Sáni Mateo 3
3
II. JESUSI UÉNASTI AMPE ÚNI
(3.1—4.25)
Juánu itsï atats'ïkpiriri arhits'ïkperakua
(Mk 1.1-8; Lk 3.1-9,15-17; Jn 1.19-28)
1Imani jurhiatekuechani jimpo Judea, jimesï enka nónema irekaka jámaspti Jauánu itsï atats'ïkpiri, arhits'ïkpeparini, 2ka arhip'esïrempti: “¡Diósïni antarhentsï je, jimpoka auantarhu anapu irechekua janoxakaia!”
3I imesti enka Isaiasï Diósïri uantari uantempka:
“Nema ísï uinhachaxati
jimesï isï enka nónema irekaka:
Acheri xanharini ampantskakuntsï je,
ka xanharini p'arhikjantskakuntsï je.”
4Juánueri xukuparhakua kameiueri jauiri jimpo úkatespti ka sïkuiri jónkorhesïrempti ka chóchu ka tékua juátarhu anapu t'iresïrempti. 5Jerusaleni anapuechaksï ka Judea ka iurhekua Jordani parhikutini isï anapuechaksï nirasïrempti kurhach'ani, 6k'amanharhintskuechanksï uantakorheantasïrempti ka Juánu iurhekua Jordanirhu itsï atats'ïkuasïrempti.
7Juánu uánekua fariseuechani ka saduseuechani exearini enkaksï niárempka itsï atats'ïkukuekani, arhiasïrempti: “¡Akuitseni járhaticha! ¿Chánksïni ne arhiski eskats'ï chát'u úaka sïpakorhekuni ikimperatani enka jurhani jaka? 8Xarhatachka je, eska xarharaaka eskats'ï sési jimpo móantaskia, 9ka ásï cha jantiok'u arhikorhe je: ‘Abrani juchari Tátesti.’ Jimpokaksïni ji arhixaka eska Diósï úsïnka íni tsakapuechani jamperi Abrani uáp'erantaani. 10Ka jacha ampamuntskata jarhastia enka anhatapuni sïrankua jinkuni p'ikuaka; jimpoka anhatapu enka no úk'a ampakiti amanhech'akua jukani, ch'apanhasïnti ka chpírirhu k'uanip'anhani. 11Jíksïni sési jimpo itsï jimpok'u itsï atats'ïkuxaka, eskats'ï móataaka, ka ima enkarini chúxapuni jaka, enkani ji no jukanchaka kuarhachichani p'ikuani, ima sánteru k'éri ampesti. Imaksïni Espiritu Sántuni ka chpíri jimpo itsï atats'ïkuati. 12K'arhop'atarakuani jupikatixati enka tríjuni kátakutarantaaka. Tríjuni, jatakuarhu incharantaati ka sïnhakini chpírirhu kuanip'aati jima enka nómeni póp'eaka.”
Jesusi itsï atats'ïkunhasti
(Mk 1.9-11; Lk 3.21-22)
13Jesusi Galilea uératini, iurhekua Jordanirhu niáraspti, jima enka Juánu jápka, eska ima itsï atats'ïkupirinka. 14K'óru Juánu no uékasïrempti ka arhisïrempti:
–T'úrinisï itsï atats'ïkuaka, ¿Antirinisï t'u jínteni arhik'i? 15Ka Jesusi arhispti:
–Jauati iásï ísïni, jimpoka Diósï ísï uékasïnka eska úkorheaka.
Jiák'ani Juánu itsï atats'ïkuspti. 16Ka enka Jesusi itsï atats'ïtini uémentani jápka, jimak'u auanta mítakorhespti ka eranchespti Diósïri Espirituni enka jipunhini jásï ma kétseni jápka ka imani antats'ïkueraspti. 17Ka auantarhu anapu uantakua ma kurhanchekorhespti enka arhimpka: “I jintesti jecheti Uátsï xénhchakata, enkani jimpo ji xáni tsípek'a.”
