1 थेस्सलु 5
5
प्रभु यीशु दुबारी एणे जे तेयार बिशुण
1ए भाई त भेणिओं! प्रभु यीशु दुबारी एणे वकत त रोजे बारे तुसी जे किछ बि लिखणे जरूरत नेईं। 2किस कि तुस अपफ जाणते कि जीं चोर राति अजगता एन्ता, तिहांणि प्रभु यीशु बि अजगता दुबारी एन्ता।#मत्ती 24:43; लूका 12:39 3जपल मेह्णु बोते कि “सुख शान्ति असी, कोई डर नेईं”, त तिखेईं जीं गभुरवाल जिल्हाणु शुले लगती, तीं तेन्हि पुठ अजगता आफत एन्ती त से किछ कर कइ बि ना बचते। 4पर ए भाई त भेणिओं! इस बोकी बारे तुस अत बि अणजाण नेईं कि से रोज तुसी पुठ चोरे ईं अजगता एईयाल। 5किस कि तुस सोब टगड़ियार त दिसाई कम करणे बाड़े असे। अस ना रात ना अन्हार अन्तर बिशणे बाड़े असे। 6तोउं त अस होरी के ईं उंघो ना लौते, पर खड़ खड़ त चौकाने बिशो लौते। 7किस कि जे उंघते, से ब्यादि उंघते, होर जे नशा कते, से बि ब्यादि ईं नशा कते। 8पर अस त टगड़ियारी भिन्थ। त असी प्रभु यीशु पुठ विश्वास करणे त यकी होरी जोई परेम करणे कवच डब कइ त प्रभु यीशु जे असी बचान्ता, तेस बचणे उम्मीदे टोफ लाई कइ चौकाने बिश्ते।#इफिसुस 6:13-17 9किस की परमेश्वरे असी अपु कोप जे ना, बल्कि हें प्रभु यीशु मसीह अन्तर बचुण जे ठीक किओ असु। 10यीशु असी जे इस बझई जुए मुआ, ताकि अस चहे चौकाने बिशो भोल या मरो भोल, सोब मी कइ तेस जोई जीए। 11तोउं त यक होरी हिम्मत दिए त यकी होरी के तरक्की करणे बझह बणे, जीं तुस करुं बि लगो असे।
अखिरि बोके
12त ए भाई त भेणिओं! अस तुसी जे हथ जोड़ते कि जे तुसी बुच कम कते, त प्रभु यीशु अन्तर तुसी बधान्ते, त तुसी शिचालते, तेन्के इज्जत करे। 13त तेन्के कमे बझई जुए परेम जुए तेन्हि सुआ इज्जते लेएक समझे त अपफ बुच उई मी कइ बिशे।
14ए भाई त भेणिओं! अस तुसी जे छनेअरे कते कि जे नकम्मे असे, तेन्हि समझाण दिए! डरो तेन्हि हिम्मत दिए! त जे कमजोर असे तेन्के मदत करे! त सोबी जुएई उई मी कइ बिशे! 15हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे। 16हर वकत खुश बिशे। 17त हमेशा प्रार्थना कते रिहे। 18हर बोक पुठ धन्यवाद करे: किस कि यीशु मसीह अन्तर परमेश्वर चहन्ता कि तुस इहांणि करे। 19शुची आत्माई कम ना रोके। 20जपल कोई भविष्य वाणि करियाल त तसे बोकी पुठ ध्यान दिए। 21हर बोक परखे, त जे खरी असी, तस मने। 22केसे किस्मी बि बुराई ना करे।
अशुशी त नमस्कार
23त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे। 24जेन तुस भिहो असे, से यकीन लेएक असा त इहांणि कता।
25ए भाई त भेणिओं! असी जे प्रार्थना करे।
26सोब भाई भेणि जोई शुचे गड़ेमेड़े करे। 27अउं तुसी प्रभु सोहो दिआन्ता कि इस चिट्ठि सतसंगे सोबी मेह्णु पढ़ कइ शुणाए।
28हें प्रभु यीशु मसीहे कृपादृष्टि तुसी पुठ भुन्ति रिहे।
आमीन!
Currently Selected:
1 थेस्सलु 5: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
1 थेस्सलु 5
5
प्रभु यीशु दुबारी एणे जे तेयार बिशुण
1ए भाई त भेणिओं! प्रभु यीशु दुबारी एणे वकत त रोजे बारे तुसी जे किछ बि लिखणे जरूरत नेईं। 2किस कि तुस अपफ जाणते कि जीं चोर राति अजगता एन्ता, तिहांणि प्रभु यीशु बि अजगता दुबारी एन्ता।#मत्ती 24:43; लूका 12:39 3जपल मेह्णु बोते कि “सुख शान्ति असी, कोई डर नेईं”, त तिखेईं जीं गभुरवाल जिल्हाणु शुले लगती, तीं तेन्हि पुठ अजगता आफत एन्ती त से किछ कर कइ बि ना बचते। 4पर ए भाई त भेणिओं! इस बोकी बारे तुस अत बि अणजाण नेईं कि से रोज तुसी पुठ चोरे ईं अजगता एईयाल। 5किस कि तुस सोब टगड़ियार त दिसाई कम करणे बाड़े असे। अस ना रात ना अन्हार अन्तर बिशणे बाड़े असे। 6तोउं त अस होरी के ईं उंघो ना लौते, पर खड़ खड़ त चौकाने बिशो लौते। 7किस कि जे उंघते, से ब्यादि उंघते, होर जे नशा कते, से बि ब्यादि ईं नशा कते। 8पर अस त टगड़ियारी भिन्थ। त असी प्रभु यीशु पुठ विश्वास करणे त यकी होरी जोई परेम करणे कवच डब कइ त प्रभु यीशु जे असी बचान्ता, तेस बचणे उम्मीदे टोफ लाई कइ चौकाने बिश्ते।#इफिसुस 6:13-17 9किस की परमेश्वरे असी अपु कोप जे ना, बल्कि हें प्रभु यीशु मसीह अन्तर बचुण जे ठीक किओ असु। 10यीशु असी जे इस बझई जुए मुआ, ताकि अस चहे चौकाने बिशो भोल या मरो भोल, सोब मी कइ तेस जोई जीए। 11तोउं त यक होरी हिम्मत दिए त यकी होरी के तरक्की करणे बझह बणे, जीं तुस करुं बि लगो असे।
अखिरि बोके
12त ए भाई त भेणिओं! अस तुसी जे हथ जोड़ते कि जे तुसी बुच कम कते, त प्रभु यीशु अन्तर तुसी बधान्ते, त तुसी शिचालते, तेन्के इज्जत करे। 13त तेन्के कमे बझई जुए परेम जुए तेन्हि सुआ इज्जते लेएक समझे त अपफ बुच उई मी कइ बिशे।
14ए भाई त भेणिओं! अस तुसी जे छनेअरे कते कि जे नकम्मे असे, तेन्हि समझाण दिए! डरो तेन्हि हिम्मत दिए! त जे कमजोर असे तेन्के मदत करे! त सोबी जुएई उई मी कइ बिशे! 15हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे। 16हर वकत खुश बिशे। 17त हमेशा प्रार्थना कते रिहे। 18हर बोक पुठ धन्यवाद करे: किस कि यीशु मसीह अन्तर परमेश्वर चहन्ता कि तुस इहांणि करे। 19शुची आत्माई कम ना रोके। 20जपल कोई भविष्य वाणि करियाल त तसे बोकी पुठ ध्यान दिए। 21हर बोक परखे, त जे खरी असी, तस मने। 22केसे किस्मी बि बुराई ना करे।
अशुशी त नमस्कार
23त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे। 24जेन तुस भिहो असे, से यकीन लेएक असा त इहांणि कता।
25ए भाई त भेणिओं! असी जे प्रार्थना करे।
26सोब भाई भेणि जोई शुचे गड़ेमेड़े करे। 27अउं तुसी प्रभु सोहो दिआन्ता कि इस चिट्ठि सतसंगे सोबी मेह्णु पढ़ कइ शुणाए।
28हें प्रभु यीशु मसीहे कृपादृष्टि तुसी पुठ भुन्ति रिहे।
आमीन!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.