रोमि 5
5
निवाँहाङ्मि ङारिङ्पि निवाँनेन् लिमॆ
1कानिऎ निवाँयुङ् लॆःॽमिम्पासॆ निवाँहाङ्ऎ कानि निवाँनेन याॽमि मुःॽडि। मसॆ येसु खिरिस्ट कानिमि पारभुऎ कानिमि लागि यिक्मिम्पा योम्पक्ऎ निवाँहाङ् नुङ् कानि टङ्चामिडि। 2येसु खिरिस्टऎ कानि कानिमि निवाँयुङ्बाङ् निवाँहाङ्मि नाम्नावाँ टक्चाखुबा याॽमिचि मुःडि। हाङ् ह सङ्क कानि ग नाम्नावाँबाङ्न हिङ्चाढाङ्डि। हाङ् कानिऎ सङ्क निवाँहाङ्मि निङ्लावा टक्चाकिन मिम्मानुङ् आस युङ्सॆ एट्टान चेन्चाकि। 3गरक्टे हॆॽनॆ टर कानि टाङ्पाम डुखाबि स चेन्चाकि मान्ठाभनॆ डुखाऎ हुङ्हिखुबा याॽमि मुकि लोमॆ कानिऎ ले। 4हाङ् हुङ्हिखुबा खानावाँऎ कानि नुचाऎ याॽमिचि मुकि हाङ् आक्क नुचाऎ खानावाँऎ कानि हङ्सि एक्क आस टिबिकि। 5हाङ् कानिऎ लॆःॽमिम्पा आसऎ कानि हानाम्स ङेसिमाबि सिॽमिटिनि। मान्ठाभनॆ निवाँहाङ्ऎ सॆङ्सॆङॆ लावाबाङ् कानिमि लावाबि खोम् नाम्नाम् पिसिॽमॆ खानावाँ होडु म सॆङ्सॆङॆ लावा निवाँहाङ्ऎ कानि पिडि।
6कानिऎ टाङ्पॆ टाङ्पान हिङ्पक्मा माहेसि। मसॆ निवाँहाङ्ऎ लोमिम्पा लःबि खिरिस्ट टाआ हाङ् कानि हिङ्वा याॽमिचि हिङ्पॽमिॽमामि लागि खो सिखारा। 7चाइबान, निवाँनेन याॽमिमि लागि सिखॆॽमा मिन्खुबा याॽमि मर भॆट्टक्मा हेनि। मरहाङ्स ऎट्टान नुचाऎ याॽमिमि लागि याॽमिचि सिखॆॽमा हेकुङ् सङ्क काग्मि। 8टर कानि हिङ्वा याॽमिचि लॆभॆटिरक्न कानिमि लागि सिखॆॽपिॽमाम् लागि निवाँहाङ्ऎ खिरिस्ट पाङ्हाङ्सु। ग योम्पक्बाङ् निवाँहाङ्ऎ कानि ऎॽवा नाम्नाम् पिसिकिहा लोमॆ खाङ्मिकि।
9मसॆ चाइबान कानि खिरिस्टऎ निवाँहाङ्मि सिरिबाङ् हिङ्पॽमिकि मान्ठाभनॆ कानि खोसॆ अङ्मिॽमिम्पा हारिबाङ् निवाँहाङ्मि ङारिङ्पि निवाँनेन् याॽमि लिडि। 10कानि निवाँहाङ् सिच्चाखुबा याॽमि लॆटि, टर खोसॆ कानिमि लागि खोम् पासा सिखॆसि पाङ्हाङ्सु हाङ् निवाँहाङ्एऎ कानि खोम् लाङ्काम् मुसि। ह कानि खोम् लाङ्काम् लिडिहासॆ चाइबान कानि खिरिस्टमि हिङ्खामाबाङ् हिङ्पःकि। 11गरक्टे हॆॽनॆ, निवाँहाङ्ऎ कानि हाङ्हाङ् मिन्मॆ खानावाँ पिडि मान्ठाभनॆ कानिमि पारभु येसु खिरिस्टऎ ह कानि निवाँहाङ्मि लाङ्काम् मुडि।
आडमबाङ् सिखॆॽमा हाङ् खिरिस्टबाङ् हिङ्खामा टाआ
12एक्क याॽमि आडमबाङ् बाखाटेम्पि हिङ्वा टाआ। हाङ् आक्क हिङ्वाऎन सिखॆॽमॆ खानावाँ टॆटु। गरहाङ् चोब्न याॽमिचिबि सिखॆॽमॆ खानावाँ टाआ मान्ठाभनॆ चोब्पासॆ हिङ्वा योम्पक् यिक्डुचि। 13हाङ् निवाँहाङ्ऎ मोसा यायॆॽमा पिॽमाबाङ् याॽल सङ्क याॽमिचिऎ हिङ्वा योम्पक् यिक्ढाङ्मिम्पा लॆटामि। टर आक्रल यायेॽमान माऎसॆ याॽमिचिऎ लॆःॽमिम्पा हिङ्वा ङेःप्मॆ योम्पक् न मालि। 14टर आडममि लःबाङ् यायेॽमा साप्खुबा मोसामि लः माटारढारि चोब्न याॽमिचिऎ आडमऎ रक्न निवाँहाङ्ऎ लोमिम्पा माखेम्मपासे हिङ्वा योम्पक् मान्यिगामि हाङ्स, खोचि चोब्न सिखारमि।
चाइबान लोमार आडम चाइ डॆङ्पि टाखुबा खिरिस्ट रक्मान। 15टर निवाँहाङ्ऎ याॽमिचि मरक्न पिॽमिम्पा नाम्नावाँ आडाममि हिङ्वा नुङ् टङ्नि। मान्ठाभनॆ आडम एक्क याॽमिमि हिङ्वाऎ डिरिक् याॽमिचिबि सिखॆॽमॆ खानावाँ टॆटु। टर आक्कबाङ्स ढ्या खानावाँ चाइ येसु खिरिस्ट खोम् टाङ्पॆ डिरिक् याॽमिचिबि निवाँहाङ्ऎ मरक्न पिॽमिम्पा खोम् नाम्नावाँ लाटॆटु। 16निवाँहाङ्ऎ कानि पिॽमिम्पा नाम्नावाँ नुङ्मा बारडाना चाइ आडममि हिङ्वा नुङ् टङ्नि। आडममि एक्क हिङ्वा योम्पक्ऎ निवाँहाङ्मि ङारिङ्पि याॽमिचि आब्डिक् नुङ्मा लिसामि, टर निवाँहाङ्ऎ कानि पिॽमिम्पा नाम्नावाँ नुङ्मा बारडानाऎ कानिम् ओइर हिङ्वा सःग्लाङ्सु हाङ् कानि निवाँहाङ्मि ङारिङ्पि निवाँनेन् याॽमि लिसि। 17एक्क याॽमि आडाममि हिङ्वाऎ चोब्न याॽमिचि सिखॆॽमा सिट्टा। टर निवाँहाङ्ऎ कानि सक्पि खेःॽल होमिम्पा नाम्नावाँ हाङ् मरक्न पिॽमिम्पा नाम्नावाँ चाइ आक्कबाङ् ढ्या लॆ। मान्ठाभनॆ इघा खानावाँ टक्चाखुबाचि हिङ्चाक्मि हाङ् एक्क याॽमि येसु खिरिस्ट नुङ्न ढुप्पाट्ट लॆःक्मि।
18मसॆ आडममि एक्क योम्पक्बाङ् चोब्न याॽमिचि हिङ्वा नुङ्मा लिमानुङ् डान्डा टक्चाखुबा लिडामि। आक्रहाङ्न येसुमि एक्क निवाँनेन् योम्पक्बाङ् चोब्न याॽमिचि निवाँहाङ्ऎ खोम् ङारिङ्पि निवाँनेन् मुसुचि हाङ् खोचिऎ हिङ्खामा टक्चाकुचि। 19एक्क याॽमि आडमऎ निवाँहाङ्ऎ लोमिम्पा मान्खेमु मसॆ डिरिक् याॽमिचि हिङ्वा नुङ्मा लिसामि। आक्रहाङ्न एक्क याॽमि येसुऎ चाइ निवाँहाङ्ऎ लोमिम्पा खेमु मसॆ डिरिक् याॽमिचि निवाँहाङ्मि ङारिङ्पि निवाँनेन् लिसामि।
20निवाँहाङ्मि यायेॽमा चाइ याॽमिचिऎ उम्चि आक्खा हिङ्वा काम्नुःर खाङ्टकुचिर कामानुङ् पिॽमिम्पा लॆटा। टर याॽमिचिमि हिङ्वा पुसे खारा हाङ्स, आक्कबाङ्स डिरिक् निवाँहाङ्मि नाम्नावाँ याॽमिचि सक्पि टाआ। 21गरहाङ्न चोब्न याॽमिचि सक्पि मान्टहाङ् हिङ्वाऎ ढुप्पाट्ट लॆटु हाङ् सिखॆॽमॆ खानावाँ टॆटु, मरहाङ्न ह निवाँहाङ्मि नाम्नावाँऎ याॽमिचि सक्पि ढुप्पाट्ट लॆःॽमॆ पाइकु, हाङ् खोचि निवाँहाङ्मि ङारिङ्पि निवाँनेन् मुडुचि। हाङ् खोचिऎ येसु खिरिस्ट कानिम् पारभुबाङ हानाम्स लुक्खॆॽनॆ हिङ्खामा टक्चाकुचि।
Currently Selected:
रोमि 5: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमि 5
5
निवाँहाङ्मि ङारिङ्पि निवाँनेन् लिमॆ
1कानिऎ निवाँयुङ् लॆःॽमिम्पासॆ निवाँहाङ्ऎ कानि निवाँनेन याॽमि मुःॽडि। मसॆ येसु खिरिस्ट कानिमि पारभुऎ कानिमि लागि यिक्मिम्पा योम्पक्ऎ निवाँहाङ् नुङ् कानि टङ्चामिडि। 2येसु खिरिस्टऎ कानि कानिमि निवाँयुङ्बाङ् निवाँहाङ्मि नाम्नावाँ टक्चाखुबा याॽमिचि मुःडि। हाङ् ह सङ्क कानि ग नाम्नावाँबाङ्न हिङ्चाढाङ्डि। हाङ् कानिऎ सङ्क निवाँहाङ्मि निङ्लावा टक्चाकिन मिम्मानुङ् आस युङ्सॆ एट्टान चेन्चाकि। 3गरक्टे हॆॽनॆ टर कानि टाङ्पाम डुखाबि स चेन्चाकि मान्ठाभनॆ डुखाऎ हुङ्हिखुबा याॽमि मुकि लोमॆ कानिऎ ले। 4हाङ् हुङ्हिखुबा खानावाँऎ कानि नुचाऎ याॽमिचि मुकि हाङ् आक्क नुचाऎ खानावाँऎ कानि हङ्सि एक्क आस टिबिकि। 5हाङ् कानिऎ लॆःॽमिम्पा आसऎ कानि हानाम्स ङेसिमाबि सिॽमिटिनि। मान्ठाभनॆ निवाँहाङ्ऎ सॆङ्सॆङॆ लावाबाङ् कानिमि लावाबि खोम् नाम्नाम् पिसिॽमॆ खानावाँ होडु म सॆङ्सॆङॆ लावा निवाँहाङ्ऎ कानि पिडि।
6कानिऎ टाङ्पॆ टाङ्पान हिङ्पक्मा माहेसि। मसॆ निवाँहाङ्ऎ लोमिम्पा लःबि खिरिस्ट टाआ हाङ् कानि हिङ्वा याॽमिचि हिङ्पॽमिॽमामि लागि खो सिखारा। 7चाइबान, निवाँनेन याॽमिमि लागि सिखॆॽमा मिन्खुबा याॽमि मर भॆट्टक्मा हेनि। मरहाङ्स ऎट्टान नुचाऎ याॽमिमि लागि याॽमिचि सिखॆॽमा हेकुङ् सङ्क काग्मि। 8टर कानि हिङ्वा याॽमिचि लॆभॆटिरक्न कानिमि लागि सिखॆॽपिॽमाम् लागि निवाँहाङ्ऎ खिरिस्ट पाङ्हाङ्सु। ग योम्पक्बाङ् निवाँहाङ्ऎ कानि ऎॽवा नाम्नाम् पिसिकिहा लोमॆ खाङ्मिकि।
9मसॆ चाइबान कानि खिरिस्टऎ निवाँहाङ्मि सिरिबाङ् हिङ्पॽमिकि मान्ठाभनॆ कानि खोसॆ अङ्मिॽमिम्पा हारिबाङ् निवाँहाङ्मि ङारिङ्पि निवाँनेन् याॽमि लिडि। 10कानि निवाँहाङ् सिच्चाखुबा याॽमि लॆटि, टर खोसॆ कानिमि लागि खोम् पासा सिखॆसि पाङ्हाङ्सु हाङ् निवाँहाङ्एऎ कानि खोम् लाङ्काम् मुसि। ह कानि खोम् लाङ्काम् लिडिहासॆ चाइबान कानि खिरिस्टमि हिङ्खामाबाङ् हिङ्पःकि। 11गरक्टे हॆॽनॆ, निवाँहाङ्ऎ कानि हाङ्हाङ् मिन्मॆ खानावाँ पिडि मान्ठाभनॆ कानिमि पारभु येसु खिरिस्टऎ ह कानि निवाँहाङ्मि लाङ्काम् मुडि।
आडमबाङ् सिखॆॽमा हाङ् खिरिस्टबाङ् हिङ्खामा टाआ
12एक्क याॽमि आडमबाङ् बाखाटेम्पि हिङ्वा टाआ। हाङ् आक्क हिङ्वाऎन सिखॆॽमॆ खानावाँ टॆटु। गरहाङ् चोब्न याॽमिचिबि सिखॆॽमॆ खानावाँ टाआ मान्ठाभनॆ चोब्पासॆ हिङ्वा योम्पक् यिक्डुचि। 13हाङ् निवाँहाङ्ऎ मोसा यायॆॽमा पिॽमाबाङ् याॽल सङ्क याॽमिचिऎ हिङ्वा योम्पक् यिक्ढाङ्मिम्पा लॆटामि। टर आक्रल यायेॽमान माऎसॆ याॽमिचिऎ लॆःॽमिम्पा हिङ्वा ङेःप्मॆ योम्पक् न मालि। 14टर आडममि लःबाङ् यायेॽमा साप्खुबा मोसामि लः माटारढारि चोब्न याॽमिचिऎ आडमऎ रक्न निवाँहाङ्ऎ लोमिम्पा माखेम्मपासे हिङ्वा योम्पक् मान्यिगामि हाङ्स, खोचि चोब्न सिखारमि।
चाइबान लोमार आडम चाइ डॆङ्पि टाखुबा खिरिस्ट रक्मान। 15टर निवाँहाङ्ऎ याॽमिचि मरक्न पिॽमिम्पा नाम्नावाँ आडाममि हिङ्वा नुङ् टङ्नि। मान्ठाभनॆ आडम एक्क याॽमिमि हिङ्वाऎ डिरिक् याॽमिचिबि सिखॆॽमॆ खानावाँ टॆटु। टर आक्कबाङ्स ढ्या खानावाँ चाइ येसु खिरिस्ट खोम् टाङ्पॆ डिरिक् याॽमिचिबि निवाँहाङ्ऎ मरक्न पिॽमिम्पा खोम् नाम्नावाँ लाटॆटु। 16निवाँहाङ्ऎ कानि पिॽमिम्पा नाम्नावाँ नुङ्मा बारडाना चाइ आडममि हिङ्वा नुङ् टङ्नि। आडममि एक्क हिङ्वा योम्पक्ऎ निवाँहाङ्मि ङारिङ्पि याॽमिचि आब्डिक् नुङ्मा लिसामि, टर निवाँहाङ्ऎ कानि पिॽमिम्पा नाम्नावाँ नुङ्मा बारडानाऎ कानिम् ओइर हिङ्वा सःग्लाङ्सु हाङ् कानि निवाँहाङ्मि ङारिङ्पि निवाँनेन् याॽमि लिसि। 17एक्क याॽमि आडाममि हिङ्वाऎ चोब्न याॽमिचि सिखॆॽमा सिट्टा। टर निवाँहाङ्ऎ कानि सक्पि खेःॽल होमिम्पा नाम्नावाँ हाङ् मरक्न पिॽमिम्पा नाम्नावाँ चाइ आक्कबाङ् ढ्या लॆ। मान्ठाभनॆ इघा खानावाँ टक्चाखुबाचि हिङ्चाक्मि हाङ् एक्क याॽमि येसु खिरिस्ट नुङ्न ढुप्पाट्ट लॆःक्मि।
18मसॆ आडममि एक्क योम्पक्बाङ् चोब्न याॽमिचि हिङ्वा नुङ्मा लिमानुङ् डान्डा टक्चाखुबा लिडामि। आक्रहाङ्न येसुमि एक्क निवाँनेन् योम्पक्बाङ् चोब्न याॽमिचि निवाँहाङ्ऎ खोम् ङारिङ्पि निवाँनेन् मुसुचि हाङ् खोचिऎ हिङ्खामा टक्चाकुचि। 19एक्क याॽमि आडमऎ निवाँहाङ्ऎ लोमिम्पा मान्खेमु मसॆ डिरिक् याॽमिचि हिङ्वा नुङ्मा लिसामि। आक्रहाङ्न एक्क याॽमि येसुऎ चाइ निवाँहाङ्ऎ लोमिम्पा खेमु मसॆ डिरिक् याॽमिचि निवाँहाङ्मि ङारिङ्पि निवाँनेन् लिसामि।
20निवाँहाङ्मि यायेॽमा चाइ याॽमिचिऎ उम्चि आक्खा हिङ्वा काम्नुःर खाङ्टकुचिर कामानुङ् पिॽमिम्पा लॆटा। टर याॽमिचिमि हिङ्वा पुसे खारा हाङ्स, आक्कबाङ्स डिरिक् निवाँहाङ्मि नाम्नावाँ याॽमिचि सक्पि टाआ। 21गरहाङ्न चोब्न याॽमिचि सक्पि मान्टहाङ् हिङ्वाऎ ढुप्पाट्ट लॆटु हाङ् सिखॆॽमॆ खानावाँ टॆटु, मरहाङ्न ह निवाँहाङ्मि नाम्नावाँऎ याॽमिचि सक्पि ढुप्पाट्ट लॆःॽमॆ पाइकु, हाङ् खोचि निवाँहाङ्मि ङारिङ्पि निवाँनेन् मुडुचि। हाङ् खोचिऎ येसु खिरिस्ट कानिम् पारभुबाङ हानाम्स लुक्खॆॽनॆ हिङ्खामा टक्चाकुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society