina ko Hepati), na hau ai te kupu a te Aliki kia te au i he fakaaliga i te pō. 8#Fkl 6.2-8Na kō kitea he āgelu e tiketike i he holofanua lanu kekena. Na fakatū tana holofanua i tafa o ni lākau i he vanu, kae i ona tua nae i ei ai iētahi tino e tiketike i luga o ni holofanua lanu kekena, lanu hiliva ma lanu papae. 9Nae iei hētahi āgelu i kinā na ia fakamatala maia nā mea kia te au, ma na fehili vē au ki ei, “Te aliki, heā nei te uiga o nā holofanua iēnā?”
Na tali vē mai ia, “Ka kō fakaali atua kia te koe te uiga. 10Ko nā tino e tiketike i luga o nā holofanua iēnā, na uga mai e te Aliki ke hiaki nā mea e tutupu i te lalolagi kātoa.”
11Oi na līpoti ai e nā tino iēnei ki te āgelu a te Aliki nae tū i te mea e i ei ai nā lākau, ma kua lea vē atu kilātou, “Ko kimātou na tāmilo i te lalolagi ma na kimātou iloa ai ko te lalolagi kātoa e toka fīlēmū lava.”
12Oi na lea vē ai te āgelu muamua, “Te Aliki o Kautau o te Lagi, i te fitu hefulu tauhaga kua teka atu nei ke pa mai nei, ko te ita o koe kia Ieluhalema ma nā kakai uma o Iuta e hēki uma lava. Heā nei te mataloa ka vēnei ai lava, oi fātoā fakaali ai kia te kilātou tō alofa fakahao?”
13Na tali atu te Aliki ki te āgelu e fakamatala e ia nā mea, i ni kupu fakamalie loto, 14oi na lea mai ai te āgelu tēnei kia te au, ke fakahalalau te mea kua vāgana mai ai te Aliki o Kautau o te Lagi e vēnei, “E lahi lele toku alofa ma toku popole kia Ieluhalema, toku kakai paia. 15Kae ko au te fekai ki nā mālō iēia e fiafia ma toka fīlēmū. Auā ka koi tāofiofi toku ita ki oku tagata, kae kua fai e nā mālō iēnei nā mea na ātili ai te puapuagā lahi o toku nuku. 16Oi ko au la kua toe hau ki Ieluhalema ke fakaali toku alofa fakahao ki te kakai. Ko toku fale ka toe fakafōu, ma ko te fua meauka ka toho atu ki luga o Ieluhalema.”
17Na lea mai foki te āgelu tēnei, ke fakailoa vēnei e au: “Ko te Aliki o Kautau o te Lagi e leamai, ko nā kakai o ia ka toe tamaokāiga, ma ko ia ka toe fakamāfanafana kia Hiona, ma ia filifilia ia Ieluhalema ke fai mo ia.”
Ko te Lua o Fakaaliga: Ko nā Nifohua ma nā Tino galue Ukamea
18I hētahi fakaaliga na kō kitea atu ni nifohua e fa. 19Na fehili au ki te āgelu nae tautala mai kia te au, “Heā te uiga o nā nifohua iēnei?”
Na tali vē mai ai, “Ko nā nifohua iēnā e fakatuha ki nā mālō o te lalolagi na kilātou fakatakapea ia tagata o Iuta, o Ihalaelu, ma o Ieluhalema.”
20Oi na fakahino mai ai e te Aliki kia te au ni tino galue ukamea e toka fa ma a lātou hāmala. 21Na fehili vē atu au, “Niā ta kilātou kua ōmamai ke fai?”
Na tali vē mai ia, “Ko nā nifohua iēnei e fa te na fakatakapea ia Iuta kae ke nahe toe mālaga ake ki luga he ulu o he tino; kae ko nā tino galue ukamea iēnei na ōmamai ke fakamataku kilātou ma ke togi ki lalo nā nifohua o nā mālō iēia na hiki ki luga a lātou nifohua ke teteke ki te fenua ko Iuta, ma ke fakatakape ai ona tagata.”
Currently Selected:
Hakalia 1: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
