CAUNG: KHIN" 23
23
Asang Wa Ngonhaung" Re Zaung" Ra" Yao Zaung"
(Hebre Dao: Au:– Davi peim: ra" Nghaui"caung:)
1 Asang wa yao zaung" yaug we' dakhyo: ngore lhaug' zaung" yaug ngad: ra".
Ngo mae qo ca" ra" ja: khao: ngo" re ngo qo" ra".
2Yao: wa nyug: ra" mhin: gyo, jao: mae ngore no" na nhao mung: qid gyang" yaung" myan yo: ra" qid tham: khyo ngore jhui" ye" ra".
3Yao: wa ngore qam: sag' byid' ra"-
yao: dao so: byid' to" ru we' dakhyo- jo: ra" khyo khyo" ngore jhui" lo" ra".
4No; Cad' thao"ra" jo, qo re ngo su" lai: lo" sho'ngadqere: nao wa ngo we' daga" ngad yang: ngo pe" magyaug nae"-
ni" nho: lhae daung: we' yao zaung" zaung: bao" wa ngore gug: gam byid' ra".
5Nga" gyevo qe alhab' ngore qo" myao: ra" jo, qo tau nga" qhid' kheim: mae zo: shaug' jaung: re nao nyhang" to: byid' ra".
Nao wa ngore nga: qo" ra" bang" vo we' dakhyo: pang" tug: yu mung: nga" keim mae byang" sheim sho' ke' pyang" byid' ra".
6Nga" dapyad: geim" mae ni" gai: ra" khyo we' jhid'de; myid qo" yu mung:
ni" yham mae nga" pyad geim" qo" na nae" rure ngo ba: to: va".
Currently Selected:
CAUNG: KHIN" 23: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
