Ephè̆sus 1

1Jezŭ Krĭstu abwè Thodŏpho acab́ô̆ Kib́ĭcè b́èthagè, jè Păulu, hwe d́ò̆sa bija tcahtĭ aò d́ŏ Ephè̆sus u kî bija htè ab́u Jezŭ Krĭstu nu, 2wa Pa B́ĭcè kî B́ĭcè Jezŭ Krĭstu kī ilani d́ò̆bò̄è thĭ dèhludètă kî dècodèmò nu.

Tha Adèhôwî d́ŏ Krĭstu abu

3Thîhè̆htagebò̄ Kib́ĭcè htè aḿî wî B́ĭcè Jezŭ Krĭstu Apa nu! Manè̄ d́ō, d́ŏ wè dèò ploplo kî Krĭstu abu nu, Zô hôwîgè wa kî ilagè wa gajă ab́èkja tho kî tha adèhôwî lŏcăcè htè aò d́ŏ Mò̄kho nu. 4Hlĕ Lākho dukhlŭ òhta hnî̆ńò nu, Kib́ĭcè rôhtagè wa cab́ô̆htè wa gā tcă gī htĭ kî gô̄hlô̆gālabò̄ dèkèḿè d́ŏ Zò hlò̆mò̄ nu.

5D́ŏ Kib́ĭcè adèb́èlò̄ acè̆, Zè bè̄lagè Ca tha d́ŏ Jezŭ Krĭstu acè̆ nu, Ca gā hnaphî̆hta kè Zo pho nu. Ajo ḿî Kib́ĭcè adèb́ètha kî adèthaèni nu. 6Thîhè̆htagebò̄ Kib́ĭcè adòdothedo adèhludètă, manè̄, Ci ilagè kè Zo Pho htè Cè b́èlò̄ nu. 7D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆, 8Zò hlòla pĕhta lablîlablôgè wi nikhĭ.

9D́ŏ Zè dèthîhè̆ kî dètcahtî lŏcăcè abu, Kib́ĭcè mègè acab́ô̆ Zè dèprahnè ò adĕ nu, kî b́è d́è̆lî̄ pĕhtazòhta ni kè d́ŏ Krĭstu nu. 10Kib́ĭcè gè̄ mè pĕhtazòhtage adèpralahnè, b́ĕ asŏakhè̆ b́è nu, kî Zu gū htuplowāploge gajă dèb́òhtalè̄la gŏ amo, dèlŏcăcè htè aò d́ŏ Ḿò̄kho kî Lākho, kî Krĭstu ḿî Akho nu.

11Dèlŏcăcè mègè acab́ô̆ Kib́ĭcè adèglelapralahnè kî adèbè̄latha ò adĕ nu. Kib́ĭcè rôhtagè wa acab́ô̆ wè gè̄ kèhta Zi bija d́ŏ Krĭstu abu, hlĕ akhahtî be be lò. 12Gōnu akhoacè̆, wa aḿî bija aŭsugudŭ htè asascĭi Krĭstu tòcò, kòihtăibò̄ Kib́ĭcè adòathe.

13Thĭ htè athîhè̆b́ègè dèdî̄dèhma alēahwè, Vanzĕlō htè alei thĭ dèhlô̆htage tòcò nu ḿîgè Kib́ĭcè abija. Thĭ ab́ugè Krĭstu tòcò, thĭ b́è dòlahnè̆i kî Spirito Tcahtĭ htè Co ŏlăphlalahnè htŏ nu. 14Spirito Tcahtĭ ḿî dèaḿăkhai ab́èkja Kib́ĭcè adèŏlăphlala hnè Za bija tòcò lò. Wa htè aḿî Cè è̆ tòcò nu, Ci ki iwa dèhlô̆htage pĕhtazòhta lŏklikli nu. Mègōnu d́ō, htăhtaibò̄ Kib́ĭcè adòathe.

Păulu Adèdathèb́è̆

15D́ŏ dèjo akhoacè̆, tcahta b́ĕ jî thîhè̆b́è thĭ b́u B́ĭcè Jezŭ, kî thĭ b́èlò̄gè Kib́ĭcè abija lŏcăcè tòcò nu be be, 16jò d́ò sò̆tab́a kòihtăi Kib́ĭcè d́ŏ thĭ kho thĭ cè̆ ńò. Jo gomohtani thĭ d́ŏ jè dèthèb́è̆ abu, 17ja dadè d́ŏ B́ĭcè Jezŭ Krĭstu Apa, Kib́ĭcè adòdothedo dèbwè ò, cab́ô̆htè Ci ki ilanibò̄ thĭ Spirito Tcahtĭ, htè agè̄ mè htî̆nigô̄ni thĭ kî d́è̆lî̄ thĭ Kib́ĭcè, cab́ô̆htè thĭ gî̄ thîhè̆bò̄ Cè anikhĭ nu. 18Ja dadè cab́ô̆htè thĭ tha adètcahtî gî̄ hlî̆hta kî tcahtîbò̄ Zè dèhlî̆, thĭ gî̄ thîhè̆bò̄ Zè dèjo thĭ ḿî dèsascĭi da anikhĭ nè kî dèhôwî Co ŏlăgè Ci ki i Za bija tòcò nu alīdobwîthè̆gè pwedè̄, 19kî Cô cô̆thèlè̆ mè dè d́ŏ wa ab́u Cè tòcò abu ḿî akhob́ăădogè pwedè̄ nu. Dèacô̆thèlè̆ mè dè wu bu jo ḿî dèkhodèă, 20htè ajāthôkî Zè dècô̆thèlè̆ htè ab́awè̄htoge Krĭstu d́ŏ dèthĭ kî Ci i lōwa sańăò d́ŏ Zu cudèhtwè d́ŏ Mò̄kho Ahtĭage abu nu. 21B́ĕnu Krĭstu ŭidè d́ŏ aŭi Mò̄kho tòcò, bwèdo tòcò, dècô̆dèthèlè̆ tòcò kî B́ĭcè lŏcăcè tòcò akho lò. Zi mi ḿî adoamu kî ahtajî d́olĭ mi htè ab́èbahta lŏcăcè, b́ĕ khŏnu jo htô̆do alekă nu. 22Kib́ĭcè b́è̆lă dèlŏcăcè d́ŏ Krĭstu akhajāla alè̄ acab́ô̆ B́ĭcè adogudŭ, kî ilagè Cè Dèòplo anikhĭ akū ŭi dèlŏcăcè nu. 23Dèòplo ḿî Krĭstu anebî̆cè, htè amèpĕhtazòhta Krĭstu kî Cè thè̆ne ḿî amèpĕhtazòhta dèlŏcăcè d́ŏ dèlle gŏ alā nu.

Currently Selected:

Ephè̆sus 1: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Ephè̆sus 1

Videos for Ephè̆sus 1

New Testament Letters: Literary Context

BibleProject

Euangelion / Gospel

BibleProject

Ephesians 1

BibleProject

Ep 54. Genesis 29: Why Did God Favor Leah?

The Bible Show

Ephè̆sus 1

Popular Bible Verses from
Ephè̆sus 1

Videos for Ephè̆sus 1

New Testament Letters: Literary Context

Euangelion / Gospel

Ephesians 1

Ep 54. Genesis 29: Why Did God Favor Leah?

Bible:

Karen, Geba

Version: Geba Roman New Testament - GRNT21

Ephè̆sus 1

Ephè̆sus 1

Popular Bible Verses from Ephè̆sus 1

Videos for Ephè̆sus 1

New Testament Letters: Literary Context

Euangelion / Gospel

Ephesians 1

Ep 54. Genesis 29: Why Did God Favor Leah?

Bible:

Karen, Geba

Version: Geba Roman New Testament - GRNT21

Ephè̆sus 1

Popular Bible Verses from
Ephè̆sus 1