रोमि 6
6
हिङ्वामि चॆक्मावा लुक्खॆॽमिम्पा
1मरहाङ्ग माल कानिऎ निवाँहाङ्मि ऎॽवा ह ऎॽवा नाम्नावाँ टक्चासि हिङ्वा योम्पक् यिक्ढाङ्मॆ? 2आक्र ग लॆःॽमा फॆन्नि! कानि ग हिङ्वामि लागि सिखॆडि। मसॆ मान्टक्ल कानिऎ कानिमि हिङ्खामाबि हिङ्वा योम्पक् यिक्ढाङ्मा हेकिहा टा? 3आन्नॆ लेकाम्निन हाम्पॆ डिना चाइ कानिऎ खिरिस्ट येसुमि निङ्पि बाप्टिस्मा लासि म डिनाबाङ् कानि खोनुङ्न सिखारि लोमॆ खानावाँ खाङ्मुकु। 4मसॆ हानाम् कानिऎ बाप्टिस्मा लासि, कानि सङ्क खिरिस्ट नुङ्न सिखारि हाङ् खोनुङ्न हुम्ढारि। हाङ् निवाँहाङ् आपाऎ खोम् चॆक्मावा नुङ्मा निङ्लावाबाङ् खिरिस्ट हिङ्पॽमिम्पा रक्न कानिऎ सङ्क उम्चङ् हिङ्खामा टक्चाहिकि।
5मान्ठाभनॆ कानि खिरिस्ट सिखॆॽमिम्पा खानावाँबि टेःॽन एक्क लिमिम्पा हॆॽनॆ, टर खो हिङ्पॽमिम्पा रक्न कानि सङ्क हिङ्खामाबि हिङ्पकि। 6हाङ् याॽमिचिऎ खिरिस्ट कुरुसाबि कॆङ्मार कानिमि याॽलिहा हिङ्खामा सङ्क खिरिस्ट नुङ्न कुरुसाबि कॆङ्मिम्पा लॆटा लोमॆ कानिऎ लेः। कानिमि हिङ्वा नुङ्माऎ हिङ्खामा लुक्पिॽमामि लागि आक्र लिसा हाङ् हयॆबाङ् मरक् कानि सक्पि हिङ्वाऎ माङ्स ढुप्पाट्ट लॆटुनि लोमॆ खानावाँ कानिऎ ले। 7मान्ठाभनॆ आसा चाइ सिखॆडा आक्क याॽमि हिङ्वाबाङ् फाग्बडा। 8हाङ् कानि खिरिस्ट नुङ् सोरि सिखॆडि हाङ्ग खोनुङ् सोरि हिङचाकि स लोमॆ खानावाँबि कानि निवाँयुङ् लॆकि। 9मान्ठाभनॆ कानिऎ खिरिस्ट सिखॆॽमिम्पाबाङ् हिङ्पडा कामानुङ् ले, हयॆबाङ् म्युगॆ खो हानाम्स सिखॆॽनि। हाङ् खो सक्पि सिखॆॽमॆ चॆक्मावाऎ माङ्स लॆःॽहिसुनि। 10हिङ्वा हेचामामि लागि खो सिखॆॽमॆ खानावाँ चाइ एक्खॆपामि लागि टेःॽन लॆटा। ह होइखेपा सङ्क खो सिखॆॽमॆ खानावाँ लिनि। हाङ् ह खो निवाँहाङ्मि निङ्लावामि लागि हिङ्चाढाङ्डा। 11मसॆ आन्नॆ सङ्क टाङ्पा आन्नामि हिङ्वामि लागि सिखॆॽमिम्पा मिॽलामा लॆ, टर आन्ना निवाँहाङ्मि लागि चाइ हिङ्चाकानि मान्ठाभनॆ आन्ना खिरिस्ट येसुमि याॽमिचि लिडानि।
12मसॆ आन्नामि सिखॆखुबा सालुङ् हिङ्वामि योम्पक् मुखुबा मुमा फॆन्नि। हाङ् सालुङ्ऎ माङ्माङ् लॆःॽमिकानिर ममन लॆसॆ आन्नॆ आक्क आनामि टुङ्घङ्पा मुमा फॆन्नि। 13काइसॆ योम्पक्मि लागि टाङपाम सालुङ्पि चुहा भाग आफॆरानॆ। टर सिखॆॽमिम्पा याॽमिचिऎ हिङ्खामा टक्चामिम्पा रक्न नुऎ योम्पकमि लागि टाङ्पाम चोब्न सालुङ् निवाँहाङ्न सङ्टिटाम्नॆ। मसॆ टाङ्पाम सालुङ्पिऎ चोब्न भागऎ निवाँहाङ्मि निवाँनेन योम्पक् यिगुर कामानुङ् पिइटाम्नॆ। 14मसॆ आन्ना सक्पि हिङ्वामि चॆक्मावाऎ माङ्स लॆहिसुनि मान्ठाभनॆ आन्ना ह यायॆॽमामि ढुप्पाट्टबि हॆॽनॆ टर निवाँहाङ्मि नाम्नावाँबि चुकानि।
