Romanos 12
12
Je̱'e̱ jugy'ajtu̶ñ wa'adzpu̶ ma je̱'e̱ Diosu̶ñ
1Y du'unu̶tz mu̶gu'uktu̶jk ajku̶xy, cham nmu̶nukxtaakku̶xy je̱' ko je̱'e̱ Dios tu̶ xypya'a''ayoogu̶xy ko mnaygyu̶'u̶ye̱jku̶gu̶xu̶ch ku̶'u̶m amuumdu'ugjoot ma je̱'e̱ Diosu̶ñ du'un neby je̱'e̱ juugypyu̶ windzu̶gu̶'u̶ñdyu̶ñ, mmu̶duungu̶xu̶ch je̱'e̱ Dios oy wa'adz y du'un neby je̱'e̱ Dios ku'umáyu̶ñ. Adaa je̱' je̱'e̱ jaanchpyu̶ windzu̶gu̶'u̶ñ je̱'e̱ mu̶dyiibu̶ mu̶baad mye̱jkku̶xy ma je̱'e̱ Diosu̶ñ. 2Ka'p du'un mdzu̶naay mjugy'ajtku̶xy mu̶u̶d je̱'e̱ ju̶bu̶kjoot je̱'e̱ ju̶bu̶kwinma'añ neby adachambu̶ naaxwiiñjya'ay chu̶naaygyu̶xy jyugy'ajtku̶xyu̶ñ. Tu̶gachjyaty winmaaygyu̶xnu̶ wan je̱'e̱ mdzu̶naay mjugy'ajtu̶ñ du'un tyu̶gajtzku̶xnu̶ch y mnejwu̶u̶ygyu̶xu̶ch neby je̱'e̱ Dios tzokyu̶ñ mja'ay'ajtku̶xu̶chu̶ñ, je̱' u̶u̶ch du'un ndijpy, neby mnejwu̶u̶ygyu̶xu̶chu̶ñ je̱'e̱ oybyu̶, je̱'e̱ mu̶dyiibu̶ je̱'e̱ Dios kyu'umaaybyu̶ñ y je̱'e̱ mu̶dyiibu̶ oy wa'adzu̶ñ.#12.2 Y mnejwu̶u̶ygyu̶xu̶ch neby je̱'e̱ Dios tzokyu̶ñ y je̱'e̱ mu̶dyiibu̶ wa'adzu̶ñ: nije̱' wiingpu̶ jaaybyu̶du̶jk myu̶naangu̶xy: je̱'e̱ Dios chojku̶ñ, je̱'e̱ oybyu̶, je̱'e̱ ku'umaaybyu̶ y je̱'e̱ oy wa'atzpu̶.
3Mu̶u̶d je̱'e̱ mu̶dyiibu̶ u̶u̶ch je̱'e̱ Dios tu̶ xyajni'ipú̶kyu̶ñ mu̶u̶d je̱'e̱ y'oy'ajtu̶ñ. Cham du'un miich nigu̶xyu̶ nnu̶maaygyu̶xy ko ka'p ni tu'ug mu̶j ku̶xp ku̶'u̶m mwinmaaygyunajxku̶xy je̱'e̱ mu̶dyiibu̶ ka'p nimu̶naaxu̶u̶ mu̶baad mbaatku̶xyu̶ñ. Nidu'ug nidu'ug ku̶'u̶m winmaaygyu̶x oy yajxón, du'un neby je̱'e̱ Dios je̱'e̱ tuung tu̶ xymyooygyu̶xyu̶ñ kipxy mu̶u̶d je̱'e̱ mu̶bu̶jku̶ñ. 4Du'un neby je̱'e̱ tu'ugpu̶ nni'kx ngopt ajtu̶m ajku̶xy abu̶kyjyaty mu̶u̶du̶ch neby mu̶baad tyuñu̶ñ, y ka'p je̱'e̱ kú̶xyu̶bu̶ ni'kx kopt tu'ugyu̶ tyuñ agu̶ tu̶gachjyaty je̱'e̱ tyuñ, 5y nandu'un u̶u̶ch ajtu̶m ajku̶xy oy nja'animáyu̶ch ajtu̶m ajku̶xy, tu'ugyu̶ nyajpaatu̶m ajku̶xy ma je̱'e̱ Crístoju̶ñ y tu'ugyu̶ amíñ u̶xyu̶py nyajpaatu̶m ajku̶xy, du'un neby je̱'e̱ ku̶'u̶ teky je̱'e̱ ni'kx ka'a'u̶xmáchu̶ñ.
6Agu̶ tu̶gachjyaty je̱'e̱ Dios tuung tu̶ xymyooyu̶m ajku̶xy, du'un neby nidu'ug nidu'ug tu̶ yajniwinmayu̶'u̶yu̶ñ. Paadyu̶tz, pu̶nu̶ tu̶ je̱'e̱ Dios tuung xymyooyu̶m ajku̶xy neby je̱'e̱ y'ayuuk tyu̶y'ajt mu̶baad ngapxwa'kxu̶yu̶ ajtu̶m ajku̶xy, tzu̶k kapxwa'kxu̶yu̶ ajtu̶m ajku̶xy, du'un neby je̱'e̱ mu̶bu̶jku̶ñ nmu̶dajtu̶mu̶ñ ajku̶xy; 7pu̶nu̶ tu̶ je̱'e̱ tuung xymyooyu̶m neby je̱'e̱ wiingpu̶ nmu̶gu'ugtu̶jk nmu̶duunu̶mu̶chu̶ñ ajku̶xy, tzu̶k oy yajxón mu̶duunu̶m ajku̶xy; pu̶n je̱'e̱ tuung tu̶ yajmo'oy neby yaj'u̶xpú̶ku̶chu̶ñ, wan yaj'u̶xpú̶ky; 8pu̶n je̱'e̱ tuung tu̶ yajmo'oy neby je̱'e̱ wiingpu̶ myu̶gu'ugtu̶jk jootmu̶kmu̶gápxku̶xu̶chu̶ñ, wan jootmu̶kmu̶gápxy. Pu̶n ku̶xyu̶ tii ye̱jkpu̶ñ, wan yeky mu̶u̶d je̱'e̱ yuungpu̶ naaxypyu̶ joot winma'añ; pu̶n je̱'e̱ mu̶jtuung nigu'ubajk'ajtpu̶ñ, wan je̱'e̱ tyuung oy yajxón yajtu'uyo'oy; pu̶n je̱'e̱ ayoobu̶du̶jk pube̱jtpu̶ñ, wan xi'ig xon pubety.
Nej pyaadyii chu̶naay jyugy'ajtku̶xu̶chu̶ñ je̱'e̱ mu̶bu̶jkpu̶du̶jk ajku̶xy
9Naychojku̶gu̶x amíñ u̶xyu̶py tu'ug'aa tu'ugjoot. Najtz'ixu̶u̶ygyu̶x je̱'e̱ ju̶bu̶kpu̶ y panú̶kxku̶x je̱'e̱ oybyu̶. 10Naychojku̶gu̶x amíñ u̶xyu̶py neby tu'kpuya'ay tu'kpudo'oxypyu̶ju̶ñ, naymyu̶jpu̶daaku̶gu̶x y naywyindzu̶gu̶u̶yu̶gu̶x amíñ u̶xyu̶py.
11Nay'amu̶jaaduunu̶gu̶x, ka'p mnuux'ajtku̶xy y mu̶duungu̶x je̱'e̱ Windzú̶n Jesucristo tu'ug'aa tu'ugjoot.
12Jootkujk tzu̶naaygyu̶x jugy'ajtku̶x; cham je̱'e̱ oy'ajtu̶ñ mju̶jp'ijxku̶xy, je̱'e̱ mu̶dyiibu̶ myajmo'owaangu̶xpu̶ñ; mekxtujkku̶x mu̶k ma je̱'e̱ tzaachpyu̶ju̶ñ, ka'p je̱'e̱ Dios mu̶bu̶jktzowu̶u̶ m'u̶xmajtzku̶xy.
13Pube̱jtku̶x je̱'e̱ mu̶dyiibu̶ ku̶xyu̶ tii yajmayjyajtku̶xpu̶ñ, je̱'e̱ mu̶dyiibu̶ yajpaatku̶xpu̶ñ ma je̱'e̱ Dios jya'ayu̶ñ; yajja'ttaakku̶x je̱'e̱ mu̶dyiibu̶ naty xykyu'ijxp xymyu̶gápxku̶xpu̶ñ.
14Mu̶gápxku̶x mu̶u̶d je̱'e̱ oyjyoot oywyinma'añ je̱'e̱ mu̶dyiibu̶ xy'u̶xwu̶dijtp xypyawu̶dijtku̶xpu̶ñ. Mu̶gápxku̶x mu̶u̶d je̱'e̱ oyjyoot oywyinma'añ y ka'p je̱'e̱ ju̶bu̶kpu̶ myajmu̶dzojkku̶xy.
15Xondaakku̶x mu̶u̶d je̱'e̱ mu̶dyiibu̶ xondaakku̶xpu̶ñ y ju̶u̶ygyu̶x yaaxku̶x mu̶u̶d je̱'e̱ mu̶dyiibu̶ ju̶u̶ygyu̶xp yaaxku̶xpu̶ñ.
16Tzu̶naaygyu̶x jugy'ajtku̶x tu'ugyu̶ nixim niyam. Ka'p mu̶j ku̶xp mnayjyu̶wu̶u̶yu̶gu̶xy, yuung naaxypy naybyu̶daaku̶gu̶x, du'un neby je̱'e̱ mu̶dyiibu̶ yuung naaxypy ja'ay'ajtku̶xpu̶ñ. Ka'p mnaygyu'umaayu̶gu̶xy ko ku̶xyu̶ tii mjajtku̶xy.
17Ka'p je̱'e̱ ju̶bu̶kpu̶ myaj'awimbijtu̶gajtzku̶xy ma je̱'e̱ mmu̶gu'ugu̶ñ, je̱'e̱ mu̶dyiibu̶ naty tu̶ xymyu̶duundu̶gooygyu̶xyu̶ñ. Jatytyimytyuungu̶x je̱'e̱ oybyu̶ ku̶xyu̶ wan maaju̶ch. 18U̶xtu̶ mabaad naty madaakku̶xy mduungu̶xy je̱'e̱ oybyu̶; tzu̶naaygyu̶x jugy'ajtku̶x oy yajxón nigu̶xyu̶ y ka'p je̱'e̱ tzip ma'ad maa, u̶xtu̶ mabaad madaakku̶xyu̶ñ. 19“Mu̶gu'uktu̶jk je̱'e̱ mu̶dyiibu̶ u̶u̶ch oy ndzojkpy nju̶wu̶u̶ybyu̶ñ, ko naty pu̶n nej xytyuungu̶xy, ka'p ku̶'u̶m myaj'awimbijtu̶gajtzku̶xu̶ch, je̱'e̱ Dios miich je̱'e̱ yajku̶'u̶wanu̶u̶ygyu̶x y je̱' tzaachtyunu̶u̶ju̶p; je̱' ko du'un je̱'e̱ Dios ñaky myu̶na'añ: “U̶u̶ch xypyaatp ndu̶ydyúnu̶chu̶ch je̱'e̱ ja'ay; u̶u̶ch nyajkumu̶dówu̶py, du'un je̱'e̱ Windzú̶n Dios myu̶na'añ.” 20Y nandu'un: “Pu̶nu̶ jii je̱'e̱ mmu̶dzip yu'o'ogyii, yajkáy yaj'u'ug; y pu̶nu̶ tu̶tzu̶u̶yu̶p, yajnu̶u̶'u'ug; y du'un du'un mu̶k myajtzo'oydyúnu̶ch neby tu̶ xytyuñu̶ñ.” 21Ka'p mnayyegyii xymyu̶mada'agu̶ch je̱'e̱ ju̶bu̶kpu̶. Ni'igu̶ miich je̱'e̱ ju̶bu̶kpu̶ mu̶mada'ag mu̶u̶d je̱'e̱ oybyu̶.
Currently Selected:
Romanos 12: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Romanos 12
12
Je̱'e̱ jugy'ajtu̶ñ wa'adzpu̶ ma je̱'e̱ Diosu̶ñ
1Y du'unu̶tz mu̶gu'uktu̶jk ajku̶xy, cham nmu̶nukxtaakku̶xy je̱' ko je̱'e̱ Dios tu̶ xypya'a''ayoogu̶xy ko mnaygyu̶'u̶ye̱jku̶gu̶xu̶ch ku̶'u̶m amuumdu'ugjoot ma je̱'e̱ Diosu̶ñ du'un neby je̱'e̱ juugypyu̶ windzu̶gu̶'u̶ñdyu̶ñ, mmu̶duungu̶xu̶ch je̱'e̱ Dios oy wa'adz y du'un neby je̱'e̱ Dios ku'umáyu̶ñ. Adaa je̱' je̱'e̱ jaanchpyu̶ windzu̶gu̶'u̶ñ je̱'e̱ mu̶dyiibu̶ mu̶baad mye̱jkku̶xy ma je̱'e̱ Diosu̶ñ. 2Ka'p du'un mdzu̶naay mjugy'ajtku̶xy mu̶u̶d je̱'e̱ ju̶bu̶kjoot je̱'e̱ ju̶bu̶kwinma'añ neby adachambu̶ naaxwiiñjya'ay chu̶naaygyu̶xy jyugy'ajtku̶xyu̶ñ. Tu̶gachjyaty winmaaygyu̶xnu̶ wan je̱'e̱ mdzu̶naay mjugy'ajtu̶ñ du'un tyu̶gajtzku̶xnu̶ch y mnejwu̶u̶ygyu̶xu̶ch neby je̱'e̱ Dios tzokyu̶ñ mja'ay'ajtku̶xu̶chu̶ñ, je̱' u̶u̶ch du'un ndijpy, neby mnejwu̶u̶ygyu̶xu̶chu̶ñ je̱'e̱ oybyu̶, je̱'e̱ mu̶dyiibu̶ je̱'e̱ Dios kyu'umaaybyu̶ñ y je̱'e̱ mu̶dyiibu̶ oy wa'adzu̶ñ.#12.2 Y mnejwu̶u̶ygyu̶xu̶ch neby je̱'e̱ Dios tzokyu̶ñ y je̱'e̱ mu̶dyiibu̶ wa'adzu̶ñ: nije̱' wiingpu̶ jaaybyu̶du̶jk myu̶naangu̶xy: je̱'e̱ Dios chojku̶ñ, je̱'e̱ oybyu̶, je̱'e̱ ku'umaaybyu̶ y je̱'e̱ oy wa'atzpu̶.
3Mu̶u̶d je̱'e̱ mu̶dyiibu̶ u̶u̶ch je̱'e̱ Dios tu̶ xyajni'ipú̶kyu̶ñ mu̶u̶d je̱'e̱ y'oy'ajtu̶ñ. Cham du'un miich nigu̶xyu̶ nnu̶maaygyu̶xy ko ka'p ni tu'ug mu̶j ku̶xp ku̶'u̶m mwinmaaygyunajxku̶xy je̱'e̱ mu̶dyiibu̶ ka'p nimu̶naaxu̶u̶ mu̶baad mbaatku̶xyu̶ñ. Nidu'ug nidu'ug ku̶'u̶m winmaaygyu̶x oy yajxón, du'un neby je̱'e̱ Dios je̱'e̱ tuung tu̶ xymyooygyu̶xyu̶ñ kipxy mu̶u̶d je̱'e̱ mu̶bu̶jku̶ñ. 4Du'un neby je̱'e̱ tu'ugpu̶ nni'kx ngopt ajtu̶m ajku̶xy abu̶kyjyaty mu̶u̶du̶ch neby mu̶baad tyuñu̶ñ, y ka'p je̱'e̱ kú̶xyu̶bu̶ ni'kx kopt tu'ugyu̶ tyuñ agu̶ tu̶gachjyaty je̱'e̱ tyuñ, 5y nandu'un u̶u̶ch ajtu̶m ajku̶xy oy nja'animáyu̶ch ajtu̶m ajku̶xy, tu'ugyu̶ nyajpaatu̶m ajku̶xy ma je̱'e̱ Crístoju̶ñ y tu'ugyu̶ amíñ u̶xyu̶py nyajpaatu̶m ajku̶xy, du'un neby je̱'e̱ ku̶'u̶ teky je̱'e̱ ni'kx ka'a'u̶xmáchu̶ñ.
6Agu̶ tu̶gachjyaty je̱'e̱ Dios tuung tu̶ xymyooyu̶m ajku̶xy, du'un neby nidu'ug nidu'ug tu̶ yajniwinmayu̶'u̶yu̶ñ. Paadyu̶tz, pu̶nu̶ tu̶ je̱'e̱ Dios tuung xymyooyu̶m ajku̶xy neby je̱'e̱ y'ayuuk tyu̶y'ajt mu̶baad ngapxwa'kxu̶yu̶ ajtu̶m ajku̶xy, tzu̶k kapxwa'kxu̶yu̶ ajtu̶m ajku̶xy, du'un neby je̱'e̱ mu̶bu̶jku̶ñ nmu̶dajtu̶mu̶ñ ajku̶xy; 7pu̶nu̶ tu̶ je̱'e̱ tuung xymyooyu̶m neby je̱'e̱ wiingpu̶ nmu̶gu'ugtu̶jk nmu̶duunu̶mu̶chu̶ñ ajku̶xy, tzu̶k oy yajxón mu̶duunu̶m ajku̶xy; pu̶n je̱'e̱ tuung tu̶ yajmo'oy neby yaj'u̶xpú̶ku̶chu̶ñ, wan yaj'u̶xpú̶ky; 8pu̶n je̱'e̱ tuung tu̶ yajmo'oy neby je̱'e̱ wiingpu̶ myu̶gu'ugtu̶jk jootmu̶kmu̶gápxku̶xu̶chu̶ñ, wan jootmu̶kmu̶gápxy. Pu̶n ku̶xyu̶ tii ye̱jkpu̶ñ, wan yeky mu̶u̶d je̱'e̱ yuungpu̶ naaxypyu̶ joot winma'añ; pu̶n je̱'e̱ mu̶jtuung nigu'ubajk'ajtpu̶ñ, wan je̱'e̱ tyuung oy yajxón yajtu'uyo'oy; pu̶n je̱'e̱ ayoobu̶du̶jk pube̱jtpu̶ñ, wan xi'ig xon pubety.
Nej pyaadyii chu̶naay jyugy'ajtku̶xu̶chu̶ñ je̱'e̱ mu̶bu̶jkpu̶du̶jk ajku̶xy
9Naychojku̶gu̶x amíñ u̶xyu̶py tu'ug'aa tu'ugjoot. Najtz'ixu̶u̶ygyu̶x je̱'e̱ ju̶bu̶kpu̶ y panú̶kxku̶x je̱'e̱ oybyu̶. 10Naychojku̶gu̶x amíñ u̶xyu̶py neby tu'kpuya'ay tu'kpudo'oxypyu̶ju̶ñ, naymyu̶jpu̶daaku̶gu̶x y naywyindzu̶gu̶u̶yu̶gu̶x amíñ u̶xyu̶py.
11Nay'amu̶jaaduunu̶gu̶x, ka'p mnuux'ajtku̶xy y mu̶duungu̶x je̱'e̱ Windzú̶n Jesucristo tu'ug'aa tu'ugjoot.
12Jootkujk tzu̶naaygyu̶x jugy'ajtku̶x; cham je̱'e̱ oy'ajtu̶ñ mju̶jp'ijxku̶xy, je̱'e̱ mu̶dyiibu̶ myajmo'owaangu̶xpu̶ñ; mekxtujkku̶x mu̶k ma je̱'e̱ tzaachpyu̶ju̶ñ, ka'p je̱'e̱ Dios mu̶bu̶jktzowu̶u̶ m'u̶xmajtzku̶xy.
13Pube̱jtku̶x je̱'e̱ mu̶dyiibu̶ ku̶xyu̶ tii yajmayjyajtku̶xpu̶ñ, je̱'e̱ mu̶dyiibu̶ yajpaatku̶xpu̶ñ ma je̱'e̱ Dios jya'ayu̶ñ; yajja'ttaakku̶x je̱'e̱ mu̶dyiibu̶ naty xykyu'ijxp xymyu̶gápxku̶xpu̶ñ.
14Mu̶gápxku̶x mu̶u̶d je̱'e̱ oyjyoot oywyinma'añ je̱'e̱ mu̶dyiibu̶ xy'u̶xwu̶dijtp xypyawu̶dijtku̶xpu̶ñ. Mu̶gápxku̶x mu̶u̶d je̱'e̱ oyjyoot oywyinma'añ y ka'p je̱'e̱ ju̶bu̶kpu̶ myajmu̶dzojkku̶xy.
15Xondaakku̶x mu̶u̶d je̱'e̱ mu̶dyiibu̶ xondaakku̶xpu̶ñ y ju̶u̶ygyu̶x yaaxku̶x mu̶u̶d je̱'e̱ mu̶dyiibu̶ ju̶u̶ygyu̶xp yaaxku̶xpu̶ñ.
16Tzu̶naaygyu̶x jugy'ajtku̶x tu'ugyu̶ nixim niyam. Ka'p mu̶j ku̶xp mnayjyu̶wu̶u̶yu̶gu̶xy, yuung naaxypy naybyu̶daaku̶gu̶x, du'un neby je̱'e̱ mu̶dyiibu̶ yuung naaxypy ja'ay'ajtku̶xpu̶ñ. Ka'p mnaygyu'umaayu̶gu̶xy ko ku̶xyu̶ tii mjajtku̶xy.
17Ka'p je̱'e̱ ju̶bu̶kpu̶ myaj'awimbijtu̶gajtzku̶xy ma je̱'e̱ mmu̶gu'ugu̶ñ, je̱'e̱ mu̶dyiibu̶ naty tu̶ xymyu̶duundu̶gooygyu̶xyu̶ñ. Jatytyimytyuungu̶x je̱'e̱ oybyu̶ ku̶xyu̶ wan maaju̶ch. 18U̶xtu̶ mabaad naty madaakku̶xy mduungu̶xy je̱'e̱ oybyu̶; tzu̶naaygyu̶x jugy'ajtku̶x oy yajxón nigu̶xyu̶ y ka'p je̱'e̱ tzip ma'ad maa, u̶xtu̶ mabaad madaakku̶xyu̶ñ. 19“Mu̶gu'uktu̶jk je̱'e̱ mu̶dyiibu̶ u̶u̶ch oy ndzojkpy nju̶wu̶u̶ybyu̶ñ, ko naty pu̶n nej xytyuungu̶xy, ka'p ku̶'u̶m myaj'awimbijtu̶gajtzku̶xu̶ch, je̱'e̱ Dios miich je̱'e̱ yajku̶'u̶wanu̶u̶ygyu̶x y je̱' tzaachtyunu̶u̶ju̶p; je̱' ko du'un je̱'e̱ Dios ñaky myu̶na'añ: “U̶u̶ch xypyaatp ndu̶ydyúnu̶chu̶ch je̱'e̱ ja'ay; u̶u̶ch nyajkumu̶dówu̶py, du'un je̱'e̱ Windzú̶n Dios myu̶na'añ.” 20Y nandu'un: “Pu̶nu̶ jii je̱'e̱ mmu̶dzip yu'o'ogyii, yajkáy yaj'u'ug; y pu̶nu̶ tu̶tzu̶u̶yu̶p, yajnu̶u̶'u'ug; y du'un du'un mu̶k myajtzo'oydyúnu̶ch neby tu̶ xytyuñu̶ñ.” 21Ka'p mnayyegyii xymyu̶mada'agu̶ch je̱'e̱ ju̶bu̶kpu̶. Ni'igu̶ miich je̱'e̱ ju̶bu̶kpu̶ mu̶mada'ag mu̶u̶d je̱'e̱ oybyu̶.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005