२ पाट्रुस 3
3
पारभुऎ होइखेपा सङ्क टाङा लोमिम्पा खानावाँ
1लाङ्काम्चो, काङॆ आन्नामि लागि साप्मिम्पा ग होइक साब्चिरा यो। हिच्चि साब्चिराबिॽन ऎॽवा खानावाँ आन्ना मिॽलामिसेम आन्नामि नुऎ निवाँबि चेन्चामिडानि। 2हाङ् याॽलिहा लःबि सॆङ्सॆङॆ निवाँहाङ्मि खानावाँ इखुबाचिऎ आन्ना लोमिम्पा खानावाँ हाङ् सॆक्ढुङ्पाचिऎ खेम्मिमिम्पा कानिम् पारभु नुङ फाक्खुबामि खानावाँ आन्नॆ मिॽलाढाङ्साम्नॆ कामनुङ् मिनुॽङा। 3चोब्बाङ् याॽलि आन्नॆ माङ् खानावाँ वाब्मा लॆ भनॆ, डॆङ्पिहा डिनाबि इचाखुबाचि इचासे, उम्चि टाङ्पाम् काइसाहा खानावाँबि आन्ना गर कामानुङ् इचासे टाक्मि, 4“माल् खिरिस्टऎ होइखेपा सङ्क टाःॽङा कामानुङ् काडा हॆॽनॆ? मान्ठाभनॆ कानिम् पासिङ् डेसिङ्चि सिखारामि हाङ् सिरिस्टिबाङ् पाइकॆमिम्पा रक्न आइढारि सङ्क मरक्न लॆःक्टा।” 5हाङ् आक्खाचि लेचिङ् लेचिङ् सङ्क सिरिस्टिबिहा खानावाँ मालेसिन्ट लॆःॽमि। निवाँहाङ्ऎ टाङ्पाम् खानावाँबाङ्न पारू नुङ् बाखाटेम् मुबकु। हाङ् बाखाटेम् चाइ योवाबाङ् मुबकु हाङ् योवाबाङ् फाक्बकु। 6हाङ् फेरि आक्क योवेॽन याॽलिऎ बाखाटेम निक्सिटु। 7हाङ् आक्क निवाँहाङ्मि खानावाँऎॽन खोम् खानावाँ आखेम्खुबा याॽमिचिम् न्यायॆ नुङ् लुक्खॆॽमॆ डिना माटारढारिमि लागि खोसॆ मिःऎ लुक्खॆऎ नाम्फलिॽवा हाङ् बाखाटेम् युङ्ढाङ्डु।
8टर लाङ्काम्चो, आन्नॆ एक्क खानावाँ वाबाम्नॆ, पारभुमि लागि इॽयाक् चाइ एबङ् निङ्र लि हाङ् एबङ् निङ् चाइ इॽयाक्र लि। 9हाङ् ऎॽवा याॽमिचिऎ मिनिन्ट पारभुऎ खोम् चुप्लाङ् यॆॽमाम् लागि आलॆक्ख लॆःॽनि। टर खोसॆ आन्ना हुङ्मे पाइकानि। खोसॆ आन्ना आसास नासॆलिमिम्पा खाङ्मा मिनुनि। हाङ् आन्ना चोप्पासॆ आम्नि हिङ्वा याइटानॆ कामानुङ् मिनुकु।
10टर पारभुमि न्याय लॆॽमॆ डिना चाइ खुसुबाङर याॽमिचिऎ मामिॽमिम्पा डिना टा। आक्क डिना नाम्फलिॽवा ढ्या साम्लानुङ् माखॆ हाङ् नाम्फलिॽवाबि चुहा चोब्न ठका मिऎ लुक्खॆ हाङ् बाखाटेम् नुङ् आक्कुबिहा चोब्न खानावाँ लुक्खॆ। 11हाङ् आक्रहाङ् चोब्ठका लुक्खॆऎ खानावाँ वाप्से हिङ्खामाबि सॆङ्सॆङॆ लिसे मान्टहाङ् निवाँहाङ्मि लाम्फुबि लाम्ढुमा लॆ लोमॆ लेःमा लॆ। 12हाङ् आन्ना चाइ निवाँहाङ्मि न्यायॆमि डिनामि लाम्फु खाङ्से आक्क सॆॽलन लिर मिनुकानि। आक्क डिना नाम्फलिॽवा मिःऎ हिॽलिङ्खॆ हाङ् आक्कुबि चुहा ठःका हिॽलिङ्खॆ। 13टर कानि चाइ निवाँहाङ्ऎ हिक्मिम्पा उम्चङ् बाखाटेम् नुङ् पारुमि चुप्लाङ्मि लाम्फु खाङुकि। आक्कुबि चाइ निवाँनेन् खानावाँ टेःॽन लि।
14मसॆ कॆ नाम्नाम् पिसिमिम्पा बुबुनानुसाचि, आन्ना आक्क डिना हुङ्खुबाचि निवाँहाङ्मि ङारिङ्पि सॆङ्सॆङॆ हाङ् आब्डिक् मॆड्डिङ्मा लिमाम् लागि हाङ् निवाँहाङ्मि सान्टिबि पेन्मामि लागि हेःर पाइटानॆ। 15हाङ् पारभुऎ आन्ना हिङ्पॽमॆ लः पिॽमार खो ऎॽवाकॆ हुङ्हिखुबा लॆटॆ लोमॆ मिॽलापॆ। कानिम नुसा पावलऎ सङ्क निवाँहाङ्ऎ पिॽमिम्पा निवाँ रक्न आन्ना ग खानावाँ साबानि। 16हाङ् खोसॆ गरक्मा खानावाँन खोम् चोब्न साब्चिराबि साब्डु। हाङ् खोम् साब्चिराबि ऎॽवा खानावाँ वानवाप्निऎ लॆ। हाङ् निवाँ मॆड्डिङ्मा हाङ् माङ्माङ् मिनुक्मिर ममन लॆटिखुबाचिऎ चाइ आक्खा खानावाँ होइढा निवाँनेन् साब्चिरा रक्न टेराङ्गॆ टेराङ्गॆ इकुचि हाङ् उम्चि टाङ्पान नासॆ लिमॆ लाम्फुबि खॆःॽमि।
17मसॆ कॆ नाम्नाम् पिसिमिम्पा बुबुनानुसाचि, आन्नॆ ग खानावाँ लेसिडाम्नि। मसॆ काइसाहा निवाँ नुङ्मा याॽमिचिऎ आन्ना आफोब्डाङ्हिमिर। हाङ् आन्नॆ टाङ्पाम् लाङ् हाबि सिग्डाम्नि आक्कुबि नुःर सिगाम्नॆ। 18टर हानाम्स कानिम् पारभु हाङ् फाक्खुबा येसु खिरिस्टमि निवाँ नुङ् नाम्नावाँबि पुसे खारानॆ। खोमिॽन हयॆबाङ् हानाम्स निङ्लावा लिढाङ्र। आमेन!
Currently Selected:
२ पाट्रुस 3: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
२ पाट्रुस 3
3
पारभुऎ होइखेपा सङ्क टाङा लोमिम्पा खानावाँ
1लाङ्काम्चो, काङॆ आन्नामि लागि साप्मिम्पा ग होइक साब्चिरा यो। हिच्चि साब्चिराबिॽन ऎॽवा खानावाँ आन्ना मिॽलामिसेम आन्नामि नुऎ निवाँबि चेन्चामिडानि। 2हाङ् याॽलिहा लःबि सॆङ्सॆङॆ निवाँहाङ्मि खानावाँ इखुबाचिऎ आन्ना लोमिम्पा खानावाँ हाङ् सॆक्ढुङ्पाचिऎ खेम्मिमिम्पा कानिम् पारभु नुङ फाक्खुबामि खानावाँ आन्नॆ मिॽलाढाङ्साम्नॆ कामनुङ् मिनुॽङा। 3चोब्बाङ् याॽलि आन्नॆ माङ् खानावाँ वाब्मा लॆ भनॆ, डॆङ्पिहा डिनाबि इचाखुबाचि इचासे, उम्चि टाङ्पाम् काइसाहा खानावाँबि आन्ना गर कामानुङ् इचासे टाक्मि, 4“माल् खिरिस्टऎ होइखेपा सङ्क टाःॽङा कामानुङ् काडा हॆॽनॆ? मान्ठाभनॆ कानिम् पासिङ् डेसिङ्चि सिखारामि हाङ् सिरिस्टिबाङ् पाइकॆमिम्पा रक्न आइढारि सङ्क मरक्न लॆःक्टा।” 5हाङ् आक्खाचि लेचिङ् लेचिङ् सङ्क सिरिस्टिबिहा खानावाँ मालेसिन्ट लॆःॽमि। निवाँहाङ्ऎ टाङ्पाम् खानावाँबाङ्न पारू नुङ् बाखाटेम् मुबकु। हाङ् बाखाटेम् चाइ योवाबाङ् मुबकु हाङ् योवाबाङ् फाक्बकु। 6हाङ् फेरि आक्क योवेॽन याॽलिऎ बाखाटेम निक्सिटु। 7हाङ् आक्क निवाँहाङ्मि खानावाँऎॽन खोम् खानावाँ आखेम्खुबा याॽमिचिम् न्यायॆ नुङ् लुक्खॆॽमॆ डिना माटारढारिमि लागि खोसॆ मिःऎ लुक्खॆऎ नाम्फलिॽवा हाङ् बाखाटेम् युङ्ढाङ्डु।
8टर लाङ्काम्चो, आन्नॆ एक्क खानावाँ वाबाम्नॆ, पारभुमि लागि इॽयाक् चाइ एबङ् निङ्र लि हाङ् एबङ् निङ् चाइ इॽयाक्र लि। 9हाङ् ऎॽवा याॽमिचिऎ मिनिन्ट पारभुऎ खोम् चुप्लाङ् यॆॽमाम् लागि आलॆक्ख लॆःॽनि। टर खोसॆ आन्ना हुङ्मे पाइकानि। खोसॆ आन्ना आसास नासॆलिमिम्पा खाङ्मा मिनुनि। हाङ् आन्ना चोप्पासॆ आम्नि हिङ्वा याइटानॆ कामानुङ् मिनुकु।
10टर पारभुमि न्याय लॆॽमॆ डिना चाइ खुसुबाङर याॽमिचिऎ मामिॽमिम्पा डिना टा। आक्क डिना नाम्फलिॽवा ढ्या साम्लानुङ् माखॆ हाङ् नाम्फलिॽवाबि चुहा चोब्न ठका मिऎ लुक्खॆ हाङ् बाखाटेम् नुङ् आक्कुबिहा चोब्न खानावाँ लुक्खॆ। 11हाङ् आक्रहाङ् चोब्ठका लुक्खॆऎ खानावाँ वाप्से हिङ्खामाबि सॆङ्सॆङॆ लिसे मान्टहाङ् निवाँहाङ्मि लाम्फुबि लाम्ढुमा लॆ लोमॆ लेःमा लॆ। 12हाङ् आन्ना चाइ निवाँहाङ्मि न्यायॆमि डिनामि लाम्फु खाङ्से आक्क सॆॽलन लिर मिनुकानि। आक्क डिना नाम्फलिॽवा मिःऎ हिॽलिङ्खॆ हाङ् आक्कुबि चुहा ठःका हिॽलिङ्खॆ। 13टर कानि चाइ निवाँहाङ्ऎ हिक्मिम्पा उम्चङ् बाखाटेम् नुङ् पारुमि चुप्लाङ्मि लाम्फु खाङुकि। आक्कुबि चाइ निवाँनेन् खानावाँ टेःॽन लि।
14मसॆ कॆ नाम्नाम् पिसिमिम्पा बुबुनानुसाचि, आन्ना आक्क डिना हुङ्खुबाचि निवाँहाङ्मि ङारिङ्पि सॆङ्सॆङॆ हाङ् आब्डिक् मॆड्डिङ्मा लिमाम् लागि हाङ् निवाँहाङ्मि सान्टिबि पेन्मामि लागि हेःर पाइटानॆ। 15हाङ् पारभुऎ आन्ना हिङ्पॽमॆ लः पिॽमार खो ऎॽवाकॆ हुङ्हिखुबा लॆटॆ लोमॆ मिॽलापॆ। कानिम नुसा पावलऎ सङ्क निवाँहाङ्ऎ पिॽमिम्पा निवाँ रक्न आन्ना ग खानावाँ साबानि। 16हाङ् खोसॆ गरक्मा खानावाँन खोम् चोब्न साब्चिराबि साब्डु। हाङ् खोम् साब्चिराबि ऎॽवा खानावाँ वानवाप्निऎ लॆ। हाङ् निवाँ मॆड्डिङ्मा हाङ् माङ्माङ् मिनुक्मिर ममन लॆटिखुबाचिऎ चाइ आक्खा खानावाँ होइढा निवाँनेन् साब्चिरा रक्न टेराङ्गॆ टेराङ्गॆ इकुचि हाङ् उम्चि टाङ्पान नासॆ लिमॆ लाम्फुबि खॆःॽमि।
17मसॆ कॆ नाम्नाम् पिसिमिम्पा बुबुनानुसाचि, आन्नॆ ग खानावाँ लेसिडाम्नि। मसॆ काइसाहा निवाँ नुङ्मा याॽमिचिऎ आन्ना आफोब्डाङ्हिमिर। हाङ् आन्नॆ टाङ्पाम् लाङ् हाबि सिग्डाम्नि आक्कुबि नुःर सिगाम्नॆ। 18टर हानाम्स कानिम् पारभु हाङ् फाक्खुबा येसु खिरिस्टमि निवाँ नुङ् नाम्नावाँबि पुसे खारानॆ। खोमिॽन हयॆबाङ् हानाम्स निङ्लावा लिढाङ्र। आमेन!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society