Fəə 6
6
1 Nyùy Tàr nèn sùúy e Mooser jii, «Lèn, à yíi yen kinyo ke m yíi yiì e Farao. Bìʼ vitaáví vém, wù yíi fəə́r ven, lóo fəə́r bèy, é wù wáa jùm jùmèn fo wun wòŋ.»
Nyùy kfən tùm Mooser
2Nyùy kfən sùúy e Mooser jii, «M dzə̀ Nyùy Tàr. 3Mò‑oò dìn kitú kém e Abraham wùn à Aysi, à Jakov ji Nyùy woo Ŋgaà Vitaàví Vidzə̀m, yii bèy, e làa yòʼ yiì, aáwune kiíy yír yém yee Yahweh.#6.3: Yahweh: Vé‑eè ló a yòŋ yír Nyùy yee shooy, yii bèy, á yòʼ‑oò lo kìíy kiránén mo vitaáví vé Nyùy wo yír rəə́ dzəə̀n ji Yahweh vi dzəə̀n. Leéy: 3.14‑15; 33.19. 4Mò‑oò gwàr *mensaŋ vèr áwune ji m wíy fo nsay Kanan fo vé‑eè dzə́ moo viŋgwìy ji yéev. 5M dzə̀, a m yú ndzə́kír ye wír veé Israyi ndzə́kir mo á reŋ vikwàn fo wír veé Ejivi. M nen kuùmé mensaŋ me mò‑oò gwàrìn vèr áwune.#6.5: Leéy: 2.24. 6Suúy ri e wír veé Israyi ji m dzə̀ á Nyùy Tàr. M yíi səʼə́r kibeʼèy ké wìr veé Ejiv fo věn kitu, e fəə́r ven fó vikwàn. M yíi nàn kóy, e màʼ ŋgeʼlàʼ ye tavín e wír veé Ejiví kitu, e nen tin ven fó ŋgeʼ. 7M yíi lì ven ji wír vém, a m yíi a dzə Nyùy won, é vèn nèn kìíy ji m dzə̀ á Nyùy Tàr woo Nyùy won, wo wù fəərin ven fó mvə̀m vikwàn veé Ejiv. 8M wíy dànèr ven, e dù sho e nsay ye mò‑oò kàʼàn Abraham wùn à Aysi, à Jakov sho, e kfə̀n lìʼ. M wíy fo e vèn ji sì á nsay yen. Suuy mo woo Nyùy Tàr.» 9Mooser tiísí vinyo vìn e wír veé Israyi, la áwune yòʼ yuùrí kinyo ke wù‑uù suuyì, bìʼ fo melív mev mè‑eè seèmèn ne, bìʼ ŋgeʼ ye tavín ye áwune‑eè dzəə̀n shó.
10 Nyùy Tàr nèn sùúy e Mooser jii, 11«Dù, e yòŋ e Farao woo fon woó Ejiv ji wù maʼti á wír veé Isray, aá fəə́ á fo wun wòŋ.»
12Yii bèy, Mooser suúy e Nyùy Tàr jii, «Shuu wómé yoʼ càʼ e kisuŋnìn. Mo bó wír veé Israyi yòʼ fə̀m yú mo, bo dzə̀ Farao yiì ghàn kfə́ é le, e bóo yu mo?»
13 Nyùy Tàr nèn yòŋ Mooser wùn Aaron lèn, e tìír kinyo aáwuné wùn ji á du, e yèn á wír veé Isray, e kfə̀n yèn á Farao woo fon woó Ejiv, e fə̀ə́r wír veé Isray fo fo.
Kfə́ə Mooser wùn Aaron
14Atǎr kfəə wìr veé Isray ámóʼó wùn à kfə́ə sév sí vìne. Ruben woo wan Isray mbìy‑iì kér wón vee vilum, aá dzə̀ jii, Hanok wùn à Pallu, à Hesron, à Karmi. Á mo kfə́ə Rubene‑eè ràmèn. 15Wón Simeon vee vilume wáa dzə ji Jemuel wùn à Jamin, à Ohad, à Jakin, à Tsohar, e lì Shaul wo yè wov dzəə̀n wan wìr woó Kanan. Á mo kfə́ə Simeone‑eè ràmèn.
16Levi‑iì dzə̀ʼə̀m kiyá nshòv saàmbà e mtaár e wiì (137). Yír sé wón Levi vee vilum, à sé won vév sí sìne. Levi‑iì kér wón, aá dzə̀ ji Gershon wùn à Kohat, à Merari. 17Wón Gershon vee vilume wáa dzə Libni wùn Shimeyi, à rám sév sí. 18Wón Kohat vee vilume wáa dzə ji Amram wùn à Ishar, à Hebron, à Ussiel. Kohat‑iì dzə̀ʼə̀m kiyá nshòv sitaár e mtaár e wiì (133). 19Wón Merari vee vilume‑eè dzə̀ Maali wùn Mushi. Á mo kfə́ə Levìi‑iì ràmèn é lav sí lav si.
