Sakariasi 10
10
d) ACHA imeri iretani p'ímutant'aati
1ACHAni kómarhikuarhe je
eska janiaka k'arhintemakuarhu,
ka ACHA piritataraati
ka táchantku ísïksïni janiracheati
ka juátarhu uitsakua xúxunhaxent'aati.
2T'arhesïchaksï chkuántirakua ampe uantaspti,
ka ima enkaksï eranhaskuechani uantak'a exeani
tsánharhikua ampeksï uantant'asti enka no ísïka,
tsánharhikua ampeksï uantasïnti enka tsíperpek'a
ka jini nómpe ma ísïni,
ka imani ampe enkaksï uantak'a
nómpema marhuasïnti.
Imecheri karhuatperakua no marhuasïnti.
Inteni jimposï ireta xáni kómu jati
ka jini ka jini nirasïnti,
eskaksï karichicha
enkaksï karichi erankutini no kánkuarhek'a.
3Ji karichi erankutichani kurhunheaxaka.
Urhets'ïkurichani ikimeauaka.
Jo, ACHA uinhapiti,
juuati imeri karichichani kúmuani
enka Juderi sïrukueka,
ka imechani ísï jatsiauati eska tekechu ma
uiuinhasï enka uarhiperakuarhu urhepani kánhak'a.
4Juderi sïrukuarhu uéraati tsakapu pítsekua,
ka tanhatsekua ka pitoki uarhipetarakua
ka iámentu juramutichaksï Juda uéraati.
5Ima ísïuati eskaksï uarhipiticha,
enkaksï uarhipekuarhu
imecheri ikiatspirichani xanhari jimpo jatantuant'ak'a.
Uarhipeatiksï jimpoka ACHA imechani jinkuni jauaka,
ka iámentuksï p'urhek'uticha tekechu jataricha
k'uratsekua jinkuniksï pakaraati.
6Ji Juderi sïrukuani uíuinhak'unt'aaka,
ka Joseri sïrukuani kuách'akuaka,
ji imecho k'uanhaskuant'auaka,
jimpokani p'amok'uaska.
Iámentu ampe ísïuati
eskani ampe nómeni no jiókaani,
jimpokani jísïni imecheri ACHAeka,
imecheri Diósï ka kurhach'auaka.
7Efrainiri sïrukua ísïsti eska uarhipiti ma,
imeri mintsita ísï tsípeati
eska ampe kauikua arhani.
Ka ístuksï uáp'echa exeati ka tsípeatiksï;
imeri mintsita, ACHAni jimpo tsípeati.
8Jíksïni arhiaka na enkats'ï jatini k'uanhatsent'aaka,
ka márkuksïni úntaaka.
Ka enkaksïni p'ímutant'aakia,
ménteruts'ï xáni uánent'aaka eska urhetku.
9Nak'irukaksïni iretechani jinkuni etsakuka,
iauani máteru echericharhu jimpo
jíntentsïni míant'aaka;
ka ma jurhiani chári echerirhuts'ï k'uanhatsentaaka
chári uáp'echani jinkuni.
10Jíksïni Ejiptu kéntitaaka,
Asiriaksïni niuaka p'íntani,
ka Galaadi ka Libanu echeri jimpoksïni juánuaka.
Ka imani echerinits'ï no antankutaaka.
11Jiák'ani enkats'ï k'éri japuntarhu parhimeaka,
ji k'érati k'umpuntechani anhaxustauaka,
ka iurhekua Níluni antamerani jamperi k'arhinkutaraaka.
Asiria anapu k'éramakuarhekua
ísku k'amantent'aati,
ka Ejiptu anapu juramukua k'amakurhiati.
12Ji jucheti iretani uinhapekua íntskuaka,
ka jucheti jakankurhikua urhekupauati.
ACHAeri uantakuesti.
Currently Selected:
Sakariasi 10: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sakariasi 10
10
d) ACHA imeri iretani p'ímutant'aati
1ACHAni kómarhikuarhe je
eska janiaka k'arhintemakuarhu,
ka ACHA piritataraati
ka táchantku ísïksïni janiracheati
ka juátarhu uitsakua xúxunhaxent'aati.
2T'arhesïchaksï chkuántirakua ampe uantaspti,
ka ima enkaksï eranhaskuechani uantak'a exeani
tsánharhikua ampeksï uantant'asti enka no ísïka,
tsánharhikua ampeksï uantasïnti enka tsíperpek'a
ka jini nómpe ma ísïni,
ka imani ampe enkaksï uantak'a
nómpema marhuasïnti.
Imecheri karhuatperakua no marhuasïnti.
Inteni jimposï ireta xáni kómu jati
ka jini ka jini nirasïnti,
eskaksï karichicha
enkaksï karichi erankutini no kánkuarhek'a.
3Ji karichi erankutichani kurhunheaxaka.
Urhets'ïkurichani ikimeauaka.
Jo, ACHA uinhapiti,
juuati imeri karichichani kúmuani
enka Juderi sïrukueka,
ka imechani ísï jatsiauati eska tekechu ma
uiuinhasï enka uarhiperakuarhu urhepani kánhak'a.
4Juderi sïrukuarhu uéraati tsakapu pítsekua,
ka tanhatsekua ka pitoki uarhipetarakua
ka iámentu juramutichaksï Juda uéraati.
5Ima ísïuati eskaksï uarhipiticha,
enkaksï uarhipekuarhu
imecheri ikiatspirichani xanhari jimpo jatantuant'ak'a.
Uarhipeatiksï jimpoka ACHA imechani jinkuni jauaka,
ka iámentuksï p'urhek'uticha tekechu jataricha
k'uratsekua jinkuniksï pakaraati.
6Ji Juderi sïrukuani uíuinhak'unt'aaka,
ka Joseri sïrukuani kuách'akuaka,
ji imecho k'uanhaskuant'auaka,
jimpokani p'amok'uaska.
Iámentu ampe ísïuati
eskani ampe nómeni no jiókaani,
jimpokani jísïni imecheri ACHAeka,
imecheri Diósï ka kurhach'auaka.
7Efrainiri sïrukua ísïsti eska uarhipiti ma,
imeri mintsita ísï tsípeati
eska ampe kauikua arhani.
Ka ístuksï uáp'echa exeati ka tsípeatiksï;
imeri mintsita, ACHAni jimpo tsípeati.
8Jíksïni arhiaka na enkats'ï jatini k'uanhatsent'aaka,
ka márkuksïni úntaaka.
Ka enkaksïni p'ímutant'aakia,
ménteruts'ï xáni uánent'aaka eska urhetku.
9Nak'irukaksïni iretechani jinkuni etsakuka,
iauani máteru echericharhu jimpo
jíntentsïni míant'aaka;
ka ma jurhiani chári echerirhuts'ï k'uanhatsentaaka
chári uáp'echani jinkuni.
10Jíksïni Ejiptu kéntitaaka,
Asiriaksïni niuaka p'íntani,
ka Galaadi ka Libanu echeri jimpoksïni juánuaka.
Ka imani echerinits'ï no antankutaaka.
11Jiák'ani enkats'ï k'éri japuntarhu parhimeaka,
ji k'érati k'umpuntechani anhaxustauaka,
ka iurhekua Níluni antamerani jamperi k'arhinkutaraaka.
Asiria anapu k'éramakuarhekua
ísku k'amantent'aati,
ka Ejiptu anapu juramukua k'amakurhiati.
12Ji jucheti iretani uinhapekua íntskuaka,
ka jucheti jakankurhikua urhekupauati.
ACHAeri uantakuesti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.