2 Kolini 8
8
Talopala mipitanu avo'a so su'ulisi'a Taiutea
1Ioxe tavivixe, nexi tapalo matanangengi no anu iaiama noxou Mosinge ane mu'avutinoxu no taine'i tatemanu pitapita ne Masetonia polovinisi. 2Xo ane'i mitavulenu tu'utu'umaxu tatila mo mixolu avo'a muxaxasi. Ia Mosinge mu'avutinoxu osa noxi'a mo avo'a temanu mulolutu so mi'alaunasi'a tavimo'a talopala. 3La avikala lamana lexe ane'i vilevilesi mipilixinu lamoli ta'eimo ane'i me'a mixamulinu lexe imomomo no anu. Ia italo axone uasi, mipitanu se'i no latanula, mole me'a mikalusi'a avile. 4La mikatu noxixe mo miuolotete lexe avo'a kalumo upita no anu su'ulisi'a tamitemaou Mosinge u'isalili ne Iutea ne. 5Nexi te'oxo lexe masi isu'uli se aloxo 'osi, la ua', milolutuxusi. Xo tei la ane'i mipilixine'i noxou Tatananenge xe mukalu la mimulinu masaxa noxou Mosinge so mipilixine'i noxixe.
6Mala'o la Taitusi musoko'u so u'avutinoxu iaiama no taingengi. Laso nexi pakia'ixe noxou lexe anu ulivu noxinge so usivitanoxu xaixai anene avile. 7No anu mimi mukalusi nga'oxonu la nene'axu mulolutusi. Aloxo 'o. Lopala noxinge mo vaikala laixe noxinge mo lavulavumengi mo masaxa noxinge noxou Tatananenge mo sexela noxinge e te'avutinoxu ne, anene mukalusi mulolutusi. Laso no anu xaixai so iaiama ano'o la ngalolutuxusi kalumo.
8Ia amulaxu lo noxinge no anu uasi. Epela'inge lexe ane'i leviani mi'osa so isu'uli axone mo so utovonu sexela noxinge. Mo so axova, ngingi kalumo nga'osa so ngasu'uli axone o uasi? 9Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.
10Ioxe, eni apala'anixu xavutalaxeli noxinge no anu xaixai so ngapitanu avonge. Xo no anu tau ie mukalu 'o la ngesoko'u tei mo opongengi mu'osasou. 11Laso ngasivitanoxu avilesi. No anu vote'i so nge'osa mo ngesoko'u la anu axone so ngakalusou umomomo avile no anu lasixelisou. 12Xo loxo itema mimiou axova xe u'osa so usosovosou pa'usou umomomo no anu ka upilixinu, la Mosinge u'osasou ane. Anu usounu itema ne so uua'ulixu lasixeli ane ulovou mimiou uasisi.
13Eni apelototosinge so ngasu'uli ia anu so ngingi ngatavulenu navunavusou io ane'i ixolu lalavulusi uasi. Anu tava'u so xoluxolungenge ngoli'a umomomosi. 14Xo vaimomo 'o ngingi mimi sevile laso ngasu'uline'i ane'i ane uasi olele. Ia ili'i masi ngingi ngasoti xe ane'i mimi sevile laso ane'i isu'ulingengi ane. Mo so axone la ane'i xe ngingi xoluxolungenge umomomosi. 15Xo loxo Mosinge vaikalaou mulemolu tatei lexe, “Tamitema mose'i xavine'i so itaxusou la'ilali tavu'alo ia ani'anixa'a la umomomo no anu lasixelisousi. Xe ane'i ane xavine'i uasi mo itaxusou sevilesi la isolixa'a uasi, ani'anixa'a umomomo kalumo no anu lasixelisousi.”
Polu mupalusi'a tamenexu se'i milai ne Kolini
16La eni avikala laixe noxou Mosinge xo mu'avutinoxu sexelasinge no oponu Taitusi a iou vilesisi loxo nexi 'o. 17Xo nexi pakia'ixe lexe ulivu noxingela la anu oponu axone. Ia mi ne muxolu no oponu lumamo laso une'e noxinge xo no anu masaxa noxoumo. 18Xe nexi tapalusou vivinge vile so ilou ine'e noxinge ne. Anu vivinge 'o ne, tatemanu pitapita milavusou ualasou xo no anu xaixai noxou e so ulanu vaikala laixe. 19Mo aloxo 'ola. Ane'i tatemanu pitapita misosovosou so noxi'a taxixao ta'oxonu xaixai so iaiama e nenge nenge'a tapitanu avonge no anu 'o. Nexi tasaxila'u xaixai anene so u'itinu ualasou Tatananenge xe umaxa'u oponexi lexe ututuluou su'ulisi. 20Nexi talaxa'i laixe xo loxo 'o io vaikala uxali so uto'omexexu vote'i so tepamuxanu nene'axu alauna tatila noxi'a Mosinge ta'olu. 21Oponexi utulu lexe ilixomexi lamanasi no iou Tatananenge. Ia no iou Tatananengesi uasi, tamasaxau lexe ulamana no ie'i tamitema kalumo.
22Mo nexi tepalusou vivinge vilela so oli'a ikei ine'e noxinge. Anu ne tepilixinu xaixai tavu'alo noxou la tetilovosou lexe muiavenixu laixesi. Xe oponu ututulu manina so une'e uxaxai no taingengi aloxo 'o xo ulavu manina lexe ilixomengi masi laixesi.
23Xe noxou Taitusi 'o la ngingi ngelavusou mukalu lexe anu vaitamixeli xe anu ulavusou uva'isuleli no anu xaixai no taingengi. Mo noxi'a tavivinge tamei 'o tatemanu pitapita mipalusi'a so isosovosi'a. Ane'i ilou ilavusou i'itinu iaxu Kalaisitisi. 24Laso loxo ixolu no taingengi ne la ngapala'anixu sexela noxinge noxi'a. Mo so loxo ilivu no anu pitapita la ipalasinoxu sexela noxinge lexe temanu mo ivalaxu vaikalamexi so tea'alongenge laixe.
Currently Selected:
2 Kolini 8: ATA
Highlight
Share
Compare
Copy
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487
