Kèʼlo 48
48
Jakov səə̀vì Efrayim wùn Manasse
1Ghán sí lòo dù, Joosev nèn yù ji tàr wov waà joyì. Wù nèn lì wón və́ vee vilum abaà, Manasse wùn Efrayim, a dù ji wùn áwune du, e yèn á tàr wov. 2Á nèn sùúy e Jakov jii, wan və woo Joosev wìy a ne ji wù yén á wun. Wù yú bey, wun woo Isray nèn jeètí, e nànèn, e dzə̀ʼə̀m e kikun. 3Joosev nəə́, wù suúy shó jii, «Nyùy woo Ŋgaà Vitaàví Vidzə̀m‑eè wìy fo mǒ wùn, e səə̀vì mo é Lus e nsay Kanan, 4e sùúy e mò jii, wun yíi yiì, é m wáa ker a wón anín, aá kuʼ, é vitúm vinín vi ram á fo mǒ bvə̀m. Wun wíy fo a nsay yee fó e rám yémé ji yéev, e dù, e mày.
5«Á bèy lèn, ké won vee abaà ve wò‑oò dzəən é Ejiv fèn, é bo m wáa wìy ki dzə̀ jii, vee shooyi sì vém. Efrayim wùn Manasse kù sì wón vém réŋréŋ mo Ruben wùn Simeon dzəə̀n vém bey. 6Wón ve à yíi a dzəə́ aáwuné bàmé dzə̀ vé, aá kù wíy a taŋ áwune a dzə̀ é mvə̀m kfəə Efrayim, kìn e yé Manassèe. Áwune kù wíy a yi vitsə́ʼ a dzə̀ veé mvə̀m kfəə foo fèy. 7M yii kinyo kìn bìʼ Racel woo yè won wo wù‑uù kpuun é wòŋ Kanan. Mò‑oò lóo kfən e bàm fó Paddan, a vèr dzə̀ə́ e dzəə, a bér ne shintàm, aá meé é Efrat, wù nèn kpù. Mendzən mem féyì. M nèn dzəə̀mè wun e ghaa dzəə yeé Efrat foo fèy.» Jakov‑iì yoŋ Efrat, a dzə̀ fo á yoŋ lán ji Betlehem.
8Isray nèn lò yèn wón Joosev, e dzə̀r jii, «Víne dzə̀ ala?»
9Joosev bìnèr e tàr wov jii, «Dzə̀ wón vém ve Nyùy foon e mò fen.»
Isray nèn sùúy jii, «Kii wò, wìy aáwune, é m səəvi.» 10Wáa dzə e ghan sin, a sí Israyi sí səə́ne, a bó wù yòʼ dzəə́ yén virə́ʼ kijuŋ bìʼ vidzəənè, Joosev nèn lì wón viy, e kòʼór e tàr wov Isray mentsə̀m. Wù shàʼtì áwune, e baàmé, 11e sùúy e Joosev jii, «M yòʼ‑oò dzəə́ kí ji m dzəə́ wìy yen a sí yé. Leéy ri, e yèn, Nyùy yiì ne, m yén sá wón vé.»
12Joosev tsə̀ʼ áwune fo tàr wóv kibìy, e nèn tsə̀m ndzəə́, e làʼ kitú e nsay e tàr wóv si. 13Wù nèn lò, e ghàr wón ji wun tiír á e tàr wóv si. Wù ghár Efrayim e kiwo ke yìy kí, e kòʼór e tàr wóv koy ŋkoòvìi, e ghàr Manasse e kiwo ke ŋkoòvì ki, e kòʼór e tàr wóv koy yìyí. 14Tàr wov shwáʼsín kóy sə́, e neèr kiwó ke yìy kí e Efrayim woo wán wo terí kitu, e neèr ké ŋkoòvì ki e Manasse woo wán woo ŋgàywìr kitu.
15Wù wáa səə̀vì Joosev#48.15: Mo Isray səəvì Efrayim wùn Manasse, bo wù səəvì a dzə̀ Joosev woo tàr wov mo ŋwàʼa suuy fèn., a suúy jii:
«Nyùy atàr vém vee Abraham wùn Aysi,
Nyùy wo áwune‑eè ghvə́mé,
Nyùy wo wù‑uù leey fo mò, e wìy meé lán,
16Nshìylav Nyùy ye yì sə́ mo fó ŋgeʼ sidzə̀m,
kú a səə̀vì wón vee vilum vìn,
é wíri wìy a kiíy yír yém wùn à yé atàr vém vee Abraham wùn Aysi.
Wù ku yiì, é rám yéví kuʼ é kitu ke nsay, a dzə nyanyày.»
17Joosev yén, a tàr wov neer kiwó ke yìy kí e Efrayim kitu, kí tén wun. Wù ghár kiwó ke tàr wov ji wun tsəʼ a fo Efrayim kitu, e neèr a e Manasse kitu. Wù wáa tsə̀ʼ bèy, 18a suúy jii, «Àáyǎ taàtá, wan mbìy dzə̀ və̀n. Neèr kiwó ke yìy kí a dzə̀ e woo shoon kitu.»
19Tàr wov sháʼnín, e sùúy jii, «M kì mbà, wan wòm. M kì. Wù wíy a dzə sa kitúm ke kuʼùn kí. Yii bèy, bám rəə́ wíy kùʼ, e shaà wun, é rám rəə́ wáa dzə vitúm vitúm.» 20Wù nèn a səə̀vì áwune é kishiíy fóo fèy, a suúy jii, «Wír veé Israyi wíy lòo səə̀vì wíri, aá wáa yòŋ jii, ‹Nyùy ku yiì, é kày wáa dzə moo Efrayim wun Manasse.› » Á mo Isray‑iì tiirin Efrayim fo Manasse mbìy bèy.
21Isray nèn sùúy e Joosev jii, «Yén ri, m sì é mentsə̀m me kpu. Kiíy jii, Nyùy kù wíy a dzə vèn áwune, e lì ven, e kfən sho bàm áàtàr véné nsay. 22Mo‑óò fó sá wò fómo woo jeéy, wo bó m yòʼ‑oò lo fò áàfə́r vée. A dzə̀ jii, gwaáné wo mò‑oò faàsìn#48.22: gwaáné wo mò‑oò faàsìn; Kìn jii: Shekem wo mò‑oò faàsìn. e nyùy wùn à kòŋé fo wír veé Amori sì wó.»
Currently Selected:
Kèʼlo 48: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Kèʼlo 48
48
Jakov səə̀vì Efrayim wùn Manasse
1Ghán sí lòo dù, Joosev nèn yù ji tàr wov waà joyì. Wù nèn lì wón və́ vee vilum abaà, Manasse wùn Efrayim, a dù ji wùn áwune du, e yèn á tàr wov. 2Á nèn sùúy e Jakov jii, wan və woo Joosev wìy a ne ji wù yén á wun. Wù yú bey, wun woo Isray nèn jeètí, e nànèn, e dzə̀ʼə̀m e kikun. 3Joosev nəə́, wù suúy shó jii, «Nyùy woo Ŋgaà Vitaàví Vidzə̀m‑eè wìy fo mǒ wùn, e səə̀vì mo é Lus e nsay Kanan, 4e sùúy e mò jii, wun yíi yiì, é m wáa ker a wón anín, aá kuʼ, é vitúm vinín vi ram á fo mǒ bvə̀m. Wun wíy fo a nsay yee fó e rám yémé ji yéev, e dù, e mày.
5«Á bèy lèn, ké won vee abaà ve wò‑oò dzəən é Ejiv fèn, é bo m wáa wìy ki dzə̀ jii, vee shooyi sì vém. Efrayim wùn Manasse kù sì wón vém réŋréŋ mo Ruben wùn Simeon dzəə̀n vém bey. 6Wón ve à yíi a dzəə́ aáwuné bàmé dzə̀ vé, aá kù wíy a taŋ áwune a dzə̀ é mvə̀m kfəə Efrayim, kìn e yé Manassèe. Áwune kù wíy a yi vitsə́ʼ a dzə̀ veé mvə̀m kfəə foo fèy. 7M yii kinyo kìn bìʼ Racel woo yè won wo wù‑uù kpuun é wòŋ Kanan. Mò‑oò lóo kfən e bàm fó Paddan, a vèr dzə̀ə́ e dzəə, a bér ne shintàm, aá meé é Efrat, wù nèn kpù. Mendzən mem féyì. M nèn dzəə̀mè wun e ghaa dzəə yeé Efrat foo fèy.» Jakov‑iì yoŋ Efrat, a dzə̀ fo á yoŋ lán ji Betlehem.
8Isray nèn lò yèn wón Joosev, e dzə̀r jii, «Víne dzə̀ ala?»
9Joosev bìnèr e tàr wov jii, «Dzə̀ wón vém ve Nyùy foon e mò fen.»
Isray nèn sùúy jii, «Kii wò, wìy aáwune, é m səəvi.» 10Wáa dzə e ghan sin, a sí Israyi sí səə́ne, a bó wù yòʼ dzəə́ yén virə́ʼ kijuŋ bìʼ vidzəənè, Joosev nèn lì wón viy, e kòʼór e tàr wov Isray mentsə̀m. Wù shàʼtì áwune, e baàmé, 11e sùúy e Joosev jii, «M yòʼ‑oò dzəə́ kí ji m dzəə́ wìy yen a sí yé. Leéy ri, e yèn, Nyùy yiì ne, m yén sá wón vé.»
12Joosev tsə̀ʼ áwune fo tàr wóv kibìy, e nèn tsə̀m ndzəə́, e làʼ kitú e nsay e tàr wóv si. 13Wù nèn lò, e ghàr wón ji wun tiír á e tàr wóv si. Wù ghár Efrayim e kiwo ke yìy kí, e kòʼór e tàr wóv koy ŋkoòvìi, e ghàr Manasse e kiwo ke ŋkoòvì ki, e kòʼór e tàr wóv koy yìyí. 14Tàr wov shwáʼsín kóy sə́, e neèr kiwó ke yìy kí e Efrayim woo wán wo terí kitu, e neèr ké ŋkoòvì ki e Manasse woo wán woo ŋgàywìr kitu.
15Wù wáa səə̀vì Joosev#48.15: Mo Isray səəvì Efrayim wùn Manasse, bo wù səəvì a dzə̀ Joosev woo tàr wov mo ŋwàʼa suuy fèn., a suúy jii:
«Nyùy atàr vém vee Abraham wùn Aysi,
Nyùy wo áwune‑eè ghvə́mé,
Nyùy wo wù‑uù leey fo mò, e wìy meé lán,
16Nshìylav Nyùy ye yì sə́ mo fó ŋgeʼ sidzə̀m,
kú a səə̀vì wón vee vilum vìn,
é wíri wìy a kiíy yír yém wùn à yé atàr vém vee Abraham wùn Aysi.
Wù ku yiì, é rám yéví kuʼ é kitu ke nsay, a dzə nyanyày.»
17Joosev yén, a tàr wov neer kiwó ke yìy kí e Efrayim kitu, kí tén wun. Wù ghár kiwó ke tàr wov ji wun tsəʼ a fo Efrayim kitu, e neèr a e Manasse kitu. Wù wáa tsə̀ʼ bèy, 18a suúy jii, «Àáyǎ taàtá, wan mbìy dzə̀ və̀n. Neèr kiwó ke yìy kí a dzə̀ e woo shoon kitu.»
19Tàr wov sháʼnín, e sùúy jii, «M kì mbà, wan wòm. M kì. Wù wíy a dzə sa kitúm ke kuʼùn kí. Yii bèy, bám rəə́ wíy kùʼ, e shaà wun, é rám rəə́ wáa dzə vitúm vitúm.» 20Wù nèn a səə̀vì áwune é kishiíy fóo fèy, a suúy jii, «Wír veé Israyi wíy lòo səə̀vì wíri, aá wáa yòŋ jii, ‹Nyùy ku yiì, é kày wáa dzə moo Efrayim wun Manasse.› » Á mo Isray‑iì tiirin Efrayim fo Manasse mbìy bèy.
21Isray nèn sùúy e Joosev jii, «Yén ri, m sì é mentsə̀m me kpu. Kiíy jii, Nyùy kù wíy a dzə vèn áwune, e lì ven, e kfən sho bàm áàtàr véné nsay. 22Mo‑óò fó sá wò fómo woo jeéy, wo bó m yòʼ‑oò lo fò áàfə́r vée. A dzə̀ jii, gwaáné wo mò‑oò faàsìn#48.22: gwaáné wo mò‑oò faàsìn; Kìn jii: Shekem wo mò‑oò faàsìn. e nyùy wùn à kòŋé fo wír veé Amori sì wó.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL