Nūmela 11
11
Kua Fakatuikehe nā Tino Ihalaelu
1E hēki mataloa ka kua kāmata oi fāitio ia tagata ona ko nā fakafītāuli kua maua ai kilātou. I te lagonaga e te Aliki o kilātou, na tupu ai tona tōkahā lahi ma na uga ifo ai he afi e ia ki luga o tagata. Ma na hahao te afi i te mea nae iei ai kilātou ma fakatāugā ai e ia ni tino o kilātou i nā pito o te lātou api. 2Na faitatagi ia tagata kia Mohe mo he fehoahoani; na tatalo ia Mohe ki te Aliki, ma na mate ai te afi. 3Oi na fakaigoa ai te koga tēnei kia Tapela,#11.3 Tapela Ko te igoa tēnei e tāi tutuha ma te fakaleoga o te kupu Epelu mo te mumū ona ko te afi a te Aliki na mumū i te mea nae i ei ai kilātou.
4Nae i ei nā tino nukukehe nae faimalaga fakatahi ma kilātou. Na mālohi lele to lātou umiti ki ni mea kanofi manu, ma e pa foki lava ki nā tino Ihalaelu, kua kāmata oi fāitio ma lea vē, “Māumau ake ni a tātou kanofi manu ke kai i te taimi nei! 5E manatua e kitātou nā ika e lahi nae māhani kakai ai kitātou i Aikupito e aunoa ma he totogi. E manatua nā kukama, nā meleni, nā liki, nā agiagi ma nā kāliki nae maua e kitātou? 6Kae nei kua hēai ho tātou mālohi e totoe. Kua hēai ni a tātou mea ke kai, kae nā ko te mānai lava tēnei e kikila kitātou ki ei i aho uma!”
7 #
Eho 16.31
(Ko te mānai nae vē ni tamā fatu lākau e tāi paepae hegahega. 8-9#Eho 16.13-15E malili ifo ki luga o te api i nā pō fakatahi ma te hau. I te tāeao e hohoko ai, e olo nā tino oi ao mai ma tuki ke fakaliu falaoa mata, oi haka ai ke fai ai nā keke pālafalafa. E vē ko he pāpā falaoa na palu ki ei he lolo olive, i te tomi ki ei.)
10Na lagona e Mohe ia fāitioga a tagata uma nae tutū fai vāega i nā fāitotoka o nā falekie o kilātou. Na fakanoanoa lahi ia Mohe ona ko te Aliki kua ita kia te kilātou, 11ma na lea vē atu ai ia ki te Aliki, “Heā te kua fai kino mai ai koe kia te au tau kaukauna? Heā nei ta aku na fai kua hē fiafia mai ai koe kia te au, ma fakauta mai ai e koe ki oku luga tēnei kavega, te takitakiga o nā tino uma iēnei? 12Na foafoa nei e au nā tino uma iēnei? Na fānau mai nei e au kilātou ki tēnei lalolagi? Heā te leamai ai koe kia te au ke hiki e au kilātou i oku lima e vē oi hiki he pepe e he teine tauhi tauale, ke pa lele ki te fenua na folafola e koe ki nā tupuna o kilātou? 13Ko fea nei te maua ai e au ni kanofi manu e lava mo nā tino iēnei? E faitatagi mai lava kilātou kia te au, ‘Kaumai ni a mātou kanofi manu ke kai.’ 14E hē kō mafaia oi hiki tautahi iēnei tagata e tokalahi; e mamafa lele ātili tēnei kavega mo oku. 15Kāfai ka vēnei lava tau faiga e fai mai kia te au, e hili ai lava la te tāmate o oku—pe kāfai koe e alofa mai kia te au—ma hē kē tukua au ke pagātia lahi vēnei.”