20Amram‑eè kòóy wiíy a dzə̀ jemèr tàr wov yee Jokebed, wùn wun dzəə́ Aaron wùn Mooser. Amram‑eè dzə̀ʼə̀m kiyá nshòv saàmbà e mtaár e wiì (137). 21Wón Ishar vee vilume‑eè dzə̀ Kora wùn à Nefeg, à Sikri. 22Wón Ussiel vee vilume wáa dzə Mishael wùn à Elsafan, à Sitri.
23Aaron‑eè kòóy Elisheba ji wiíy, a dzə̀ wan Amminadav, a kfə̀n dzə̀ jemèr Naashon. Wùn wun dzəə́ Nadav wùn à Abihu, à Eleasar, à Itamar. 24Wón Kora vee vilume‑eè dzə̀ Assir wùn à Elkana, à Abiyasav. Á mo kfə́ə Koràa‑aà ràmèn. 25Eleasar woo wan Aaron‑eè kòóy wiíy a dzə̀ fo wón Putielí mvəm. Wùn wun dzəə́ Finehas. Á mo atǎr kfəə vee Levi ramé dzəə̀n é lav sí lav si.
26Aaron wùn Mooser vìne‑eè dzə̀ ve Nyùy Tàr‑iì suuyin aáwune jii, «Vèn fəə́r wír veé Israyi fó Ejiv, aá lo é ŋgoo sí ŋgoo si mo kfə́ə sév sí dzə̀kìn.» 27Nén a dzə Mooser wùn Aaron vìn ve vé‑eè suuyin e Farao woo fon woó Ejiv ji wù maʼti, aáwune li á wír veé Isray, e fəə̀ shó a fo Ejiv.
Nyùy túm Mooser wùn Aaron
28Waá dzə e kishiíy ke Nyùy Tàr‑iì súŋnin e Mooser e Ejiv, 29wù wáa suúy e wun jii, «Dzə̀ mo Nyùy Tàr. Yòŋ kinyo kidzə̀m ke m suuyin e wò ki e Farao woo fon woó Ejiv.»
30Yii bèy, Mooser bìnèr e Nyùy Tàr jii, «À kì ji bó shuu wómé yoʼ càʼ e kisuŋnìn, bo Farao yíi ghan e le, e bóo yuurí kinyo kém?»
Currently Selected:
Fəə 6: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 6
6
1 Nyùy Tàr nèn sùúy e Mooser jii, «Lèn, à yíi yen kinyo ke m yíi yiì e Farao. Bìʼ vitaáví vém, wù yíi fəə́r ven, lóo fəə́r bèy, é wù wáa jùm jùmèn fo wun wòŋ.»
Nyùy kfən tùm Mooser
2Nyùy kfən sùúy e Mooser jii, «M dzə̀ Nyùy Tàr. 3Mò‑oò dìn kitú kém e Abraham wùn à Aysi, à Jakov ji Nyùy woo Ŋgaà Vitaàví Vidzə̀m, yii bèy, e làa yòʼ yiì, aáwune kiíy yír yém yee Yahweh.#6.3: Yahweh: Vé‑eè ló a yòŋ yír Nyùy yee shooy, yii bèy, á yòʼ‑oò lo kìíy kiránén mo vitaáví vé Nyùy wo yír rəə́ dzəə̀n ji Yahweh vi dzəə̀n. Leéy: 3.14‑15; 33.19. 4Mò‑oò gwàr *mensaŋ vèr áwune ji m wíy fo nsay Kanan fo vé‑eè dzə́ moo viŋgwìy ji yéev. 5M dzə̀, a m yú ndzə́kír ye wír veé Israyi ndzə́kir mo á reŋ vikwàn fo wír veé Ejivi. M nen kuùmé mensaŋ me mò‑oò gwàrìn vèr áwune.#6.5: Leéy: 2.24. 6Suúy ri e wír veé Israyi ji m dzə̀ á Nyùy Tàr. M yíi səʼə́r kibeʼèy ké wìr veé Ejiv fo věn kitu, e fəə́r ven fó vikwàn. M yíi nàn kóy, e màʼ ŋgeʼlàʼ ye tavín e wír veé Ejiví kitu, e nen tin ven fó ŋgeʼ. 7M yíi lì ven ji wír vém, a m yíi a dzə Nyùy won, é vèn nèn kìíy ji m dzə̀ á Nyùy Tàr woo Nyùy won, wo wù fəərin ven fó mvə̀m vikwàn veé Ejiv. 8M wíy dànèr ven, e dù sho e nsay ye mò‑oò kàʼàn Abraham wùn à Aysi, à Jakov sho, e kfə̀n lìʼ. M wíy fo e vèn ji sì á nsay yen. Suuy mo woo Nyùy Tàr.» 9Mooser tiísí vinyo vìn e wír veé Israyi, la áwune yòʼ yuùrí kinyo ke wù‑uù suuyì, bìʼ fo melív mev mè‑eè seèmèn ne, bìʼ ŋgeʼ ye tavín ye áwune‑eè dzəə̀n shó.
10 Nyùy Tàr nèn sùúy e Mooser jii, 11«Dù, e yòŋ e Farao woo fon woó Ejiv ji wù maʼti á wír veé Isray, aá fəə́ á fo wun wòŋ.»
12Yii bèy, Mooser suúy e Nyùy Tàr jii, «Shuu wómé yoʼ càʼ e kisuŋnìn. Mo bó wír veé Israyi yòʼ fə̀m yú mo, bo dzə̀ Farao yiì ghàn kfə́ é le, e bóo yu mo?»
13 Nyùy Tàr nèn yòŋ Mooser wùn Aaron lèn, e tìír kinyo aáwuné wùn ji á du, e yèn á wír veé Isray, e kfə̀n yèn á Farao woo fon woó Ejiv, e fə̀ə́r wír veé Isray fo fo.
Kfə́ə Mooser wùn Aaron
14Atǎr kfəə wìr veé Isray ámóʼó wùn à kfə́ə sév sí vìne. Ruben woo wan Isray mbìy‑iì kér wón vee vilum, aá dzə̀ jii, Hanok wùn à Pallu, à Hesron, à Karmi. Á mo kfə́ə Rubene‑eè ràmèn. 15Wón Simeon vee vilume wáa dzə ji Jemuel wùn à Jamin, à Ohad, à Jakin, à Tsohar, e lì Shaul wo yè wov dzəə̀n wan wìr woó Kanan. Á mo kfə́ə Simeone‑eè ràmèn.
16Levi‑iì dzə̀ʼə̀m kiyá nshòv saàmbà e mtaár e wiì (137). Yír sé wón Levi vee vilum, à sé won vév sí sìne. Levi‑iì kér wón, aá dzə̀ ji Gershon wùn à Kohat, à Merari. 17Wón Gershon vee vilume wáa dzə Libni wùn Shimeyi, à rám sév sí. 18Wón Kohat vee vilume wáa dzə ji Amram wùn à Ishar, à Hebron, à Ussiel. Kohat‑iì dzə̀ʼə̀m kiyá nshòv sitaár e mtaár e wiì (133). 19Wón Merari vee vilume‑eè dzə̀ Maali wùn Mushi. Á mo kfə́ə Levìi‑iì ràmèn é lav sí lav si.
20Amram‑eè kòóy wiíy a dzə̀ jemèr tàr wov yee Jokebed, wùn wun dzəə́ Aaron wùn Mooser. Amram‑eè dzə̀ʼə̀m kiyá nshòv saàmbà e mtaár e wiì (137). 21Wón Ishar vee vilume‑eè dzə̀ Kora wùn à Nefeg, à Sikri. 22Wón Ussiel vee vilume wáa dzə Mishael wùn à Elsafan, à Sitri.
23Aaron‑eè kòóy Elisheba ji wiíy, a dzə̀ wan Amminadav, a kfə̀n dzə̀ jemèr Naashon. Wùn wun dzəə́ Nadav wùn à Abihu, à Eleasar, à Itamar. 24Wón Kora vee vilume‑eè dzə̀ Assir wùn à Elkana, à Abiyasav. Á mo kfə́ə Koràa‑aà ràmèn. 25Eleasar woo wan Aaron‑eè kòóy wiíy a dzə̀ fo wón Putielí mvəm. Wùn wun dzəə́ Finehas. Á mo atǎr kfəə vee Levi ramé dzəə̀n é lav sí lav si.
26Aaron wùn Mooser vìne‑eè dzə̀ ve Nyùy Tàr‑iì suuyin aáwune jii, «Vèn fəə́r wír veé Israyi fó Ejiv, aá lo é ŋgoo sí ŋgoo si mo kfə́ə sév sí dzə̀kìn.» 27Nén a dzə Mooser wùn Aaron vìn ve vé‑eè suuyin e Farao woo fon woó Ejiv ji wù maʼti, aáwune li á wír veé Isray, e fəə̀ shó a fo Ejiv.
Nyùy túm Mooser wùn Aaron
28Waá dzə e kishiíy ke Nyùy Tàr‑iì súŋnin e Mooser e Ejiv, 29wù wáa suúy e wun jii, «Dzə̀ mo Nyùy Tàr. Yòŋ kinyo kidzə̀m ke m suuyin e wò ki e Farao woo fon woó Ejiv.»
30Yii bèy, Mooser bìnèr e Nyùy Tàr jii, «À kì ji bó shuu wómé yoʼ càʼ e kisuŋnìn, bo Farao yíi ghan e le, e bóo yuurí kinyo kém?»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL