Levitika 16
16
Te Aho o te Fakaleleiga#16.1 Te Aho o te Fakaleleiga pe Te Aho e Fakamāgalo ai nā Agahala
1Na vāgana te Aliki kia Mohe i te taimi kua mamate ai nā ataliki e toka lua o Alona, iēia na feoti i te ologa o kilāua ki tafa o te Aliki. 2#Epe 6.19Na lea vē mai te Aliki kia Mohe, “Lea ki tō uho ko Alona ko ia e hē hau i ho he taimi lava e fofou ia ki ei, ki loto o te Nofoaga e Hili te Paia, i tua o te kiepupuni i mua o te nofoa o te alofa fakahao,#16.2 nofoa o te alofa fakahao He igoa nae fakaaogā e nā tino Epelu mo te tāpuni o te Puha o te Feagaiga, ona nae manatu kilātou ko kinā te nae fakagalo pe kave kehe ai nā agahala tēia e i luga o te Puha o te Feagaiga, nā ia e oti; auā ko kinā te iei ai au i loto o te ao, i luga o te nofoa o te alofa fakahao.
3 #
Epe 9.7
“ Kāfai la ia Alona ka hau ki loto o te Nofoaga e Hili te Paia, e tatau ke muamua oi kaumai e ia he pōvi poa ko hēki matua mo he tāulaga mo nā agahala, ma he māmoe poa mo he tāulaga mū. 4Oi ka kofu ai e ia nā kofu ohitāulaga lino; te kofutino, nā kofuvae loto, te fuhipaku kie, ma tuku ki tona ulu te faufautū kie. Ko nā kofu iēnei e paia, oi e tatau ai ke tākele muamua ia i te vai oi fai ai ona kofu. 5Ka kaumai e ia mai te fakapotopotoga o tagata Ihalaelu ni oti poa e lua mo he tāulaga mo nā agahala, ma he māmoe poa e fokotahi mo he tāulaga mū.
6“Ka ofo atu e Alona he pōvi poa mo tana ia lava tāulaga mo nā agahala, ke kave kehe ai nā agahala a ia ma a tona kaukāiga. 7Oi kave ai e ia nā oti e lua ki te faitotoka o te Falekie Tapu. 8I kinā, ka ia faia ai he vili mo nā oti e lua, ko tētahi e mo te Aliki, ka ko tētahi e mo Ahahele.#16.8 Ahahele Ko te uiga o te igoa Epelu tēnei e hē iloa, ātonu pe he igoa o he tēmoni o te toafa; e vēnā foki i nā fuaikupu 10 ma te 26 9Ka ofo atu e Alona te oti e maua i te vili mo te Aliki, ke fai ma tāulaga mo nā agahala. 10Kae ko te oti e maua i te vili mo Ahahele, ka kave ola ki mua o te Aliki, oi tuku ai ke fano ki te toafa o Ahahele, kae ke kave kehea ai ia agahala a tagata.
11“Ka ofo atu e Alona te pōvi poa mo tana ia lava tāulaga mo nā agahala, ke kave kehe ai nā agahala a ia ma a tona kaukāiga; ma ka tāmate e ia te pōvi poa mo tana ia lava tāulaga mo nā agahala. 12Ka kave e ia he ulo fakamū meamanogi e tumu i te malala ola mai te fata faitāulaga i mua o te Aliki, ma ni lulukuga e lua o nā meamanogi e hili te lelei, ki loto o te Nofoaga e Hili te Paia. 13I kinā, ka tuku e ia nā meamanogi ki luga o nā malala ola kae ke fanake ai ki luga te ahu o nā meamanogi ke tatao ai te nofoa o te alofa fakahao#16.13 Kikila ki te 16.2—te mea e kave kehe ai nā agahala. Kāfai ia Alona e mulimuli ki nā fakahinoga iēnei, ka hē oti ia. 14Oi ka kave ai e ia he vāega o te toto o te pōvi poa, ma hauhau i tona muamuālima ki luga o te pito ki mua o te nofoa o te alofa fakahao,#16.14 Kikila ki te 16.2 ma hauhau fakafitu i tona muamuālima ki lalo i mua o te nofoa o te alofa fakahao.
15 #
Epe 9.12
“Kāfai e uma tēnā, ka tāmate e ia te oti o te tāulaga mo nā agahala a nā tino, ma kave te toto ki loto o te Nofoaga e Hili te Paia, ma fai e ia ki te toto e vē ona ia faia ki te toto o te pōvi poa; e hauhau ki luga ki te pito ki mua o te nofoa o te alofa fakahao,#16.15 Kikila ki te 16.2 ma vēnā ki lalo i mua. 16I te faiga tēnei, ka fakatino ai e ia te hāuniga mo te fakamamāgia o te Nofoaga e Hili te Paia mai te hē mamā o tagata o Ihalaelu, ma mai a lātou agahala. Ka vēnā foki oi fai e ia ki te Falekie Paia, ona e tū i te lototonu o te api te mea e hē mamā ai i nā tu tau tāpuakiga. 17E hēai he tino e fakataga ke i loto o te Falekie Tapu kāfai ia Alona e ulu ki loto ke fakatino te hāuniga mo te fakamamāgia i loto o te Nofoaga e Hili te Paia. E hēai he tino e mafai ke fano ki loto ke pa ki te taimi e toe hau ai ia ki fafo, kua uma ai te fakamamāgia o nā agahala a ia, a tona kaukāiga, ma a te fakapotopotoga o tagata Ihalaelu.
18“Oi ka fano ai ia Alona ki fafo ki te fata faitāulaga tēia e i mua o te Aliki, ke fakatino te hāuniga mo te fakamamāgia o te fata faitāulaga. Ka kave e ia he vāega o te toto o te pōvi poa ma he vāega o te toto o te oti, ma tuku ki nā nifohua i nā tulimanu o te fata faitāulaga. 19Oi hauhau fakafitu ai e ia he vāega o te toto i tona muamuālima ki luga o te fata faitāulaga, ke fakamamā#16.19 I nā tu tau tāpuakiga ai mai nā agahala a tagata Ihalaelu, ma ke fakapaiagia ai.
20“Kāfai e uma te fakatino e Alona o te hāuniga mo te fakamamāgia o te Nofoaga e Hili te Paia, te Falekie Tapu, ma te fata faitāulaga, oi ka kaumai ai e ia ki mua o te Aliki te oti ola tēia na filifilia mo Ahahele.#16.20 Ahahele Kikila ki te 16.8 21Ka fakauta ona lima ki te ulu o te oti, ma takutaku atu e ia nā āmiokino uma, nā agahala uma, ma nā fouvale uma a nā tino Ihalaelu. I te faiga tēnei, ka ia tuku atua ai ia agahala a tagata ki te ulu o te oti, ma kave ai te oti e he tino kua tōfiagia, ki te vao. 22Ka taukave e te oti a lātou agahala uma ma kave ki he fenua e hē ola ai he mea; ma ka tatala fakahaoloto ai i te vao.
23 #
Ehk 44.19
“Oi ka fano ai ia Alona ki loto o te Falekie Tapu, ma ka tatala kehe e ia nā kofu ohitāulaga nae kofu ai ia i te fanoga ki loto o te Nofoaga e Hili te Paia, ma ka tuku ai e ia i kinā. 24Ka tākele ia i ni vai i loto o te nofoaga paia, ma fai ai ona kofu māhani. Oi ka hau ai ki fafo ma ofo atu te tāulaga mū mo ia lava ma te tāulaga mū mo nā tino, ma ka kave kehe ai ana ia lava agahala ma agahala a nā tino. 25Ka huhunu foki e ia i luga o te fata faitāulaga te gako o te manuvaefa mo te tāulaga mū.
26“ Ko te tino e tatala fakahaoloto e ia te oti i te vao o Ahahele, e tatau ke ufi ona kofu ma tākele i ni vai oi fātoā toe hau ai ki loto o te api. 27#Epe 13.11Ko te pōvi poa ma te oti na fakaaogā mo te tāulaga mo nā agahala, ma ko nā toto o kilāua na kave ki loto o te Nofoaga e Hili te Paia mo te fakamamāgia o nā agahala, e tatau ke kave ki fafo o te api; ko nā paku, nā kanofi, ma nā tōtōga e aofia ai ma te otaota, ka huhunu ke mū uma. 28Ko te tino e ia huhunua, e tatau ke ufi ona kofu ma tākele i ni vai, oi fātoā toe hau ai ki loto o te api.
29 #
Lev 23.26-32; Nūm 29.7-11 “Ko he vāiniuga tēnei ka tauhi pea lava koutou ki ei ke pa ki te hēgata: I te hefulu o aho, o te fitu o māhina, ka fakalāina ai koutou ma e hē gālulue ai koutou, nā tino kehe e nonofo ma koutou vēnā ma tagatā nuku. 30Auā i te aho tēnei, ka fakamamāgia ai koutou, ma ka mamā ai koutou mai autou agahala uma i mua o te Aliki. 31Ko he aho tēnei e paia lahi; e mālōlō ai koutou i autou gāluega ma e fakalāina ai koutou. Ko he vāiniuga tēnei ka tauhi koutou ki ei ke pa ki te hēgata. 32Ko te ohitāulaga, tē e fakauku ma fakapaia ke fai ma Ulu Ohitāulaga ke hui ki tona tamana, ka ia fakatinoa nā hāuniga mo te fakamamāgia. Ka kofu ia i ona kofu ohitāulaga 33ma fakatino ai nā hāuniga mo te fakamamāgia#16.33 Kikila ki te 16.19 o te Nofoaga e Hili te Paia, te Falekie Tapu, te fata faitāulaga, nā ohitāulaga, ma nā tino uma o te fakapotopotoga. 34Ko he vāiniuga tūmau tēnei mo koutou ke pa ki te hēgata, ke fakamamā fakafokotahi ai i te tauhaga, ia agahala uma a tagata Ihalaelu.”
Ma na fai e Mohe#16.34 Mohe pe Alona e tuha ai ma te fakatonuga a te Aliki.
Currently Selected:
Levitika 16: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 16
16
Te Aho o te Fakaleleiga#16.1 Te Aho o te Fakaleleiga pe Te Aho e Fakamāgalo ai nā Agahala
1Na vāgana te Aliki kia Mohe i te taimi kua mamate ai nā ataliki e toka lua o Alona, iēia na feoti i te ologa o kilāua ki tafa o te Aliki. 2#Epe 6.19Na lea vē mai te Aliki kia Mohe, “Lea ki tō uho ko Alona ko ia e hē hau i ho he taimi lava e fofou ia ki ei, ki loto o te Nofoaga e Hili te Paia, i tua o te kiepupuni i mua o te nofoa o te alofa fakahao,#16.2 nofoa o te alofa fakahao He igoa nae fakaaogā e nā tino Epelu mo te tāpuni o te Puha o te Feagaiga, ona nae manatu kilātou ko kinā te nae fakagalo pe kave kehe ai nā agahala tēia e i luga o te Puha o te Feagaiga, nā ia e oti; auā ko kinā te iei ai au i loto o te ao, i luga o te nofoa o te alofa fakahao.
3 #
Epe 9.7
“ Kāfai la ia Alona ka hau ki loto o te Nofoaga e Hili te Paia, e tatau ke muamua oi kaumai e ia he pōvi poa ko hēki matua mo he tāulaga mo nā agahala, ma he māmoe poa mo he tāulaga mū. 4Oi ka kofu ai e ia nā kofu ohitāulaga lino; te kofutino, nā kofuvae loto, te fuhipaku kie, ma tuku ki tona ulu te faufautū kie. Ko nā kofu iēnei e paia, oi e tatau ai ke tākele muamua ia i te vai oi fai ai ona kofu. 5Ka kaumai e ia mai te fakapotopotoga o tagata Ihalaelu ni oti poa e lua mo he tāulaga mo nā agahala, ma he māmoe poa e fokotahi mo he tāulaga mū.
6“Ka ofo atu e Alona he pōvi poa mo tana ia lava tāulaga mo nā agahala, ke kave kehe ai nā agahala a ia ma a tona kaukāiga. 7Oi kave ai e ia nā oti e lua ki te faitotoka o te Falekie Tapu. 8I kinā, ka ia faia ai he vili mo nā oti e lua, ko tētahi e mo te Aliki, ka ko tētahi e mo Ahahele.#16.8 Ahahele Ko te uiga o te igoa Epelu tēnei e hē iloa, ātonu pe he igoa o he tēmoni o te toafa; e vēnā foki i nā fuaikupu 10 ma te 26 9Ka ofo atu e Alona te oti e maua i te vili mo te Aliki, ke fai ma tāulaga mo nā agahala. 10Kae ko te oti e maua i te vili mo Ahahele, ka kave ola ki mua o te Aliki, oi tuku ai ke fano ki te toafa o Ahahele, kae ke kave kehea ai ia agahala a tagata.
11“Ka ofo atu e Alona te pōvi poa mo tana ia lava tāulaga mo nā agahala, ke kave kehe ai nā agahala a ia ma a tona kaukāiga; ma ka tāmate e ia te pōvi poa mo tana ia lava tāulaga mo nā agahala. 12Ka kave e ia he ulo fakamū meamanogi e tumu i te malala ola mai te fata faitāulaga i mua o te Aliki, ma ni lulukuga e lua o nā meamanogi e hili te lelei, ki loto o te Nofoaga e Hili te Paia. 13I kinā, ka tuku e ia nā meamanogi ki luga o nā malala ola kae ke fanake ai ki luga te ahu o nā meamanogi ke tatao ai te nofoa o te alofa fakahao#16.13 Kikila ki te 16.2—te mea e kave kehe ai nā agahala. Kāfai ia Alona e mulimuli ki nā fakahinoga iēnei, ka hē oti ia. 14Oi ka kave ai e ia he vāega o te toto o te pōvi poa, ma hauhau i tona muamuālima ki luga o te pito ki mua o te nofoa o te alofa fakahao,#16.14 Kikila ki te 16.2 ma hauhau fakafitu i tona muamuālima ki lalo i mua o te nofoa o te alofa fakahao.
15 #
Epe 9.12
“Kāfai e uma tēnā, ka tāmate e ia te oti o te tāulaga mo nā agahala a nā tino, ma kave te toto ki loto o te Nofoaga e Hili te Paia, ma fai e ia ki te toto e vē ona ia faia ki te toto o te pōvi poa; e hauhau ki luga ki te pito ki mua o te nofoa o te alofa fakahao,#16.15 Kikila ki te 16.2 ma vēnā ki lalo i mua. 16I te faiga tēnei, ka fakatino ai e ia te hāuniga mo te fakamamāgia o te Nofoaga e Hili te Paia mai te hē mamā o tagata o Ihalaelu, ma mai a lātou agahala. Ka vēnā foki oi fai e ia ki te Falekie Paia, ona e tū i te lototonu o te api te mea e hē mamā ai i nā tu tau tāpuakiga. 17E hēai he tino e fakataga ke i loto o te Falekie Tapu kāfai ia Alona e ulu ki loto ke fakatino te hāuniga mo te fakamamāgia i loto o te Nofoaga e Hili te Paia. E hēai he tino e mafai ke fano ki loto ke pa ki te taimi e toe hau ai ia ki fafo, kua uma ai te fakamamāgia o nā agahala a ia, a tona kaukāiga, ma a te fakapotopotoga o tagata Ihalaelu.
18“Oi ka fano ai ia Alona ki fafo ki te fata faitāulaga tēia e i mua o te Aliki, ke fakatino te hāuniga mo te fakamamāgia o te fata faitāulaga. Ka kave e ia he vāega o te toto o te pōvi poa ma he vāega o te toto o te oti, ma tuku ki nā nifohua i nā tulimanu o te fata faitāulaga. 19Oi hauhau fakafitu ai e ia he vāega o te toto i tona muamuālima ki luga o te fata faitāulaga, ke fakamamā#16.19 I nā tu tau tāpuakiga ai mai nā agahala a tagata Ihalaelu, ma ke fakapaiagia ai.
