Ehoto 31
31
Nā Tino e Faua te Falekie Tapu o te Aliki
(Eho 35.30—36.1)
1Oi na vāgana mai ai te Aliki kia Mohe, 2“Kua filifili e au ia Pehaleli, te ataliki o Uli ma ko he makopuna o Hulo mai te puikāiga o Iuta, 3ma kua kō tuku atua kia te ia toku agaga. Kua fōki e au kia te ia te mālamalama, te iloa, ma te tomai i te faiga o nā itūkāiga mea taulima uma lele— 4te tuhiga o nā ata mo te faiga o nā mea taulima, te gaohiga o nā mea i te aulo, te hiliva, ma te apamemea; 5te tūtūga o nā fatu tāua mo nā mea teuteu; te vanega o nā lākau; ma iētahi itūkāiga gāluega teuteu uma. 6E hē gata i tēnā, kua filifili e au ia Oholiapo te ataliki o Ahihamaka mai te puikāiga o Tanu, ke gālulue ma Pehaleli. Kua kō tuku atua foki ki iētahi tufuga uma lele, te iloa, ke mafai ai e kilātou oi fai nā mea uma lele kua kō fakatonu atua kia te koe ke fai: 7ko te Falekie Tapu, te Puha o te Feagaiga ma tona tāpuni,#31.7 Pe nofoa o te alofa fakahao ma nā meāfale uma o te Falekie, 8te laulau ma ona kope uma, te tūgālāmepa e fai i te aulo mamā ma ona kope uma, te fata faitāulaga mo te huhunuga o nā meamanogi, 9te fata faitāulaga mo nā tāulaga mū ma ona kope uma, te pēhini e fulufulu ai nā lima ma nā vae ma tona tūlaga, 10nā lākei ohitāulaga mānanaia o Alona ma ona ataliki kāfai e fakatino o lātou tiute ohitāulaga, 11te lolo fakauku, ma te meamanogi manogi mānaia mo te Nofoaga Paia. Kāfai e gaohi e kilātou nā mea uma iēnei, e tatau ke vē lava ona fakatonu atu ai koe e au.”
Te Hāpati, te Aho e Mālōlō ai
12Na fakatonu foki e te Aliki ia Mohe 13ke lea vē atu ki nā tino Ihalaelu, “Tauhi ki te Hāpati, he aho e mālōlō ai au, auā ko he fakailoga tēnei i te vā o oku ma koutou, mo augā tupulaga uma e fakaholo mai, ke kitea ai ko au, te Aliki, te kua faia koutou ma oku tagata. 14Ko koutou ke tauhi ki te Hāpati, te aho e mālōlō ai, auā ko he aho e paia mo koutou. Ko ai lava e hē ia fakamamalua ka tāmate; ko ai lava e ia faia ma aho e galue ai, ka momotu kehe ia mai te potopotoga a oku tagata. 15#Eho 20.8-11; 23.12; 34.21; 35.2; Lev 23.3; Teu 5.12-14E ono ia aho e fai ai au gāluega, ka ko te fitu o aho ko he aho e mālōlō ai, auā kua fakatō mo oku. Ko ai lava he tino e fai hana gāluega i te aho tēnā, ka fakauma lava tona ola. 16E tauhi e tagata o Ihalaelu te aho tēnei i augā tupulaga uma lele, ke fai ma feagaiga e fakavavau. 17#Eho 20.11He fakailoga tūmau tēnei i te vā o oku ma tagata Ihalaelu, auā ko au, te Aliki, na faia te lagi ma te lalolagi i nā aho e ono, kae na tāofi aku gāluega i te fitu o aho, ma na mālōlō ai au.”
18Kua uma te vāgana o te Atua kia Mohe i luga o te Mauga ko Hinai, oi na tuku atu ai e ia ki ei nā fatupapa māfolafola e lua, iēia na tuhi e te Atua ki luga i tona lava lima, nā fakatonuga.
Currently Selected:
Ehoto 31: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 31
31
Nā Tino e Faua te Falekie Tapu o te Aliki
(Eho 35.30—36.1)
1Oi na vāgana mai ai te Aliki kia Mohe, 2“Kua filifili e au ia Pehaleli, te ataliki o Uli ma ko he makopuna o Hulo mai te puikāiga o Iuta, 3ma kua kō tuku atua kia te ia toku agaga. Kua fōki e au kia te ia te mālamalama, te iloa, ma te tomai i te faiga o nā itūkāiga mea taulima uma lele— 4te tuhiga o nā ata mo te faiga o nā mea taulima, te gaohiga o nā mea i te aulo, te hiliva, ma te apamemea; 5te tūtūga o nā fatu tāua mo nā mea teuteu; te vanega o nā lākau; ma iētahi itūkāiga gāluega teuteu uma. 6E hē gata i tēnā, kua filifili e au ia Oholiapo te ataliki o Ahihamaka mai te puikāiga o Tanu, ke gālulue ma Pehaleli. Kua kō tuku atua foki ki iētahi tufuga uma lele, te iloa, ke mafai ai e kilātou oi fai nā mea uma lele kua kō fakatonu atua kia te koe ke fai: 7ko te Falekie Tapu, te Puha o te Feagaiga ma tona tāpuni,#31.7 Pe nofoa o te alofa fakahao ma nā meāfale uma o te Falekie, 8te laulau ma ona kope uma, te tūgālāmepa e fai i te aulo mamā ma ona kope uma, te fata faitāulaga mo te huhunuga o nā meamanogi, 9te fata faitāulaga mo nā tāulaga mū ma ona kope uma, te pēhini e fulufulu ai nā lima ma nā vae ma tona tūlaga, 10nā lākei ohitāulaga mānanaia o Alona ma ona ataliki kāfai e fakatino o lātou tiute ohitāulaga, 11te lolo fakauku, ma te meamanogi manogi mānaia mo te Nofoaga Paia. Kāfai e gaohi e kilātou nā mea uma iēnei, e tatau ke vē lava ona fakatonu atu ai koe e au.”
Te Hāpati, te Aho e Mālōlō ai
12Na fakatonu foki e te Aliki ia Mohe 13ke lea vē atu ki nā tino Ihalaelu, “Tauhi ki te Hāpati, he aho e mālōlō ai au, auā ko he fakailoga tēnei i te vā o oku ma koutou, mo augā tupulaga uma e fakaholo mai, ke kitea ai ko au, te Aliki, te kua faia koutou ma oku tagata. 14Ko koutou ke tauhi ki te Hāpati, te aho e mālōlō ai, auā ko he aho e paia mo koutou. Ko ai lava e hē ia fakamamalua ka tāmate; ko ai lava e ia faia ma aho e galue ai, ka momotu kehe ia mai te potopotoga a oku tagata. 15#Eho 20.8-11; 23.12; 34.21; 35.2; Lev 23.3; Teu 5.12-14E ono ia aho e fai ai au gāluega, ka ko te fitu o aho ko he aho e mālōlō ai, auā kua fakatō mo oku. Ko ai lava he tino e fai hana gāluega i te aho tēnā, ka fakauma lava tona ola. 16E tauhi e tagata o Ihalaelu te aho tēnei i augā tupulaga uma lele, ke fai ma feagaiga e fakavavau. 17#Eho 20.11He fakailoga tūmau tēnei i te vā o oku ma tagata Ihalaelu, auā ko au, te Aliki, na faia te lagi ma te lalolagi i nā aho e ono, kae na tāofi aku gāluega i te fitu o aho, ma na mālōlō ai au.”
18Kua uma te vāgana o te Atua kia Mohe i luga o te Mauga ko Hinai, oi na tuku atu ai e ia ki ei nā fatupapa māfolafola e lua, iēia na tuhi e te Atua ki luga i tona lava lima, nā fakatonuga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust