Ehoto 26
26
Fuafuaga mo te Falekie Tapu
(Eho 36.8-38)
1“E hē gata i tēnā, e fai e koutou te Falekie Tapu,#26.1 Falekie Tapu Kikila ki te Lihi o nā Kupu i ni kiepupuni e hefulu e fai i te kie lino lelei. Lalaga nā kiepupuni iēnei i te vulu lanu moana, violē, ma te kukula, ma hui ki luga ni ata o ni kēlupi. 2E fakatutuha te lalahi o nā kiepupuni—e hefulu lua mita te loloa, ma lua mita te lauefa. 3E hui hohoko fakatahi nā kiepupuni e lima ke kavea ai ko he vaegā kiepupuni e fokotahi, ma fai foki vēnā iētahi kiepupuni e lima, ke kavea ai ko tētahi vaegā kiepupuni. 4Fai ni mama i te kie lanu moana, ki te pito lele ki fafo o nā vaegā kiepupuni takitahi iēnei e lua. 5Fakapipiki ni mama e lima hefulu ki te vaegā kiepupuni muamua, ma hētahi lima hefulu e fakafehāgai ki ei, i te vaegā kiepupuni tona lua. 6Oi fai ai ni fakakāfilo aulo e lima hefulu ke hohoko ai nā vaegā kiepupuni e lua, ke kavea ma kie e fokotahi.
7“Fai he kietatao mo te Falekie Tapu i ni kiepupuni e hefulu tahi, e lalaga i nā lāulu oti. 8E tutuha uma te fua o nā kiepupuni, e hefulu tolu mita te loloa kae lua mita te lauefa. 9Hui hohoko fakatahi ni kiepupuni e lima ke kavea ma vaegā kiepupuni e fokotahi, ma tētahi ono ke fai ma hētahi vaegā kiepupuni. Ko te ono o kiepupuni e afe ake ki luga ke fakatutuha ma te pito ki luga, i mua o te Falekie. 10Fakamau ni mama kie e lima hefulu, ki te pito o te kiepupuni e pito lele ki fafo o te vaegā kiepupuni muamua, ma ni mama kie e lima hefulu, ki te pito o te kiepupuni i te pito lele ki fafo, o te vaegā kiepupuni tona lua. 11Oi fai ai ni fakakāfilo apamemea e lima hefulu, ma fakalave ki nā mama ke hohoko ai nā vaegā kiepupuni e lua, ke kavea ai ma kietatao e fokotahi. 12Ko te vāega e totoe o nā kiepupuni o te Falekie, te āfa kiepupuni tēia e totoe, e fakatāutau ki lalo i tua o te Falekie. 13Ko te lima hefulu henitimita e totoe i te loaloaga i nā itū e lua, e fakatāutau ki lalo i nā itū o te Falekie ke pupuni ai.
14“Fai mo te falekie ni iētahi kietatao e lua, ko tētahi e fai i te paku māmoe poa e fakatogo kukula, ma tētahi e fai i te pakumanu e hili te lelei, ke fakaaogā ma kietatao e pito ki fafo.#26.14 E hē manino te uiga o te tuhituhiga Epelu
15“Fai ni āuivi fakatutū ki luga i te lākau ko te hitahi, mo te Falekie Tapu. 16Ko te āuivi e fokotahi e fai i ni laupapa e taki lua ma e taki fa mita te loloa ma ono hefulu ono henitimita te lauefa, 17ma ni pine taki lua i nā pito e fakatutuha, ke mafai ai nā āuivi ke hohoko fakatahi. Ko nā āuivi uma lele ka iei o lātou pine vēnei. 18Fau ni āuivi e lua hefulu mo te itū ki haute, 19ma fai ni tūlaga hiliva e fa hefulu ki lalo o nā āuivi, e lua ia tūlaga i lalo o te āuivi e fokotahi mo ona pine e lua. 20Fau ni āuivi e lua hefulu mo te itū ki mātū o te Falekie 21ma ni tūlaga hiliva e fa hefulu, e lua i lalo o te āuivi e fokotahi. 22Mo tua o te Falekie i te itū ki hihifo, fau ni āuivi e ono, 23ma ni āuivi e lua mo nā tulimanu o te Falekie i te itū ki tua. 24Ko nā āuivi tulimanu iēnei ka fakapipiki i te pito ki lalo, ma hohoko ai fano lele ki luga. Ko nā āuivi e lua i nā tulimanu e lua, ka tutuha lava te fauga. 25Oi ka valu la ia āuivi ma o lātou tūlaga hiliva e hefulu ono, e lua i lalo o te āuivi e fokotahi.
