1 थेस्सलु 4
4
परमेश्वर खुश करणे जीवन
1त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे। 2किस कि तुसी पता असा की प्रभु यीशु कनारा असी तुसी जे की की निआंग दुतो असी। 3किस कि परमेश्वरे इच्छा ई भो कि तुस शुचे बणे: मतलब कि नाजायज रिश्ता रखण केआं अपफ बचाई रखे। 4त ईं पता लाए कि कीं कइ अपु जिसम शुचा त इज्जत जुए रखते। 5तुस तेन्हि होरे जाति मेह्णु के ईं मौज मस्ती अन्तर ना बिशे, जे परमेश्वर ना जाणते। 6इस बोक पुठ कोई बि अपु भाई या भेण ना ठगे, होर ना तेन्हि पुठ कोई जोर ना लाण। किस कि असी पेहले ईं तुसी जे बोलो असु त खबरदार बि किओ असे कि प्रभु इन्हि सोबी बोकी के सज्जा देन्ता। 7किस कि परमेश्वरे अस शुचे भुण जे भिओ असे, ना कि जुठे भुण जे, 8त जे इन्हि बोकी ना मानते, से असी मेह्णु ना, बल्कि जे परमेश्वरे तुं धे अपु शुची आत्मा देन्ता तस ना मानते।
9ए ट्यारेओ! असी ना लगतु कि भाईचारे बारे मोउं किछ लिखणे जरूरत असी, किस कि एसे बारे तुसी अपफ परमेश्वर केआं शिचो असु। 10तोउं त तुस मकिदुनिया इलाके सोबी भाई भेणि जुओई बि तीं परेम जुएई बिश्ते। पर ए भाई भेणिओं! अस तुं छनेअरे कते कि तुस परेम अन्तर हउ बि बधते रिहे। 11त जीं असी तुसी जे निआंग दुतो असी, तीं सोबी जोई शान्ति जोई बिशुण जे, अपु अपु सरसला चलाण जे त अपु हथे बइ कमाण जे हिम्मत करे। 12इ करणे बेलि तुस होरे मेह्णु सम्हाणि बधिआ जिन्दगी काट बटते त तुं कोई घटी ना भोल।
प्रभु दुबारी एण
13ए भाई त भेणिओं! अस चहन्ते की तुस तेन्के बारे जाणे जे विश्वासी मरी गो असे ताकि तुस अविश्वासी के ईं शोक ना करे। तेन्के कोई उम्मीद नेईं, पर हें असी। 14किस कि अस विश्वास कते कि यीशु मर कइ दुबारी जी गो असा। त ईं बि पक्कु असु कि जे विश्वासी मर गो असे, जपल परमेश्वर तेन्हि स्वर्ग नेण जे यीशु लंघान्ता त से तेन्हि दुबारी जीआई कइ अपफ जुए घिन घेन्ता। 15अस प्रभु वचन केआं तुसी जे ईं बोते कि प्रभु यीशु दुबारी एणे टेम, अस जे जीन्ता भुन्ते, कदी बि तेन्हि मरो विश्वासी केआं पेहले प्रभु जोई ना मीते।#1 कुरिन्थ 15:51,52 16किस कि प्रभु अपफ स्वर्ग केआं एन्ता; तिखेईं सुआ लियार लगती त ताकतवर स्वर्गेदूते अवाज शुणती त परमेश्वरे रेशमि बजती। होर जे मसीह अन्तर मरो असे, से पेहले जी घेन्ते। 17तिखेईं अस जे तपल तकर जीन्ते भुन्ते, अस बि तेन्हि जुए बदेए पुठ खड़िए नीइन्ते, ताकि अम्बर पुठ प्रभु जुए मीते त ईं भोई कइ अस हमेशा प्रभु जुए बिश्ते। 18त इन्हि बोकी बइ यक होरी हिम्मत देन्ते रिहे।
Currently Selected:
1 थेस्सलु 4: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
1 थेस्सलु 4
4
परमेश्वर खुश करणे जीवन
1त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे। 2किस कि तुसी पता असा की प्रभु यीशु कनारा असी तुसी जे की की निआंग दुतो असी। 3किस कि परमेश्वरे इच्छा ई भो कि तुस शुचे बणे: मतलब कि नाजायज रिश्ता रखण केआं अपफ बचाई रखे। 4त ईं पता लाए कि कीं कइ अपु जिसम शुचा त इज्जत जुए रखते। 5तुस तेन्हि होरे जाति मेह्णु के ईं मौज मस्ती अन्तर ना बिशे, जे परमेश्वर ना जाणते। 6इस बोक पुठ कोई बि अपु भाई या भेण ना ठगे, होर ना तेन्हि पुठ कोई जोर ना लाण। किस कि असी पेहले ईं तुसी जे बोलो असु त खबरदार बि किओ असे कि प्रभु इन्हि सोबी बोकी के सज्जा देन्ता। 7किस कि परमेश्वरे अस शुचे भुण जे भिओ असे, ना कि जुठे भुण जे, 8त जे इन्हि बोकी ना मानते, से असी मेह्णु ना, बल्कि जे परमेश्वरे तुं धे अपु शुची आत्मा देन्ता तस ना मानते।
9ए ट्यारेओ! असी ना लगतु कि भाईचारे बारे मोउं किछ लिखणे जरूरत असी, किस कि एसे बारे तुसी अपफ परमेश्वर केआं शिचो असु। 10तोउं त तुस मकिदुनिया इलाके सोबी भाई भेणि जुओई बि तीं परेम जुएई बिश्ते। पर ए भाई भेणिओं! अस तुं छनेअरे कते कि तुस परेम अन्तर हउ बि बधते रिहे। 11त जीं असी तुसी जे निआंग दुतो असी, तीं सोबी जोई शान्ति जोई बिशुण जे, अपु अपु सरसला चलाण जे त अपु हथे बइ कमाण जे हिम्मत करे। 12इ करणे बेलि तुस होरे मेह्णु सम्हाणि बधिआ जिन्दगी काट बटते त तुं कोई घटी ना भोल।
प्रभु दुबारी एण
13ए भाई त भेणिओं! अस चहन्ते की तुस तेन्के बारे जाणे जे विश्वासी मरी गो असे ताकि तुस अविश्वासी के ईं शोक ना करे। तेन्के कोई उम्मीद नेईं, पर हें असी। 14किस कि अस विश्वास कते कि यीशु मर कइ दुबारी जी गो असा। त ईं बि पक्कु असु कि जे विश्वासी मर गो असे, जपल परमेश्वर तेन्हि स्वर्ग नेण जे यीशु लंघान्ता त से तेन्हि दुबारी जीआई कइ अपफ जुए घिन घेन्ता। 15अस प्रभु वचन केआं तुसी जे ईं बोते कि प्रभु यीशु दुबारी एणे टेम, अस जे जीन्ता भुन्ते, कदी बि तेन्हि मरो विश्वासी केआं पेहले प्रभु जोई ना मीते।#1 कुरिन्थ 15:51,52 16किस कि प्रभु अपफ स्वर्ग केआं एन्ता; तिखेईं सुआ लियार लगती त ताकतवर स्वर्गेदूते अवाज शुणती त परमेश्वरे रेशमि बजती। होर जे मसीह अन्तर मरो असे, से पेहले जी घेन्ते। 17तिखेईं अस जे तपल तकर जीन्ते भुन्ते, अस बि तेन्हि जुए बदेए पुठ खड़िए नीइन्ते, ताकि अम्बर पुठ प्रभु जुए मीते त ईं भोई कइ अस हमेशा प्रभु जुए बिश्ते। 18त इन्हि बोकी बइ यक होरी हिम्मत देन्ते रिहे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.