Ephè̆sus 3

Păulu Adèphîdèmè Bwènīd́ò Anikhĭ

1Gōnu akhoacè̆, d́ŏ Krĭstu Jezŭ kî thĭ bwènīd́ò tòcò anikhĭ, dèkî̆dî̄pho, jè, Păulu, thèb́è̆dahta dè Kib́ĭcè ò lò. 2Ju b́u tèpwè d́ŏ Kib́ĭcè ahluată abu, Ci ila jè agè̄ mè dè aè d́ŏ thĭ nikhĭ nu. 3Kib́ĭcè d́è̆lî̄hta adèhudèzò kî mèthîhè̆gè jè. (Je hwe d́ò̆sa thĭ aglobu htŏ, 4kî thĭ gā phab́è kòd́ò̆ jè dèhwe ajo d́ō, thĭ gî̄ thîhè̆ tèpwè ab́èkja jè dèthîhè̆ Krĭstu adèhudèzò nu.) 5Hlĕ akhî phlòtôlô hwă nu, bija Lākhopho tòcò di nib́è dèithîhè̆ dèòhuòb́i ajo ńò, barasă khŏnujo, Kib́ĭcè aSpirito Tcahtĭ d́è̆lî̄phlò̆htagè d́ŏ Za bija tcăhtĭ Thodŏpho kî Prò̆fèt tòcò nu. 6Dèòhuòb́i ḿî bwènīd́ò tòcò nib́èkô za Kib́ĭcè aVanzĕlo ploplo kî Jŭdapho tòcò nu, cè tòcò ḿî bija anebî̆cè dèbwè lò kî nib́èplo za lōwa Kib́ĭcè adèŏlăphlala d́ŏ Jezŭ Krĭstu abu nu.

7Jè b́è mèphî̆htagè Vanzĕlō akhî̆abwè d́ŏ Kib́ĭcè ilani lasă, amèdè ò kî dècô̆thèlè̆ d́ŏ ju bu nu. 8Jî ḿî nòthò̆ ascipho d́olĭ bija tcăhtĭ asciphogudu hnò̆nu, Kib́ĭcè ila ladŭ jè akò d́ò̆htôlani bwènīd́ò tòcò ab́èkja Krĭstu dèlīdobwîthè̆ htè bija wāhlè do lō za ńò, 9kî aki i bija lŏcăcè tcahtî Kib́ĭcè, htè Ab́òladè gŏmihtĭda nu, b́è̆lè̄hugè d́ŏ d́e phlòtôlô hlĕ Lākho òhta akhahtî be be nu. 10Cab́ô̆htè khŏnujo, d́ŏ dèòplo akhoacè̆, Mò̄khobwèzo aŭidè tòcò kî Ḿò̄kho adècô̆thèlè̆ tòcò gè̄ mèhlô̆thîhè̆ nikò̆ Kib́ĭcè adèzadèbla amŏamo nu. 11Kib́ĭcè mè dè ajo acab́ô̆ Zè dèkŏdèkja alahtŭlablo ò akhò̆ nu, htè Zè gè̄ mè pĕzòhtai d́ŏ wî B́ĭcè Krĭstu Jezŭ nu. 12D́ŏ wò ò d́ŏ Krĭstu abu kî wu b́ugè Cè akhoacè̆, wò òkî dèthakhŭthahè̆ agē lenī d́ŏ Kib́ĭcè ahlò̆mò̄ d́ŏ dèb́ulai thĕbwe we ne abu nu. 13Gōnu akhoacè̆, ja damòb́è thĭ cab́ô̆htè thĭ tha gè̄ dè hèwî̄hèkè̆bò̄ d́ŏ ja kha dè thĭ nikhĭ akhoacè̆ ḿè. Dè ajo lŏcăcè ḿî thĭ gī nihlunită anikhĭ lò.

Krĭstu Adèb́èlò̄

14D́ŏ dèjo akhoacè̆ jo dōhnŏlă d́ŏ Pa htè, 15bija gŏ agumu aò Mò̄kho kî Lākho nib́ègè Zî ḿî adî̄ahma dèbwè nu ahlò̆mò̄ nu. 16Ja dathè̆b́èhta Kib́ĭcè, apĕhtazòhta kî dèhĭdèhtè̆ dèbwè ki ilanibò̄ thĭ dècô̆dèthèlè̆ d́ŏ Kib́ĭcè aSpirito, cab́ô̆htè thĭ tha akhoaă gô̄ sôhtabò̄ anikhĭ nu. 17Jè thèb́è̆hta tèpwè thĭ nikhĭ, cab́ô̆htè Krĭstu kò̄ òbò̄ d́ŏ thĭ thabu, d́ŏ thĭ dèb́u Cè abu nu kî thĭ gō colabò̄ thĭ khawi kî sola thĭ ne d́ŏ dèb́èlò̄thòklè̆ abu anikhĭ nu, 18ploplo kî bija tcăhtĭ tòcò, thĭ kò ò pĕhtakîbò̄ dècô̆thèlè̆ htè athîhè̆ Krĭstu adèb́èlò̄ ḿî adoamugè pwedè̄, ahtajî kî alajò̄gè pwedè̄ nu. 19Thĭ gî̄ thîhè̆b́èkò̆ Kib́ĭcè adèb́èlò̄, htè bija dî thîhè̆htô za ńò nu, cab́ô̆htè thĭ kè̄ b́è mè pĕhtazòhta kî Zè dèpĕdèzò lŏcăcè anikhĭ nu.

20Kib́ĭcè htè adècô̆dèthèlè̆ mèdè d́ŏ wu bu dèbwè nu mèkèhta dè d́olĭ kî wa da kî wo gomo nu. 21Dèdòdèthe kè̄ b́è d́ò̆è Kib́ĭcè d́ŏ dèòplo abu kî d́ŏ Krĭstu Jezŭ abu thèj́ô̆ lahtŭlablo nu. Amèn.

Currently Selected:

Ephè̆sus 3: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Ephè̆sus 3

Videos for Ephè̆sus 3

Ephesians 2-3

BibleProject

Ephesians 2-3

Spoken Gospel

Ephè̆sus 3

Popular Bible Verses from
Ephè̆sus 3

Videos for Ephè̆sus 3

Ephesians 2-3

Ephesians 2-3

Bible:

Karen, Geba

Version: Geba Roman New Testament - GRNT21

Ephè̆sus 3

Ephè̆sus 3

Popular Bible Verses from Ephè̆sus 3

Videos for Ephè̆sus 3

Ephesians 2-3

Ephesians 2-3

Bible:

Karen, Geba

Version: Geba Roman New Testament - GRNT21

Ephè̆sus 3

Popular Bible Verses from
Ephè̆sus 3