26“Fai ni lākau fālava e hefulu lima i te lākau ko te hitahi, e lima mo nā āuivi i tētahi itū o te Falekie, 27e lima mo nā āuivi i tētahi itū, ma e lima mo nā āuivi i te itū ki hihifo, i tua. 28Ko te lākau fālava o lototonu, e fakapipiki e tuha ko te āfa i te fano ki luga mai nā āuivi, ma e fanatu mai tētahi itū o te Falekie ki tētahi. 29Tatao nā āuivi i te aulo, ma fakapipiki ki ei ni mama aulo ke fakamau ai nā lākau fālava, iēia e tatau foki ke tatao i te aulo. 30Oi fakatū ai e koe te Falekie Tapu, e vē ko te ata na kō fakaali atua kia te koe i luga o te mauga.
31“Fai he kiepupuni i te kie lino lelei na lalaga i te vulu lanu moana, violē, ma te kukula, ma hui ai ki ei nā ata o nā kēlupi. 32Tautau te kiepupuni i nā pou e fa e fai i te hitahi ma e tatao i te aulo ma kua fakapipiki ki ei ni fakakāfilo, ma fakatutū ki luga o nā tūlaga hiliva e fa. 33#Epe 6.19; 9.3-5Tautau te kiepupuni i nā fakakāfilo i te taualuga o te Falekie, ma tuku te Puha o te Feagaiga e i loto ai nā fatupapa māfolafola e lua, ki loto o te potu i tua o te kiepupuni. Ko te kiepupuni tēnei ka vavae ai te Nofoaga Paia ma te Nofoaga e Hili te Paia. 34Tuku te tāpuni#26.34 Pe nofoa o te alofa fakahao ki luga o te Puha o te Feagaiga. 35I fafo o te Nofoaga e Hili te Paia, fakatū te laulau i te itū ki mātū o te Falekie, ma te tūgālāmepa i te itū ki haute.
36“Mo te fāitotoka o te Falekie, fai he kiepupuni e kehe te itūkāiga, i te kie lino lelei ma lalaga i te vulu lanu moana, violē, ma te kukula, ma teuteu i ni mea e hui ki ei ni ata. 37Mo te kiepupuni tēnei, fai ni pou e lima i te lākau ko te hitahi ma tatao i te aulo, ma fakapipiki ki ei ni fakakāfilo aulo; fai ni tūlaga apamemea e lima mo nā pou iēnei.
Currently Selected:
Ehoto 26: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 26
26
Fuafuaga mo te Falekie Tapu
(Eho 36.8-38)
1“E hē gata i tēnā, e fai e koutou te Falekie Tapu,#26.1 Falekie Tapu Kikila ki te Lihi o nā Kupu i ni kiepupuni e hefulu e fai i te kie lino lelei. Lalaga nā kiepupuni iēnei i te vulu lanu moana, violē, ma te kukula, ma hui ki luga ni ata o ni kēlupi. 2E fakatutuha te lalahi o nā kiepupuni—e hefulu lua mita te loloa, ma lua mita te lauefa. 3E hui hohoko fakatahi nā kiepupuni e lima ke kavea ai ko he vaegā kiepupuni e fokotahi, ma fai foki vēnā iētahi kiepupuni e lima, ke kavea ai ko tētahi vaegā kiepupuni. 4Fai ni mama i te kie lanu moana, ki te pito lele ki fafo o nā vaegā kiepupuni takitahi iēnei e lua. 5Fakapipiki ni mama e lima hefulu ki te vaegā kiepupuni muamua, ma hētahi lima hefulu e fakafehāgai ki ei, i te vaegā kiepupuni tona lua. 6Oi fai ai ni fakakāfilo aulo e lima hefulu ke hohoko ai nā vaegā kiepupuni e lua, ke kavea ma kie e fokotahi.
7“Fai he kietatao mo te Falekie Tapu i ni kiepupuni e hefulu tahi, e lalaga i nā lāulu oti. 8E tutuha uma te fua o nā kiepupuni, e hefulu tolu mita te loloa kae lua mita te lauefa. 9Hui hohoko fakatahi ni kiepupuni e lima ke kavea ma vaegā kiepupuni e fokotahi, ma tētahi ono ke fai ma hētahi vaegā kiepupuni. Ko te ono o kiepupuni e afe ake ki luga ke fakatutuha ma te pito ki luga, i mua o te Falekie. 10Fakamau ni mama kie e lima hefulu, ki te pito o te kiepupuni e pito lele ki fafo o te vaegā kiepupuni muamua, ma ni mama kie e lima hefulu, ki te pito o te kiepupuni i te pito lele ki fafo, o te vaegā kiepupuni tona lua. 11Oi fai ai ni fakakāfilo apamemea e lima hefulu, ma fakalave ki nā mama ke hohoko ai nā vaegā kiepupuni e lua, ke kavea ai ma kietatao e fokotahi. 12Ko te vāega e totoe o nā kiepupuni o te Falekie, te āfa kiepupuni tēia e totoe, e fakatāutau ki lalo i tua o te Falekie. 13Ko te lima hefulu henitimita e totoe i te loaloaga i nā itū e lua, e fakatāutau ki lalo i nā itū o te Falekie ke pupuni ai.
14“Fai mo te falekie ni iētahi kietatao e lua, ko tētahi e fai i te paku māmoe poa e fakatogo kukula, ma tētahi e fai i te pakumanu e hili te lelei, ke fakaaogā ma kietatao e pito ki fafo.#26.14 E hē manino te uiga o te tuhituhiga Epelu
15“Fai ni āuivi fakatutū ki luga i te lākau ko te hitahi, mo te Falekie Tapu. 16Ko te āuivi e fokotahi e fai i ni laupapa e taki lua ma e taki fa mita te loloa ma ono hefulu ono henitimita te lauefa, 17ma ni pine taki lua i nā pito e fakatutuha, ke mafai ai nā āuivi ke hohoko fakatahi. Ko nā āuivi uma lele ka iei o lātou pine vēnei. 18Fau ni āuivi e lua hefulu mo te itū ki haute, 19ma fai ni tūlaga hiliva e fa hefulu ki lalo o nā āuivi, e lua ia tūlaga i lalo o te āuivi e fokotahi mo ona pine e lua. 20Fau ni āuivi e lua hefulu mo te itū ki mātū o te Falekie 21ma ni tūlaga hiliva e fa hefulu, e lua i lalo o te āuivi e fokotahi. 22Mo tua o te Falekie i te itū ki hihifo, fau ni āuivi e ono, 23ma ni āuivi e lua mo nā tulimanu o te Falekie i te itū ki tua. 24Ko nā āuivi tulimanu iēnei ka fakapipiki i te pito ki lalo, ma hohoko ai fano lele ki luga. Ko nā āuivi e lua i nā tulimanu e lua, ka tutuha lava te fauga. 25Oi ka valu la ia āuivi ma o lātou tūlaga hiliva e hefulu ono, e lua i lalo o te āuivi e fokotahi.
26“Fai ni lākau fālava e hefulu lima i te lākau ko te hitahi, e lima mo nā āuivi i tētahi itū o te Falekie, 27e lima mo nā āuivi i tētahi itū, ma e lima mo nā āuivi i te itū ki hihifo, i tua. 28Ko te lākau fālava o lototonu, e fakapipiki e tuha ko te āfa i te fano ki luga mai nā āuivi, ma e fanatu mai tētahi itū o te Falekie ki tētahi. 29Tatao nā āuivi i te aulo, ma fakapipiki ki ei ni mama aulo ke fakamau ai nā lākau fālava, iēia e tatau foki ke tatao i te aulo. 30Oi fakatū ai e koe te Falekie Tapu, e vē ko te ata na kō fakaali atua kia te koe i luga o te mauga.
31“Fai he kiepupuni i te kie lino lelei na lalaga i te vulu lanu moana, violē, ma te kukula, ma hui ai ki ei nā ata o nā kēlupi. 32Tautau te kiepupuni i nā pou e fa e fai i te hitahi ma e tatao i te aulo ma kua fakapipiki ki ei ni fakakāfilo, ma fakatutū ki luga o nā tūlaga hiliva e fa. 33#Epe 6.19; 9.3-5Tautau te kiepupuni i nā fakakāfilo i te taualuga o te Falekie, ma tuku te Puha o te Feagaiga e i loto ai nā fatupapa māfolafola e lua, ki loto o te potu i tua o te kiepupuni. Ko te kiepupuni tēnei ka vavae ai te Nofoaga Paia ma te Nofoaga e Hili te Paia. 34Tuku te tāpuni#26.34 Pe nofoa o te alofa fakahao ki luga o te Puha o te Feagaiga. 35I fafo o te Nofoaga e Hili te Paia, fakatū te laulau i te itū ki mātū o te Falekie, ma te tūgālāmepa i te itū ki haute.
36“Mo te fāitotoka o te Falekie, fai he kiepupuni e kehe te itūkāiga, i te kie lino lelei ma lalaga i te vulu lanu moana, violē, ma te kukula, ma teuteu i ni mea e hui ki ei ni ata. 37Mo te kiepupuni tēnei, fai ni pou e lima i te lākau ko te hitahi ma tatao i te aulo, ma fakapipiki ki ei ni fakakāfilo aulo; fai ni tūlaga apamemea e lima mo nā pou iēnei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust