सेन्चि 3
3
सारडिस मान्डालिमि लागि खानावाँ
1“सारडिसमि मान्डालिबिऎ निवाँखाटॆखुबामि लागि ग खानावाँ साबॆ।
“इघा खानावाँ निवाँहाङ्मि वाङ्चि लावा हाङ् वाङ्चि साङ्केम्मा चुखुबाऎ लोमिम्पा यो। काङॆ आनाम् योम्पक लेकुङ्। याॽमिचिऎ आन्नामि निवाँयुङ् हिङ्चाऎ लॆ लोमॆ खानावाँ फुबःक्डुचि, टर चाइबान लोमार आन्नामि निवाँयुङ् सिखॆडा। 2मसॆ नुःर पेनानॆ, आन्नामि सिखॆॽमा परक्मिम्पा निवाँयुङ् चॆकुवॆ मुसाम्नॆ मान्ठाभनॆ कामि निवाँहाङ्ऎ लोमिम्पा खानावाँ आन्नॆ मायॆट्टिटाम्नि लोमॆ कॆ लेडुङ्। 3मसॆ आन्नॆ खेम्मिम्पा हाङ् टक्चामिम्पा याॽलिऎ खानावाँ मिॽलापाम्नॆ हाङ् आक्रहाङ्न पाइटानॆ। हाङ् हिङ्वाबाङ् ऎम्पकानॆ। आन्ना नुःर पेनानिनि हाङ्ग, काङा एक्क खुसुबाङ्र टाॽङा हाङ् काङा हानाम् टाःॽङॆ लोमॆ आन्नॆ लेसाम्निनि।#मट्टि २४:४३-४४; लुका १२:३९-४०; सेन्चि १६:१५
4“टर सारडिसबि आन्नामि लुम्पि ऎॽवा याॽमिचिऎ उम्चि बिइःमा चे हिङ्वा योम्पक्बि माचःक्टिटुचि। खोचिऎ हिङ्वाबि चःक्मिम्पा चे माचाङ्मिम्पासॆ काङानुङ् लाम्ढुमा खॆन्चाकुवॆसॆ कानुङ्न लाम्ढुम्मि। 5हाङ् आसॆ साइटान हेचामॆ योम्पक् यिगुकु, खोसॆ गरक्मान टाटा मॆड्डिङ्मा बिःइॽमा चे चाङुकु। हाङ् काङॆ खोमि निङ् हानाम्स लिढाङ्ऎ हिङ्खामामि साब्चिराबाङ् लाराङ्ङानि। हाङ् काङॆ काङामि आपा हाङ् खोम् निवाँखाटॆखुबाचिमि#मट्टि १०:३२; लुका १२:८ ङारिङ्बि खो काम् याॽमि लोकुङ्।
6“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
फिलाडेल्फिया मान्डालिमि लागि खानावाँ
7“हाङ् फिलाडेल्फिया मान्डालिबिऎ निवाँखाटॆखुबामि लागि ग खानावाँ साबॆ।”
“ग खानावाँ चाइ कामि सॆङ्सॆङॆ हाङ् चाइबानऎमि यो। काङानुङ् डाउड हाङ्मि रक्मान ढुप्पाट्टमि साँचो चुक्।
हाङ् काङॆ हेम्बक्मिम्पा लम्भॆरॆङ्मा आसॆस सॆक्हिसुचिनि
हाङ् काङॆ सॆक्मिम्पा लम्भॆरॆङ्मा आसॆस हेम्बक्मा हेसुचिनि।
8“काङॆ आन्नामि योम्पक लेकुङ्। खेमाम्नॆ, काङॆ आन्नामि लागि लम्भॆरॆङ्मा हेम्बक्पिडानि हाङ् आक्क आसॆस सॆक्मा हेसुचिनि। हाङ् कामि योम्पक् यिक्मामि लागि आन्नानुङ् डिरिक् चॆक्मावा माआ हाङ्स आन्नॆ काङामि खानावाँ टिङ्डाम्नि हाङ् काङाबाङ् मॆअङ् माखॆट्टिटानि।
9“खेमाम्नॆ, आक्कुबि आन्नामि लुम्पि ऎॽवाचि चाइ साइटानमि याॽमिचि चुःक्मि। खोचि हुन्न याहुडिङाये काग्मि, टर खोचि हुन्नहाचि रेम। खोचि ग बङ्चाखुबाचि यो। काङॆ खोचि आन्नामि लाङ्पि स्यामुखुबा मुकुङ्चि हाङ् काङॆ आन्ना नाम्नाम् पिसिॽमिम्पा खानावाँ खोचिऎ लेटकुचि।#यासाइया ४९:२३; ६०:१४; ४३:४ 10बाखाटेम्बिहा चोब्न याॽमिचि ठाःक्माम् लागि टामा परक्मिम्पा ढ्या डुखाबाङ् कॆ आन्ना हिङ्चामिकानि मान्ठाभनॆ आन्नॆ आङ्हिर आङ्मानुङ् काङॆ लोमिम्पा खानावाँ टिङ्डाम्नि।
