Fəə 5
5
Mooser wùn Aaron tárnín wùn à Farao fo kàŋ wo mbìy
1Mooser wùn Aaron nèn yiì lò, e dù, e yèn Farao, e sùúy sho ji Nyùy Tàr woo Nyùy wìr veé Isray suuy a jii, «Màʼtì wír vémé, aá du é woʼ, e yiì ŋkàʼ wóo ghvəm mo shó.»
2Farao bìnèr jii, «Nyùy Tàr dzə̀ la, é bo m yú jí rə, e màʼtì wír veé Isray ji á wáa dù? M yòʼ kì Nyùy Tàr, a bó m yòʼ fə̀m‑éè maʼti wír veé Isray.»
3Áwune suúy jii, «Nyùy wìr veé Hibru kì wìy fo věr wùn. Vèr lón wò ji à ku màʼtì, é vèr du ghán e woʼ, e fíʼ cù Nyùy Tàr woo Nyùy wor. Ghán ye yí yíi lì ver vishiíy vitaár, é bo á meé fó. Kí búŋ fó bèy, bo wù yíi màʼ kifə̀ʼ e věr kitu, kìn wù wiy a dzə̀ e rə́r sí.»
4Yii bèy, fòn woó Ejiv yòŋ jii, «Mooser, vèn Aaron shaʼàr wíri fo áwuné shùu lìm ji ka? Vèn kfə́n é bàm e věn shùu lìm.» 5Farao kfən sùúy jii, «Vèn leéy ri, e yèn mo wír véné sí kuʼ kùʼùn é wòŋàn, a vèn kfə̀n taʼ ji bo áwune kì meèmè fo áwuné lìm ji ka?»
Ŋgeʼ se wìr veé Isray si kfən dzə̀sì wún
6Kú a dzə e kishiíy fóo fèy, Fòn báʼtí wír və́ ve á yii fátir lím vikwàn wùn à wír veé Isray ve vé‑eè lèmèn ji vilìmbìy vév vé lìm, e fò sáʼ jii, 7«Vèn yòʼ kfə̀n dzəə́ yiì a fo kisúsu ké saŋ#5.7: kisúsu ké saŋ: Wír veé Israyi‑iì shíy kisúsu ké saŋ kiŋeérín, e bó a tov nsay ye tsəmén shó. ke á wáa tsəm nsay sho mo vèn‑eè fó fo mbìy. Kèʼ fo lán, yíi a dù áwune, a tàʼ kisúsu. 8Yii bèy, vèn ku wày ji áwune kú a tsəm a nsay réŋréŋ mo vé‑eè tsə́m fo mbìy, é la kifá ki yòʼ a shoʼóm fo fo. Áwune dzə́ dzəə́n kisáŋ. Á kifá ke kí yiìn, bo á wáa fo ŋgeʼ, a suúy ji m maʼti á áwune, aá du, e cù Nyùy wov. 9Vèn fó wír vìne lim ye yí kfən dzə̀tìr. Á lóo tsəŋ e shuù wo, é la á yòʼ kfə̀n a ker ghán sé a yuurí vimboʼtì.»
10Vitú ve lìm ve ví leey wír ve á fátir lím vikwàn wùn à vilìmbìy ve lìm ve wìr veé Isray vi fəə́, e dù, e sùúy e wíri ji Fòn yoŋ a ji wun yòʼ kfə̀n dzəə́ yiì a fo a kisúsu ké saŋ aáwune. 11Áwune wáa dù, a tàʼ a kév kee kisúsu fo dzə̀ á yèn. Yii bèy, a bó yòʼ dzə̀ kifá ki shòʼóm á fo nsay ye áwune tsə́mé, fə̀m à shishàr sho. 12Wíri nèn sàŋrí woŋ Ejiv e dzə̀m, a tàʼ vinyè vé sáŋ ji kisúsu. 13Vitú ve lìm vi wáa fatír áwune, a suúy jii, «Vèn kér fó a màysì lim yén yeé kishiíyí réŋréŋ moó ghan se vé‑eè fó ven kisúsu foón.» 14Vitú ve lìm ve fòn vi nèn a dzə̀v vilìmbìy ve lìm ve wìr veé Isray ve áwune‑eè lèmèn ji ví wáa leéy a lim, a saʼ áwune jii, «Yiì ka la vèn yòʼ a tsəm nsay yeé kishiíy, é yì wáa meé moo ye vèn‑ee tsə́mé?»
15Vilìmbìy ve lìm wìr veé Isray vi dù, e yèn Farao, a toŋ e wun jii, «Nyàr, á sà lóvti ka áàŋgàa lìm vəə́ ben a? 16Á yòʼ dzəə́ fó a ver kisúsu, aá kù kan ji vèr kú a tsəm a nsay tsə́mén. Á kù dzəv a ver dzə́vin, a lòné lò a dzə̀ á fo wír fòne.»
17Farao yòŋ jii, «Vé ŋgòyí, vèn dzə̀ aŋgàa ŋgòy. Á kinyo ke kí yiìn, bo vèn kú a suúy ji m maʼti á ven, aá du, e cù Nyùy Tàr. 18Vèn kfə́n lèn e shùu lìm. Á yòʼ dzəə́ yiì a fo ven kisúsu, yii bèy, a vèn kù kér fó a tsəm nsay réŋréŋ mo vèn‑ee tsə́mé.»
19Vilìmbìy ve lìm ve wìr veé Isray vi yú ji bó kifá ki yòʼ yíi shoʼóm a fó nsay ye áwune‑ee tsə́m e kishiíy, e nèn yèn ji áwune nə̀ə́ ne a e ŋgeʼ ye tavín. 20Á lò fo ntoʼ, e lòo dù, e yèn Mooser wùn Aaron, aá kì shiy áwune, 21e nèn sùúy aáwune jii, «Nyùy Tàr ku lèéy kinyo ke vèn yiìn, e sàʼ ven. Vèn yiì ne, vèr bír fo Farao wùn à vé saʼ vəə́. Vèn fèn wày ne shwàʼ aáwuné wo ji á yúyrí ver shó.»
Mooser tóŋ e Nyùy, wù káʼ sə́mo
22Mooser kfə́n fo Nyùy Tǎr wùn, e tòŋ jii, «Éè Nyùy Tàr, à màʼ ŋgeʼ e wír vìné kitu bèn ji ka? Wò‑oò túm mo bìʼ ka? 23Kèʼ mo mò‑oò kèʼèn, a dù, a suŋnín e Farao e wò yir, wù kù nyavrì e wír vée nyávrin, a bó à yòʼ kwe ji à fəə́r áwune fó ŋgeʼ foo fèy.»
Currently Selected:
Fəə 5: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 5
5
Mooser wùn Aaron tárnín wùn à Farao fo kàŋ wo mbìy
1Mooser wùn Aaron nèn yiì lò, e dù, e yèn Farao, e sùúy sho ji Nyùy Tàr woo Nyùy wìr veé Isray suuy a jii, «Màʼtì wír vémé, aá du é woʼ, e yiì ŋkàʼ wóo ghvəm mo shó.»
2Farao bìnèr jii, «Nyùy Tàr dzə̀ la, é bo m yú jí rə, e màʼtì wír veé Isray ji á wáa dù? M yòʼ kì Nyùy Tàr, a bó m yòʼ fə̀m‑éè maʼti wír veé Isray.»
3Áwune suúy jii, «Nyùy wìr veé Hibru kì wìy fo věr wùn. Vèr lón wò ji à ku màʼtì, é vèr du ghán e woʼ, e fíʼ cù Nyùy Tàr woo Nyùy wor. Ghán ye yí yíi lì ver vishiíy vitaár, é bo á meé fó. Kí búŋ fó bèy, bo wù yíi màʼ kifə̀ʼ e věr kitu, kìn wù wiy a dzə̀ e rə́r sí.»
4Yii bèy, fòn woó Ejiv yòŋ jii, «Mooser, vèn Aaron shaʼàr wíri fo áwuné shùu lìm ji ka? Vèn kfə́n é bàm e věn shùu lìm.» 5Farao kfən sùúy jii, «Vèn leéy ri, e yèn mo wír véné sí kuʼ kùʼùn é wòŋàn, a vèn kfə̀n taʼ ji bo áwune kì meèmè fo áwuné lìm ji ka?»
Ŋgeʼ se wìr veé Isray si kfən dzə̀sì wún
6Kú a dzə e kishiíy fóo fèy, Fòn báʼtí wír və́ ve á yii fátir lím vikwàn wùn à wír veé Isray ve vé‑eè lèmèn ji vilìmbìy vév vé lìm, e fò sáʼ jii, 7«Vèn yòʼ kfə̀n dzəə́ yiì a fo kisúsu ké saŋ#5.7: kisúsu ké saŋ: Wír veé Israyi‑iì shíy kisúsu ké saŋ kiŋeérín, e bó a tov nsay ye tsəmén shó. ke á wáa tsəm nsay sho mo vèn‑eè fó fo mbìy. Kèʼ fo lán, yíi a dù áwune, a tàʼ kisúsu. 8Yii bèy, vèn ku wày ji áwune kú a tsəm a nsay réŋréŋ mo vé‑eè tsə́m fo mbìy, é la kifá ki yòʼ a shoʼóm fo fo. Áwune dzə́ dzəə́n kisáŋ. Á kifá ke kí yiìn, bo á wáa fo ŋgeʼ, a suúy ji m maʼti á áwune, aá du, e cù Nyùy wov. 9Vèn fó wír vìne lim ye yí kfən dzə̀tìr. Á lóo tsəŋ e shuù wo, é la á yòʼ kfə̀n a ker ghán sé a yuurí vimboʼtì.»
10Vitú ve lìm ve ví leey wír ve á fátir lím vikwàn wùn à vilìmbìy ve lìm ve wìr veé Isray vi fəə́, e dù, e sùúy e wíri ji Fòn yoŋ a ji wun yòʼ kfə̀n dzəə́ yiì a fo a kisúsu ké saŋ aáwune. 11Áwune wáa dù, a tàʼ a kév kee kisúsu fo dzə̀ á yèn. Yii bèy, a bó yòʼ dzə̀ kifá ki shòʼóm á fo nsay ye áwune tsə́mé, fə̀m à shishàr sho. 12Wíri nèn sàŋrí woŋ Ejiv e dzə̀m, a tàʼ vinyè vé sáŋ ji kisúsu. 13Vitú ve lìm vi wáa fatír áwune, a suúy jii, «Vèn kér fó a màysì lim yén yeé kishiíyí réŋréŋ moó ghan se vé‑eè fó ven kisúsu foón.» 14Vitú ve lìm ve fòn vi nèn a dzə̀v vilìmbìy ve lìm ve wìr veé Isray ve áwune‑eè lèmèn ji ví wáa leéy a lim, a saʼ áwune jii, «Yiì ka la vèn yòʼ a tsəm nsay yeé kishiíy, é yì wáa meé moo ye vèn‑ee tsə́mé?»
15Vilìmbìy ve lìm wìr veé Isray vi dù, e yèn Farao, a toŋ e wun jii, «Nyàr, á sà lóvti ka áàŋgàa lìm vəə́ ben a? 16Á yòʼ dzəə́ fó a ver kisúsu, aá kù kan ji vèr kú a tsəm a nsay tsə́mén. Á kù dzəv a ver dzə́vin, a lòné lò a dzə̀ á fo wír fòne.»
17Farao yòŋ jii, «Vé ŋgòyí, vèn dzə̀ aŋgàa ŋgòy. Á kinyo ke kí yiìn, bo vèn kú a suúy ji m maʼti á ven, aá du, e cù Nyùy Tàr. 18Vèn kfə́n lèn e shùu lìm. Á yòʼ dzəə́ yiì a fo ven kisúsu, yii bèy, a vèn kù kér fó a tsəm nsay réŋréŋ mo vèn‑ee tsə́mé.»
19Vilìmbìy ve lìm ve wìr veé Isray vi yú ji bó kifá ki yòʼ yíi shoʼóm a fó nsay ye áwune‑ee tsə́m e kishiíy, e nèn yèn ji áwune nə̀ə́ ne a e ŋgeʼ ye tavín. 20Á lò fo ntoʼ, e lòo dù, e yèn Mooser wùn Aaron, aá kì shiy áwune, 21e nèn sùúy aáwune jii, «Nyùy Tàr ku lèéy kinyo ke vèn yiìn, e sàʼ ven. Vèn yiì ne, vèr bír fo Farao wùn à vé saʼ vəə́. Vèn fèn wày ne shwàʼ aáwuné wo ji á yúyrí ver shó.»
Mooser tóŋ e Nyùy, wù káʼ sə́mo
22Mooser kfə́n fo Nyùy Tǎr wùn, e tòŋ jii, «Éè Nyùy Tàr, à màʼ ŋgeʼ e wír vìné kitu bèn ji ka? Wò‑oò túm mo bìʼ ka? 23Kèʼ mo mò‑oò kèʼèn, a dù, a suŋnín e Farao e wò yir, wù kù nyavrì e wír vée nyávrin, a bó à yòʼ kwe ji à fəə́r áwune fó ŋgeʼ foo fèy.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL