YOSHU 12
12
Moshe Yang Khe' Aung: Pye' Ra" Kho:kham Qe
1Israel byu qe wa aung: pye' mung: Yodan gyaung: ba thug' shad'- Arnon lao:khaung: tho' Yodan lao:khaung: mae" mug: am: shad' Hermon bam joe" sho' mug:myid re sang: yu: ako". Yao: bam wa kho:kham shid yaug re khe' aung: pye' avako". 2Dayaug wa Heshabon mae eib: na: ra" Amori kho:kham Sihon ngad: ra". Yao" mung"dan: wa Gilead mung" agaung: daqi" bobo: ra". Aroe (Arnon lao:khaung:geim") we' agaung: mae jo; ra" vogaung: mae" Ammonid mug: kyo: ngad: ra" Yabog gyaung: joe" sho' ngad: ra". 3Airu wa Yodan lao:khaung: mae" Galile mug: thao shad' Bed Yeshimod mod(Tham: shid ba thug' shad') joe" sho' we' Pisga bam khyid cao" yang: joe" sho' ngad: ra".
4Yao: bam wa Rephaim amyu" mae" lo" thao" yaug ngad: ra" Bashan kho:kham Oga rere: aung: pye' ako". Yao: wa Ashterod we' Edri mae eib: na: ra". 5Yao" mung"dan: wa Hermon bam we' Saleka bobo yang: Bashan mung" geim"- Geshu we' Makha mug: kyo: joe" sho'- Gilead mug: agaung: daqi" joe" sho'- Heshbon kho:kham Sihon nho: mug: kyo: joe" sho' ngad: ra".
6Ai: kho:kham shid' zo: wa Moshe we' Israel byu qeyang khe' aung: pye' ru qhug' ako". Asang: daui daui yaug Moshe wa aishid' yaug: mug:myid re yao: bam: jo,nho" khyo" Rubin- Gad amyu" we' Manashe amyu" agaung: daqi" qere byid' ra".
Yoshu Yang Khe' Aung: Pye' Ra" Kho:kham Qe
7Yoshu we' Israel byu qe wa Yodan gyaung: ba vao shad' mug:myid mae" kho:kham alhab' re khe' aung: pye' ako". Aiwa Lebanon lao:khaung: mae jo; ra" Balgad vogaung: mae" mug: thao shad' Edom nhae mae jo; ra" Halag bam joe" sho' ngad: ra". Yoshu wa ce: mug:myid re amyu" jham: gyo: mae kho' byid: mung: aire gyag maqui" ra" jo; nho" khyo" yao: bam re byid' ra". 8Ce: dau wa bam mug:-ba vao shad' bam khyid jao: gyu"- Yodan lao:khaung: we' ai: nho: bam khyid jao: gyu"- ba thug' shad' mae" kha" gyo" jham- mug: thao shad' mug: kyaug' jham bobo: ra". Ce: mug:myid wa- Hiti- Amori- Khanan- Perizi- Hivi we' Yebusi byu qenho: yham qao: mug: ngad: lai: lo: ra". 9Israel byu qeyang o mae ta" ra" vogaung: jham we' kho:kham qere khe' aung: pye' ako". Aijham wa- Yerikho- Ai (Bethela nhae mae) 10Yerusalem- Hebron 11Yamud- Lakhi 12Eglon- Geze 13Debi- Gede 14Horma- Arad 15Libna- Adulam 16Makeda- Bethela 17Tapua- Hephera 18Apheg- Lasharon 19Madon- Hazora 20Shimron Meron- Aksha 21Tanag- Megido 22Kade- Yokneam (Khame mae jo, ru) 23Do (qid yae cao" yang: jo, ra") Goim (Galile mae jo; ru) 24Tiza vogaung: jham ngad mung: kho:kham alhab' samxe: dayaug ngad: ako".
Currently Selected:
YOSHU 12: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
