Roomaa Seensa
Seensa
Phaawulos xalayaa waaʼee buusii maallaqa miisiyoonummaa baayʼee gaarii taʼe kan kanaan dura barreeffamee hin beekin amantoota Roomaa jiraataniif barreesse. Inni duuka buutota Yesuus warra gaaddisa Qeesaar jala jiraatanittis akka wangeelli kutaa dhiʼa empaayerichaa gaʼuuf akka gargaaran iyyata dhiʼeessa. Phaawulos akka ergamaa tokkootti, waaʼee Gooftummaa Yesuus labsii mootummaa gochuuf baʼe. Karoorri Waaqayyo addunyaadhaaf qabu karaa Yesuus Kiristoos isa sanyii Daawit taʼe sanaatiin mulʼifame. Ergaan kun akka Waaqayyo kakuu Israaʼel wajjin qabuuf amanamaa taʼe argisiisa.
Adeemsi xalayaa kanaa fakkeenya seenaa garbummaa fi bilisummaa Yihuudoota durii hordofa. Namummaan sababii cubbuu fi duuti addunyaa seeneef ariʼatama keessa jira. Seerri warra Yihuudootaa iyyuu duʼa moʼee jireenya fiduu hin dandeenye. Waaqayyo garuu karaa duʼaa fi duʼaa kaʼuu Yesuusiin Yihuudootaa fi namoota ormaa oolcheera. Maatiin guutuu addunyaa haaraan uumamaa jira. Yesuusitti cuuphamuun humna jalʼinaa cabsee birmadummaa fideera. Hafuurri Qulqulluun karaa kana gara jireenya haaraa isa dhaala haaraadhaan jechuunis uumama furameen xumuramutti geessaa jira.
Israaʼel keessaa hedduun Kiristoositti amanuu yoo didan iyyuu, kun addunyaa isa hafeef jireenya fiduudhaan raawwatameera. Jireenyi karaa Yesuus hundumaaf kenname amma iyyuu akkuma eegametti jira; karaa kamiin iyyuu, araarri Waaqayyoo murtii irratti ni moʼa. Xumura irratti bifa qabatamaa karaa jireenya haaraa kan namummaan furame qabu irratti xiyyeeffannoon godhameera.
Currently Selected:
Roomaa Seensa: HAH
Highlight
Copy
Compare
Share
Want to have your highlights saved across all your devices? Sign up or sign in
Kitaaba Qulqulluu, Hiikkaa Ammayyaa Haaraa™, Loqoda Dhiʼaa
Mirgi seeraan eegama © 2022 Biblica, Inc.
Eeyyamaan itti fayyadamu.
Mirgi hundi addunyaa guutuu irratti kan eegamee dha.
Holy Bible, New Oromo Contemporary Version™, Western
Copyright © 2022 by Biblica, Inc.
Used with permission. All rights reserved worldwide.