CAUNG: KHIN" 3
3
Bao" Thaug' Yu Nae" Mho' Ra" Ne,Seim Akyu" Mho' Dao:
(Hebre Dao: Au:– Yao" Yauggai Zo: Absalom Mae" Phao: Lo" Thao Davi Peim: Ra" Nghaui"caung:)
1 Asang we"- ngo wa gyevo myo: sho' qo" ra".
Ngo re gye kad' mo, gyai myo" ako".
2Yao: bam wa nga" khyo re ta" mung:-
Mao"So wa yao: re bao" thaug' byid: nae" mangad:- ga: mho: na: ako".
3Ngadqere: O" Asang we"- nao wa gyaug ci" ja: qhug' rumae khonhae" re: nga" nho: go ngad: ra".
Nao wa ngore aung doe, nhao: rumung: nga" vae" ra" myid re qam: dam: pyang" byid' ra".
4Ngo wa bao" yu nae" qhid' mae" Asang re hug' yao: ke' ra".
Aimung: yao: wa yao" gyang" lho" bug gaung mae" ngore tau: byid' ra".
5Ngo wa lang" jo, mung: yab: myhid' jo;- aimung:
Asang wa ngore damyi: geim" gug: gam byid' ra".
6Ngo wa shad' khao: ngo" khyo" ngore
lhang" kham" to" ra" gyevo dataung re magyaug.
7 Asang we"- Li" lo wa,- nga" Mao"So we"- ngore khyad' yu la,-
nao wa nga" gyevo alhab' re qobo dae byid: mung: ngore dae maqo" te' geshao: ga: yao: bam re qam: nang: nhao: ra".
8Aung doe; ru wa Asang mae" joe" li" ra".
Yao: wa yao" byumyu" re shaman" byid: vashao: wo".
Currently Selected:
CAUNG: KHIN" 3: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
