Ehoto 8
8
Nā Lane i te Naila
1Oi na vāgana ai te Aliki kia Mohe, “Fano ki te tupu ko Falao ma lea ki ei ko te Aliki e lea mai, ‘Tuku oku tagata ke olo, kae ke mafai ai ke tāpuaki mai kilātou kia te au. 2Kāfai e hē kē tukua kilātou ke olo, ka kō fakatupua he mala ma fakatumu te fenua o koe i te lane. 3Ko te Naila ka fakatumulia kātoa i te lane, ma ka ōatu ki loto o te fale o koe, ki loto o te potumoe ma ki luga o te moega o koe. Ka ōatu foki ki loto o nā fale o au kaukauna ma fale o tagata o tō fenua, ma ki loto o nā ogāumu ma nā tānoa palu falaoa a koutou. 4Ko nā lane ka tūtaoho ake ki luga o koe, ki luga o tagata o koe, ma ki luga au kaukauna uma lele.’ ”
5Kua vāgana atu te Aliki kia Mohe, “Lea kia Alona ke kave tona tokotoko i tona lima ma fālō atu ki luga o nā vaitafe, nā alāvai ma nā vaitūloto, ke mafai ai nā lane ke ōake ki luga ma tatao ai te laukelekele kātoa o Aikupito.” 6Oi na hiki ake ai e Alona tona tokotoko ma fālō atu ki luga o nā vai uma o Aikupito, ma na ōake ai nā lane ki luga ma tatao ai te laukelekele kātoa. 7Kae na mafai foki e nā taulāitu oi fai te mea tēnei ia lātou mea fakataulāitu, ma na ōake ai nā lane ki luga o te laukelekele o Aikupito.
8Oi na fekau ai e Falao ia Mohe ma Alona ma lea vē atu kia te kilāua, “Tatalo kō ki te Aliki ke kave kehe nā lane iēnei mai ia te au ma tagata o toku fenua, oi kua tuku atu ai e au ia tagata Ihalaelu ke olo oi ofo atu a lātou tāulaga ki te Aliki.”
9Na tali atu ia Mohe, “Filifili la e koe te taimi e fofou koe ke tatalo ai au ki te Aliki mo koe, mo au kaukauna, ma mo ō tagata uma, ke ia kave kehea nā lane i nā fale o koutou, kae tuku oioti nā lane i loto o te Naila.”
10Na tali mai te tupu, “Tatalo mo oku tāeao.” Kua lea atu ia Mohe, “E fai e au te mea e fofou koe ki ei, kae ke iloa e koe, e hēai hētahi atua e vē ko te Aliki to mātou Atua. 11Ko nā lane ka olo kehe mai ia te koe, mai au kaukauna, ma mai tagata o koe. Ka hēai ni lane e totoe vāganā ai i te Naila.” 12Oi na olo kehe ai ia Mohe ma Alona mai ia Falao. Kua tatalo ia Mohe ki te Aliki ke kave kehe nā lane na ia kaumaia kia Falao. 13Na fai e te Aliki te mea na talohaga ake ai ia Mohe, ma na mamate ai nā lane i loto o nā fale, i loto o nā lōtoā, ma i luga o te lau kelekele. 14Na fakaputu e tagata Aikupito nā lane i ni fakaputuga lalahi, ma na elo uma ai te laukelekele. 15Kae i te kiteaga e Falao kua iei he tūlaga tau feolōlo kua pa ki ei, oi na toe kāmata ai foki kua makaka tona loto ma hē fia fakalogo kia Mohe ma Alona, e vē lava ona vāgana ai te Aliki.
Nā Namu Katiogo
16Kua vāgana te Aliki kia Mohe, “Lea kia Alona ke fālō atu tona tokotoko ma tā te kelekele, kae ke līua ai te pefu i luga o te kelekele uma o Aikupito ke kavea ma namu katiogo.” 17Oi na tā ai e Alona te kelekele i tona tokotoko, ma na līua ai te pefu o Aikupito ma namu katiogo, ma kua nunu holo ki tagata ma manuvaefa. 18Na fakaaogā e nā taulāitu a lātou mea fakataulāitu ke fakatupu ai te namu katiogo e vē ko te mea na fai e Alona, kae e hēki kilātou mafaia. Ko Aikupito kātoa, kua hokohoko i te namu katiogo, 19#Luk 11.20ma na lea vē atu ai nā taulāitu kia Falao, “Ko te mea tēnei na fai e te Atua!” Kae ko te loto o Falao kua makaka, ma hē fia fakalogo kia Mohe ma Alona, e vē lava ona vāgana ai te Aliki.
Nā Lago
20Kua vāgana te Aliki kia Mohe, “Ala vave i te tāeao oi fano fakatalitali kia Falao kāfai e fanaifo ki te vaitafe, ma lea ki ei ko te Aliki e lea mai, ‘Tuku oku tagata Ihalaelu ke olo, kae ke mafai ke tāpuaki mai kilātou kia te au. 21Auā kāfai e hē kē tukua oku tagata ke olo, oi ka kō faia ke lahi lele nā lago e nunu atu kia te koe, ki au kaukauna, ma ki tagata o koe. Ma ko nā fale o koe ma nā fale o tagata Aikupito, ka fakatumulia i nā lago, e vēnā foki te kelekele e tutū ai o lātou vae. 22Kae kāfai e tupu te mea tēnei, ka fakahao e au te kogāfenua ko Kohene, te mea e nonofo ai oku tagata Ihalaelu, ma ka hēai ni lago i kinā. Ka kō faia te mea tēnei ke iloa ai e koe, ko au, te Aliki, e i kinei i luga o Aikupito. 23Ma ka kō faia he mea ke kitea ai te kehekehega o oku tagata Ihalaelu ma tagata Aikupito o koe. Ko te vāvega tēnei ka fakatino i te aho tāeao.’ ”
24Oi na fakatupu ai e te Aliki te lahi o te lago i loto o te fale o Falao, ma i loto o nā fale o ana kaukauna. Ma na fakakino e nā lago nā mea uma i luga o te laukelekele o Aikupito.
25Na fekau ai e Falao ia Mohe ma Alona ma lea vē atu kia te kilāua, “Olo oi ofo atu nā tāulaga ki te Atua o koutou, i kinei i te fenua tēnei.” 26Kua tali atu ia Mohe, “E hē tatau ke fai te mea tēnā, auā ko nā tino Aikupito e fēkakai lele kia mātou tāulaga ki te Aliki to mātou Atua. Kāfai e fakaaogā e kimātou nā manuvaefa ke ohi ai a mātou tāulaga i nā mea e kitea mai ai e nā tino Aikupito, e i nā ka kilātou fetogia nei kimātou ke mamate. 27E tatau kimātou ke malaga ni aho e tolu ki loto o te toafa, ke ohi atu a mātou tāulaga ki te Aliki to mātou Atua, e vē lava ko tana fakatonuga kia te kimātou.”
28Na tali atu ia Falao, “Ka kō fakataga atua koutou ke olo oi ohi autou tāulaga ki te Aliki te koutou Atua i te toafa. Oioti lava te mea ko koutou e hē olo mamao, ma ke manatua foki au i aulua tatalo.”
29Na tali atu ia Mohe, “Kikila, e teka kehe atu loa au ma kinei, oi tatalo loa au ki te Aliki ke kave kehe te lago ia te koe, i au kaukauna, ma i tagata o tō fenua. Oioti lava te mea, ko koe ke fakamāoni i au kupu e tautala ai koe i te taimi nei, ma hē toe kē tāofia o mātou tagata ke olo oi ohi a lātou tāulaga ki te Aliki.” 30Oi na fano kehe ai loa ia Mohe mai ia Falao ma tatalo ki te Aliki, 31ma na fakatāunuku lava e te Aliki e vē ona tatalo ake ai ia Mohe. Kua kave kehe e ia nā lago mai ia Falao, mai ana kaukauna, ma mai ona tagata uma lele, ma e hēai he lago e fokotahi na totoe. 32Kae kua toe makaka foki te loto o Falao, ma na hēki ia tukua ai ia tagata Ihalaelu ke olo.
Currently Selected:
Ehoto 8: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 8
8
Nā Lane i te Naila
1Oi na vāgana ai te Aliki kia Mohe, “Fano ki te tupu ko Falao ma lea ki ei ko te Aliki e lea mai, ‘Tuku oku tagata ke olo, kae ke mafai ai ke tāpuaki mai kilātou kia te au. 2Kāfai e hē kē tukua kilātou ke olo, ka kō fakatupua he mala ma fakatumu te fenua o koe i te lane. 3Ko te Naila ka fakatumulia kātoa i te lane, ma ka ōatu ki loto o te fale o koe, ki loto o te potumoe ma ki luga o te moega o koe. Ka ōatu foki ki loto o nā fale o au kaukauna ma fale o tagata o tō fenua, ma ki loto o nā ogāumu ma nā tānoa palu falaoa a koutou. 4Ko nā lane ka tūtaoho ake ki luga o koe, ki luga o tagata o koe, ma ki luga au kaukauna uma lele.’ ”
5Kua vāgana atu te Aliki kia Mohe, “Lea kia Alona ke kave tona tokotoko i tona lima ma fālō atu ki luga o nā vaitafe, nā alāvai ma nā vaitūloto, ke mafai ai nā lane ke ōake ki luga ma tatao ai te laukelekele kātoa o Aikupito.” 6Oi na hiki ake ai e Alona tona tokotoko ma fālō atu ki luga o nā vai uma o Aikupito, ma na ōake ai nā lane ki luga ma tatao ai te laukelekele kātoa. 7Kae na mafai foki e nā taulāitu oi fai te mea tēnei ia lātou mea fakataulāitu, ma na ōake ai nā lane ki luga o te laukelekele o Aikupito.
8Oi na fekau ai e Falao ia Mohe ma Alona ma lea vē atu kia te kilāua, “Tatalo kō ki te Aliki ke kave kehe nā lane iēnei mai ia te au ma tagata o toku fenua, oi kua tuku atu ai e au ia tagata Ihalaelu ke olo oi ofo atu a lātou tāulaga ki te Aliki.”
9Na tali atu ia Mohe, “Filifili la e koe te taimi e fofou koe ke tatalo ai au ki te Aliki mo koe, mo au kaukauna, ma mo ō tagata uma, ke ia kave kehea nā lane i nā fale o koutou, kae tuku oioti nā lane i loto o te Naila.”
10Na tali mai te tupu, “Tatalo mo oku tāeao.” Kua lea atu ia Mohe, “E fai e au te mea e fofou koe ki ei, kae ke iloa e koe, e hēai hētahi atua e vē ko te Aliki to mātou Atua. 11Ko nā lane ka olo kehe mai ia te koe, mai au kaukauna, ma mai tagata o koe. Ka hēai ni lane e totoe vāganā ai i te Naila.” 12Oi na olo kehe ai ia Mohe ma Alona mai ia Falao. Kua tatalo ia Mohe ki te Aliki ke kave kehe nā lane na ia kaumaia kia Falao. 13Na fai e te Aliki te mea na talohaga ake ai ia Mohe, ma na mamate ai nā lane i loto o nā fale, i loto o nā lōtoā, ma i luga o te lau kelekele. 14Na fakaputu e tagata Aikupito nā lane i ni fakaputuga lalahi, ma na elo uma ai te laukelekele. 15Kae i te kiteaga e Falao kua iei he tūlaga tau feolōlo kua pa ki ei, oi na toe kāmata ai foki kua makaka tona loto ma hē fia fakalogo kia Mohe ma Alona, e vē lava ona vāgana ai te Aliki.
Nā Namu Katiogo
16Kua vāgana te Aliki kia Mohe, “Lea kia Alona ke fālō atu tona tokotoko ma tā te kelekele, kae ke līua ai te pefu i luga o te kelekele uma o Aikupito ke kavea ma namu katiogo.” 17Oi na tā ai e Alona te kelekele i tona tokotoko, ma na līua ai te pefu o Aikupito ma namu katiogo, ma kua nunu holo ki tagata ma manuvaefa. 18Na fakaaogā e nā taulāitu a lātou mea fakataulāitu ke fakatupu ai te namu katiogo e vē ko te mea na fai e Alona, kae e hēki kilātou mafaia. Ko Aikupito kātoa, kua hokohoko i te namu katiogo, 19#Luk 11.20ma na lea vē atu ai nā taulāitu kia Falao, “Ko te mea tēnei na fai e te Atua!” Kae ko te loto o Falao kua makaka, ma hē fia fakalogo kia Mohe ma Alona, e vē lava ona vāgana ai te Aliki.
Nā Lago
20Kua vāgana te Aliki kia Mohe, “Ala vave i te tāeao oi fano fakatalitali kia Falao kāfai e fanaifo ki te vaitafe, ma lea ki ei ko te Aliki e lea mai, ‘Tuku oku tagata Ihalaelu ke olo, kae ke mafai ke tāpuaki mai kilātou kia te au. 21Auā kāfai e hē kē tukua oku tagata ke olo, oi ka kō faia ke lahi lele nā lago e nunu atu kia te koe, ki au kaukauna, ma ki tagata o koe. Ma ko nā fale o koe ma nā fale o tagata Aikupito, ka fakatumulia i nā lago, e vēnā foki te kelekele e tutū ai o lātou vae. 22Kae kāfai e tupu te mea tēnei, ka fakahao e au te kogāfenua ko Kohene, te mea e nonofo ai oku tagata Ihalaelu, ma ka hēai ni lago i kinā. Ka kō faia te mea tēnei ke iloa ai e koe, ko au, te Aliki, e i kinei i luga o Aikupito. 23Ma ka kō faia he mea ke kitea ai te kehekehega o oku tagata Ihalaelu ma tagata Aikupito o koe. Ko te vāvega tēnei ka fakatino i te aho tāeao.’ ”
24Oi na fakatupu ai e te Aliki te lahi o te lago i loto o te fale o Falao, ma i loto o nā fale o ana kaukauna. Ma na fakakino e nā lago nā mea uma i luga o te laukelekele o Aikupito.
25Na fekau ai e Falao ia Mohe ma Alona ma lea vē atu kia te kilāua, “Olo oi ofo atu nā tāulaga ki te Atua o koutou, i kinei i te fenua tēnei.” 26Kua tali atu ia Mohe, “E hē tatau ke fai te mea tēnā, auā ko nā tino Aikupito e fēkakai lele kia mātou tāulaga ki te Aliki to mātou Atua. Kāfai e fakaaogā e kimātou nā manuvaefa ke ohi ai a mātou tāulaga i nā mea e kitea mai ai e nā tino Aikupito, e i nā ka kilātou fetogia nei kimātou ke mamate. 27E tatau kimātou ke malaga ni aho e tolu ki loto o te toafa, ke ohi atu a mātou tāulaga ki te Aliki to mātou Atua, e vē lava ko tana fakatonuga kia te kimātou.”
28Na tali atu ia Falao, “Ka kō fakataga atua koutou ke olo oi ohi autou tāulaga ki te Aliki te koutou Atua i te toafa. Oioti lava te mea ko koutou e hē olo mamao, ma ke manatua foki au i aulua tatalo.”
29Na tali atu ia Mohe, “Kikila, e teka kehe atu loa au ma kinei, oi tatalo loa au ki te Aliki ke kave kehe te lago ia te koe, i au kaukauna, ma i tagata o tō fenua. Oioti lava te mea, ko koe ke fakamāoni i au kupu e tautala ai koe i te taimi nei, ma hē toe kē tāofia o mātou tagata ke olo oi ohi a lātou tāulaga ki te Aliki.” 30Oi na fano kehe ai loa ia Mohe mai ia Falao ma tatalo ki te Aliki, 31ma na fakatāunuku lava e te Aliki e vē ona tatalo ake ai ia Mohe. Kua kave kehe e ia nā lago mai ia Falao, mai ana kaukauna, ma mai ona tagata uma lele, ma e hēai he lago e fokotahi na totoe. 32Kae kua toe makaka foki te loto o Falao, ma na hēki ia tukua ai ia tagata Ihalaelu ke olo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust