Ehoto 35
35
Nā Folahaga mo te Hāpati
1Ma na fakamāopōpo mai ai e Mohe te fakapotopotoga uma o tagata Ihalaelu ma na lea vē atu ai kia te kilātou, “Ko tēnei te mea kua fakatonu mai e te Aliki ke fai e koutou: 2#Eho 20.8-11; 23.12; 31.15; 34.21; Lev 23.3; Teu 5.12-14E ono ia aho e fai ai nā gāluega a koutou, kae ko te fitu o aho e paia; he aho Hāpati e paia mo te Aliki, e mālōlō ai. Ko ai lava e faia he gāluega i te aho tēnā e tatau ke tāmate. 3E hēai foki he afi e puha i nā fale o koutou i te Hāpati.”
Nā Meālofa mo te Falekie Tapu
(Eho 25.1-9)
4Na lea vē atu ia Mohe ki nā tino Ihalaelu uma, “Ko tēnei te mea kua fakatonu mai e te Aliki: 5Ofo atu he meālofa ki te Aliki. Ho he tino e fofou ki ei, e mafai ke kaumai hana meālofa ki te Aliki o te aulo, te hiliva, pe o te apamemea; 6nā kie lino e hili te lelei, nā vulu lanu moana, violē ma kukula, nā kofu e fai i te lāulu oti; 7nā paku māmoe poa kua fakatogo kukula, nā pakumanu e hili te lelei; nā laupapa mai te lākau ko te hitahi; 8nā lolo mo nā lāmepa; nā mea fakamanogi meakai mo nā lolo fakauku ma mo nā meamanogi; 9nā fatu hatonike ma iētahi fatu tāua ke fakapipiki ki te efota o te Ulu Ohitāulaga ma vēnā ki tona punifatafata.
Nā Mea e Gaohi mo te Falekie Tapu
(Eho 39.32-43)
10“Ko nā tufuga popoto uma o koutou e ōmamai oi fai nā mea uma kua fakatonu mai e te Aliki: 11te Falekie Tapu, ona kietatao ma ona kietatao pito ki fafo, ona fakakāfilo ma ona āuivi, ona lākau fālava, ona pou, ma ona tūlaga; 12ko te Puha o te Feagaiga, ko ona amo, tona tāpuni,#35.12 Pe nofoa o te alofa fakahao ma te kiepupuni ke pupuni ai; 13ko te laulau, ona amo, ma ona kope uma lele; ko te falaoa e ofo atu ki te Atua; 14te tūgālāmepa mo te mōlī ma ona kope, nā lāmepa ma ō lātou lolo; 15ko te fata faitāulaga e fakamū ai nā meamanogi ma ona amo; ko te lolo e fakauku ai; ko nā mea fakamanogi, ma te kiepupuni mo te faitotoka o te Falekie; 16ko te fata faitāulaga e huhunu ai nā tāulaga mū ma te mea vālavala apamemea e pipiki ki ei, ko ona amo ma ona kope uma; ko te pēhini e fafano ai ma tona tūlaga; 17ko nā kiepupuni mo te lōtoā; ko ona pou ma ona tūlaga, ma te kiepupuni mo te fāitotoka o te lōtoā; 18ko nā pine ma nā maea mo te Falekie ma te lōtoā; 19ma nā lākei mānanaia mo nā ohitāulaga e kokofu ai kāfai e tautua i loto o te Nofoaga Paia—nā lākei paia mo Alona te ohitāulaga ma ona ataliki.”
Kua Kaumai e Tagata a Lātou Meālofa
20Oi na olo kehe ai te fakapotopotoga o tagata Ihalaelu mai te mea nae iei ai ia Mohe. 21Ma na ōmamai ai, kilātou uma na fakaohofia o lātou loto ma agaga, ma kaumai mo te Aliki nā meālofa ke fakaaogā mo te Falekie Tapu,#35.21 Falekie Tapu pe Tapeneko nā tautuaga e fai ai, ma mo nā lākei o nā ohitāulaga. 22Ko kilātou uma na fofou ki ei, nā tāulelea ma nā fafine, na kaumai e kilātou nā pine teuteu, nā tautaliga, nā kahoa, nā mama ma iētahi mea teuteu aulo. Na kaumai e tagata tau toka tahi a lātou aulo ke fai ma meālofa fakapitoa ki te Aliki. 23Ma ko nā tino uma lele nae iei ni a lātou kie lino lelei; ni vulu lanu moana, violē ma kukula; ni kie e lalaga i te lāulu oti; ni pakumāmoe kua fakatogo kukula, pe ni pakumanu e hili te lelei, na kaumai uma e kilātou. 24Ko kilātou uma na mafai ke ofo atua ni hiliva pe ni apamemea, na kilātou kaumaia ma meālofa ki te Aliki; ma ko kilātou uma nae iei ni a lātou laupapa hitahi ke fakaaogā ki nā gāluega, na kaumai foki e kilātou. 25Ko fafine popoto lalaga kie na kilātou kaumaia nā kie na lalaga e kilātou i te vulu lanu moana, violē, ma te kukula ma vēnā foki ma te lino lelei. 26Ko fafine uma na fakaohofia o lātou loto ke fakaaogā o lātou poto i nā mea taulima, na lalaga e kilātou nā kie i nā lāulu oti. 27Ma na kaumai e nā takitaki nā hatonike ma iētahi fatu tāua ke fakapipiki ki te efota ma te punifatafata, 28vēnā ma nā mea fakamanogi meakai, nā lolo mo nā lāmepa, nā lolo fakauku, ma nā meamanogi lelei. 29Ko tagata uma, ia tāulelea ma fafine, na fakaohofia o lātou loto ke kaumai ho he mea mo te gāluega na fakatonu e te Aliki kia Mohe ke fai, na kilātou kaumaia ma meālofa e ofo atu ma te loto malie ki te Aliki.
Nā Tino e Faua te Falekie Tapu
(Eho 31.1-11)
30Oi na lea atu ai ia Mohe ki nā tino Ihalaelu, “Kikila, kua filifilia e te Aliki ia Pehaleli, te ataliki o Uli, ma ko he makopuna e o Hulo mai te puikāiga o Iuta. 31Kua fakatumulia ia i te agaga o te Atua, ma i te tomai, te iloa ma te mālamalama, i te faiga o ho he itūkāiga gāluega taulima, 32te fakaataga o nā mea e gaohi, te faiga o nā teuteu i te aulo, i te hiliva ma i te apamemea; 33te tūtūga o nā fatu tāua mo nā mea teuteu; te vanega o nā lākau; ma iētahi itūkāiga gāluega teuteu uma. 34Ma kua ia fōkia kia te ia vēnā ma Oholiapo te ataliki o Ahihamaka mai te puikāiga o Tanu, te poto ke fakaako ai iētahi tino i o lā iloa i te faiga o nā mea taulima. 35Kua ia fakatumulia kilāua i te tomai i ho he itūkāiga gāluega e fai e he tufuga, e he tino tuhiata, pe e he tino hui ata teuteu i te vulu lanu moana, violē ma te kukula, ma i te kie lino e hili te lelei, pe he tino lalaga mea—pe ho he tufuga pe he tino poto i te fakaataga o nā gāluega e fakatino.
Currently Selected:
Ehoto 35: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 35
35
Nā Folahaga mo te Hāpati
1Ma na fakamāopōpo mai ai e Mohe te fakapotopotoga uma o tagata Ihalaelu ma na lea vē atu ai kia te kilātou, “Ko tēnei te mea kua fakatonu mai e te Aliki ke fai e koutou: 2#Eho 20.8-11; 23.12; 31.15; 34.21; Lev 23.3; Teu 5.12-14E ono ia aho e fai ai nā gāluega a koutou, kae ko te fitu o aho e paia; he aho Hāpati e paia mo te Aliki, e mālōlō ai. Ko ai lava e faia he gāluega i te aho tēnā e tatau ke tāmate. 3E hēai foki he afi e puha i nā fale o koutou i te Hāpati.”
Nā Meālofa mo te Falekie Tapu
(Eho 25.1-9)
4Na lea vē atu ia Mohe ki nā tino Ihalaelu uma, “Ko tēnei te mea kua fakatonu mai e te Aliki: 5Ofo atu he meālofa ki te Aliki. Ho he tino e fofou ki ei, e mafai ke kaumai hana meālofa ki te Aliki o te aulo, te hiliva, pe o te apamemea; 6nā kie lino e hili te lelei, nā vulu lanu moana, violē ma kukula, nā kofu e fai i te lāulu oti; 7nā paku māmoe poa kua fakatogo kukula, nā pakumanu e hili te lelei; nā laupapa mai te lākau ko te hitahi; 8nā lolo mo nā lāmepa; nā mea fakamanogi meakai mo nā lolo fakauku ma mo nā meamanogi; 9nā fatu hatonike ma iētahi fatu tāua ke fakapipiki ki te efota o te Ulu Ohitāulaga ma vēnā ki tona punifatafata.
Nā Mea e Gaohi mo te Falekie Tapu
(Eho 39.32-43)
10“Ko nā tufuga popoto uma o koutou e ōmamai oi fai nā mea uma kua fakatonu mai e te Aliki: 11te Falekie Tapu, ona kietatao ma ona kietatao pito ki fafo, ona fakakāfilo ma ona āuivi, ona lākau fālava, ona pou, ma ona tūlaga; 12ko te Puha o te Feagaiga, ko ona amo, tona tāpuni,#35.12 Pe nofoa o te alofa fakahao ma te kiepupuni ke pupuni ai; 13ko te laulau, ona amo, ma ona kope uma lele; ko te falaoa e ofo atu ki te Atua; 14te tūgālāmepa mo te mōlī ma ona kope, nā lāmepa ma ō lātou lolo; 15ko te fata faitāulaga e fakamū ai nā meamanogi ma ona amo; ko te lolo e fakauku ai; ko nā mea fakamanogi, ma te kiepupuni mo te faitotoka o te Falekie; 16ko te fata faitāulaga e huhunu ai nā tāulaga mū ma te mea vālavala apamemea e pipiki ki ei, ko ona amo ma ona kope uma; ko te pēhini e fafano ai ma tona tūlaga; 17ko nā kiepupuni mo te lōtoā; ko ona pou ma ona tūlaga, ma te kiepupuni mo te fāitotoka o te lōtoā; 18ko nā pine ma nā maea mo te Falekie ma te lōtoā; 19ma nā lākei mānanaia mo nā ohitāulaga e kokofu ai kāfai e tautua i loto o te Nofoaga Paia—nā lākei paia mo Alona te ohitāulaga ma ona ataliki.”
Kua Kaumai e Tagata a Lātou Meālofa
20Oi na olo kehe ai te fakapotopotoga o tagata Ihalaelu mai te mea nae iei ai ia Mohe. 21Ma na ōmamai ai, kilātou uma na fakaohofia o lātou loto ma agaga, ma kaumai mo te Aliki nā meālofa ke fakaaogā mo te Falekie Tapu,#35.21 Falekie Tapu pe Tapeneko nā tautuaga e fai ai, ma mo nā lākei o nā ohitāulaga. 22Ko kilātou uma na fofou ki ei, nā tāulelea ma nā fafine, na kaumai e kilātou nā pine teuteu, nā tautaliga, nā kahoa, nā mama ma iētahi mea teuteu aulo. Na kaumai e tagata tau toka tahi a lātou aulo ke fai ma meālofa fakapitoa ki te Aliki. 23Ma ko nā tino uma lele nae iei ni a lātou kie lino lelei; ni vulu lanu moana, violē ma kukula; ni kie e lalaga i te lāulu oti; ni pakumāmoe kua fakatogo kukula, pe ni pakumanu e hili te lelei, na kaumai uma e kilātou. 24Ko kilātou uma na mafai ke ofo atua ni hiliva pe ni apamemea, na kilātou kaumaia ma meālofa ki te Aliki; ma ko kilātou uma nae iei ni a lātou laupapa hitahi ke fakaaogā ki nā gāluega, na kaumai foki e kilātou. 25Ko fafine popoto lalaga kie na kilātou kaumaia nā kie na lalaga e kilātou i te vulu lanu moana, violē, ma te kukula ma vēnā foki ma te lino lelei. 26Ko fafine uma na fakaohofia o lātou loto ke fakaaogā o lātou poto i nā mea taulima, na lalaga e kilātou nā kie i nā lāulu oti. 27Ma na kaumai e nā takitaki nā hatonike ma iētahi fatu tāua ke fakapipiki ki te efota ma te punifatafata, 28vēnā ma nā mea fakamanogi meakai, nā lolo mo nā lāmepa, nā lolo fakauku, ma nā meamanogi lelei. 29Ko tagata uma, ia tāulelea ma fafine, na fakaohofia o lātou loto ke kaumai ho he mea mo te gāluega na fakatonu e te Aliki kia Mohe ke fai, na kilātou kaumaia ma meālofa e ofo atu ma te loto malie ki te Aliki.
Nā Tino e Faua te Falekie Tapu
(Eho 31.1-11)
30Oi na lea atu ai ia Mohe ki nā tino Ihalaelu, “Kikila, kua filifilia e te Aliki ia Pehaleli, te ataliki o Uli, ma ko he makopuna e o Hulo mai te puikāiga o Iuta. 31Kua fakatumulia ia i te agaga o te Atua, ma i te tomai, te iloa ma te mālamalama, i te faiga o ho he itūkāiga gāluega taulima, 32te fakaataga o nā mea e gaohi, te faiga o nā teuteu i te aulo, i te hiliva ma i te apamemea; 33te tūtūga o nā fatu tāua mo nā mea teuteu; te vanega o nā lākau; ma iētahi itūkāiga gāluega teuteu uma. 34Ma kua ia fōkia kia te ia vēnā ma Oholiapo te ataliki o Ahihamaka mai te puikāiga o Tanu, te poto ke fakaako ai iētahi tino i o lā iloa i te faiga o nā mea taulima. 35Kua ia fakatumulia kilāua i te tomai i ho he itūkāiga gāluega e fai e he tufuga, e he tino tuhiata, pe e he tino hui ata teuteu i te vulu lanu moana, violē ma te kukula, ma i te kie lino e hili te lelei, pe he tino lalaga mea—pe ho he tufuga pe he tino poto i te fakaataga o nā gāluega e fakatino.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust