२ पाट्रुस 2
2
हुन्नहा खानावाँ चिन्खुबाचि
1मान्टहाङ् इस्राएलिचिम् लुम्पि हुन्नहा खानावाँ लोखुबाचि चुआमि, आक्रहाङ्न आन्नामि लुम्पि सङ्क हुन्नहा खानावाँ चिन्खुबाचि आम्पःक्मि। आक्खाचिऎ खोचि सक्पि सॆॽलन नासॆलॆखुबा खानावाँ लाटॆकुचि हाङ् टाङ्पा फाक्खुबा पारभु सङ्क मिइखॆकुचि। मसॆ आक्खाचिऎ खोचि सक्पि सॆॽलन लुक्खॆॽमॆ खानावाँ टॆकुचि। 2हाङ् डिरिक् याॽमिचिऎ आक्खाचिम् चिक्सिमालुऎ लाम्फु टिङुकुचि हाङ् आक्खाचि काइसाहा ङेसिमा लुहा योम्पक्ऎ चाइबानऎ लाम्फु सङ्क इचाकुचि। 3खोचि लोभि याॽमिचि लिक्मिहाङ् हुन्नहा खानावाँ इमानुङ् आन्नाबाङ् माङ्माङ् ठका लाकुचि। उम्चि न्यायॆ लि लोमॆ खानावाँ याॽलन लिसिडा हाङ् आक्खाचि चाइबान लुक्खॆःमि।
4मान्ठाभनॆ निवाँहाङ्ऎ हिङ्वा योम्पक यिक्खुबा निवाँखाटॆखुबाचि टा माङ्स मामिट्टुचि, टर नाराक्पि सुम्ढाङ्सुचि। हाङ् न्यायॆमि डिना मॆटारढारि आक्खाचि माॽयाक्टबि हिःक्भुङ्डुचि। 5हाङ् खोसॆ आरेॽऎ बाखाटेम्पिहा याॽमिचि सङ्क माङ्स मामिट्टुचि। खोसॆ हिङ्वा बाखाटेम्पि ढ्या योवा सोटिहाङ्मार निवाँनेन् खानावाँ खेम्मिखुबा नोआ नुङ् होइढा वाङ्चि याॽमिचि टेःॽन हिङ्चामिट्टुचि। 6हाङ् खोसॆ साडोम नुङ् गामोरा लोमॆ हाटा न्यायॆ लॆसे मिऎ हिट्ढाङ्सु। हाङ् हिङ्वा याॽमिचिमि मान्टक्मा न्यायॆ लिऎ कामानुङ् खाङ्मुसु। 7हाङ् निवाँहाङ्ऎ निवाँनेन् याॽमि लुट चाइ हिङ्पक्मिट्टु। लोट हिङ्वा याॽमिचिम् आसानुङ्ग आसाचिनुङ् इम्चाटिॽमॆ निवाँ चुखुबाचिबाङ् एट्टान डुखा टक्चामिम्पा याॽमि लॆटा। 8(निवाँनेन् याॽमि लोट चाइ आक्रक्मा याॽमिचिम् लुम्पि पेन्मार डिनाहुँ आक्खाचिम् काइसाहा खानावाँ खाङ्मार हाङ् खेम्मार खोम् निवाँबि एट्टान चाइखेमिॽमिम्पा लॆटु।) 9गरहाङ् आन्नॆ पारभुऎ निवाँनेन् याॽमिचि डुखाबि हिङ्पक्मिकुचि हाङ् हिङ्वाचि चाइ न्यायॆमि डिनाढारि डान्डामि लागि सुम्ढाङ्कुचि लोमॆ लेकाम्नि। 10चाइबान लोमार खोचिऎ निवाँहाङ्मि ढुप्पाट्ट माङ्स हॆॽनॆ मिनुक्मि हाङ् खोचि काइसॆ निवाँ खिनुक्मि। खोचि टाङ्पाम्टे खानावाँ नुऎ काखुबा हाङ् काङानये मिन्खुबाचि लिक्मि। हाङ् पारुबिऎ निङ्लावा नुङ्मा हिङ्चाखुबाचि नुःर लॆःॽमॆ ग हॆॽनॆ टर इचाकुचि।
