Hakai 2
2
Te Uiga kehe o te Mānaia o te Mālumalu
1I te lua hefulu tahi o aho o te fitu o māhina, o te tauhaga lava tēnā, na hau ai te kupu a te Aliki e ala i te pelofeta ko Hakai, e vē mai: 2“Tautala kia Helupapelu te ataliki o Halatielu, te kōvana o Iuta, ma kia Iohua te ataliki Iehohataka, te Ulu Ohitāulaga, ma ki nā tino na toe foki ifo mai te fakaaunukuga, ma lea vē kia te kilātou, 3#Ehe 3.12‘E iei nei he tino o koutou koi ia manatua te uiga kehe o te mānaia o te fale nae iei muamua? E vēhea la tautou kikila nei ki ei? Ātonu pe kikila koutou e matuā hēai lava hona mānaia. 4Kae i te taimi nei, Helupapelu e, fakamākeke; Iohua e, te ataliki o Iehohataka te Ulu ohitāulaga, fakamākeke; ma koutou uma tagata o te fenua na toe foki ifo, fakamākekeke, auā ko au e fakatahi pea lava ma koutou,’ kua vāgana ai te Aliki o Kautau o te Lagi. 5#Eho 29.45-46I te olo kehega o koutou mai Aikupito, na fai taku folafolaga ko au ka fakatahi pea lava ma koutou. Koi fakatahi lava au ma koutou, ia koutou la nahe mātataku.
6 #
Epe 12.26
“I he taimi kua hē mataloa, ka lūlū e au te lagi ma te lalolagi, te tai ma te laukelekele; 7ma ka lūlū e au nā mālō uma, ma ko a lātou koloa ka hau uma lele ki kinei, ma ka fakatumu e au te fale tēnei i te tamaokāiga. 8Ko nā hiliva ma nā aulo uma i te lalolagi e a aku. 9Ko te fale tēnei ka hili atu te mānaia i lo te fale nae iei muamua, ma ka kō kaumaia ki te fale tēnei te tamaokāiga ma te fīlēmū,” kua vāgana ai te Aliki o Kautau o te Lagi.
Kua Faitala te Pelofeta ki nā Ohitāulaga
10I te lua hefulu fa o aho o te iva o māhina, i te lua o tauhaga o te nofoakiga a te Tupu ko Taliu, na hau ai te kupu a te Aliki kui mai i te pelofeta ko Hakai, e vē mai: 11“Ko tēnei te mea e vāgana ai te Aliki o Kautau o te Lagi: Fehili ki nā ohitāulaga mo he fakaikuga ki te fehili tēnei: 12Kāfai he tino o koutou e kave e ia i te taga o tona kofutatao he mea kanofi manu kua fakapaiagia mai he tāulaga, ma kāfai te taga o tona kofutatao e paki ki he falaoa, pe ki he meakai kua tunu, he uaina, he lolo olive, pe ho hētahi itūkāiga meakai lava, ka paia ai foki nei te meakai tēnā?”
Na tali mai nā ohitāulaga, “Hēai.”
13 #
Nūm 19.11-22
Oi na fehili atu ai ia Hakai, “Kāfai he tino e hē mamā i nā tu tau tāpuakiga ona kua paki ki he tinooti, oi paki atu ai foki ki ho he mea o nā meakai iēnei, ka hē mamā ai nei foki ma nā meakai?”
Na tali mai nā ohitāulaga, “Io.”
14Oi na lea atu ai ia Hakai, “Ko te Aliki e lea ko te mea lava e fokotahi e pa ki ei nā tino o te mālō tēnei, ma ki nā mea uma lele e maua mai ona fātoaga; ko nā mea uma e kilātou ofo atua i te fata faitāulaga e hē mamā.
15“Kae i te taimi nei, māfaufau lelei lava kāmata atu i te aho nei, ka ko hēki tukua he fatu ki luga o hētahi fatu i te Mālumalu o te Aliki. 16E manatua e koutou te olaga nae iei ai i nā aho kua teka! E fano koe ki he fakaputugā haito kae nā ko te āfa oioti te lahi o te haito e iei, i lo te mea nae fakamoemoe koe ki ei. E fano koe ki te fātānoa tatau fuāvine kae e i lalo ifo o te āfa te lahi o te hua fuāvine e iei, i lo te mea nae fakamoemoe e maua. 17Na uga atu e au nā matagi vevela ma nā ua aiha ke fakakino ai ho he mea na taumafai koutou ke totō, kae e hēki liliu mai ai lava koutou kia te au. 18Mai te aho nei, mai te aho luahefulufa o te māhina e iva, māfaufau lelei ki te aho na uma ai te fakavae o te Mālumalu o te Aliki. Māfaufau loloto ki ei: 19Koi iei nei ni fatu lākau totō e totoe i te fale haito? Ke pa mai nei, ko nā vine, nā mati, nā līmoni ma nā olive e hē fua mai ni fua, kae e kāmata atu i te aho nei, ko koutou ka fakamanuia e au.”
Ko te Folafolaga a te Aliki kia Helupapelu
20I te aho lava tēnā, te aho lua hefulu fa o te māhina, na hau ai te kupu a te Aliki kia Hakai, ko te lua tēnei o taimi: 21“Tautala kia Helupapelu, te kōvana o Iuta, ma lea ki ei ko te lagi ma te lalolagi ka lūlū e au, 22ma ka kō togia ki lalo te nofoāliki o nā mālō, ma fakatāugā te mālohi o nā mālō kehe. Ka kō togia ki lalo a lātou kaliota ma nā kave kaliota; ko nā holofanua ka tāmate, ma ko kilātou e tiketike ai ka tāmate lava e tētahi tētahi. 23I te aho tēnā, ka kō faia ai koe Helupapelu taku kaukauna, te ataliki o Halatielu, ke vē ko toku mama fakamau fakailoga, auā kua kō filifilia koe,” kua vāgana ai te Aliki o Kautau o te Lagi.
Currently Selected:
Hakai 2: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
