Sáni Mateo 2
2
Mímixeticheri p'urhemperakua
1Enka Jesusi antap'enupka Beleni enka Judea jaka, imani jurhiatekuechani isï enka irecha Erodesi juramuni jápka. Jerusalenksï niáraspti máru jóskuecheri mímixeticha, tata jurhiata antarakuarhu uératini 2kurhankorheparinksï:
–¿Nani jarhaski ima enka antap'enuka ima enka judiuechani irechekuauaka? Jucha imeri jóskuani tata jurhiata antarakuarhu exeska ka k'éri ampeksï arhini jurhaska.
3Íni ampe irecha Erodesi kurharini ka Jerusaleni anapuechaksï uantanheaspti. 4Ka tánantaaspti iámentu tátecheri urhets'ïkurichani ka juramukua jurhentpirichani ka iretarhu anapuechani ka kurhamarheaspti:
–¿Krístu nanisï antap'enupirinki? 5Ka imaksï arhispti:
–Beleni enka Judea jaka, jimpoka Diósïri uantari ísï karaska:
6“Ka t'u Beleni enkari Judea jaka,
nóri sánteru sapichueska.
Judea anapu k'érati iretecha jinkuni,
jimpoka juramuti ma jimini uéraaka,
enka Israeli jucheti iretani urhekupaaka.”
7Jiák'ani Erodesi jóskuecheri mímixetichani sïpatekuarhku ióarhiaspti ka sési kurhampeantaaspti na enka jatini ima jóskua xarharapka. 8Ka Beleni axaani jámani arhiaspti:
–Ni je jini ka sési kurhankorhe je charhakueri ampe ka enkats'ï exent'aakia júts'ïni je aiankuni, ka jít'uni niuaka k'éri ampe arhini.
9Mímixetichaksï irechani kurhach'atini niraspti, ka jóskua enkaksï tata jurhiata antarakuarhu exepka urhekupaaxapti ka jima anhaxurhispti nani enka charhaku jápka. 10Mímixetichaksï jóskuani exerini, kánekuaksï tsípespti ka sésiksï p'ikuarheraspti. 11K'umanchekuarhuksï incharini charhakuni xéntaspti, Maria imeri amampa jinkuni, ka tinkuixurhikutinksï k'éri ampe arhispti. Tátsekuaksï mítaaspti intsïmperakua jatakuechani ka tiripiti ka tióxunhanta ka p'untsumekuaksï íntskuspti. 12Ka tsánharhitanhasptiksï ka ístuksï aiankunhanksï eskaksï no k'uanhatsentapirinka jima enka Erodesi jápka, ka máteru xanhari jimpoksï níntaspti.
Ejiptuksï sïpakorhesti
13Enkaksï jóskueri mímixeticha níntapkia, Acheri ánjeli ma Joseni tsánharhikuarhu xarhakuspti ka arhispti: “Jauara ka jauata charhakuni ka amampani ka Ejiptu ni sïpakorheni. Jima ja, na enkakini jatini jamperi ji arhiaka, jimpoka Erodesi charhakuni jirinhantaaka jimpoka uántikuni uéksïnka.”
14Jose tsínharhispti ka jauataspti charhakuni ka amampani ka Ejiptuksï niraspti sïpakorheni, 15ka jimaksï irekorhespti enka jamperi Erodesi uarhipka ka ísï úkorhesti enka Acha imeri uantari jimpo uantaka: “Ejiptu uératini uantap'aska jucheti uátsïtini.”
Erodesi sapichani uántikutarkorheasti
16Enka Erodesi mítepka eskaksï jóskuecheri mímixeticha tantosï úntaspka, kánekua ikiaspti ka uántikutarkorheaspti iámentu sapichani, enkaksï tsimani uéxurhini jatiripka Beleni ka jimak'u isï anapuechani, jimpokaksï jóskuecheri mímixeticha jánhastaspka na enka jatini uénapka ima jóskua xarharani. 17Jiák'ani úkorhesti ima enka Diósïri uantari Jeremiasï uantapka:
18“Rama jiuakorhenhaxati,
jurak'utakorhenhantani janhani uenhani
ka k'arhankunhantani;
Rakelisti enka uáp'echani uekuak'a;
ka no uékasïnti eska sési arhinhantaaka
jimpokaksï uáp'echa uarhirixapkia.”
Ejiptu uératini k'uanhatsentskua
19Ka enka Erodesi uarhipka, Acheri ánjeli ma Joseni Ejiptu tsánharhikuarhu xarhakuspti, 20ka arhispti: “Jauara, tataka sapichuni ka amampani Israeli pántsï, jimpokaksï uarhiskia ima enkaksï tataka sapichuni uántikuni uékempka.”
21Ka Jose jauaraspti ka tataka sapichu ka amampa jinkunksï Israeli k'uanhatsentaspti. 22Ka enka kurhach'pepka eska Arkelao Judea juramuxapka, jima enka tátjempa Erodesi juramuni jápka, chéspti jima niárani. Ka tsánharhikua jimpo aiankukata Galilea isï niraspti, 23ka Nasareti niraspti irekani, ka ísï úkorhesti ima enkaksï Diósïri uantaricha uantapka eska Nasareti anapu arhinhapirinka.
Currently Selected:
Sáni Mateo 2: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sáni Mateo 2
2
Mímixeticheri p'urhemperakua
1Enka Jesusi antap'enupka Beleni enka Judea jaka, imani jurhiatekuechani isï enka irecha Erodesi juramuni jápka. Jerusalenksï niáraspti máru jóskuecheri mímixeticha, tata jurhiata antarakuarhu uératini 2kurhankorheparinksï:
–¿Nani jarhaski ima enka antap'enuka ima enka judiuechani irechekuauaka? Jucha imeri jóskuani tata jurhiata antarakuarhu exeska ka k'éri ampeksï arhini jurhaska.
3Íni ampe irecha Erodesi kurharini ka Jerusaleni anapuechaksï uantanheaspti. 4Ka tánantaaspti iámentu tátecheri urhets'ïkurichani ka juramukua jurhentpirichani ka iretarhu anapuechani ka kurhamarheaspti:
–¿Krístu nanisï antap'enupirinki? 5Ka imaksï arhispti:
–Beleni enka Judea jaka, jimpoka Diósïri uantari ísï karaska:
6“Ka t'u Beleni enkari Judea jaka,
nóri sánteru sapichueska.
Judea anapu k'érati iretecha jinkuni,
jimpoka juramuti ma jimini uéraaka,
enka Israeli jucheti iretani urhekupaaka.”
7Jiák'ani Erodesi jóskuecheri mímixetichani sïpatekuarhku ióarhiaspti ka sési kurhampeantaaspti na enka jatini ima jóskua xarharapka. 8Ka Beleni axaani jámani arhiaspti:
–Ni je jini ka sési kurhankorhe je charhakueri ampe ka enkats'ï exent'aakia júts'ïni je aiankuni, ka jít'uni niuaka k'éri ampe arhini.
9Mímixetichaksï irechani kurhach'atini niraspti, ka jóskua enkaksï tata jurhiata antarakuarhu exepka urhekupaaxapti ka jima anhaxurhispti nani enka charhaku jápka. 10Mímixetichaksï jóskuani exerini, kánekuaksï tsípespti ka sésiksï p'ikuarheraspti. 11K'umanchekuarhuksï incharini charhakuni xéntaspti, Maria imeri amampa jinkuni, ka tinkuixurhikutinksï k'éri ampe arhispti. Tátsekuaksï mítaaspti intsïmperakua jatakuechani ka tiripiti ka tióxunhanta ka p'untsumekuaksï íntskuspti. 12Ka tsánharhitanhasptiksï ka ístuksï aiankunhanksï eskaksï no k'uanhatsentapirinka jima enka Erodesi jápka, ka máteru xanhari jimpoksï níntaspti.
Ejiptuksï sïpakorhesti
13Enkaksï jóskueri mímixeticha níntapkia, Acheri ánjeli ma Joseni tsánharhikuarhu xarhakuspti ka arhispti: “Jauara ka jauata charhakuni ka amampani ka Ejiptu ni sïpakorheni. Jima ja, na enkakini jatini jamperi ji arhiaka, jimpoka Erodesi charhakuni jirinhantaaka jimpoka uántikuni uéksïnka.”
14Jose tsínharhispti ka jauataspti charhakuni ka amampani ka Ejiptuksï niraspti sïpakorheni, 15ka jimaksï irekorhespti enka jamperi Erodesi uarhipka ka ísï úkorhesti enka Acha imeri uantari jimpo uantaka: “Ejiptu uératini uantap'aska jucheti uátsïtini.”
Erodesi sapichani uántikutarkorheasti
16Enka Erodesi mítepka eskaksï jóskuecheri mímixeticha tantosï úntaspka, kánekua ikiaspti ka uántikutarkorheaspti iámentu sapichani, enkaksï tsimani uéxurhini jatiripka Beleni ka jimak'u isï anapuechani, jimpokaksï jóskuecheri mímixeticha jánhastaspka na enka jatini uénapka ima jóskua xarharani. 17Jiák'ani úkorhesti ima enka Diósïri uantari Jeremiasï uantapka:
18“Rama jiuakorhenhaxati,
jurak'utakorhenhantani janhani uenhani
ka k'arhankunhantani;
Rakelisti enka uáp'echani uekuak'a;
ka no uékasïnti eska sési arhinhantaaka
jimpokaksï uáp'echa uarhirixapkia.”
Ejiptu uératini k'uanhatsentskua
19Ka enka Erodesi uarhipka, Acheri ánjeli ma Joseni Ejiptu tsánharhikuarhu xarhakuspti, 20ka arhispti: “Jauara, tataka sapichuni ka amampani Israeli pántsï, jimpokaksï uarhiskia ima enkaksï tataka sapichuni uántikuni uékempka.”
21Ka Jose jauaraspti ka tataka sapichu ka amampa jinkunksï Israeli k'uanhatsentaspti. 22Ka enka kurhach'pepka eska Arkelao Judea juramuxapka, jima enka tátjempa Erodesi juramuni jápka, chéspti jima niárani. Ka tsánharhikua jimpo aiankukata Galilea isï niraspti, 23ka Nasareti niraspti irekani, ka ísï úkorhesti ima enkaksï Diósïri uantaricha uantapka eska Nasareti anapu arhinhapirinka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.