Nā Toeaina e Toka Fitu Hefulu
16Oi na vāgana mai ai te Aliki kia Mohe, “Fakamāopōpo ni toeaina e toka fitu hefulu o Ihalaelu e iloa e koe ma e fakaaloalogia e tagata, ma kaumai ki te Falekie Tapu, ke tutū i mua o oku fakatahi ma koe. 17Ka fanaifo au ki lalo ke tautala atu kia te koe i kinā, ma ka kave e au he vāega o te agaga tēia e i luga o koe, ma tuku atu ki luga o kilātou. Ka taukave fakatahi e kilātou ma koe te kavega e tuha ai ma te kikilaga o nā tino iēnei, kae ka hē toe hikia tautahi e koe. 18Ma lea vēnei ki nā tino, ‘Fakamamā outou tagata mo te aho tāeao, auā ko tāeao ka kakai ai koutou ki nā kanofi manu. Kua lagona e te Aliki autou fāitioga nae lea vē ai koutou, “Māumau ake ni a tātou kanofi manu ke kai i te taimi nei! Nae hili lele atu te tūlaga lelei o kitātou i Aikupito i lo te mea kua i ei ai nei kitātou.” Nei, ka fōki atu e te Aliki nā kanofi manu, ma ka kakai koutou ki ei. 19Ka kakai koutou ki ei, e hē mo he aho e fokotahi, pe lua, pe lima, pe hefulu, pe lua hefulu foki; 20kae e mo he māhina kātoa—ke pa lava ki te taimi e tafe mai ai ki fafo o nā pūihu o koutou, ma inoino koutou ki ei—ona kua teteke e koutou te Aliki, tēia e i kinei ma koutou, ma kua faitatagi koutou ma lea vē, “Heā nei te na olo kehe ai kimātou mai Aikupito?” ’ ”
21Kae kua lea atu ia Mohe ki te Aliki, “E toka 600,000 ia tagata e takitaki e au, ka ko koe e leamai ka fōki e koe ni a lātou kanofi manu e lava mo he māhina? 22E lava nei ni pōvi ma ni māmoe e mafai ke tāmate ke mākokona ai kilātou? E lava nei nā ika uma lele i te tai mo kilātou?”
23Na tali mai te Aliki kia Mohe, “E i ei nei he mea e gata mai ai toku mālohi? Nei, ko koe ka kikila pe taunuku te mea na lea atu ai au ka tutupu, pe hēai!”
24Oi na fano ai ia Mohe oi fakailoa ki nā tino te mea na vāgana mai ai te Aliki kia te ia. Kua fakamāopōpo mai e ia nā toeaina e toka fitu hefulu o Ihalaelu, ma fakatutū fakatāmilo kilātou i te Falekie Tapu. 25Oi na fanaifo ai te Aliki ki lalo i loto o te ao ma tautala atu kia Mohe. Ma na kave ai e ia he vāega o te agaga na ia fōkia kia Mohe, ma fōki ki te toka fitu hefulu toeaina. I te taimi na nofo ai te agaga ki luga o kilātou, oi na kāmata ai oi fai a lātou vāloaga e vē ni pelofeta, kae e hē mo he taimi mataloa.
26E toka lua ia toeaina o te toka fitu hefulu tēnei, ko Eletata ma Metata, na nonofo lava i te api e hēki olo ki fafo ki te Falekie. I kinā i te api, na pa atu ai foki kia te kilāua te agaga, ma na kāmata ai foki oi fai a lā vāloaga e vē ni pelofeta. 27Na vili ai hētahi o taumalo kia Mohe ma lea vē atu ki ei, “Ko Eletata ma Metata e fai vāloaga e vē ni pelofeta i loto o te api.”
28Oi na tautala ai ia Iohua te ataliki o Nuno, tēia nae fehoahoani kia Mohe mai lava i tona talavou, ma lea vē atu kia Mohe, “Toku matai, vavao kō te toka lua tēnā!”
29Kae na tali vē mai ia Mohe ki ei, “Heā te popole tauānoa ai koe kia te au? Māumau ānei ia tagata uma o te Aliki ni pelofeta ma e tuku e te Aliki tona Agaga ki luga o kilātou uma lele!” 30Oi na toe olo ai ia Mohe ma nā toeaina e toka fitu hefulu o Ihalaelu, ki te api.
Nā Kueli
31Oi na fanatu ai he matagi mai te Aliki ma na kaumaia nā kueli#11.31 Ni manu lele taigogole mai te tai, e felele maulalo lele e hē kātoa he mita mai te kelekele. Na tutū i loto o te api ma hiko fakatakamilo te api mo ni kilomita e lahi ki nā itū uma, i te mātolu.#11.31 mai te tai… i te mātolu pe tai. Na tutū fakatakamilo i te api mo ni kilomita e lahi ki nā itū uma, ke pa ki te taimi na pae ai ki luga e tuha ma he mita mai te kelekele 32I te aho kātoa la tēnā, te pō kātoa, ma te aho kātoa na hohoko ai, na olo ai ia tagata oi fakaputu mai nā kueli. E hēai he tino na taigole ifo i te hefulu o ana polapola lalahi e tūtumu i te kueli. Na fola fakatakamilo e kilātou i te api ke fakamamago i te lā. 33Ka koi lahi lele a lātou kanofi manu koi totoe, ka kua hahao te tōkahā o te Aliki kia te kilātou, ma na fakapēhi ai e ia he fāmai-oti i te api. 34Oi na fakaigoa ai te koga tēnā ko Kipelota Hataava, (ko tona uiga “Tugamau o te Umiti”), auā na tanu e kilātou i kinā nā tino nae umiti ki te kanofi manu.
35Mai kinā, na ōatu ai nā tino ki Hahelota, te mea na fakatū ai te lātou api.
Currently Selected:
Nūmela 11: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Nūmela 11
11
Kua Fakatuikehe nā Tino Ihalaelu
1E hēki mataloa ka kua kāmata oi fāitio ia tagata ona ko nā fakafītāuli kua maua ai kilātou. I te lagonaga e te Aliki o kilātou, na tupu ai tona tōkahā lahi ma na uga ifo ai he afi e ia ki luga o tagata. Ma na hahao te afi i te mea nae iei ai kilātou ma fakatāugā ai e ia ni tino o kilātou i nā pito o te lātou api. 2Na faitatagi ia tagata kia Mohe mo he fehoahoani; na tatalo ia Mohe ki te Aliki, ma na mate ai te afi. 3Oi na fakaigoa ai te koga tēnei kia Tapela,#11.3 Tapela Ko te igoa tēnei e tāi tutuha ma te fakaleoga o te kupu Epelu mo te mumū ona ko te afi a te Aliki na mumū i te mea nae i ei ai kilātou.
4Nae i ei nā tino nukukehe nae faimalaga fakatahi ma kilātou. Na mālohi lele to lātou umiti ki ni mea kanofi manu, ma e pa foki lava ki nā tino Ihalaelu, kua kāmata oi fāitio ma lea vē, “Māumau ake ni a tātou kanofi manu ke kai i te taimi nei! 5E manatua e kitātou nā ika e lahi nae māhani kakai ai kitātou i Aikupito e aunoa ma he totogi. E manatua nā kukama, nā meleni, nā liki, nā agiagi ma nā kāliki nae maua e kitātou? 6Kae nei kua hēai ho tātou mālohi e totoe. Kua hēai ni a tātou mea ke kai, kae nā ko te mānai lava tēnei e kikila kitātou ki ei i aho uma!”
7 #
Eho 16.31
(Ko te mānai nae vē ni tamā fatu lākau e tāi paepae hegahega. 8-9#Eho 16.13-15E malili ifo ki luga o te api i nā pō fakatahi ma te hau. I te tāeao e hohoko ai, e olo nā tino oi ao mai ma tuki ke fakaliu falaoa mata, oi haka ai ke fai ai nā keke pālafalafa. E vē ko he pāpā falaoa na palu ki ei he lolo olive, i te tomi ki ei.)
10Na lagona e Mohe ia fāitioga a tagata uma nae tutū fai vāega i nā fāitotoka o nā falekie o kilātou. Na fakanoanoa lahi ia Mohe ona ko te Aliki kua ita kia te kilātou, 11ma na lea vē atu ai ia ki te Aliki, “Heā te kua fai kino mai ai koe kia te au tau kaukauna? Heā nei ta aku na fai kua hē fiafia mai ai koe kia te au, ma fakauta mai ai e koe ki oku luga tēnei kavega, te takitakiga o nā tino uma iēnei? 12Na foafoa nei e au nā tino uma iēnei? Na fānau mai nei e au kilātou ki tēnei lalolagi? Heā te leamai ai koe kia te au ke hiki e au kilātou i oku lima e vē oi hiki he pepe e he teine tauhi tauale, ke pa lele ki te fenua na folafola e koe ki nā tupuna o kilātou? 13Ko fea nei te maua ai e au ni kanofi manu e lava mo nā tino iēnei? E faitatagi mai lava kilātou kia te au, ‘Kaumai ni a mātou kanofi manu ke kai.’ 14E hē kō mafaia oi hiki tautahi iēnei tagata e tokalahi; e mamafa lele ātili tēnei kavega mo oku. 15Kāfai ka vēnei lava tau faiga e fai mai kia te au, e hili ai lava la te tāmate o oku—pe kāfai koe e alofa mai kia te au—ma hē kē tukua au ke pagātia lahi vēnei.”