Currently Selected:
Sáni Mateo 3: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sáni Mateo 3
3
II. JESUSI UÉNASTI AMPE ÚNI
(3.1—4.25)
Juánu itsï atats'ïkpiriri arhits'ïkperakua
(Mk 1.1-8; Lk 3.1-9,15-17; Jn 1.19-28)
1Imani jurhiatekuechani jimpo Judea, jimesï enka nónema irekaka jámaspti Jauánu itsï atats'ïkpiri, arhits'ïkpeparini, 2ka arhip'esïrempti: “¡Diósïni antarhentsï je, jimpoka auantarhu anapu irechekua janoxakaia!”
3I imesti enka Isaiasï Diósïri uantari uantempka:
“Nema ísï uinhachaxati
jimesï isï enka nónema irekaka:
Acheri xanharini ampantskakuntsï je,
ka xanharini p'arhikjantskakuntsï je.”
4Juánueri xukuparhakua kameiueri jauiri jimpo úkatespti ka sïkuiri jónkorhesïrempti ka chóchu ka tékua juátarhu anapu t'iresïrempti. 5Jerusaleni anapuechaksï ka Judea ka iurhekua Jordani parhikutini isï anapuechaksï nirasïrempti kurhach'ani, 6k'amanharhintskuechanksï uantakorheantasïrempti ka Juánu iurhekua Jordanirhu itsï atats'ïkuasïrempti.
7Juánu uánekua fariseuechani ka saduseuechani exearini enkaksï niárempka itsï atats'ïkukuekani, arhiasïrempti: “¡Akuitseni járhaticha! ¿Chánksïni ne arhiski eskats'ï chát'u úaka sïpakorhekuni ikimperatani enka jurhani jaka? 8Xarhatachka je, eska xarharaaka eskats'ï sési jimpo móantaskia, 9ka ásï cha jantiok'u arhikorhe je: ‘Abrani juchari Tátesti.’ Jimpokaksïni ji arhixaka eska Diósï úsïnka íni tsakapuechani jamperi Abrani uáp'erantaani. 10Ka jacha ampamuntskata jarhastia enka anhatapuni sïrankua jinkuni p'ikuaka; jimpoka anhatapu enka no úk'a ampakiti amanhech'akua jukani, ch'apanhasïnti ka chpírirhu k'uanip'anhani. 11Jíksïni sési jimpo itsï jimpok'u itsï atats'ïkuxaka, eskats'ï móataaka, ka ima enkarini chúxapuni jaka, enkani ji no jukanchaka kuarhachichani p'ikuani, ima sánteru k'éri ampesti. Imaksïni Espiritu Sántuni ka chpíri jimpo itsï atats'ïkuati. 12K'arhop'atarakuani jupikatixati enka tríjuni kátakutarantaaka. Tríjuni, jatakuarhu incharantaati ka sïnhakini chpírirhu kuanip'aati jima enka nómeni póp'eaka.”
Jesusi itsï atats'ïkunhasti
(Mk 1.9-11; Lk 3.21-22)
13Jesusi Galilea uératini, iurhekua Jordanirhu niáraspti, jima enka Juánu jápka, eska ima itsï atats'ïkupirinka. 14K'óru Juánu no uékasïrempti ka arhisïrempti:
–T'úrinisï itsï atats'ïkuaka, ¿Antirinisï t'u jínteni arhik'i? 15Ka Jesusi arhispti:
–Jauati iásï ísïni, jimpoka Diósï ísï uékasïnka eska úkorheaka.
Jiák'ani Juánu itsï atats'ïkuspti. 16Ka enka Jesusi itsï atats'ïtini uémentani jápka, jimak'u auanta mítakorhespti ka eranchespti Diósïri Espirituni enka jipunhini jásï ma kétseni jápka ka imani antats'ïkueraspti. 17Ka auantarhu anapu uantakua ma kurhanchekorhespti enka arhimpka: “I jintesti jecheti Uátsï xénhchakata, enkani jimpo ji xáni tsípek'a.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.