11“काङा सॆॽलन टामॆ पाइङा। आन्नामि इनाम आसॆस ङाब्मा आहेसुचिर कामानुङ् आन्नानुङ् चुऎ निवाँयुङ् काम्नुःर युङाम्नॆ। 12आसॆ हेचाकु काङॆ खो कामि निवाँहाङ्मि खिम्पिऎ एक्क खाँबा रक्मान मुकुङ्। हाङ् आक्क खाँबा उम् ठालबाङ् हानाम्स लाबक्नि। हाङ् खो काम याॽमि यो कामानुङ् खाङ्मिॽमामि लागि खोबि कामि निवाँहाङ्मि निङ् साबुकुङ्। हाङ् खो सक्पि उम्चङ् हाटा यारुसालेममि निङ् साबुकुङ् हाङ् आक्क हाटा पारुबाङ् उङुॽ। हाङ् काङॆ खोबि काङामि उम्चङ् निङ् सङ्क साबुकुङ्।
13“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
लाउडिकियामि मान्डालिमि लागि खानावाँ
14“लाउडिकिया मान्डालिबिऎ निवाँखाटॆखुबामि लागि ग खानावाँ साबॆ,
“इघा खानावाँ चाइ आमेन#३:१४ खिरिस्ट चाइ “आमेन्” रेम मान्ठाभनॆ निवाँहाङ्ऎ लोमिम्पा चोब्न खानावाँ खोबिन खाङ्ङुसा। निवाँयुङ्मा नुङ् चाइबान चुमॆक्सङ्ऎ निवाँहाङ्ऎ खोबिॽन चोब्न खानावाँ मुखुबा यो।
15“काङॆ आन्नामि चोब्न योम्पक लेकुङ। आन्ना ना कुसॆ योवार योम्पक् पिक्खुबा लॆकानि ना येम्पॆ योवार योम्पक् पिक्खुबा लॆकानि। आन्ना कुसॆ नुङ् येम्पॆ योवाबाङ् एक्क लिसानि ग नुऎ रेम। 16टर आन्ना काङामि लागि मक्मक् ना कुसॆ ना येम्पॆ लिमिम्पासॆ काङॆ आन्ना याइकानि। 17मान्ठाभनॆ आन्नॆ टाङ्पा चासुम्टाङ्पा हाङ् चोब्न ठका चुचाखुबा हाङ् ह माङ्स आपाब्खुबा लॆकिङ्का मिनुकानि, टर आन्ना निवाँहाङ्मि ङारिङ्पि एट्टान नाम्नाम् पिसिॽमा लुऎ, डुखाबि, माङ्स माआनिहा, मिक्सुरुम्पा हाङ् चासियाम्पा लॆकानि लोमॆ लेसाम्निनि। 18मसॆ कॆ आन्ना लोकानि, आन्ना चासुम्टाङ्पा लिमामि लागि मिःबि काम्नुःर हिॽमिम्पा फिःइया इनानॆ। हाङ् आन्नामि चे मॆड्डिङ्मा सालुङ् डॆक्मामि लागि काङाबाङ् बिःइॽमा चेः इनानॆ। हाङ् आन्नॆ मिक् खाङ्मामि लागि काङाबाङ् मिक्पि टिमॆ सिढा इनानॆ। 19हाङ् हाम्पॆ याॽमि काङॆ नाम्नाम् पिस्सिकुङ् काङॆ आक्क वोसे हाङ् डान्डा पिकुङ्। मसॆ हिङ्वा योम्पक् याइटानॆ हाङ् काङाबि टाआनॆ। 20खाङाम्नॆ, काङा लम्भॆरॆङ्माबि येप्डिङ् हाङ् आन्ना कॆ सेःरुकानि। आसॆ काङामि सम्ला खेमुकुहाङ् लम्भॆरॆङ्मा हेम्बकु, काङा हङ्सिॽयु भॆनुॽङा हाङ् काङा खोनुङ् चाःॽङा हाङ् खोसॆ कानुङ् चाकु।
21“हाङ् मान्टहाङ् काङॆ हेचाउङ्हाङ् ह कामि आपा निवाँहाङ्मि पेन्ठाम् ठालबि पेन्डिङ् मरहाङ्न हाम्पॆ याॽमिऎ हेचाकु खो काङॆ काङामि पेन्ठाम् ठालबि पेन्मॆ ढुप्पाट्ट पिकुङ्।
22“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
Currently Selected:
सेन्चि 3: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सेन्चि 3
3
सारडिस मान्डालिमि लागि खानावाँ
1“सारडिसमि मान्डालिबिऎ निवाँखाटॆखुबामि लागि ग खानावाँ साबॆ।
“इघा खानावाँ निवाँहाङ्मि वाङ्चि लावा हाङ् वाङ्चि साङ्केम्मा चुखुबाऎ लोमिम्पा यो। काङॆ आनाम् योम्पक लेकुङ्। याॽमिचिऎ आन्नामि निवाँयुङ् हिङ्चाऎ लॆ लोमॆ खानावाँ फुबःक्डुचि, टर चाइबान लोमार आन्नामि निवाँयुङ् सिखॆडा। 2मसॆ नुःर पेनानॆ, आन्नामि सिखॆॽमा परक्मिम्पा निवाँयुङ् चॆकुवॆ मुसाम्नॆ मान्ठाभनॆ कामि निवाँहाङ्ऎ लोमिम्पा खानावाँ आन्नॆ मायॆट्टिटाम्नि लोमॆ कॆ लेडुङ्। 3मसॆ आन्नॆ खेम्मिम्पा हाङ् टक्चामिम्पा याॽलिऎ खानावाँ मिॽलापाम्नॆ हाङ् आक्रहाङ्न पाइटानॆ। हाङ् हिङ्वाबाङ् ऎम्पकानॆ। आन्ना नुःर पेनानिनि हाङ्ग, काङा एक्क खुसुबाङ्र टाॽङा हाङ् काङा हानाम् टाःॽङॆ लोमॆ आन्नॆ लेसाम्निनि।#मट्टि २४:४३-४४; लुका १२:३९-४०; सेन्चि १६:१५
4“टर सारडिसबि आन्नामि लुम्पि ऎॽवा याॽमिचिऎ उम्चि बिइःमा चे हिङ्वा योम्पक्बि माचःक्टिटुचि। खोचिऎ हिङ्वाबि चःक्मिम्पा चे माचाङ्मिम्पासॆ काङानुङ् लाम्ढुमा खॆन्चाकुवॆसॆ कानुङ्न लाम्ढुम्मि। 5हाङ् आसॆ साइटान हेचामॆ योम्पक् यिगुकु, खोसॆ गरक्मान टाटा मॆड्डिङ्मा बिःइॽमा चे चाङुकु। हाङ् काङॆ खोमि निङ् हानाम्स लिढाङ्ऎ हिङ्खामामि साब्चिराबाङ् लाराङ्ङानि। हाङ् काङॆ काङामि आपा हाङ् खोम् निवाँखाटॆखुबाचिमि#मट्टि १०:३२; लुका १२:८ ङारिङ्बि खो काम् याॽमि लोकुङ्।
6“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
फिलाडेल्फिया मान्डालिमि लागि खानावाँ
7“हाङ् फिलाडेल्फिया मान्डालिबिऎ निवाँखाटॆखुबामि लागि ग खानावाँ साबॆ।”
“ग खानावाँ चाइ कामि सॆङ्सॆङॆ हाङ् चाइबानऎमि यो। काङानुङ् डाउड हाङ्मि रक्मान ढुप्पाट्टमि साँचो चुक्।
हाङ् काङॆ हेम्बक्मिम्पा लम्भॆरॆङ्मा आसॆस सॆक्हिसुचिनि
हाङ् काङॆ सॆक्मिम्पा लम्भॆरॆङ्मा आसॆस हेम्बक्मा हेसुचिनि।
8“काङॆ आन्नामि योम्पक लेकुङ्। खेमाम्नॆ, काङॆ आन्नामि लागि लम्भॆरॆङ्मा हेम्बक्पिडानि हाङ् आक्क आसॆस सॆक्मा हेसुचिनि। हाङ् कामि योम्पक् यिक्मामि लागि आन्नानुङ् डिरिक् चॆक्मावा माआ हाङ्स आन्नॆ काङामि खानावाँ टिङ्डाम्नि हाङ् काङाबाङ् मॆअङ् माखॆट्टिटानि।
9“खेमाम्नॆ, आक्कुबि आन्नामि लुम्पि ऎॽवाचि चाइ साइटानमि याॽमिचि चुःक्मि। खोचि हुन्न याहुडिङाये काग्मि, टर खोचि हुन्नहाचि रेम। खोचि ग बङ्चाखुबाचि यो। काङॆ खोचि आन्नामि लाङ्पि स्यामुखुबा मुकुङ्चि हाङ् काङॆ आन्ना नाम्नाम् पिसिॽमिम्पा खानावाँ खोचिऎ लेटकुचि।#यासाइया ४९:२३; ६०:१४; ४३:४ 10बाखाटेम्बिहा चोब्न याॽमिचि ठाःक्माम् लागि टामा परक्मिम्पा ढ्या डुखाबाङ् कॆ आन्ना हिङ्चामिकानि मान्ठाभनॆ आन्नॆ आङ्हिर आङ्मानुङ् काङॆ लोमिम्पा खानावाँ टिङ्डाम्नि।
11“काङा सॆॽलन टामॆ पाइङा। आन्नामि इनाम आसॆस ङाब्मा आहेसुचिर कामानुङ् आन्नानुङ् चुऎ निवाँयुङ् काम्नुःर युङाम्नॆ। 12आसॆ हेचाकु काङॆ खो कामि निवाँहाङ्मि खिम्पिऎ एक्क खाँबा रक्मान मुकुङ्। हाङ् आक्क खाँबा उम् ठालबाङ् हानाम्स लाबक्नि। हाङ् खो काम याॽमि यो कामानुङ् खाङ्मिॽमामि लागि खोबि कामि निवाँहाङ्मि निङ् साबुकुङ्। हाङ् खो सक्पि उम्चङ् हाटा यारुसालेममि निङ् साबुकुङ् हाङ् आक्क हाटा पारुबाङ् उङुॽ। हाङ् काङॆ खोबि काङामि उम्चङ् निङ् सङ्क साबुकुङ्।
13“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
लाउडिकियामि मान्डालिमि लागि खानावाँ
14“लाउडिकिया मान्डालिबिऎ निवाँखाटॆखुबामि लागि ग खानावाँ साबॆ,
“इघा खानावाँ चाइ आमेन#३:१४ खिरिस्ट चाइ “आमेन्” रेम मान्ठाभनॆ निवाँहाङ्ऎ लोमिम्पा चोब्न खानावाँ खोबिन खाङ्ङुसा। निवाँयुङ्मा नुङ् चाइबान चुमॆक्सङ्ऎ निवाँहाङ्ऎ खोबिॽन चोब्न खानावाँ मुखुबा यो।
15“काङॆ आन्नामि चोब्न योम्पक लेकुङ। आन्ना ना कुसॆ योवार योम्पक् पिक्खुबा लॆकानि ना येम्पॆ योवार योम्पक् पिक्खुबा लॆकानि। आन्ना कुसॆ नुङ् येम्पॆ योवाबाङ् एक्क लिसानि ग नुऎ रेम। 16टर आन्ना काङामि लागि मक्मक् ना कुसॆ ना येम्पॆ लिमिम्पासॆ काङॆ आन्ना याइकानि। 17मान्ठाभनॆ आन्नॆ टाङ्पा चासुम्टाङ्पा हाङ् चोब्न ठका चुचाखुबा हाङ् ह माङ्स आपाब्खुबा लॆकिङ्का मिनुकानि, टर आन्ना निवाँहाङ्मि ङारिङ्पि एट्टान नाम्नाम् पिसिॽमा लुऎ, डुखाबि, माङ्स माआनिहा, मिक्सुरुम्पा हाङ् चासियाम्पा लॆकानि लोमॆ लेसाम्निनि। 18मसॆ कॆ आन्ना लोकानि, आन्ना चासुम्टाङ्पा लिमामि लागि मिःबि काम्नुःर हिॽमिम्पा फिःइया इनानॆ। हाङ् आन्नामि चे मॆड्डिङ्मा सालुङ् डॆक्मामि लागि काङाबाङ् बिःइॽमा चेः इनानॆ। हाङ् आन्नॆ मिक् खाङ्मामि लागि काङाबाङ् मिक्पि टिमॆ सिढा इनानॆ। 19हाङ् हाम्पॆ याॽमि काङॆ नाम्नाम् पिस्सिकुङ् काङॆ आक्क वोसे हाङ् डान्डा पिकुङ्। मसॆ हिङ्वा योम्पक् याइटानॆ हाङ् काङाबि टाआनॆ। 20खाङाम्नॆ, काङा लम्भॆरॆङ्माबि येप्डिङ् हाङ् आन्ना कॆ सेःरुकानि। आसॆ काङामि सम्ला खेमुकुहाङ् लम्भॆरॆङ्मा हेम्बकु, काङा हङ्सिॽयु भॆनुॽङा हाङ् काङा खोनुङ् चाःॽङा हाङ् खोसॆ कानुङ् चाकु।
21“हाङ् मान्टहाङ् काङॆ हेचाउङ्हाङ् ह कामि आपा निवाँहाङ्मि पेन्ठाम् ठालबि पेन्डिङ् मरहाङ्न हाम्पॆ याॽमिऎ हेचाकु खो काङॆ काङामि पेन्ठाम् ठालबि पेन्मॆ ढुप्पाट्ट पिकुङ्।
22“आसाम् नाबाक् चु खोचिऎ निवाँहाङ्मि लावाऎ मान्डालि माङ् लोमॆ पाइकुवॆ लोमॆ निवाँबि मिॽलाआनॆ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society