Kintaŋ 7
7
Afómó vilìmbìy ve wìr veé Isray
1Yì‑iì dzə̀ é kishiíy ke Mooser‑iì màysìn, e tùúy kibàn ké Nyùy Tàr, wù yóʼ wùn à vifá və́ ví, ví wáa dzə jeéy ji vé Nyùy. Wù‑uù yòʼ sá kíy cù, wú wáa dzə jeéy wùn à vifá ve ker və́ ví. 2Wáa dzə e kishiíy fóo fèy, vilìmbìy ve wìr veé Isray ve dzəə̀n atǎr kfəə vi wìy aàfómo véví. Kù‑uù dzə̀ vilìmbìy ve ram seé Isray ve ví‑iì leey wír ve vé‑eè táŋ wíri. 3Vé‑eè wiy aàfómo véví e Nyùy Tǎr si, a vé‑eè dzə̀ jii, viténtén ve sumèn ví ntuùfú wùn aànàʼa nshòv sibaà e ghvə̀m. Vilìmbìy vibaà ví‑iì fó kiténtén kimòʼón, a kilìmbìy kimòʼón ki fó nàʼ e mòʼón. Áwune ku nèn fò vifá vìn e shùu kibàn ké Nyùy.
4 Nyùy Tàr nèn sùúy e Mooser jii, 5«Səə́sí vifá ve áwune wìyìn shó vi, aá yiì a yiì lim seé *kibàn ké ntàsín shó. Jàvtì e wír veé ram Levìi mo lim sév sí dzə̀kìn.» 6Mooser ku nèn sə̀ viténtén viy wùn aànàʼa, e fò e wír veé ram Levìi. 7Wù‑uù fò viténtén vibaà wùn aànàʼa akweè e wír Gershone mo lim yéví taʼà, 8e fò viténtén vikweè wùn aànàʼa waamé e wír Merarìi mo lim yéví dzəə̀n. A kù‑uù leey Itamar woo wan taà cù Aaron lím wìr vìn adzə̀m. 9Mooser jàvtì bèy, e làa yòʼ fo kifá e wír Kohati, bìʼ fo yév yee lime‑eè dzəə̀n ji á wáa leéy fo vifa ve kibàn ké Nyùy Tàr ve á yíi a beʼ a dzə̀ é mbèʼ.
10Vilìmbìy vi‑iì wìy sá e cu yév yee bìʼ kíy cù wo vé‑eè yóʼ e kishiíy fóo fèyi. Á wìy sho, e lèm e ghaa kiy cù. 11Nyùy Tàr suúy e Mooser jii, «Vilìmbìy vi wíy a fo cu yév yee bìʼ kíy cù wo yoʼóné, a wìr wíy a fo e kfə́ kee kishiíy kí.» Á ku nèn a yiì bèy.
12Wír wo wù‑uù foon rə́ é kishiíy ké mbìy ki‑iì dzə̀ Naashon woo wan Amminadav woo rám Juda, 13a cu rəə́‑əə̀ dzə̀ kikóŋ kee *kisha ke mbàm ke fəvír kí, a vidzəəsì ví dzə̀ *ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 14Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 15Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 16e fò sá kibév ji ké cù ajay, 17e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Naashon woo wan Amminadav‑iì foon.
18Wáa dzə e kishiíy kee baà, Netanel wo yì‑iì dzəə̀n kilìmbìy ke wìr veé Issakar, a dzə̀ wan Tsuyar nèn yiì rə́ yee cu, 19a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 20Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 21Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 22e fò sá kibév ji ké cù ajay, 23e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Netanel woo wan Tsuyar‑iì foon.
24Wáa dzə e kishiíy kee taár, nén a dzə Eliav woo kilìmbìy ke wìr Sebulun, a dzə̀ wan Helon, 25a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 26Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 27Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 28e fò sá kibév ji ké cù ajay, 29e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Eliav woo wan Helon‑eè foon.
30Wáa dzə e kishiíy kee kweè, nén a dzə Elisur wo yì‑iì dzəə̀n kilìmbìy ke wìr Ruben, a dzə̀ wan Shedeur, 31a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 32Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 33Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 34e fò sá kibév ji ké cù ajay, 35e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Elisur woo wan Shedeur‑iì foon.
36Wáa dzə e kishiíy kee tàn, nén a dzə Shelumiel, wo yì‑iì dzəə̀n kilìmbìy ke wìr Simeon, a dzə̀ wan Tsurishadday, 37a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 38Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 39Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 40e fò sá kibév ji ké cù ajay, 41e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Shelumiel woo wan Tsurishadday‑iì foon.
42Wáa dzə e kishiíy kee ntuùfú, nén a dzə Eliasav wo yì‑iì dzəə̀n kilìmbìy ke wìr Gad, a dzə̀ wan Deyuel, 43a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 44Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 45Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 46e fò sá kibév ji ké cù ajay, 47e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Eliasav woo wan Deyuel‑iì foon.
48Wáa dzə e kishiíy kee saàmbà, nén a dzə Elishama wo yì‑iì dzəə̀n kilìmbìy ke wìr Efrayim, a dzə̀ wan Ammihud, 49a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 50Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 51Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 52e fò sá kibév ji ké cù ajay, 53e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Elishama woo wan Ammihud‑iì foon.
54Wáa dzə e kishiíy kee waamé, nén a dzə Gamaliel wo yì‑iì dzəə̀n kilìmbìy ke wìr Manasse, a dzə̀ wan Pedasur, 55a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 56Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 57Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 58e fò sá kibév ji ké cù ajay, 59e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Gamaliel woo wan Pedasur‑iì foon.
60Wáa dzə e kishiíy kee bvə̀ʼə̀, wáa dzə Abidan wo yì‑iì dzəə̀n kilìmbìy ke wìr Benjamin, a dzə̀ wan Gidiyone, 61a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 62Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 63Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 64e fò sá kibév ji ké cù ajay, 65e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Abidan woo wan Gidiyone‑eè foon.
66Wáa dzə e kishiíy kee ghvə̀m, nén a dzə Ahiyeser wo yì‑iì dzəə̀n kilìmbìy ke wìr Dan, a dzə̀ wan Ammishadday, 67a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 68Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 69Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 70e fò sá kibév ji ké cù ajay, 71e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Ahiyeser woo wan Ammishadday‑iì foon.
72Wáa dzə e kishiíy kee nshòv mòʼón e ghvə̀m, wáa dzə Pagiel wo yì‑iì dzəə̀n kilìmbìy ke wìr Asher, a dzə̀ wan Okran, 73a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 74Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 75Wù kfən fò nyám se cù ye tonèné, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 76e fò sá kibév ji ké cù ajay, 77e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Pagiel woo wan Okran‑eè foon.
78Wáa dzə e kishiíy kee nshòv sibaà e ghvə̀m, nén a dzə Ahira wo yì‑iì dzəə̀n kilìmbìy ke wìr Navtali, a dzə̀ wan Enan, 79a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi. 80Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén. 81Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá, 82e fò sá kibév ji ké cù ajay, 83e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Ahira woo wan Enan‑eè foon.
84Á vifá ve kiy cù wo yoʼóné ve vilìmbìy veé Isray vi‑iì wìyìn shó e kishiíy ke vé‑eè yóʼ kíy cù, a vidzə̀m vi dzə̀ jii, vikóŋ vee kisha ke mbàm ke fəvír kí nshòv sibaà e ghvə̀m wùn à vimà vé vikaŋ vee kisha ke mbàm ke fəvír kí nshòv sibaà e ghvə̀m, aàláŋ vee kisha ke mbàm ke baar kí nshòv sibaà e ghvə̀m. 85Vidzəəsì vé kikoŋ kee kisha ke mbàm ke fəvír kí ví‑iì dzə̀ ashekel kishóv mtaár e wiì (130), a vé màkìkaŋ vi dzə̀ ashekel msaàmbà. Vidzəəsì vé kifa kidzə̀m ke dzəə̀n kisha ke mbàm ke fəvír kí, ví nén a dzə ashekel kishóv ghii kweè aànsə̀kìi abaà (2,400) mo shekel wo dzəə̀n wo cù yii dzə́. 86Aláŋé‑eè dzə̀ nshòv sibaà e ghvə̀m vee kisha ke mbàm ke baar kí, a kiláy kí dzə̀ shó, a vidzəəsì vé láŋ e mòʼón vi dzə̀ shekel e ghvə̀m. Vé aláŋ adzə̀m vi nén a dzə ashekel kishóv mbaà é wiì mo shekel wo dzəə̀n wo cù yii dzə́.
87Nyám se cù ye tonèné sí‑iì dzə̀ jii, anàʼ vee vilum nshòv sibaà e ghvə̀m, viyáʼ nshòv sibaà e ghvə̀m, wón viyaʼ vee kiyá sa nshòv sibaà e ghvə̀m, e bóo lì cu vifa ve yi ve á yii táti sho, e lì sa vibév nshòv sibaà e ghvə̀m ji cu ajay. 88Nyám se cù kikòŋnìn si‑iì dzə̀ jii, anàʼ nshòv sikweè e mbaà, viyáʼ mntuùfú, vibév mntuùfú, wón viyáʼ sa mntuùfú, a kù dzə̀ vee kiyá kiyá. Á vifá ve cù vee bìʼ kíy cù e ghan se vé‑eè yóʼó.
89Mooser nèn yiì lò, e nə̀ə́ e *kibàn ké ntàsín ji wun súŋnin a wùn Nyùy Tàr, e yù, a kisúŋnìn ki wiy fo yuv e kitu ke kirə̀ʼ ké kiman ke kí dzəə̀n é nsər ŋkùv mensàŋ, a kí fəəsin fo nsàn vifa veé yuv vee vibaà ve ví kér vav si. Nyùy ku nèn sùŋnín wùn Mooser bèn.
Currently Selected:
Kintaŋ 7: LNB
Highlight
Share
Copy
Want to have your highlights saved across all your devices? Sign up or sign in
© 2022 CABTAL
