Ehoto 16
16
Ko nā Mānai ma nā Kueli
1Kua olokehe atu ia tagata Ihalaelu uma mai Elima, ma i tona hefulu lima o aho talu te tukua e kilātou o Aikupito, na tau atu ai kilātou ki te toafa o Hini i te vā o Elima ma Hinai. 2I kinā i te toafa na fāitiogia ai e tagata uma lele ia Mohe ma Alona 3ma kua lea vē atu kilātou kia te kilāua, “Na hili atu ai pe kana tuku kimātou e te Aliki ke mamate i Aikupito. Ānei ake ki mātou kua nonofo ki lalo ma kakai mākokona i nā kanofi manu ma nā falaoa. Kae kua koulua kaumaia kimātou uma ki te toafa ke tāmate ai i te fia kakaia.”
4 #
Ioa 6.31
Oi na vāgana mai ai te Aliki kia Mohe, “Kikila, ka kō liligi ifoa e vē he ua mai te lagi, te falaoa mo koutou uma. Ko nā tino e tatau ke olo i aho uma oi ao mai nā meakai e lava mo te aho. I te faiga tēnei, ka tofotofo ai e au kilātou ke iloa ai pe ka mulimuli kilātou ki aku fakahinoga pe hēai. 5I te ono o aho, kāfai e tapena a lātou meakai e ao mai, ke fakaluaina te lahi i lo te mea nae māhani ao e kilātou i nā aho takitahi.” 6Oi na lea atu ai ia Mohe ma Alona ki nā tino Ihalaelu uma, “Ko te afiafi tēnei ka iloa ai e koutou ko te Aliki te na ia kaumaia koutou mai Aikupito. 7Ko te tāeao ka kikila ai koutou ki te huhulu pupula o te mamalu o te Aliki, ona kua lagona e ia autou fāitioga e fai ake kia te ia. Auā ko ai nei kimāua ke fāitio mai ai koutou ki ei?” 8Ma kua lea atu ia Mohe, “Ko te Aliki lava te ka ia fōki atua nā kanofi manu ke kakai ai koutou i te afiafi, ma nā falaoa ke kakai mākokona ai koutou i te tāeao, auā kua ia lagona autou fāitioga e fai ake kia te ia. Ko ai nei kimāua? Ko nā fāitioga a koutou e hē fai maia kia te kimāua, kae e fai ki te Aliki.”
9Kua lea atu ia Mohe kia Alona, “Lea atu ki te fakapotopotoga uma o Ihalaelu ke ōmamai ki mua o te Aliki, auā kua lagona e ia a lātou fāitioga.” 10Ka koi tautala ia Alona ki te fakapotopotoga uma, ka kua liliu ta lātou kikila āgai ki te toafa, ma na kilātou kitea atu ai te uiga kehe o te mamalu o te Aliki i loto o he ao. 11Ma na vāgana mai te Aliki kia Mohe, 12“Kua lagona e au ia fāitioga a tagata Ihalaelu; lea vē ki ei, ‘I te afiafi ka kakai koutou ki ni kanofi manu, ma i te tāeao ka kakai mākokona koutou i ni falaoa; oi ka iloa ai e koutou ko au ko te Aliki, ko te Atua o koutou.’ ”
13I te afiafi na hau ai he ogāmanu kueli#16.13 kueli He manulele taigole e olo ogāmanu mātolu lahi mātolu lele, ma na tatao kātoa ai te mea kua fakatū ai te lātou api; ma i te tāeao, na iei te hau na hoko kātoa ai te api. 14Ma i te pūhia kehega o te hau, na kitea ai ni mea mānifinifi e vē ni unafi ika i luga o te toafa ma nae vē ko te hau-aiha. 15#1 Kol 10.3I te kiteaga e nā tino Ihalaelu o nā mea iēnei, nae hē kilātou iloa pe niā, oi na lea vē ai tētahi ki tētahi, “Heā tēnei?”
Kua lea atu ia Mohe kia te kilātou, “Ko te meakai tēnei kua kaumai e te Aliki ke kakai ai koutou. 16Ko tēnei te mea na fakatonu mai e te Aliki: ‘Olo oi ao mai ni meakai ke lava mo koutou tau toka tahi; e lua ia lita#16.16 lua ia lita I te tuhituhiga Epelu e leamai fokotahi te omeli ma ko te omeli e tuha ma te tahi-vae-hefulu o te epaha, te fua mamago māhani nae fakaaogā i nā aho iēnā a te tino fokotahi mo nā tino i tō kāiga.’ ”
17Na fai te mea tēnei e tagata Ihalaelu; kua ao mai e kilātou, ko iētahi e lahi atu, ka ko iētahi e taigole malie. 18#2 Kol 8.15Kae i te fuaga e kilātou, ko nā tino na lahi a lātou meakai na ao, e hēki matuā lahi, ma ko nā tino foki na taigole a lātou mea na ao, e hēki matuā taigole. Na ao lava e te tino te mea na fetaui mo ia. 19Ma kua lea atu ia Mohe, “Nahe iei he tino e fakatotoea he mea mo tāeao.” 20Kae nae iei nā tino na hēki uhitaki kia Mohe ma fakatotoe a lātou meakai. I te tāeao na hohoko ai, ko nā mea iēnei kua tumu i te gāio ma kua elo, ma na ita ai ia Mohe kia te kilātou. 21I tāeao takitahi, nae ao e kilātou te meakai fakatatau ki te lahi o te mea e lava ai te tino; kae kāfai te lā kua vevela, ko nā mea na totoe i luga o te kelekele, kua liu.
22I tona ono o aho, na fakaluaina te lahi o te meakai na ao e kilātou, na taki fa ia lita a te tino. Oi na ōmamai ai nā takitaki o te fakapotopotoga oi taku kia Mohe te mea tēnei, 23ma na lea atu ia Mohe ki ei, “Ko tēnei te mea kua fakatonu mai e te Aliki: Ko te aho tāeao ko he aho e mālōlō ai, he hāpati paia ki te Aliki; tao i te aho nei nā mea e fofou koutou ke tao ma haka nā mea e fofou koutou ke haka. Ko nā meakai e totoe e tuku kehe mo tāeao.”#Eho 20.8-11 24Oi na tuku kehe ai e kilātou nā meakai na totoe e vē ko te fakatonuga a Mohe, ma e hēki elo pe na iei ni gāio nae iei. 25Kua lea atu ia Mohe kia te kilātou, “Kakai ki te meakai tēnā i te aho tēnei, auā ko te aho tēnei ko te Hāpati mo te Aliki, he aho e mālōlō ai, ma e hē koutou maua ai he meakai i luga o te kelekele. 26E ono ia aho e tatau ke ao ai e koutou nā meakai, kae i tona fitu o aho, ko te Hāpati tēnā, ka hēai he mea e maua e koutou.”
27I tona fitu o aho na olo ai iētahi tino oi ao mai ni meakai, kae na hēki maua e kilātou he mea. 28Oi na vāgana atu ai te Aliki kia Mohe, “Heā te mataloa ka tūmau ai pea te koutou hē uhitaki mai ki aku fakatonuga ma aku tūlāfono? 29Kikila, kua fōkiatu e te Aliki te hāpati kia te koutou, ma ko te mea ia e kō kavatua ai i tona ono o aho, nā meakai e lava mo koutou mo nā aho e lua. I tona fitu la o aho, e nofo lava te tino i te mea e iei ai, e hē fano kehe lele mai tona fale.” 30Oi na mālōlō ai ia tagata i tona fitu o aho.
31 #
Nūm 11.7-8
Na fakaigoa e nā tino Ihalaelu te meakai tēnei ko te mānai.#16.31 mānai Ko te kupu tēnei e tāli vē ko te kupu Epelu mo te heā tēnei? (kikila ki te 16.15). Nae vē he tamā fatu lākau paepae, ma i te tomi ki ei, nae vē he mahi e fai ki ei te meli Nae vē ko he tamā fatulākau paepae, ma tona tomi nae vē he keke mānifinifi na fai i te meli. 32Kua lea atu ia Mohe, “Na fai mai te fakatonuga a te Aliki ke fakahao ni mānai, ke tāofi mo o tātou lāpuna, kae ke kilātou kitea te meakai na ia kaumaia ke kakai ai kitātou i te toafa, i te kaumaiga e ia o kitātou mai Aikupito.” 33#Epe 9.4Ma kua lea atu ia Mohe kia Alona, “Kave he hiā, ma tuku ki loto ni lita e lua o te mānai, ma tuku ki mua o te Aliki ke teu mo o tātou lāpuna i te lumanaki.” 34E tuha ai ma te fakatonuga a te Aliki kia Mohe, na tuku e Alona te hiā i mua o te Puha o te Feagaiga, ke teu ai. 35#Ioh 5.12Ma nae kakai ia tagata Ihalaelu i te mānai mo ni tauhaga e 40 ke pa lava ki te taimi na taunuku ai kilātou ki te tuākoi o te fenua ko Kanana, te mea na nonofo tūmau ai kilātou. 36(Ko te fua mamago māhani mo nā koloa nae fakaaogā i te vāitaimi tēnā ko te epaha, ma e tuha e lua hefulu lita i nā aho nei. Kikila ki te 16.16).
Currently Selected:
Ehoto 16: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