11निवाँखाटॆखुबाचि आक्खाचिबाङ्स ऎॽवा ह ऎॽवा चॆकुवॆ लॆःक्मि हाङ्सङ्क खोचिऎ आक्खा निङ्लावा नुङ्मा हिङ्चाखुबाचि पारभुमि ङारिङ्पि काइर लोसुचिनि। 12टर इघा याॽमिचिऎ खोचि टाङ्पे मावाब्मिम्पा खानावाँ इचाकुचि। आक्खाचि निवाँ मॆड्डिङ्मा ठाब्नाम् पोसुचिर लॆःॽमिम्पासॆ पोसुचि रक्न लुक्खॆमि। 13हाङ् खोचि टाङ्पे लॆःॽमिम्पा काइसाहा खानावाँमि लागि खोचि टाङ्पॆॽन सङ्क डुखा आङ्मा सिःक्मि। हाङ् लेन्टान निवॆ मिन्चामिम्पा काइर पाइमाहा चाइ उम्चि लागि चेन्चामाहा खानावाँ मिनुक्मि। आक्खाचि भोजाबि चासि पेन्मान आन्नामि लागि ङेसिमा लुऎ खानावाँ रेम। खोचि हानाम्स बङ्चामा मिनुक्मि। 14आक्खाचिम् मिक् ब्याबिचारा लॆःॽमॆ निवॆ चेप्खॆमिम्पा लि। हाङ् ऎॽवा हिङ्वा योम्पक् यिक्मार सङ्क खेटुचिनि। आक्खाचिऎ निवाँफॆढाङ्खुबा याॽमिचि फोप्सिकुचि। हाङ् उम्चि निवाँ लोभा लॆःॽमॆ खानावाँबि टेःॽन टिकुचि। खोचि चाप्हिमा नुङ्मा याॽमिचि लिक्मि। 15आक्खाचि काम्नुऎ लाम्फु याइसे काइसॆ लाम्फुबि लाम्डुबःक्डामि हाङ् काइसॆ योम्पक्बाङ् नाम्याक् टक्चामा नेन्चाखुबा बाओरमि पासा बालाम्मि लाम्फुबि लाम्ढुबक्कामि। 16टर आक्कसॆ आक्रक्मा हिङ्वा योम्पक यिक्मार वोमा खाइहाङ्चाआ। हाङ् ऎयामुखुबा गाडाऎ याॽमिऎर यामुसे ङाॽसुक्हिक्सुक्र पाइखुबा खोम् योम्पक् ऎक्पिटु।
17आक्खा याॽमिचि पिरुकुवॆ ठालबि योवा हेन्खॆमिम्पारहा हाङ् हिॽयापाऎ पेकुवॆ खिन्डुमा रहाचि रेम। आक्खाचिम् लागि निवाँहाङ्ऎ माॽयाक्टक्मा रूम्रूम्पा युङ्पिडुचि। 18आक्खाचि कायङ्पा मिन्से डिड्ढा डिड्ढा खानावाँ इःक्मि हाङ् हिङ्खामाबिहा लोभामि योम्पक खाङ्मिसे हहन चाइबानऎ खानावाँबाङ् ऎम्पखुबाचि सङ्क फोप्सिकुचिमि। 19हाङ् आक्खाचिऎ आन्ना फाक्बकानि कामानुङ् लोखाङ्कुचि टर खोचि टाङ्पान नासॆ लिमॆ खानावाँबि रुम्सिखॆॽमिम्पा लिक्मि। मान्ठाभनॆ हाम्पॆ खानावाँऎ चाइ याॽमि हेचाकु खो आक्कमि योम्पक् यिक्खुबा लि। 20मान्ठाभनॆ काङ्कामि पारभु नुङ् फाक्खुबा येसु खिरिस्ट लेकु हाङ् बाखाटेम्बिऎ हिङ्वाबाङ् फाक्बक्से होइखेपा सङ्क आक्क हिङ्वा बिॽन खॆक्खुबा याॽमिमि डुखा ग याॽलऎ बाङ्स किॽमालुऎ लि। 21मान्ठाभनॆ निवाँहाङ्मि ङारिङपि मान्टहाङ् पाइमार चाइ नुऎ लिऎ लोमॆ खानावाँ लेकु हाङ्स मरक्न ऎपाइखुबाचिऎ ग बोरु आक्क निवाँनेन् लाम्फुन आखाङ्टक्मिम्पा काम्नुऎ लिखुबा लॆटा। 22आक्खाचि ग गरहाङ् इकॆॽमिम्पा चाइबानऎ खानावाँ रक्न पाइमि, “हुॽवॆ टाङ्पॆ पॆॽमिम्पा ठका फेरि खोसेॽन चाबकु” हाङ् “सःक्मिम्पा बाक् फेरि हिलब्न नःग्चासि खॆ।”
Currently Selected:
२ पाट्रुस 2: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
२ पाट्रुस 2
2
हुन्नहा खानावाँ चिन्खुबाचि
1मान्टहाङ् इस्राएलिचिम् लुम्पि हुन्नहा खानावाँ लोखुबाचि चुआमि, आक्रहाङ्न आन्नामि लुम्पि सङ्क हुन्नहा खानावाँ चिन्खुबाचि आम्पःक्मि। आक्खाचिऎ खोचि सक्पि सॆॽलन नासॆलॆखुबा खानावाँ लाटॆकुचि हाङ् टाङ्पा फाक्खुबा पारभु सङ्क मिइखॆकुचि। मसॆ आक्खाचिऎ खोचि सक्पि सॆॽलन लुक्खॆॽमॆ खानावाँ टॆकुचि। 2हाङ् डिरिक् याॽमिचिऎ आक्खाचिम् चिक्सिमालुऎ लाम्फु टिङुकुचि हाङ् आक्खाचि काइसाहा ङेसिमा लुहा योम्पक्ऎ चाइबानऎ लाम्फु सङ्क इचाकुचि। 3खोचि लोभि याॽमिचि लिक्मिहाङ् हुन्नहा खानावाँ इमानुङ् आन्नाबाङ् माङ्माङ् ठका लाकुचि। उम्चि न्यायॆ लि लोमॆ खानावाँ याॽलन लिसिडा हाङ् आक्खाचि चाइबान लुक्खॆःमि।
4मान्ठाभनॆ निवाँहाङ्ऎ हिङ्वा योम्पक यिक्खुबा निवाँखाटॆखुबाचि टा माङ्स मामिट्टुचि, टर नाराक्पि सुम्ढाङ्सुचि। हाङ् न्यायॆमि डिना मॆटारढारि आक्खाचि माॽयाक्टबि हिःक्भुङ्डुचि। 5हाङ् खोसॆ आरेॽऎ बाखाटेम्पिहा याॽमिचि सङ्क माङ्स मामिट्टुचि। खोसॆ हिङ्वा बाखाटेम्पि ढ्या योवा सोटिहाङ्मार निवाँनेन् खानावाँ खेम्मिखुबा नोआ नुङ् होइढा वाङ्चि याॽमिचि टेःॽन हिङ्चामिट्टुचि। 6हाङ् खोसॆ साडोम नुङ् गामोरा लोमॆ हाटा न्यायॆ लॆसे मिऎ हिट्ढाङ्सु। हाङ् हिङ्वा याॽमिचिमि मान्टक्मा न्यायॆ लिऎ कामानुङ् खाङ्मुसु। 7हाङ् निवाँहाङ्ऎ निवाँनेन् याॽमि लुट चाइ हिङ्पक्मिट्टु। लोट हिङ्वा याॽमिचिम् आसानुङ्ग आसाचिनुङ् इम्चाटिॽमॆ निवाँ चुखुबाचिबाङ् एट्टान डुखा टक्चामिम्पा याॽमि लॆटा। 8(निवाँनेन् याॽमि लोट चाइ आक्रक्मा याॽमिचिम् लुम्पि पेन्मार डिनाहुँ आक्खाचिम् काइसाहा खानावाँ खाङ्मार हाङ् खेम्मार खोम् निवाँबि एट्टान चाइखेमिॽमिम्पा लॆटु।) 9गरहाङ् आन्नॆ पारभुऎ निवाँनेन् याॽमिचि डुखाबि हिङ्पक्मिकुचि हाङ् हिङ्वाचि चाइ न्यायॆमि डिनाढारि डान्डामि लागि सुम्ढाङ्कुचि लोमॆ लेकाम्नि। 10चाइबान लोमार खोचिऎ निवाँहाङ्मि ढुप्पाट्ट माङ्स हॆॽनॆ मिनुक्मि हाङ् खोचि काइसॆ निवाँ खिनुक्मि। खोचि टाङ्पाम्टे खानावाँ नुऎ काखुबा हाङ् काङानये मिन्खुबाचि लिक्मि। हाङ् पारुबिऎ निङ्लावा नुङ्मा हिङ्चाखुबाचि नुःर लॆःॽमॆ ग हॆॽनॆ टर इचाकुचि।
11निवाँखाटॆखुबाचि आक्खाचिबाङ्स ऎॽवा ह ऎॽवा चॆकुवॆ लॆःक्मि हाङ्सङ्क खोचिऎ आक्खा निङ्लावा नुङ्मा हिङ्चाखुबाचि पारभुमि ङारिङ्पि काइर लोसुचिनि। 12टर इघा याॽमिचिऎ खोचि टाङ्पे मावाब्मिम्पा खानावाँ इचाकुचि। आक्खाचि निवाँ मॆड्डिङ्मा ठाब्नाम् पोसुचिर लॆःॽमिम्पासॆ पोसुचि रक्न लुक्खॆमि। 13हाङ् खोचि टाङ्पे लॆःॽमिम्पा काइसाहा खानावाँमि लागि खोचि टाङ्पॆॽन सङ्क डुखा आङ्मा सिःक्मि। हाङ् लेन्टान निवॆ मिन्चामिम्पा काइर पाइमाहा चाइ उम्चि लागि चेन्चामाहा खानावाँ मिनुक्मि। आक्खाचि भोजाबि चासि पेन्मान आन्नामि लागि ङेसिमा लुऎ खानावाँ रेम। खोचि हानाम्स बङ्चामा मिनुक्मि। 14आक्खाचिम् मिक् ब्याबिचारा लॆःॽमॆ निवॆ चेप्खॆमिम्पा लि। हाङ् ऎॽवा हिङ्वा योम्पक् यिक्मार सङ्क खेटुचिनि। आक्खाचिऎ निवाँफॆढाङ्खुबा याॽमिचि फोप्सिकुचि। हाङ् उम्चि निवाँ लोभा लॆःॽमॆ खानावाँबि टेःॽन टिकुचि। खोचि चाप्हिमा नुङ्मा याॽमिचि लिक्मि। 15आक्खाचि काम्नुऎ लाम्फु याइसे काइसॆ लाम्फुबि लाम्डुबःक्डामि हाङ् काइसॆ योम्पक्बाङ् नाम्याक् टक्चामा नेन्चाखुबा बाओरमि पासा बालाम्मि लाम्फुबि लाम्ढुबक्कामि। 16टर आक्कसॆ आक्रक्मा हिङ्वा योम्पक यिक्मार वोमा खाइहाङ्चाआ। हाङ् ऎयामुखुबा गाडाऎ याॽमिऎर यामुसे ङाॽसुक्हिक्सुक्र पाइखुबा खोम् योम्पक् ऎक्पिटु।
17आक्खा याॽमिचि पिरुकुवॆ ठालबि योवा हेन्खॆमिम्पारहा हाङ् हिॽयापाऎ पेकुवॆ खिन्डुमा रहाचि रेम। आक्खाचिम् लागि निवाँहाङ्ऎ माॽयाक्टक्मा रूम्रूम्पा युङ्पिडुचि। 18आक्खाचि कायङ्पा मिन्से डिड्ढा डिड्ढा खानावाँ इःक्मि हाङ् हिङ्खामाबिहा लोभामि योम्पक खाङ्मिसे हहन चाइबानऎ खानावाँबाङ् ऎम्पखुबाचि सङ्क फोप्सिकुचिमि। 19हाङ् आक्खाचिऎ आन्ना फाक्बकानि कामानुङ् लोखाङ्कुचि टर खोचि टाङ्पान नासॆ लिमॆ खानावाँबि रुम्सिखॆॽमिम्पा लिक्मि। मान्ठाभनॆ हाम्पॆ खानावाँऎ चाइ याॽमि हेचाकु खो आक्कमि योम्पक् यिक्खुबा लि। 20मान्ठाभनॆ काङ्कामि पारभु नुङ् फाक्खुबा येसु खिरिस्ट लेकु हाङ् बाखाटेम्बिऎ हिङ्वाबाङ् फाक्बक्से होइखेपा सङ्क आक्क हिङ्वा बिॽन खॆक्खुबा याॽमिमि डुखा ग याॽलऎ बाङ्स किॽमालुऎ लि। 21मान्ठाभनॆ निवाँहाङ्मि ङारिङपि मान्टहाङ् पाइमार चाइ नुऎ लिऎ लोमॆ खानावाँ लेकु हाङ्स मरक्न ऎपाइखुबाचिऎ ग बोरु आक्क निवाँनेन् लाम्फुन आखाङ्टक्मिम्पा काम्नुऎ लिखुबा लॆटा। 22आक्खाचि ग गरहाङ् इकॆॽमिम्पा चाइबानऎ खानावाँ रक्न पाइमि, “हुॽवॆ टाङ्पॆ पॆॽमिम्पा ठका फेरि खोसेॽन चाबकु” हाङ् “सःक्मिम्पा बाक् फेरि हिलब्न नःग्चासि खॆ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society