Nā Toeaina e Toka Fitu Hefulu
16Oi na vāgana mai ai te Aliki kia Mohe, “Fakamāopōpo ni toeaina e toka fitu hefulu o Ihalaelu e iloa e koe ma e fakaaloalogia e tagata, ma kaumai ki te Falekie Tapu, ke tutū i mua o oku fakatahi ma koe. 17Ka fanaifo au ki lalo ke tautala atu kia te koe i kinā, ma ka kave e au he vāega o te agaga tēia e i luga o koe, ma tuku atu ki luga o kilātou. Ka taukave fakatahi e kilātou ma koe te kavega e tuha ai ma te kikilaga o nā tino iēnei, kae ka hē toe hikia tautahi e koe. 18Ma lea vēnei ki nā tino, ‘Fakamamā outou tagata mo te aho tāeao, auā ko tāeao ka kakai ai koutou ki nā kanofi manu. Kua lagona e te Aliki autou fāitioga nae lea vē ai koutou, “Māumau ake ni a tātou kanofi manu ke kai i te taimi nei! Nae hili lele atu te tūlaga lelei o kitātou i Aikupito i lo te mea kua i ei ai nei kitātou.” Nei, ka fōki atu e te Aliki nā kanofi manu, ma ka kakai koutou ki ei. 19Ka kakai koutou ki ei, e hē mo he aho e fokotahi, pe lua, pe lima, pe hefulu, pe lua hefulu foki; 20kae e mo he māhina kātoa—ke pa lava ki te taimi e tafe mai ai ki fafo o nā pūihu o koutou, ma inoino koutou ki ei—ona kua teteke e koutou te Aliki, tēia e i kinei ma koutou, ma kua faitatagi koutou ma lea vē, “Heā nei te na olo kehe ai kimātou mai Aikupito?” ’ ”
21Kae kua lea atu ia Mohe ki te Aliki, “E toka 600,000 ia tagata e takitaki e au, ka ko koe e leamai ka fōki e koe ni a lātou kanofi manu e lava mo he māhina? 22E lava nei ni pōvi ma ni māmoe e mafai ke tāmate ke mākokona ai kilātou? E lava nei nā ika uma lele i te tai mo kilātou?”
23Na tali mai te Aliki kia Mohe, “E i ei nei he mea e gata mai ai toku mālohi? Nei, ko koe ka kikila pe taunuku te mea na lea atu ai au ka tutupu, pe hēai!”
24Oi na fano ai ia Mohe oi fakailoa ki nā tino te mea na vāgana mai ai te Aliki kia te ia. Kua fakamāopōpo mai e ia nā toeaina e toka fitu hefulu o Ihalaelu, ma fakatutū fakatāmilo kilātou i te Falekie Tapu. 25Oi na fanaifo ai te Aliki ki lalo i loto o te ao ma tautala atu kia Mohe. Ma na kave ai e ia he vāega o te agaga na ia fōkia kia Mohe, ma fōki ki te toka fitu hefulu toeaina. I te taimi na nofo ai te agaga ki luga o kilātou, oi na kāmata ai oi fai a lātou vāloaga e vē ni pelofeta, kae e hē mo he taimi mataloa.
26E toka lua ia toeaina o te toka fitu hefulu tēnei, ko Eletata ma Metata, na nonofo lava i te api e hēki olo ki fafo ki te Falekie. I kinā i te api, na pa atu ai foki kia te kilāua te agaga, ma na kāmata ai foki oi fai a lā vāloaga e vē ni pelofeta. 27Na vili ai hētahi o taumalo kia Mohe ma lea vē atu ki ei, “Ko Eletata ma Metata e fai vāloaga e vē ni pelofeta i loto o te api.”
28Oi na tautala ai ia Iohua te ataliki o Nuno, tēia nae fehoahoani kia Mohe mai lava i tona talavou, ma lea vē atu kia Mohe, “Toku matai, vavao kō te toka lua tēnā!”
29Kae na tali vē mai ia Mohe ki ei, “Heā te popole tauānoa ai koe kia te au? Māumau ānei ia tagata uma o te Aliki ni pelofeta ma e tuku e te Aliki tona Agaga ki luga o kilātou uma lele!” 30Oi na toe olo ai ia Mohe ma nā toeaina e toka fitu hefulu o Ihalaelu, ki te api.
Nā Kueli
31Oi na fanatu ai he matagi mai te Aliki ma na kaumaia nā kueli#11.31 Ni manu lele taigogole mai te tai, e felele maulalo lele e hē kātoa he mita mai te kelekele. Na tutū i loto o te api ma hiko fakatakamilo te api mo ni kilomita e lahi ki nā itū uma, i te mātolu.#11.31 mai te tai… i te mātolu pe tai. Na tutū fakatakamilo i te api mo ni kilomita e lahi ki nā itū uma, ke pa ki te taimi na pae ai ki luga e tuha ma he mita mai te kelekele 32I te aho kātoa la tēnā, te pō kātoa, ma te aho kātoa na hohoko ai, na olo ai ia tagata oi fakaputu mai nā kueli. E hēai he tino na taigole ifo i te hefulu o ana polapola lalahi e tūtumu i te kueli. Na fola fakatakamilo e kilātou i te api ke fakamamago i te lā. 33Ka koi lahi lele a lātou kanofi manu koi totoe, ka kua hahao te tōkahā o te Aliki kia te kilātou, ma na fakapēhi ai e ia he fāmai-oti i te api. 34Oi na fakaigoa ai te koga tēnā ko Kipelota Hataava, (ko tona uiga “Tugamau o te Umiti”), auā na tanu e kilātou i kinā nā tino nae umiti ki te kanofi manu.
35Mai kinā, na ōatu ai nā tino ki Hahelota, te mea na fakatū ai te lātou api.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust