Ehoto 7
7
1Ma na leamai ai te Aliki kia Mohe, “Kikila, ka kō faia koe ke vē ko te Atua ki te tupu ko Falao, ma ko tō uho ko Alona ka vē ko he pelofeta e a koe. 2Taku kia Alona nā mea uma na fakatonu atu e au kia te koe, ma ka lea ia kia Falao ke tuku nā tino Ihalaelu ke olo kehe mai tona fenua. 3#Gāl 7.36Kae ka fakamakaka e au te loto o te tupu, ma e ui lava i te lahi o nā fakailoga ma nā vāvega e kō faia i loto o Aikupito, 4kae ka hē fakalogo atu lava ia Falao kia te koe. Ma ka fakaaogā ai e au toku mālohi ke fakahala ai ia tagata Aikupito i ni puapuagā matakutia, ma takitaki kehe ai oku tagata, ia fānau tokalahi a Ihalaelu, mai Aikupito. 5Ka iloa e nā tino Aikupito ko au ko te Aliki, kāfai e fakaaogā e au toku mālohi ke fakapuapuagā ai kilātou, ma kave kehe ai oku tagata Ihalaelu mai to lātou fenua.” 6Oi na fai ai e Mohe ma Alona nā mea na fakatonu ake ai kilāua e te Aliki. 7I te taimi na olo ai oi taku kia Falao te mea na fakatonu ake ai kilāua, ko Mohe kua valu hefulu ona tauhaga, ka ko Alona kua valu hefulu tolu.
Ko te Tokotoko o Alona
8Kua vāgana mai te Aliki kia Mohe ma Alona, 9“Kāfai ia Falao e lea atu, ‘Fai he vāvega ke fakamāonia ai ko koulua na uga atu e te Atua,’ ko koe ka lea vē kia Alona, ‘Togi te tokotoko o koe ki lalo i mua o Falao, kae ke liu ma gata.’ ” 10Oi na olo ai loa ia Mohe ma Alona ki mua o Falao, ma fai e kilāua e vē lava ko te fakatonuga a te Aliki. Na togi e Alona tona tokotoko ki lalo i mua o Falao ma ana kaukauna, ma na līua ai ma gata. 11Oi na fekau ai e Falao ana tino popoto ma ana taulāitu, ma na kilātou faia foki te mea tēnā ia lātou mea fakataulāitu. 12Na togi ki lalo o lātou tokotoko, oi na liu ai foki ki ni gata. Kae kua folo e te tokotoko o Alona o lātou tokotoko. 13Kae na tūmau pea te loto makaka o te tupu ma hē fia fakalogo kia Mohe ma Alona, e vē lava oi vāgana ai te Aliki.
Nā Mala Fakamātakutaku na Pagātia ai ia Aikupito
Kua Liu Toto te Naila
14Oi na vāgana mai ai te Aliki kia Mohe, “Ko Falao e loto makaka ma e hē ia talia ke tuku ia tagata Ihalaelu ke olo. 15Ko te mea ia, fano oi fakafetaui atu ki ei i te tāeao, kāfai e fanaifo ki te Naila. Fano ma kave te tokotoko tēia na liu ma gata, ma fakatali kia te ia i kautafa o te vaitafe. 16Oi lea vē ai ki te tupu, ‘Ko te Aliki, te Atua o nā tino Epelu, kua ia uga maia au ke lea atu kia te koe, ke tuku ona tagata Ihalaelu ke olo ke tāpuaki ake kia te ia i te toafa. Kae ke pa mai ki te taimi nei, ko hēki uhitaki lava koe. 17#Fkl 16.4Nei la, ko te Aliki e leamai, ka iloa e koe ko ia ko te Aliki i te mea ka ia faia. Kikila ka tā e au te kilitai o te vaitafe i te tokotoko tēnei, ma ka liu toto ai te huāvai o te Naila. 18Ka mamate nā ika ma elo lele te vaitafe ma iku ai oi hē mafai ke feinu ai ia tagata Aikupito.’ ”
19Kua vāgana te Aliki kia Mohe, “Lea kia Alona ke kave tona tokotoko i tona lima ma fālō atu ki luga o nā vai o Aikupito, nā vaitafe, nā alāvai, nā vaikeli, ma nā vaipuna uma. I luga o Aikupito kātoa, ko te vai ka liu toto uma, ma vēnā foki nā vai i loto o nā tānoa lākau ma nā tānoa fatu.”
20Na fai e Mohe ma Alona e vē ona fakatonu ake ai kilāua e te Aliki. I mua o Falao ma ana kaukauna, na hiki ake ai ki luga e Alona tona tokotoko, kua tā ai te kilitai o te vaitafe, ma na liu toto uma ai te huāvai. 21Na mamate nā ika o te vaitafe, ma kua manogi kino lele te huāvai, kua hē mafai ai e tagata Aikupito ke feinu ai. Ko te toto kua i ho he mea o Aikupito. 22Oi na fai ai foki e nā taulāitu o Aikupito te mea foki lava tēnei ia lātou mea fakataulāitu, ma kua fakaātili ai te makaka o te loto o Falao. Ma e vē lava ona vāgana ai te Aliki, e hēki fia fakalogo ia Falao kia Mohe ma Alona. 23Kae kua toe liliu ma fano ki tona fale, e aunoa lele ma he fia tokaga o tona māfaufau ki te mea tēnei. 24Ko tagata Aikupito uma kua keli e kilātou nā kautafa o te vaitafe mo he vai ke inu ai, auā kua hē mafai e kilātou oi inu te huāvai o te Naila.
25Kua fitu ia aho e teka talu te tā o te vaitafe e te Aliki.
Currently Selected:
Ehoto 7: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 7
7
1Ma na leamai ai te Aliki kia Mohe, “Kikila, ka kō faia koe ke vē ko te Atua ki te tupu ko Falao, ma ko tō uho ko Alona ka vē ko he pelofeta e a koe. 2Taku kia Alona nā mea uma na fakatonu atu e au kia te koe, ma ka lea ia kia Falao ke tuku nā tino Ihalaelu ke olo kehe mai tona fenua. 3#Gāl 7.36Kae ka fakamakaka e au te loto o te tupu, ma e ui lava i te lahi o nā fakailoga ma nā vāvega e kō faia i loto o Aikupito, 4kae ka hē fakalogo atu lava ia Falao kia te koe. Ma ka fakaaogā ai e au toku mālohi ke fakahala ai ia tagata Aikupito i ni puapuagā matakutia, ma takitaki kehe ai oku tagata, ia fānau tokalahi a Ihalaelu, mai Aikupito. 5Ka iloa e nā tino Aikupito ko au ko te Aliki, kāfai e fakaaogā e au toku mālohi ke fakapuapuagā ai kilātou, ma kave kehe ai oku tagata Ihalaelu mai to lātou fenua.” 6Oi na fai ai e Mohe ma Alona nā mea na fakatonu ake ai kilāua e te Aliki. 7I te taimi na olo ai oi taku kia Falao te mea na fakatonu ake ai kilāua, ko Mohe kua valu hefulu ona tauhaga, ka ko Alona kua valu hefulu tolu.
Ko te Tokotoko o Alona
8Kua vāgana mai te Aliki kia Mohe ma Alona, 9“Kāfai ia Falao e lea atu, ‘Fai he vāvega ke fakamāonia ai ko koulua na uga atu e te Atua,’ ko koe ka lea vē kia Alona, ‘Togi te tokotoko o koe ki lalo i mua o Falao, kae ke liu ma gata.’ ” 10Oi na olo ai loa ia Mohe ma Alona ki mua o Falao, ma fai e kilāua e vē lava ko te fakatonuga a te Aliki. Na togi e Alona tona tokotoko ki lalo i mua o Falao ma ana kaukauna, ma na līua ai ma gata. 11Oi na fekau ai e Falao ana tino popoto ma ana taulāitu, ma na kilātou faia foki te mea tēnā ia lātou mea fakataulāitu. 12Na togi ki lalo o lātou tokotoko, oi na liu ai foki ki ni gata. Kae kua folo e te tokotoko o Alona o lātou tokotoko. 13Kae na tūmau pea te loto makaka o te tupu ma hē fia fakalogo kia Mohe ma Alona, e vē lava oi vāgana ai te Aliki.
Nā Mala Fakamātakutaku na Pagātia ai ia Aikupito
Kua Liu Toto te Naila
14Oi na vāgana mai ai te Aliki kia Mohe, “Ko Falao e loto makaka ma e hē ia talia ke tuku ia tagata Ihalaelu ke olo. 15Ko te mea ia, fano oi fakafetaui atu ki ei i te tāeao, kāfai e fanaifo ki te Naila. Fano ma kave te tokotoko tēia na liu ma gata, ma fakatali kia te ia i kautafa o te vaitafe. 16Oi lea vē ai ki te tupu, ‘Ko te Aliki, te Atua o nā tino Epelu, kua ia uga maia au ke lea atu kia te koe, ke tuku ona tagata Ihalaelu ke olo ke tāpuaki ake kia te ia i te toafa. Kae ke pa mai ki te taimi nei, ko hēki uhitaki lava koe. 17#Fkl 16.4Nei la, ko te Aliki e leamai, ka iloa e koe ko ia ko te Aliki i te mea ka ia faia. Kikila ka tā e au te kilitai o te vaitafe i te tokotoko tēnei, ma ka liu toto ai te huāvai o te Naila. 18Ka mamate nā ika ma elo lele te vaitafe ma iku ai oi hē mafai ke feinu ai ia tagata Aikupito.’ ”
19Kua vāgana te Aliki kia Mohe, “Lea kia Alona ke kave tona tokotoko i tona lima ma fālō atu ki luga o nā vai o Aikupito, nā vaitafe, nā alāvai, nā vaikeli, ma nā vaipuna uma. I luga o Aikupito kātoa, ko te vai ka liu toto uma, ma vēnā foki nā vai i loto o nā tānoa lākau ma nā tānoa fatu.”
20Na fai e Mohe ma Alona e vē ona fakatonu ake ai kilāua e te Aliki. I mua o Falao ma ana kaukauna, na hiki ake ai ki luga e Alona tona tokotoko, kua tā ai te kilitai o te vaitafe, ma na liu toto uma ai te huāvai. 21Na mamate nā ika o te vaitafe, ma kua manogi kino lele te huāvai, kua hē mafai ai e tagata Aikupito ke feinu ai. Ko te toto kua i ho he mea o Aikupito. 22Oi na fai ai foki e nā taulāitu o Aikupito te mea foki lava tēnei ia lātou mea fakataulāitu, ma kua fakaātili ai te makaka o te loto o Falao. Ma e vē lava ona vāgana ai te Aliki, e hēki fia fakalogo ia Falao kia Mohe ma Alona. 23Kae kua toe liliu ma fano ki tona fale, e aunoa lele ma he fia tokaga o tona māfaufau ki te mea tēnei. 24Ko tagata Aikupito uma kua keli e kilātou nā kautafa o te vaitafe mo he vai ke inu ai, auā kua hē mafai e kilātou oi inu te huāvai o te Naila.
25Kua fitu ia aho e teka talu te tā o te vaitafe e te Aliki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust