CAUNG: KHIN" 6
6
Qug: Khai: Qhug' Au: Bao" Thaug' Yu Nae" Akyu" Mho' Dao:
(Hebre Dao: Au:– Davi Peim: Ra" Nghaui"caung:)
1 Asang we"- ngore nhag' dayo: la,- Daqeim la,- ni" nho: nhag' yo" ruyang ngore qobo dae dabyid: la,.
2O" Asang we" Ngo wa pyaung" ngad: byaug: kyiva".
Ngo re nhag' khyag' yu la,- ngore qam: o: byid: la,-
ngo wa bin sho' qam: gan: byaug va".
3Nga" gaung dagaung: geim" re: lo" thao" sho' qug: khai: qhug' na va".
O" Asang we"- nao wa ngore khyad' yu nae" qhid' mae" khomyhao" myao" sho' lao" na shi:nae" i?
4 Asang we"- ngore li" khyad' yu la,- ni" nho: nhag' khyag' shogu: ruyang ngore khyad' yu la,.
5Movo: mug: mae nao re mamyid: beim: ngad: ako".
Ai: jo, qo mae nao re khag' maqo" caung:khin" ngad: ako".
6Ngo wa kaug' qhui: ruyang pyaung" ke' pye' kyiva". Myi khao: ngo" nga" yab qo wa ngo ngug: ruyang jhug' jo; ra".
Nga" au: khau" wa nga" ngug byid: yang bab bab jhug' byaug va".
7Ngo nyang" mathe' myao lo:-
nga" gyevo jham: mathao mae ngo ngug mung: nga" myo,jid' jham gyai qae" jo, va".
8Makhyang: mashab mo, naonhaung" we"- ngo mae" phao: lo" ge,-
Asang wa nga" ngug thoe re gyo: byid' ava".
9Yao: wa bao" yu nae" qhid' mae" ngo mho' yao: ra" thoe re tae" gyo: byid: va".
Aimung: nga" akyu" mho' dao: re phaug' tau: byid' li" nae".
10Nga" gyevo jham wa jeim" lo" ra" mathao mae alo akho: qho' rure ba: li" genae".
Amung:- nyag din taung" athaui: anhaung" boe" ruyang yao: bam re she: sin" pye' li" nae".
Currently Selected:
CAUNG: KHIN" 6: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
