सेन्चि 4
4
पारुबि निवाँहाङ्मि निङ् ठेॽमॆ
1“इघा खानावाँ डॆङ्पि काङॆ खाङ्मे पाइमार काङॆ पारुबि एक्क हेम्बक्मिम्पा लम्भॆरॆङ्मा खाङ्टकुङ्। हाङ् याॽलि खेम्मिम्पा रक्न पॆँपॆँलिमामि रक्मान साम्ला खेमुङ्। आक्कसॆ काङा गर लोमॆ पाइटिङ्, गुबि गिट्टु कारॆ, ह काङॆ आना ग डॆङ्पि माङ् लिऎ लोमॆ खाङ्मिॽना।” 2मरक्लन काङा सॆङ्सॆङॆ लावाऎ चेप्खॆटिङ् हाङ् काङॆ पारुबि एक्क हाङ्पेन्ठाम् ठाल खाङ्टकुङ् आक्कुबि एक्क याॽमि पेन्मिम्पा लॆटा।#इजाकिएल १:२६-२८ 3हाङ् आक्कुबि पेन्खुबा बिल्लाउरा नुङ् लालमानि र एट्टान हाऎ लॆटा। हाङ् आक्क हाङ्पेन्ठाम् ठालमि गॆअङ्मॆअङ् हाखुबा पान्ना रक्मान पाप्पाङ्सुॽवा चुआ। 4हाङ् आक्क हाङ्पेन्ठाम ठालमि गॆअङ्मॆअङ् होइढा हिपङ्ठु हाङ्पेन्ठाम् ठाल सङ्क चुआ। हाङ् आक्खा हाङ्पेन्ठाम् ठालबि निङ्टँवाँबि फिःइयामि मुकुट खाम्मिम्पा हाङ् बिइमा चेः चाङ्मिम्पा हिपङ्ठु निवाँनेन् टुङ्घङ्पाचि पेन्मिम्पा लॆटामि। 5हाङ् आक्क हाङ्पेन्ठाम ठालबाङ् बिजुलि चाम्कालियुक्सा हाङ् नाम्फलिॽवा याकासिन्ट साम्ला टायुक्सा।#पारास्ठान १९:१६ हाङ् हाङ्पेन्ठाम ठालमि कॆक्पि मिःमि वाङ्चि ओप्लिङ् हामिम्पा लॆटा। आक्खा चाइ निवाँहाङ्मि वाङ्चि लावा रेम। 6हाङ् हाङ्पेन्ठाम ठाल कॆक्पि इस्फाटिक रक्न हाऎ सिसाबाङ् मुमिम्पा रक्मान खाङ्मुऎ एक्क पॆरॆरॆमा चुआ।
हाङ्पेन्ठाम ठाल रिचि हिङ्चामिहा पारानिचिऎ यिप्सिमिम्पा लॆटुचि। आक्खा पारानिचिमि याॽल पोट्टा हाङ् डॆङ्कॽवा पोट्टा मिक्टे चुआ।#इजाकिएल १:२२ 7याॽलिऎ हिङ्चाऎ पारानि किबा रक्मान लॆटा। होइक चाइ पिक्पासा रक्मा लॆटा। मबाङ्स होइकमि ङाचिक् याॽमिमि रक्मान लॆटा। हाङ् होइक चाइ पेःढाङ्पा मुवारॽमान लॆटा। 8आक्खा रिचि हिङ्चाक्मिहा पारानिचिम ठुक्चि ठुक्चिवटा लाप्रॆङ् चुआ। हाङ् खोचिम् सालुङ् मिगॆ डॆक्मिम्पा लॆटुचि। खोचिमि लाप्पॆरॆङ् खुक्माबि सङ्क मिक्टेन चुआ। खोचि लेन्टा सेन्टा हानाम्स गर कामानुङ् साम् इःयुक्सामि,
“चोब्बाङ् चॆकुवॆ पारभु निवाँहाङ् सॆङ्सॆङॆ, सॆङ्सॆङॆ, सॆङ्सॆङॆ लॆ।
खो याॽल सङ्क चुआ हाङ् ह सङ्क चु हाङ् डॆङ्पि सङ्क लि।”
9-10“हिङ्चाखुबा रिचि पारानिचिऎ हाङ्पेन्ठाम ठालबि पेन्खुबा हानाम्स हिङ्चाऎमि लागि निङ्लावा, निङ् ङेःप्मॆ हाङ् ओहाक् पिॽमॆ योम्पक् यिक्मार आक्खा हिपङ्रि टुङ्घङ्पाचिऎ स्यामिॽमानुङ् उम्चि मुकुट हाङ्पेन्ठाम ठालबि पेन्खुबा हाङ् हानाम्स हिङ्चाखुबामि कॆक्पि युङुचि हाङ् खो चुङ्से लोसुचि,”
11“पारभु कानिम् निवाँहाङ् आना निङ्लावा पिॽमा, निङ् ठेॽमा हाङ् आनामि चॆक्मावा ढ्या लॆः लोमा खॆन्चाकु।
मान्ठाभनॆ आनॆ चोब्न खानावाँ मुसुना।
आनामि निवाँबि मिनुना हाङ्न चोप्ठका लिबका हाङ् हिङ्चामिट्टुना।”
Currently Selected:
सेन्चि 4: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सेन्चि 4
4
पारुबि निवाँहाङ्मि निङ् ठेॽमॆ
1“इघा खानावाँ डॆङ्पि काङॆ खाङ्मे पाइमार काङॆ पारुबि एक्क हेम्बक्मिम्पा लम्भॆरॆङ्मा खाङ्टकुङ्। हाङ् याॽलि खेम्मिम्पा रक्न पॆँपॆँलिमामि रक्मान साम्ला खेमुङ्। आक्कसॆ काङा गर लोमॆ पाइटिङ्, गुबि गिट्टु कारॆ, ह काङॆ आना ग डॆङ्पि माङ् लिऎ लोमॆ खाङ्मिॽना।” 2मरक्लन काङा सॆङ्सॆङॆ लावाऎ चेप्खॆटिङ् हाङ् काङॆ पारुबि एक्क हाङ्पेन्ठाम् ठाल खाङ्टकुङ् आक्कुबि एक्क याॽमि पेन्मिम्पा लॆटा।#इजाकिएल १:२६-२८ 3हाङ् आक्कुबि पेन्खुबा बिल्लाउरा नुङ् लालमानि र एट्टान हाऎ लॆटा। हाङ् आक्क हाङ्पेन्ठाम् ठालमि गॆअङ्मॆअङ् हाखुबा पान्ना रक्मान पाप्पाङ्सुॽवा चुआ। 4हाङ् आक्क हाङ्पेन्ठाम ठालमि गॆअङ्मॆअङ् होइढा हिपङ्ठु हाङ्पेन्ठाम् ठाल सङ्क चुआ। हाङ् आक्खा हाङ्पेन्ठाम् ठालबि निङ्टँवाँबि फिःइयामि मुकुट खाम्मिम्पा हाङ् बिइमा चेः चाङ्मिम्पा हिपङ्ठु निवाँनेन् टुङ्घङ्पाचि पेन्मिम्पा लॆटामि। 5हाङ् आक्क हाङ्पेन्ठाम ठालबाङ् बिजुलि चाम्कालियुक्सा हाङ् नाम्फलिॽवा याकासिन्ट साम्ला टायुक्सा।#पारास्ठान १९:१६ हाङ् हाङ्पेन्ठाम ठालमि कॆक्पि मिःमि वाङ्चि ओप्लिङ् हामिम्पा लॆटा। आक्खा चाइ निवाँहाङ्मि वाङ्चि लावा रेम। 6हाङ् हाङ्पेन्ठाम ठाल कॆक्पि इस्फाटिक रक्न हाऎ सिसाबाङ् मुमिम्पा रक्मान खाङ्मुऎ एक्क पॆरॆरॆमा चुआ।
हाङ्पेन्ठाम ठाल रिचि हिङ्चामिहा पारानिचिऎ यिप्सिमिम्पा लॆटुचि। आक्खा पारानिचिमि याॽल पोट्टा हाङ् डॆङ्कॽवा पोट्टा मिक्टे चुआ।#इजाकिएल १:२२ 7याॽलिऎ हिङ्चाऎ पारानि किबा रक्मान लॆटा। होइक चाइ पिक्पासा रक्मा लॆटा। मबाङ्स होइकमि ङाचिक् याॽमिमि रक्मान लॆटा। हाङ् होइक चाइ पेःढाङ्पा मुवारॽमान लॆटा। 8आक्खा रिचि हिङ्चाक्मिहा पारानिचिम ठुक्चि ठुक्चिवटा लाप्रॆङ् चुआ। हाङ् खोचिम् सालुङ् मिगॆ डॆक्मिम्पा लॆटुचि। खोचिमि लाप्पॆरॆङ् खुक्माबि सङ्क मिक्टेन चुआ। खोचि लेन्टा सेन्टा हानाम्स गर कामानुङ् साम् इःयुक्सामि,
“चोब्बाङ् चॆकुवॆ पारभु निवाँहाङ् सॆङ्सॆङॆ, सॆङ्सॆङॆ, सॆङ्सॆङॆ लॆ।
खो याॽल सङ्क चुआ हाङ् ह सङ्क चु हाङ् डॆङ्पि सङ्क लि।”
9-10“हिङ्चाखुबा रिचि पारानिचिऎ हाङ्पेन्ठाम ठालबि पेन्खुबा हानाम्स हिङ्चाऎमि लागि निङ्लावा, निङ् ङेःप्मॆ हाङ् ओहाक् पिॽमॆ योम्पक् यिक्मार आक्खा हिपङ्रि टुङ्घङ्पाचिऎ स्यामिॽमानुङ् उम्चि मुकुट हाङ्पेन्ठाम ठालबि पेन्खुबा हाङ् हानाम्स हिङ्चाखुबामि कॆक्पि युङुचि हाङ् खो चुङ्से लोसुचि,”
11“पारभु कानिम् निवाँहाङ् आना निङ्लावा पिॽमा, निङ् ठेॽमा हाङ् आनामि चॆक्मावा ढ्या लॆः लोमा खॆन्चाकु।
मान्ठाभनॆ आनॆ चोब्न खानावाँ मुसुना।
आनामि निवाँबि मिनुना हाङ्न चोप्ठका लिबका हाङ् हिङ्चामिट्टुना।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society