निवाँनेन् योम्पक् मुखुबा
15मरहाङ्ग माल् कानि यायेॽमामि ढुप्पाट्ट हङ्सि हॆॽनॆ, टर निवाँहाङ्मि निवाँनेन्बि चुकि कामानुङ् हिङ्वा योम्पक् यिक्ढाङ्मॆ? आक्र ग लॆःॽमा फॆन्नि। 16आन्नॆ टाङ्पा एक्क टुङ्घङ्पाऎ लोमिम्पा खेम्मान लॆऎ याॽमि मुकाम्नि हाङ्ग, आन्ना खोमि योम्पक् मुखुबा लिकानि। गरहाङ्न आन्नॆ हिङ्वाऎ लोमिम्पा खेमुकाम्नि हाङ्ग, सिखॆॽमॆ लाम्फु लाम्ढुकानि टर निवाँहाङ्ऎ लोमिम्पा खेम्कानि हाङ्ग निवाँहाङ्मि ङारिङ्बि निवाँनेन् लिमॆ लाम्फुबि लाम्ढुकानि। 17याॽलि आन्ना हिङ्वामि योम्पक् मुखुबा याॽमिचि लॆटानि टर ह चाइ आन्ना निवाँहाङ्मि बारेबि पिॽमिम्पा खानावाँ चोब्न निवाँऎ टिङ्खुबा याॽमिचि लिडानि। मसॆ काङॆ निवाँहाङ् ओहाक् पिकुङ्। 18हाङ् ह निवाँहाङ्ऎ आन्ना हिङ्वाबाङ् फाक्डानि हाङ् आन्ना निवाँहाङ्मि निवाँनेन् योम्पक् यिक्मामि लागि खोम् योम्पक् मुखुबा लिडानि। 19काङॆ लोमिम्पा खानावाँ आन्नॆ काम्नुःर वाप्हिसाम्नॆ कामानुङ् काङॆ आन्नामि लुम्पि एक्क टुङ्घङ्पा नुङ् योम्पक मुखुबामि खानावाँ इमॆ पाइकुङ। याॽलि आन्नॆ टाङ्पामि हिङ्खामा सॆङ्सॆङॆ मॆड्डिङ्मा हाङ् हिङ्खामा काइसॆ योम्पक् यिक्माबि पिॽमिम्पा लॆटाम्नि। टर ह चाइ आन्नॆ आन्नामि हिङ्खामा निवाँनेन् योम्पक् यिक्माम् लागि पिट्टाम्नॆ। गसॆ आन्ना निवाँहाङ्मि सॆङ्सॆङॆ याॽमिचि मुकानि। 20हाङ् आन्ना हिङ्वामि योम्पक् यिक्खुबा याॽमि लॆटानिर, निवाँहाङ्मि ङारिङ्पि निवाँनेन् योम्पक् मुमाबि निवाँ माटिसाम्नि। 21आन्नामि आक्खा याॽलिहा हिङ्खामाबाङ् आन्नॆ माङ् नुऎ टक्चाआम्नॆ हाङ् आन्नॆ याॽलि यिक्मिम्पा योम्पक्बाङ् ङेसिकानि? आक्रहा योम्पक्ऎ सिखॆॽमाबि टॆकि। 22टर ह आन्ना हिङ्वाबाङ् फाग्बडानि हाङ् निवाँहाङ्मि योम्पक मुखुबा लिडानि। गसॆ आन्ना सॆङ्सॆङॆ मुकानि हाङ् हानाम्स सिखॆॽनॆ हिङ्खामाबि टॆकानि। 23मान्ठाभनॆ आसॆ चाइ हिङ्वा योम्पक् यिगुकि, आक्कमि नाम्यक् पिॽमार खो सिखॆॽमा लॆ। टर निवाँहाङ्ऎ मरक्न पिऎ बारडाना चाइ हानाम्स लुक्खॆॽनिये हिङ्खामा यो। आक्क हिङ्खामा कानिऎ खिरिस्ट येसु कानिम् पारभुबाङ् टक्चा।
Currently Selected:
रोमि 6: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमि 6
6
हिङ्वामि चॆक्मावा लुक्खॆॽमिम्पा
1मरहाङ्ग माल कानिऎ निवाँहाङ्मि ऎॽवा ह ऎॽवा नाम्नावाँ टक्चासि हिङ्वा योम्पक् यिक्ढाङ्मॆ? 2आक्र ग लॆःॽमा फॆन्नि! कानि ग हिङ्वामि लागि सिखॆडि। मसॆ मान्टक्ल कानिऎ कानिमि हिङ्खामाबि हिङ्वा योम्पक् यिक्ढाङ्मा हेकिहा टा? 3आन्नॆ लेकाम्निन हाम्पॆ डिना चाइ कानिऎ खिरिस्ट येसुमि निङ्पि बाप्टिस्मा लासि म डिनाबाङ् कानि खोनुङ्न सिखारि लोमॆ खानावाँ खाङ्मुकु। 4मसॆ हानाम् कानिऎ बाप्टिस्मा लासि, कानि सङ्क खिरिस्ट नुङ्न सिखारि हाङ् खोनुङ्न हुम्ढारि। हाङ् निवाँहाङ् आपाऎ खोम् चॆक्मावा नुङ्मा निङ्लावाबाङ् खिरिस्ट हिङ्पॽमिम्पा रक्न कानिऎ सङ्क उम्चङ् हिङ्खामा टक्चाहिकि।
5मान्ठाभनॆ कानि खिरिस्ट सिखॆॽमिम्पा खानावाँबि टेःॽन एक्क लिमिम्पा हॆॽनॆ, टर खो हिङ्पॽमिम्पा रक्न कानि सङ्क हिङ्खामाबि हिङ्पकि। 6हाङ् याॽमिचिऎ खिरिस्ट कुरुसाबि कॆङ्मार कानिमि याॽलिहा हिङ्खामा सङ्क खिरिस्ट नुङ्न कुरुसाबि कॆङ्मिम्पा लॆटा लोमॆ कानिऎ लेः। कानिमि हिङ्वा नुङ्माऎ हिङ्खामा लुक्पिॽमामि लागि आक्र लिसा हाङ् हयॆबाङ् मरक् कानि सक्पि हिङ्वाऎ माङ्स ढुप्पाट्ट लॆटुनि लोमॆ खानावाँ कानिऎ ले। 7मान्ठाभनॆ आसा चाइ सिखॆडा आक्क याॽमि हिङ्वाबाङ् फाग्बडा। 8हाङ् कानि खिरिस्ट नुङ् सोरि सिखॆडि हाङ्ग खोनुङ् सोरि हिङचाकि स लोमॆ खानावाँबि कानि निवाँयुङ् लॆकि। 9मान्ठाभनॆ कानिऎ खिरिस्ट सिखॆॽमिम्पाबाङ् हिङ्पडा कामानुङ् ले, हयॆबाङ् म्युगॆ खो हानाम्स सिखॆॽनि। हाङ् खो सक्पि सिखॆॽमॆ चॆक्मावाऎ माङ्स लॆःॽहिसुनि। 10हिङ्वा हेचामामि लागि खो सिखॆॽमॆ खानावाँ चाइ एक्खॆपामि लागि टेःॽन लॆटा। ह होइखेपा सङ्क खो सिखॆॽमॆ खानावाँ लिनि। हाङ् ह खो निवाँहाङ्मि निङ्लावामि लागि हिङ्चाढाङ्डा। 11मसॆ आन्नॆ सङ्क टाङ्पा आन्नामि हिङ्वामि लागि सिखॆॽमिम्पा मिॽलामा लॆ, टर आन्ना निवाँहाङ्मि लागि चाइ हिङ्चाकानि मान्ठाभनॆ आन्ना खिरिस्ट येसुमि याॽमिचि लिडानि।
12मसॆ आन्नामि सिखॆखुबा सालुङ् हिङ्वामि योम्पक् मुखुबा मुमा फॆन्नि। हाङ् सालुङ्ऎ माङ्माङ् लॆःॽमिकानिर ममन लॆसॆ आन्नॆ आक्क आनामि टुङ्घङ्पा मुमा फॆन्नि। 13काइसॆ योम्पक्मि लागि टाङपाम सालुङ्पि चुहा भाग आफॆरानॆ। टर सिखॆॽमिम्पा याॽमिचिऎ हिङ्खामा टक्चामिम्पा रक्न नुऎ योम्पकमि लागि टाङ्पाम चोब्न सालुङ् निवाँहाङ्न सङ्टिटाम्नॆ। मसॆ टाङ्पाम सालुङ्पिऎ चोब्न भागऎ निवाँहाङ्मि निवाँनेन योम्पक् यिगुर कामानुङ् पिइटाम्नॆ। 14मसॆ आन्ना सक्पि हिङ्वामि चॆक्मावाऎ माङ्स लॆहिसुनि मान्ठाभनॆ आन्ना ह यायॆॽमामि ढुप्पाट्टबि हॆॽनॆ टर निवाँहाङ्मि नाम्नावाँबि चुकानि।
निवाँनेन् योम्पक् मुखुबा
15मरहाङ्ग माल् कानि यायेॽमामि ढुप्पाट्ट हङ्सि हॆॽनॆ, टर निवाँहाङ्मि निवाँनेन्बि चुकि कामानुङ् हिङ्वा योम्पक् यिक्ढाङ्मॆ? आक्र ग लॆःॽमा फॆन्नि। 16आन्नॆ टाङ्पा एक्क टुङ्घङ्पाऎ लोमिम्पा खेम्मान लॆऎ याॽमि मुकाम्नि हाङ्ग, आन्ना खोमि योम्पक् मुखुबा लिकानि। गरहाङ्न आन्नॆ हिङ्वाऎ लोमिम्पा खेमुकाम्नि हाङ्ग, सिखॆॽमॆ लाम्फु लाम्ढुकानि टर निवाँहाङ्ऎ लोमिम्पा खेम्कानि हाङ्ग निवाँहाङ्मि ङारिङ्बि निवाँनेन् लिमॆ लाम्फुबि लाम्ढुकानि। 17याॽलि आन्ना हिङ्वामि योम्पक् मुखुबा याॽमिचि लॆटानि टर ह चाइ आन्ना निवाँहाङ्मि बारेबि पिॽमिम्पा खानावाँ चोब्न निवाँऎ टिङ्खुबा याॽमिचि लिडानि। मसॆ काङॆ निवाँहाङ् ओहाक् पिकुङ्। 18हाङ् ह निवाँहाङ्ऎ आन्ना हिङ्वाबाङ् फाक्डानि हाङ् आन्ना निवाँहाङ्मि निवाँनेन् योम्पक् यिक्मामि लागि खोम् योम्पक् मुखुबा लिडानि। 19काङॆ लोमिम्पा खानावाँ आन्नॆ काम्नुःर वाप्हिसाम्नॆ कामानुङ् काङॆ आन्नामि लुम्पि एक्क टुङ्घङ्पा नुङ् योम्पक मुखुबामि खानावाँ इमॆ पाइकुङ। याॽलि आन्नॆ टाङ्पामि हिङ्खामा सॆङ्सॆङॆ मॆड्डिङ्मा हाङ् हिङ्खामा काइसॆ योम्पक् यिक्माबि पिॽमिम्पा लॆटाम्नि। टर ह चाइ आन्नॆ आन्नामि हिङ्खामा निवाँनेन् योम्पक् यिक्माम् लागि पिट्टाम्नॆ। गसॆ आन्ना निवाँहाङ्मि सॆङ्सॆङॆ याॽमिचि मुकानि। 20हाङ् आन्ना हिङ्वामि योम्पक् यिक्खुबा याॽमि लॆटानिर, निवाँहाङ्मि ङारिङ्पि निवाँनेन् योम्पक् मुमाबि निवाँ माटिसाम्नि। 21आन्नामि आक्खा याॽलिहा हिङ्खामाबाङ् आन्नॆ माङ् नुऎ टक्चाआम्नॆ हाङ् आन्नॆ याॽलि यिक्मिम्पा योम्पक्बाङ् ङेसिकानि? आक्रहा योम्पक्ऎ सिखॆॽमाबि टॆकि। 22टर ह आन्ना हिङ्वाबाङ् फाग्बडानि हाङ् निवाँहाङ्मि योम्पक मुखुबा लिडानि। गसॆ आन्ना सॆङ्सॆङॆ मुकानि हाङ् हानाम्स सिखॆॽनॆ हिङ्खामाबि टॆकानि। 23मान्ठाभनॆ आसॆ चाइ हिङ्वा योम्पक् यिगुकि, आक्कमि नाम्यक् पिॽमार खो सिखॆॽमा लॆ। टर निवाँहाङ्ऎ मरक्न पिऎ बारडाना चाइ हानाम्स लुक्खॆॽनिये हिङ्खामा यो। आक्क हिङ्खामा कानिऎ खिरिस्ट येसु कानिम् पारभुबाङ् टक्चा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society