Sakariasi 9
9
II. ERAKUKATERI JURAMUKUA
a) Máteru iretechaksï k'amanharhiranhant'asti
1ACHAeri uantakua enka Jadraki anapuechani axakuaka ka ístu Damasku anapuechani imani ampe arhiani enka jaiapanhent'ak'a. Sési jimpo ACHA iámentu k'uiripuni exexati ka ístu iámentu Israeli anapuechani, jatsikats'ï ACHAni jirinhant'ani. 2Ka ístu Jamatini enka Tiro ka Sidoni parhikutini jaka, náuek'i enkaksï xáni mímixeka. 3Ka nak'iruka Tiro sési kuákorheni jaka ka tiripiti tánasti ka mereari ampe, ísï eska ampe t'úpuri ampe tánant'ani o eska ampe atsimuni xanharhu márku úni, 4ACHA iámentu jatsikuarhekuani kéntitakuati, k'éri japuntarhuksï nóteru ima juramuati ka chpírirhu méntku iámu k'amap'auati.
5Enka Askaloni íni ampe exeaka kánekua chéati, ka Gasa kánekua uantanheauati ka ístu Ekroni, jimpoka iámentu ampe xántkueuati enkaksï ima xáni mintsikani jápka. Gasa anapu irecha uarhiati ka Askaloni sési pínantent'aati. 6Asdodiksï irekaati máru enka nónema míteaka. Ka ji k'amak'uaka filisteuecheri k'éramakuarhekuani: 7Imani iurhirini euamukuant'auaka enkaksï arhak'a ka sïnichaksï nóteru xaxaati nósesi ampe. Ka máruksï pakaraati enkaksï juchari Diósïriuaka, ka Judaksï ima ísïuati eskaksï ima k'érini, ka Ekroni anapuechaksï ísïuati eska Jebuseuecha. 8Ka ji juchenio uirhipant'atini jauaka kuáni, eska nónema úaka uéakuni ka inchaakuni, ka nóteru nema úati jucheti iretani nósesi kánt'ani, jimpokani iásï ji kuáni jauaka.
b) Israeli anapu irecha ma jauati
(9.9-10)
9¡Kánekua tsípe Sióni uáp'a uátsï!
¡Jiuakuarhe Jerusaleni uáp'a uátsï!
Exe, chéti irechani jurhaxati exeni,
kaxumpitisti, p'ímutantspiri
ka kétsekua uératspesïnti
ka ch'anchakini ma jatapuxati,
ch'anchaki sapichuni ma,
ch'anchaki kutsï uáp'a.
10Ji Efrainiri mótsetarakuechani
uarhipekuarhu nitarakuani xerent'aaka,
ka Jerusaleni anapu tekechuechani,
ka pitokichani únturhiauaka.
Ka chéti irecha iámentu iretechani
sési jákua aiankuant'auati,
ka imeri juramukua
japuntarhu uanamukutini uératini
máteru japuntarhu uánamukutini jamperi niáraati.
Ka iurhekua Eufratesirhu uératini
ka nani enka jamperi parhakpeni k'amakurhik'a.
c) Israeli ménteru únhant'asti
11Ka ísturi t'u p'ímutanhant'aaka imeri iurhiri jimpo enkari t'u pakatperakua úka, ka p'ínhant'auaka imani enkaksï itsï jatakuarhu uékanhetini jaka enka k'arhinhekia.
12¡K'uanhatsentsï je jima enka nónema úk'a niárani, cha enkats'ï uinhamentu mintsikani jaka! Iásï íni jurhiatekua jimpoksïni aiankunt'axaka eskats'ïni xáni cha tsîtaka eskaksïni tsimani xanhari sánteru íntskunt'aaka. 13Ji Judani ísïmentuni antsip'ant'askia eska pitoki ma ka Efrainini ísï pitokirhu jatsirant'aska eska t'enharhpetarakua ma ka t'únkeni Sióni Gresia anapuecha jinkuni uarhiperaaka, ka t'únkenikini ísïmentu úraaka eska akuarhpetarakua tiámueri ma.
14Jiák'ani xarharaati na enka ACHA kuách'akuni jaka ka na enka t'enharhpetarakua piritakueni niuaka. Ka ACHA kústakuani p'uninhaati ísï eska na nipani jauaka janikuecharhu ísï kétsekua anapu ísï. 15ACHA uinhapitiksïni kuách'akuati ka imaksï iámentu ampe xerent'aati. Purunturhiauatiksï tsakapuechani enkaksï p'antotsïkuarhu jatsirant'ak'a ka iurhiriksï auati ka terekorheatiksï eskaksï ampe kánekua kauirini jarhani, ka imecheri atarakuechaksï tsîmeati eskaksï sïuankuecharhu na nirak'a tsîmeni kéts'ïtakuarhu. 16Enka ima jurhiatekua niáraaka, ACHA enka chári Diósïka imeri iretani p'ímutant'aati ísï eska imeri karichi sapirhaticha, ka imecheri echerirhu k'érikuarhu pérauati eska tsakapu ma enka jukats'ïkuarhu sánteru sési erakuarhek'a. 17¡Xáni kánekua intsïmperata, xáni enka sési jáxeka! ¡Tríju ka kauikua tumpichani kánekua tsíperauati ka ístu iurhitskirichani!.
Currently Selected:
Sakariasi 9: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sakariasi 9
9
II. ERAKUKATERI JURAMUKUA
a) Máteru iretechaksï k'amanharhiranhant'asti
1ACHAeri uantakua enka Jadraki anapuechani axakuaka ka ístu Damasku anapuechani imani ampe arhiani enka jaiapanhent'ak'a. Sési jimpo ACHA iámentu k'uiripuni exexati ka ístu iámentu Israeli anapuechani, jatsikats'ï ACHAni jirinhant'ani. 2Ka ístu Jamatini enka Tiro ka Sidoni parhikutini jaka, náuek'i enkaksï xáni mímixeka. 3Ka nak'iruka Tiro sési kuákorheni jaka ka tiripiti tánasti ka mereari ampe, ísï eska ampe t'úpuri ampe tánant'ani o eska ampe atsimuni xanharhu márku úni, 4ACHA iámentu jatsikuarhekuani kéntitakuati, k'éri japuntarhuksï nóteru ima juramuati ka chpírirhu méntku iámu k'amap'auati.
5Enka Askaloni íni ampe exeaka kánekua chéati, ka Gasa kánekua uantanheauati ka ístu Ekroni, jimpoka iámentu ampe xántkueuati enkaksï ima xáni mintsikani jápka. Gasa anapu irecha uarhiati ka Askaloni sési pínantent'aati. 6Asdodiksï irekaati máru enka nónema míteaka. Ka ji k'amak'uaka filisteuecheri k'éramakuarhekuani: 7Imani iurhirini euamukuant'auaka enkaksï arhak'a ka sïnichaksï nóteru xaxaati nósesi ampe. Ka máruksï pakaraati enkaksï juchari Diósïriuaka, ka Judaksï ima ísïuati eskaksï ima k'érini, ka Ekroni anapuechaksï ísïuati eska Jebuseuecha. 8Ka ji juchenio uirhipant'atini jauaka kuáni, eska nónema úaka uéakuni ka inchaakuni, ka nóteru nema úati jucheti iretani nósesi kánt'ani, jimpokani iásï ji kuáni jauaka.
b) Israeli anapu irecha ma jauati
(9.9-10)
9¡Kánekua tsípe Sióni uáp'a uátsï!
¡Jiuakuarhe Jerusaleni uáp'a uátsï!
Exe, chéti irechani jurhaxati exeni,
kaxumpitisti, p'ímutantspiri
ka kétsekua uératspesïnti
ka ch'anchakini ma jatapuxati,
ch'anchaki sapichuni ma,
ch'anchaki kutsï uáp'a.
10Ji Efrainiri mótsetarakuechani
uarhipekuarhu nitarakuani xerent'aaka,
ka Jerusaleni anapu tekechuechani,
ka pitokichani únturhiauaka.
Ka chéti irecha iámentu iretechani
sési jákua aiankuant'auati,
ka imeri juramukua
japuntarhu uanamukutini uératini
máteru japuntarhu uánamukutini jamperi niáraati.
Ka iurhekua Eufratesirhu uératini
ka nani enka jamperi parhakpeni k'amakurhik'a.
c) Israeli ménteru únhant'asti
11Ka ísturi t'u p'ímutanhant'aaka imeri iurhiri jimpo enkari t'u pakatperakua úka, ka p'ínhant'auaka imani enkaksï itsï jatakuarhu uékanhetini jaka enka k'arhinhekia.
12¡K'uanhatsentsï je jima enka nónema úk'a niárani, cha enkats'ï uinhamentu mintsikani jaka! Iásï íni jurhiatekua jimpoksïni aiankunt'axaka eskats'ïni xáni cha tsîtaka eskaksïni tsimani xanhari sánteru íntskunt'aaka. 13Ji Judani ísïmentuni antsip'ant'askia eska pitoki ma ka Efrainini ísï pitokirhu jatsirant'aska eska t'enharhpetarakua ma ka t'únkeni Sióni Gresia anapuecha jinkuni uarhiperaaka, ka t'únkenikini ísïmentu úraaka eska akuarhpetarakua tiámueri ma.
14Jiák'ani xarharaati na enka ACHA kuách'akuni jaka ka na enka t'enharhpetarakua piritakueni niuaka. Ka ACHA kústakuani p'uninhaati ísï eska na nipani jauaka janikuecharhu ísï kétsekua anapu ísï. 15ACHA uinhapitiksïni kuách'akuati ka imaksï iámentu ampe xerent'aati. Purunturhiauatiksï tsakapuechani enkaksï p'antotsïkuarhu jatsirant'ak'a ka iurhiriksï auati ka terekorheatiksï eskaksï ampe kánekua kauirini jarhani, ka imecheri atarakuechaksï tsîmeati eskaksï sïuankuecharhu na nirak'a tsîmeni kéts'ïtakuarhu. 16Enka ima jurhiatekua niáraaka, ACHA enka chári Diósïka imeri iretani p'ímutant'aati ísï eska imeri karichi sapirhaticha, ka imecheri echerirhu k'érikuarhu pérauati eska tsakapu ma enka jukats'ïkuarhu sánteru sési erakuarhek'a. 17¡Xáni kánekua intsïmperata, xáni enka sési jáxeka! ¡Tríju ka kauikua tumpichani kánekua tsíperauati ka ístu iurhitskirichani!.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.