20“Kāfai e uma te fakatino e Alona o te hāuniga mo te fakamamāgia o te Nofoaga e Hili te Paia, te Falekie Tapu, ma te fata faitāulaga, oi ka kaumai ai e ia ki mua o te Aliki te oti ola tēia na filifilia mo Ahahele.#16.20 Ahahele Kikila ki te 16.8 21Ka fakauta ona lima ki te ulu o te oti, ma takutaku atu e ia nā āmiokino uma, nā agahala uma, ma nā fouvale uma a nā tino Ihalaelu. I te faiga tēnei, ka ia tuku atua ai ia agahala a tagata ki te ulu o te oti, ma kave ai te oti e he tino kua tōfiagia, ki te vao. 22Ka taukave e te oti a lātou agahala uma ma kave ki he fenua e hē ola ai he mea; ma ka tatala fakahaoloto ai i te vao.
23 #
Ehk 44.19
“Oi ka fano ai ia Alona ki loto o te Falekie Tapu, ma ka tatala kehe e ia nā kofu ohitāulaga nae kofu ai ia i te fanoga ki loto o te Nofoaga e Hili te Paia, ma ka tuku ai e ia i kinā. 24Ka tākele ia i ni vai i loto o te nofoaga paia, ma fai ai ona kofu māhani. Oi ka hau ai ki fafo ma ofo atu te tāulaga mū mo ia lava ma te tāulaga mū mo nā tino, ma ka kave kehe ai ana ia lava agahala ma agahala a nā tino. 25Ka huhunu foki e ia i luga o te fata faitāulaga te gako o te manuvaefa mo te tāulaga mū.
26“ Ko te tino e tatala fakahaoloto e ia te oti i te vao o Ahahele, e tatau ke ufi ona kofu ma tākele i ni vai oi fātoā toe hau ai ki loto o te api. 27#Epe 13.11Ko te pōvi poa ma te oti na fakaaogā mo te tāulaga mo nā agahala, ma ko nā toto o kilāua na kave ki loto o te Nofoaga e Hili te Paia mo te fakamamāgia o nā agahala, e tatau ke kave ki fafo o te api; ko nā paku, nā kanofi, ma nā tōtōga e aofia ai ma te otaota, ka huhunu ke mū uma. 28Ko te tino e ia huhunua, e tatau ke ufi ona kofu ma tākele i ni vai, oi fātoā toe hau ai ki loto o te api.
29 #
Lev 23.26-32; Nūm 29.7-11 “Ko he vāiniuga tēnei ka tauhi pea lava koutou ki ei ke pa ki te hēgata: I te hefulu o aho, o te fitu o māhina, ka fakalāina ai koutou ma e hē gālulue ai koutou, nā tino kehe e nonofo ma koutou vēnā ma tagatā nuku. 30Auā i te aho tēnei, ka fakamamāgia ai koutou, ma ka mamā ai koutou mai autou agahala uma i mua o te Aliki. 31Ko he aho tēnei e paia lahi; e mālōlō ai koutou i autou gāluega ma e fakalāina ai koutou. Ko he vāiniuga tēnei ka tauhi koutou ki ei ke pa ki te hēgata. 32Ko te ohitāulaga, tē e fakauku ma fakapaia ke fai ma Ulu Ohitāulaga ke hui ki tona tamana, ka ia fakatinoa nā hāuniga mo te fakamamāgia. Ka kofu ia i ona kofu ohitāulaga 33ma fakatino ai nā hāuniga mo te fakamamāgia#16.33 Kikila ki te 16.19 o te Nofoaga e Hili te Paia, te Falekie Tapu, te fata faitāulaga, nā ohitāulaga, ma nā tino uma o te fakapotopotoga. 34Ko he vāiniuga tūmau tēnei mo koutou ke pa ki te hēgata, ke fakamamā fakafokotahi ai i te tauhaga, ia agahala uma a tagata Ihalaelu.”
Ma na fai e Mohe#16.34 Mohe pe Alona e tuha ai ma te fakatonuga a te Aliki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust