Ehoto 27
27
Te Fata Faitāulaga
(Eho 38.1-7)
1“Fai he fata faitāulaga i te lākau ko te hitahi. E fau fakatāfafā, ma e 2.2 mita te loa ma 2.2 mita te lauefa, ma e 1.3 mita te maualuga. 2Fai ni ona nifohua ki luga o nā tulimanu e fa. Ko nā nifohua ka kavea ko he vāega e tahi ma te fata faitāulaga, ma e tatao kātoa i te apamemea. 3Fai ni pakete mo te lefulefu, ni huō, ni pēhini, ni tui, ma ni apa kave malala ola. Ko nā kope uma iēnei e fai i te apamemea. 4E fai ma hona mea vālavala i te apamemea, ma tuku ni mama apamemea e fa ki ona tulimanu ke hiki ai. 5Fakapipiki te mea vālavala ki lalo o te pito o te fata faitāulaga, kae ke pa ake ai ki luga ki te āfa o te fata faitāulaga. 6Fai ni amo i te lākau ko te hitahi ke hiki ai ma tatao i te apamemea, 7ma tui ki loto o nā mama i nā pito o te fata faitāulaga, kāfai e hiki. 8Ko te fata faitāulaga e fau i nā laupapa ma e fakagāogao ia loto, e tuha ai ma te ata na kō fakahino atua kia te koe i luga o te mauga.
Te Lōtoā o te Falekie Tapu
(Eho 38.9-20)
9“Mo te Falekie Tapu e afio ai au, fai he lōtoā i ni kiepupuni i te kie lino e hili te lelei. I te itū ki haute, ko te loloa o nā kiepupuni e 44 mita, 10e tāofi ki luga e ni pou apamemea e lua hefulu e fakatutū i o lātou tūlaga apamemea e lua hefulu, kae ko nā fakakāfilo o nā pou e fai i te hiliva. 11E vēnā foki lava te mea e fai ki te lōtoā i te itū ki mātū. 12I te itū ki hihifo, ka iei ai ni kiepupuni e 22 mita te loloa, ma ni pou e hefulu ma o lātou tūlaga e hefulu. 13I te itū ki hahae, te itū e iei te faitotoka, ko te lōtoā ka 22 mita foki te lauefa. 14-15I nā itū takitahi o te faitotoka, e fai ki ei ni kiepupuni e 6.6 mita te loloa, ma ni pou e tolu ma ni tūlaga e tolu. 16Mo te faitotoka, e tautau ki ei he kiepupuni e iva mita te loa e fai i te kie lino lelei, e lalaga fakatahi ma te vulu lanu moana, lanu violē, ma te lanu kukula, ma teuteu i nā ata e hui ki luga. E tāofi ki luga e ni pou e fa e fakatutū i o lātou tūlaga e fa. 17Ko nā pou uma e fakatāmilo i te lotoā e hokohoko e ni kaho hiliva; ko o lātou fakakāfilo e fai i te hiliva, ma o lātou tūlaga e fai i te apamemea. 18Ko te lotoā e 44 mita te loa, e 22 mita te lauefa, ma 2.2 mita te maualuga. Ko nā kiepupuni e fai i te lino#27.18 lino Kikila ki te Ken 41.42 e hili te lelei ma nā tūlaga i te apamemea. 19Ko nā kope uma e fakaaogā i loto o te Falekie, ma nā pine uma o te Falekie, ma o te lotoā, e fai i te apamemea.
Te Kikilaga o te Lāmepa
(Lev 24.1-4)
20“Fakatonu ia tagata Ihalaelu ke kaumai kia te koe te lolo olive mamā mo te mōlī, kae ke mafai ke mumū pea lava. 21Ko te lāmepa e fakatū i loto o te Falekie Tapu#27.21 Pe Falekie e Afio ai te Aliki i mua o te kiepupuni e pito ki loto, tēia e pupuni ai te Puha o te Feagaiga. Ko Alona ma ona ataliki te kikilāgia te lāmepa ke mautinoa e mumū i mua o te Aliki, mai te afiafi ke pa ki te tāeao. Ka kavea tēnei ma folahaga tūmau e tauhi ki ei ia tagata Ihalaelu ma ona augā tupulaga uma, ke pa ki te fakavavau.
Currently Selected:
Ehoto 27: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 27
27
Te Fata Faitāulaga
(Eho 38.1-7)
1“Fai he fata faitāulaga i te lākau ko te hitahi. E fau fakatāfafā, ma e 2.2 mita te loa ma 2.2 mita te lauefa, ma e 1.3 mita te maualuga. 2Fai ni ona nifohua ki luga o nā tulimanu e fa. Ko nā nifohua ka kavea ko he vāega e tahi ma te fata faitāulaga, ma e tatao kātoa i te apamemea. 3Fai ni pakete mo te lefulefu, ni huō, ni pēhini, ni tui, ma ni apa kave malala ola. Ko nā kope uma iēnei e fai i te apamemea. 4E fai ma hona mea vālavala i te apamemea, ma tuku ni mama apamemea e fa ki ona tulimanu ke hiki ai. 5Fakapipiki te mea vālavala ki lalo o te pito o te fata faitāulaga, kae ke pa ake ai ki luga ki te āfa o te fata faitāulaga. 6Fai ni amo i te lākau ko te hitahi ke hiki ai ma tatao i te apamemea, 7ma tui ki loto o nā mama i nā pito o te fata faitāulaga, kāfai e hiki. 8Ko te fata faitāulaga e fau i nā laupapa ma e fakagāogao ia loto, e tuha ai ma te ata na kō fakahino atua kia te koe i luga o te mauga.
Te Lōtoā o te Falekie Tapu
(Eho 38.9-20)
9“Mo te Falekie Tapu e afio ai au, fai he lōtoā i ni kiepupuni i te kie lino e hili te lelei. I te itū ki haute, ko te loloa o nā kiepupuni e 44 mita, 10e tāofi ki luga e ni pou apamemea e lua hefulu e fakatutū i o lātou tūlaga apamemea e lua hefulu, kae ko nā fakakāfilo o nā pou e fai i te hiliva. 11E vēnā foki lava te mea e fai ki te lōtoā i te itū ki mātū. 12I te itū ki hihifo, ka iei ai ni kiepupuni e 22 mita te loloa, ma ni pou e hefulu ma o lātou tūlaga e hefulu. 13I te itū ki hahae, te itū e iei te faitotoka, ko te lōtoā ka 22 mita foki te lauefa. 14-15I nā itū takitahi o te faitotoka, e fai ki ei ni kiepupuni e 6.6 mita te loloa, ma ni pou e tolu ma ni tūlaga e tolu. 16Mo te faitotoka, e tautau ki ei he kiepupuni e iva mita te loa e fai i te kie lino lelei, e lalaga fakatahi ma te vulu lanu moana, lanu violē, ma te lanu kukula, ma teuteu i nā ata e hui ki luga. E tāofi ki luga e ni pou e fa e fakatutū i o lātou tūlaga e fa. 17Ko nā pou uma e fakatāmilo i te lotoā e hokohoko e ni kaho hiliva; ko o lātou fakakāfilo e fai i te hiliva, ma o lātou tūlaga e fai i te apamemea. 18Ko te lotoā e 44 mita te loa, e 22 mita te lauefa, ma 2.2 mita te maualuga. Ko nā kiepupuni e fai i te lino#27.18 lino Kikila ki te Ken 41.42 e hili te lelei ma nā tūlaga i te apamemea. 19Ko nā kope uma e fakaaogā i loto o te Falekie, ma nā pine uma o te Falekie, ma o te lotoā, e fai i te apamemea.
Te Kikilaga o te Lāmepa
(Lev 24.1-4)
20“Fakatonu ia tagata Ihalaelu ke kaumai kia te koe te lolo olive mamā mo te mōlī, kae ke mafai ke mumū pea lava. 21Ko te lāmepa e fakatū i loto o te Falekie Tapu#27.21 Pe Falekie e Afio ai te Aliki i mua o te kiepupuni e pito ki loto, tēia e pupuni ai te Puha o te Feagaiga. Ko Alona ma ona ataliki te kikilāgia te lāmepa ke mautinoa e mumū i mua o te Aliki, mai te afiafi ke pa ki te tāeao. Ka kavea tēnei ma folahaga tūmau e tauhi ki ei ia tagata Ihalaelu ma ona augā tupulaga uma, ke pa ki te fakavavau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust