Ehoto 32
32
Te Punuāpōvi Poa Aulo
(Teu 9.6-29)
1 #
Gāl 7.40
I te kiteaga e tagata ko Mohe ko hēki fanaifo lava ki lalo mai luga o te mauga, kae kua nofo lava i kinā mo he taimi mataloa, oi na ōmamai ai kia Alona ma lea vē mai ki ei, “E hē kimātou iloa pe ko heā te kua tupu ki te tagata tēnei ko Mohe, tēia na takitakia kitātou mai Aikupito. Ko te mea la ia, fai e koe he atua#32.1 he atua pe ni atua ke ia takitakia kitātou.” 2Na lea atu loa ia Alona kia te kilātou, “Kave kehe uma nā tautaliga aulo i nā taliga o autou āvaga, outou ataliki, ma outou afafine, ma kaumai kia te au.” 3Oi na ui kehe ai e tagata o lātou tautaliga ma kaumai kia Alona. 4#1 Tup 12.28; Gāl 7.41Ma na kave ai e Alona nā tautaliga kua fakaliu, ma gaohi ai he fakatuha o he punuāpōvi poa aulo.
Ma na lea vē ai nā tino, “Ihalaelu e, ko tēnei to tātou atua na takitakia kitātou ki fafo o Aikupito!”
5Oi na fau ai e Alona he fata faitāulaga i mua o te punuāpōvi poa aulo, ma fakailoa vē atu ai e ia ki tagata, “Ko tāeao e fai ai te kaiga fakamanatu ki te Aliki.” 6#1 Kol 10.7I te tāeaopō o te aho na hohoko ai, na kaumai ai e kilātou nā manu mai a lātou lafumanu ke huhunu ma tāulaga, ma iētahi ke fai ma tāulaga mo te māfuta fakatahi. Oi na nonofo ai ia tagata ki lalo oi kakai ma inu, ma tutū ki luga oi hihiva i ni hiva mātagā ma fakatōhina.
Te Tōkahā o te Aliki kia Ihalaelu
7Ma na vāgana mai ai te Aliki kia Mohe, “Fano vave loa ki lalo, auā ko tagata o koe, iēia na kē takitakia ki fafo o Aikupito, kua fai e kilātou te agahala ma kua teteke mai kia te au. 8Kua vave lele to lātou liliu kehe mai te ala na kō fakatonua kilātou ke mulimuli ki ei; kua fau e kilātou i te aulo na fakaliu, he punuāpōvi poa, ma kua tāpuaki kilātou ki ei ma ofo atu ki ei nā tāulaga. E lea kilātou, ko to lātou atua tēnā, na takitakia kilātou ki fafo o Aikupito. 9E iloa e au ko nā tino iēnei e loto makaka.#Eho 32.31-35; Nūm 14.11-25 10I te taimi nei, ia koe nahe taumafai ke tāofi au. Ko toku loto kua mū i te tīgā kia te kilātou, ma ka fakatāugā kilātou e au. Oi ka kō faia ai koe ma nā lāpuna o koe, ma mālō e hili te mālohi.”
11 #
Nūm 14.13-19
Kae ko Mohe kua fakatagi atu ki te Aliki tona Atua, ma kua lea vē atu, “Te Aliki, heā te kua mū ai tō loto i te tīgā ki tō nuku na kē kaumaia mai Aikupito i te matakutia o tō mana ma tō mālohi? 12Heā te ka fakataga ai ia Aikupito ke lea, na fuafua lava e koe ke takitaki mai ō tagata mai Aikupito ke tāmate i kinei i luga o nā mauga ma matuā fakatāugā uma ai kilātou? Fakauma loa kō tō tōkahā; toe hui kō tō māfaufau ma nahe fakapakūa tēnei mala ki luga o tagata o koe. 13#Ken 22.16-17; 17.8Ke manatua e koe ia Apelaamo, ia Ihaako, ma Iakopo. Ke manatua e koe tau folafolaga fakamāoni na fai kia te kilātou ke fōki ake ni o lātou lāpuna e tokalahi e vē ko fetū o te lagi, ma ke fōki ki o lātou lāpuna nā fenua uma na folafola e koe ke fai ma o lātou tofi ke pa ki te hēgata.” 14Oi na hui ai te māfaufau o te Aliki ma na hēki ia kaumaia ai ki luga o ona tagata te fakahalaga na fuafua e ia ke pakū ki o lātou luga.
15Kua fanaifo ia Mohe ki lalo mai te mauga, e hiki ifo e ia nā fatupapa māfolafola e lua kua tuhi i luga nā fakatonuga i nā itū uma taki lua. 16Ko te Atua lava te na ia faia nā fatupapa māfolafola, ma na ia vanea ki luga nā fakatonuga.
17I te lagona atuga e Iohua o te faitapiha o tagata, oi na lea vē atu ai kia Mohe, “E lagona atu e au te faitapiha o he taua e hau mai te api.”
18Kae kua lea atu ia Mohe ki ei, “E hē ko he faitapiha o he manumālō pe o he tōkilalo; ko he faitapiha o tagata e pepehe.”
19Kua tau pili atu ia Mohe ki te api, oi na kitea atu ai e ia te punuāpōvi poa ma nā tino e hihiva. Na tīgā lahi lele te loto o Mohe, ma i kinā i tafa o te mauga na ia togia ai ki lalo nā fatupapa māfolafola nae ia hikia, ma na taketake uma ai. 20Na kave ai e ia te punuāpōvi poa na kilātou faia, kua fakaliu ma tuki ke kavea ma pauta, ma palu ai ma ni vai. Oi na tuku atu ai e ia ki nā tino Ihalaelu ke inu. 21Kua lea atu ia Mohe kia Alona, “Heā ta nā tino na fai kia te koe, kua kē tukua ai ke kilātou faia he agahala mātuiā vēnei?”
22Na tali mai ia Alona, “Nahe kē ita mai kō kia te au tau kaukauna; e iloa lelei lava e koe te loto mālohi o nā tino iēnei ke fai te āmiokino. 23Na leamai kilātou kia te au, ‘E hē kimātou iloa pe heā te kua tupu ki te tagata tēnei ko Mohe, tēia na kaumaia kimātou mai Aikupito; fai la he atua ke takitakia kitātou.’ 24Oi na lea ai au ki ei ke kaumai kia te au a lātou mea teuteu e fai i te aulo, ma ko kilātou nae iei ni a lātou mea teuteu aulo, na ui kehe e kilātou ma fōki mai kia te au. Na togi e au nā teuteu aulo ki loto o te afi ma na maua ai te punuāpōvi poa tēnei!”
25Kua kitea e Mohe te hē tāupulea o tagata ona kua tuku haoloto lava e Alona ke fai o lātou uiga mātagā i mua o nā fili o kilātou. 26Oi na fano ai kua tū i te faitotoka o te api ma kalaga vē atu, “Ko koutou uma e kau ma te Aliki, ōmamai ki kinei!” Oi na fakapotopoto uma mai ai kia te ia te puikāiga o Levi, 27ma na lea vē atu ai ia kia te kilātou, “Kua fakatonu mai e te Aliki te Atua o Ihalaelu, ko koutou uma iēnā, ke kuku autou pelu ma olo kuiloto o te api kāmata atu i te alapupuni tēnei ke pa ki tētahi alapupuni, ma tāmate uma nā uho o koutou, nā uō ma nā tuākoi o koutou.” 28Na uhitaki na tino ha-Levī kia Mohe, ma na kilātou tāmatea e tuha ma te 3,000 ia tino i te aho tēnā. 29Kua lea atu ia Mohe ki nā tino ha-Levi, “I te aho tēnei, kua fakauku koutou e koutou lava, ke fai ma ohitāulaga e tautua ki te Aliki,#32.29 Ko iētahi fakaliliuga tuai; I te aho tēnei, kua fakauku koutou e koutou lava Epelu Fakapaia koutou i te aho nei pe Ko koutou kua fakapaiagia i te aho nei i te kua tāmate e koutou o outou ataliki ma outou uho, ma ko tēia kua tuku atu ai e te Aliki tana fakamanuiaga kia te koutou.”
30I te aho na hohoko ai na lea atu ai ia Mohe ki te nuku o Ihalaelu, “Kua fai e koutou he agahala mātuiā. Kae i te taimi nei, ko au ka toe fano ki luga o te mauga ki te Aliki; ātonu e i na ka mafai ke maua e au he fakamāgaloga mo te agahala a koutou.” 31Oi na toe liliu ai ia Mohe ki te Aliki ma lea atu ki ei, “Heāloa, ko nā tino iēnei kua kilātou faia he agahala mātuiā lahi. Kua gaohi e kilātou he atua i te aulo ma tāpuaki ai ki ei. 32#Hal 69.28; Fkl 3.5Fakamolemole kō, fakamāgalo ta lātou agahala; kae kāfai e hē fakamāgaloa, oi kave kehe ai toku igoa i te tuhi kua kē tuhia ki ei nā igoa o tagata o koe.”
33Na tali mai te Aliki kia Mohe, “Ko nā tino oioti na agahala mai kia te au te kō kave kehea nā igoa mai taku tuhi. 34I te taimi nei, fano oi kave nā tino ki te nofoaga na lea atu ai au kia te koe. Ke manatua ko taku āgelu te ka muamua atu ia te koe, kae e hau te taimi ka fakahala ai e au nā tino mo te agahala a kilātou.”
35Oi na kaumai ai e te Aliki he fāmai ki tagata, auā na tāpuaki kilātou ki te punuāpōvi poa aulo, tēia na fai e Alona.
Currently Selected:
Ehoto 32: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 32
32
Te Punuāpōvi Poa Aulo
(Teu 9.6-29)
1 #
Gāl 7.40
I te kiteaga e tagata ko Mohe ko hēki fanaifo lava ki lalo mai luga o te mauga, kae kua nofo lava i kinā mo he taimi mataloa, oi na ōmamai ai kia Alona ma lea vē mai ki ei, “E hē kimātou iloa pe ko heā te kua tupu ki te tagata tēnei ko Mohe, tēia na takitakia kitātou mai Aikupito. Ko te mea la ia, fai e koe he atua#32.1 he atua pe ni atua ke ia takitakia kitātou.” 2Na lea atu loa ia Alona kia te kilātou, “Kave kehe uma nā tautaliga aulo i nā taliga o autou āvaga, outou ataliki, ma outou afafine, ma kaumai kia te au.” 3Oi na ui kehe ai e tagata o lātou tautaliga ma kaumai kia Alona. 4#1 Tup 12.28; Gāl 7.41Ma na kave ai e Alona nā tautaliga kua fakaliu, ma gaohi ai he fakatuha o he punuāpōvi poa aulo.
Ma na lea vē ai nā tino, “Ihalaelu e, ko tēnei to tātou atua na takitakia kitātou ki fafo o Aikupito!”
5Oi na fau ai e Alona he fata faitāulaga i mua o te punuāpōvi poa aulo, ma fakailoa vē atu ai e ia ki tagata, “Ko tāeao e fai ai te kaiga fakamanatu ki te Aliki.” 6#1 Kol 10.7I te tāeaopō o te aho na hohoko ai, na kaumai ai e kilātou nā manu mai a lātou lafumanu ke huhunu ma tāulaga, ma iētahi ke fai ma tāulaga mo te māfuta fakatahi. Oi na nonofo ai ia tagata ki lalo oi kakai ma inu, ma tutū ki luga oi hihiva i ni hiva mātagā ma fakatōhina.
Te Tōkahā o te Aliki kia Ihalaelu
7Ma na vāgana mai ai te Aliki kia Mohe, “Fano vave loa ki lalo, auā ko tagata o koe, iēia na kē takitakia ki fafo o Aikupito, kua fai e kilātou te agahala ma kua teteke mai kia te au. 8Kua vave lele to lātou liliu kehe mai te ala na kō fakatonua kilātou ke mulimuli ki ei; kua fau e kilātou i te aulo na fakaliu, he punuāpōvi poa, ma kua tāpuaki kilātou ki ei ma ofo atu ki ei nā tāulaga. E lea kilātou, ko to lātou atua tēnā, na takitakia kilātou ki fafo o Aikupito. 9E iloa e au ko nā tino iēnei e loto makaka.#Eho 32.31-35; Nūm 14.11-25 10I te taimi nei, ia koe nahe taumafai ke tāofi au. Ko toku loto kua mū i te tīgā kia te kilātou, ma ka fakatāugā kilātou e au. Oi ka kō faia ai koe ma nā lāpuna o koe, ma mālō e hili te mālohi.”
11 #
Nūm 14.13-19
Kae ko Mohe kua fakatagi atu ki te Aliki tona Atua, ma kua lea vē atu, “Te Aliki, heā te kua mū ai tō loto i te tīgā ki tō nuku na kē kaumaia mai Aikupito i te matakutia o tō mana ma tō mālohi? 12Heā te ka fakataga ai ia Aikupito ke lea, na fuafua lava e koe ke takitaki mai ō tagata mai Aikupito ke tāmate i kinei i luga o nā mauga ma matuā fakatāugā uma ai kilātou? Fakauma loa kō tō tōkahā; toe hui kō tō māfaufau ma nahe fakapakūa tēnei mala ki luga o tagata o koe. 13#Ken 22.16-17; 17.8Ke manatua e koe ia Apelaamo, ia Ihaako, ma Iakopo. Ke manatua e koe tau folafolaga fakamāoni na fai kia te kilātou ke fōki ake ni o lātou lāpuna e tokalahi e vē ko fetū o te lagi, ma ke fōki ki o lātou lāpuna nā fenua uma na folafola e koe ke fai ma o lātou tofi ke pa ki te hēgata.” 14Oi na hui ai te māfaufau o te Aliki ma na hēki ia kaumaia ai ki luga o ona tagata te fakahalaga na fuafua e ia ke pakū ki o lātou luga.
15Kua fanaifo ia Mohe ki lalo mai te mauga, e hiki ifo e ia nā fatupapa māfolafola e lua kua tuhi i luga nā fakatonuga i nā itū uma taki lua. 16Ko te Atua lava te na ia faia nā fatupapa māfolafola, ma na ia vanea ki luga nā fakatonuga.
17I te lagona atuga e Iohua o te faitapiha o tagata, oi na lea vē atu ai kia Mohe, “E lagona atu e au te faitapiha o he taua e hau mai te api.”
18Kae kua lea atu ia Mohe ki ei, “E hē ko he faitapiha o he manumālō pe o he tōkilalo; ko he faitapiha o tagata e pepehe.”
19Kua tau pili atu ia Mohe ki te api, oi na kitea atu ai e ia te punuāpōvi poa ma nā tino e hihiva. Na tīgā lahi lele te loto o Mohe, ma i kinā i tafa o te mauga na ia togia ai ki lalo nā fatupapa māfolafola nae ia hikia, ma na taketake uma ai. 20Na kave ai e ia te punuāpōvi poa na kilātou faia, kua fakaliu ma tuki ke kavea ma pauta, ma palu ai ma ni vai. Oi na tuku atu ai e ia ki nā tino Ihalaelu ke inu. 21Kua lea atu ia Mohe kia Alona, “Heā ta nā tino na fai kia te koe, kua kē tukua ai ke kilātou faia he agahala mātuiā vēnei?”
22Na tali mai ia Alona, “Nahe kē ita mai kō kia te au tau kaukauna; e iloa lelei lava e koe te loto mālohi o nā tino iēnei ke fai te āmiokino. 23Na leamai kilātou kia te au, ‘E hē kimātou iloa pe heā te kua tupu ki te tagata tēnei ko Mohe, tēia na kaumaia kimātou mai Aikupito; fai la he atua ke takitakia kitātou.’ 24Oi na lea ai au ki ei ke kaumai kia te au a lātou mea teuteu e fai i te aulo, ma ko kilātou nae iei ni a lātou mea teuteu aulo, na ui kehe e kilātou ma fōki mai kia te au. Na togi e au nā teuteu aulo ki loto o te afi ma na maua ai te punuāpōvi poa tēnei!”
25Kua kitea e Mohe te hē tāupulea o tagata ona kua tuku haoloto lava e Alona ke fai o lātou uiga mātagā i mua o nā fili o kilātou. 26Oi na fano ai kua tū i te faitotoka o te api ma kalaga vē atu, “Ko koutou uma e kau ma te Aliki, ōmamai ki kinei!” Oi na fakapotopoto uma mai ai kia te ia te puikāiga o Levi, 27ma na lea vē atu ai ia kia te kilātou, “Kua fakatonu mai e te Aliki te Atua o Ihalaelu, ko koutou uma iēnā, ke kuku autou pelu ma olo kuiloto o te api kāmata atu i te alapupuni tēnei ke pa ki tētahi alapupuni, ma tāmate uma nā uho o koutou, nā uō ma nā tuākoi o koutou.” 28Na uhitaki na tino ha-Levī kia Mohe, ma na kilātou tāmatea e tuha ma te 3,000 ia tino i te aho tēnā. 29Kua lea atu ia Mohe ki nā tino ha-Levi, “I te aho tēnei, kua fakauku koutou e koutou lava, ke fai ma ohitāulaga e tautua ki te Aliki,#32.29 Ko iētahi fakaliliuga tuai; I te aho tēnei, kua fakauku koutou e koutou lava Epelu Fakapaia koutou i te aho nei pe Ko koutou kua fakapaiagia i te aho nei i te kua tāmate e koutou o outou ataliki ma outou uho, ma ko tēia kua tuku atu ai e te Aliki tana fakamanuiaga kia te koutou.”
30I te aho na hohoko ai na lea atu ai ia Mohe ki te nuku o Ihalaelu, “Kua fai e koutou he agahala mātuiā. Kae i te taimi nei, ko au ka toe fano ki luga o te mauga ki te Aliki; ātonu e i na ka mafai ke maua e au he fakamāgaloga mo te agahala a koutou.” 31Oi na toe liliu ai ia Mohe ki te Aliki ma lea atu ki ei, “Heāloa, ko nā tino iēnei kua kilātou faia he agahala mātuiā lahi. Kua gaohi e kilātou he atua i te aulo ma tāpuaki ai ki ei. 32#Hal 69.28; Fkl 3.5Fakamolemole kō, fakamāgalo ta lātou agahala; kae kāfai e hē fakamāgaloa, oi kave kehe ai toku igoa i te tuhi kua kē tuhia ki ei nā igoa o tagata o koe.”
33Na tali mai te Aliki kia Mohe, “Ko nā tino oioti na agahala mai kia te au te kō kave kehea nā igoa mai taku tuhi. 34I te taimi nei, fano oi kave nā tino ki te nofoaga na lea atu ai au kia te koe. Ke manatua ko taku āgelu te ka muamua atu ia te koe, kae e hau te taimi ka fakahala ai e au nā tino mo te agahala a kilātou.”
35Oi na kaumai ai e te Aliki he fāmai ki tagata, auā na tāpuaki kilātou ki te punuāpōvi poa aulo, tēia na fai e Alona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust