Vakatekivu 35
35
Sa Vakalougatataki Jekope na Kalou mai Peceli
1 #
Vteki 28.11-17
A sa kaya vei Jekope na Kalou, “Mo cavu tu, ka mo lako cake ki Peceli, ka tiko mai kea. Mo cakava mai kea e dua nai cabocabo-ni-soro vua na Kalou, ko koya ka rairai vei iko ni ko a dro tani mai vei Iso na tuakamu.” 2A sa kaya ko Jekope vei ira na nona lewe-ni-vuvale, kei ira kecega era tiko kaya, “Dou biuta tani na kalou ni kai tani sa tiko kei kemudou, dou vakasavasavataki kemudou talega, ka veisautaka na nomudou i sulu; 3ka dou lako mai, me tou lako cake ki Peceli, ka'u na cakava mai kea e dua nai cabocabo-ni-soro vua na Kalou, ko koya ka rogoci au e na siga ka'u a rarawa kina ka sa tiko kei au e na vanua kecega ka'u sa lako kina.” 4A ra sa solia vei Jekope na kalou kecega ni kai tani sa tu e ligadra, kei na sau sa tu e daligadra; a sa vunia ko Jekope e ruku ni oki ka tu mai Sikemi.
5A ra sa lako tu yani, a sa kania na veikoro sa voliti ira na rere vua na Kalou, a ra sega kina ni vakasavi ira na luve i Jekope. 6A sa lako mai ko Jekope ki Lusa, mai na vanua ko Kenani [ko ya ko Peceli], ko koya kei ira kece na tamata era tiko vata kaya. 7A sa cakava kina e dua nai cabocabo-ni-soro, ka vakayacana na yasana ko ya ko Eli-Peceli, ni sa rairai vua mai kea na Kalou, ni sa dro tani ko koya mai vua na tuakana. 8A sa ciba ko Tepora nai mei i Repeka, a sa bulu ki ra, ki cake ko Peceli, e na ruku ni dua na oki. A sa vakatokai na yacana ko Aloni-pakuci.
9A sa rairai tale na Kalou kivei Jekope, ni sa lako mai Petani-erama, a sa vosavakalougatataki koya. 10#Vteki 32.28A sa kaya vua na Kalou, “Ko Jekope na yacamu; ia sa na sega ni vakatokai tale na yacamu ko Jekope, ia ko Isireli ga me na yacamu.” A sa vakatokai kina na yacana ko Isireli. 11#Vteki 17.4-8Sa kaya talega vua na Kalou, “Koi au na Kalou Kaukauwa:#35.11 E na kena vakaIperiu El Shaddai mo tubu, ka mo lewe vuqa mai; e dua na matanitu, io na matanitu e vuqa, ena tubu mai vei iko, ka na lako mai na tolomu na turaga lelevu. 12A vanua talega ka'u a solia vei Eparaama kei Aisake, au na solia vei iko, vei ira talega na nomu kawa, ka'u na solia na vanua ko ya.” 13A sa qai lako cake mai vua na Kalou, mai na tikina ka vosa kina vua. 14#Vteki 28.18,19A sa vakaduria na duru ko Jekope e na tikina ka vosa kina vua ko koya, io na duru vatu; a sa livia ki delana nai madrali liviraki, sa livia talega ki delana na waiwai. 15A sa vakatoka ko Jekope na yaca ni yasana ka vosa kina vua na Kalou ko Peceli.
Na Sucu nei Penijamini kei na Mate nei Raijeli
16A ra sa lako tu yani mai Peceli; a ra se bera tiko ni yaco ki Efiraca, a sa vakasucu ko Raijeli, a sa rarawa vakalevu ni vakasucu. 17Ia ni sa taratara tiko ka rarawa vakalevu, sa kaya vua ko koya na vu-ni-kalou, “Kakua ni rere; sa vakarau dua tale na luvemu tagane oqo.” 18A sa yaco ni sa lako na yalona (ka ni sa ciba ko koya), sa vakayacani koya ko Peni-oni;#35.18 Kenai balebale Luve ni noqu rarawa ia ko tamana sa vakatokai koya ko Penijamini.#35.18 Kenai balebale Luve ni liga i matau se Luve ni Ceva 19A sa ciba ko Raijeli, ka sa bulu e na sala ki Efiraca, (ko ya, ko Peceliema), 20ka sa vakaduria e dua na duru ko Jekope e na nona i bulubulu; ko ya na duru ni bulubulu i Raijeli, ka yacova na gauna oqo. 21A sa qai lako yani ko Isireli, ka sa birika na nona valelaca e na yasana kadua ni vale cecere mai Eteri.
Ko Iratou na Luvei Jekope
(1 Veigauna 2.1-2)
22 #
Vteki 49.4
A sa yaco ni sa tiko ko Isireli e na vanua ko ya, sa lako ko Rupeni ka moceri Pila, na watina lailai na tamana. A sa rogoca ko Isireli.
Ia ko ira na luve i Jekope era tagane sa le tinikarua. 23Na luve i Lia: ko Rupeni, na ulumatua i Jekope, kei Simione, kei Livai, kei Juta, kei Isakari, kei Sevuloni. 24Na luve i Raijeli: ko Josefa kei Penijamini. 25Na luve i Pila, na vada i Raijeli: ko Tani kei Navitalai. 26Na luve i Silipa, na vada i Lia: ko Kata kei Aseri. Ko ira oqo na luve i Jekope sa sucu mai Petani-erama.
Na Mate nei Aisake
27 #
Vteki 13.18
A sa lako mai ko Jekope kivei Aisake na tamana mai Mamire, ki na koro i Aripa, [ko ya ko Epironi,] ka dautiko vulagi kina ko Eparaama kei Aisake. 28Ia na gauna i Aisake e dua na drau ka walusagavulu na yabaki. 29A sa ciba ko Aisake; a sa mate yani ka sa toki yani kivei ira na kai nona, ni sa qase ka vuqa na nona yabaki; a rau sa buluti koya na luvena ko Iso kei Jekope.
Currently Selected:
Vakatekivu 35: FRV21
Highlight
Copy
Compare
Share
Want to have your highlights saved across all your devices? Sign up or sign in
