4 Mose 33
33
Israel vahe'mo'za Isipiti Jodanima kama e'nazazamofo krezugage hu'naza naneke
1Hagi Mosese'ene Aronike'ma Israeli vahera Isipitira zamavare atimaramike'za nagate nofite'ma hu'za e'nazana ama kante vu'naze. 2Hagi Ra Anumzamo Mosesena asamigeno manite manite'ma hu'za vu'naza kumatamimofo zamagia ese'ma atre'naza kumateti agafa huno krente'ne. 3Hagi Israeli vahe'mo'za Rameses kumama atre'za vu'nazana ese ikamofona 15tini zupa Anumzamo ozamahe zamagatere'nea ne'zama nete'za nanterana, miko Isipi vahe'mo'za nezamagage'za Isipitira atiramiza nevazageno, 4Isipi vahe'mo'za Ra Anumzamo'ma zmagonesa mofavrema kenagema zamahe fri'nea mofavreramina asezmante'naze. Hagi ana nehuno Ra Anumzamo'a Isipi vahe'mokizmi havi anumzantaminena zamahe fanene hu'ne. 5Hagi Israeli vahe'mo'za Rameses rankumara atre'za vu'za, Sukoti seli nonkumara ome ki'za mani'naze. 6Hagi anantetira hage'za vu'za hagege mopamofo atumparega Etamu seli nonkuma ome ki'za mani'naze. 7Hagi anantetira ete rukrahe' hu'za Pi-Hahirotia vu'za Bal-Sefonia zage hnati kaziga seli nonkumara Migdori tava'onte ome ki'za mani'naze. 8Hanki Pi-Hahirotia atre'za Koranke hagerina takahe'za, Etamu hagege mopafina 3'a zagegnafi vu'za, seli nonkumara Mara ome ki'za mani'naze. 9Hagi anantetira hage'za vu'za Elimi seli nonkumara ome ki'za mani'naze. Hagi ana kumatera 12fu'a kampu'i tina megeno 70'a tofe zafa me'nere seli nonkumara eme ki'naze. 10Hagi Elimia atre'za vu'za Korankre hageri ankenare seli nonkumara ome ki'za mani'naze. 11Hagi korankre hagerina atre'za vu'za Sainai hagage kokamofona, zage ufre kaziga Seli nonkuma ome ki'za mani'naze. 12Hagi Sainai hagege kokana atre'za Dofka seli nonkumara ome ki'za mani'naze. 13Hagi Dofkatira atre'za Alusi seli nonkumara ome ki'za mani'naze 14Hagi anantetira atre'za Refitim seli nonkumara ome ki'za mani'naze. Hagi e'i ana kumapina vahe'mo'zama tima nesaza zana omane'ne. 15Hagi Refitimia atre'za Sainai hagage kokampi seli nonkumara ome ki'za mani'naze. 16Hagi Sainai hagege kokampintira atre'za, Kibrot-Hatava seli nonkumara ome ki'za mani'naze. 17Hagi Kibrot-Hatava atre'za Hazeroti seli kumara ome ki'za mani'naze. 18Hagi Hazerotitira atre'za Ritma seli nonkumara ome ki'naze. 19Hagi Ritmatira atre'za Rimon-Peresi seli nonkumara ome ki'za mani'naze. 20Hagi Rimon-Peresitira atre'za Libna seli nonkura ome ki'za mani'naze. 21Hagi Libnatira atre'za Risa seli nonkumara ome ki'za mani'naze. 22Hagi Risa atre'za Kehelata seli nonkumara eme ki'za mani'naze. 23Hagi Keheratitira atre'za Sefa agonare seli nonkumara eme ki'naze. 24Hagi Sefa agonaretira atre'za Harada seli nonkumara ome ki'za mani'naze. 25Hagi Haradatira atre'za Makheloti seli nonkumara ome ki'za mani'naze. 26Hagi Makherotitira atre'za Tahati seli nonkumara ome ki'za mani'naze. 27Hagi Tahatitira atre'za Tera seli nonkumara ome ki'za mani'naze. 28Hagi Teratitira atre'za Mitka seli nonkumara ome ki'za mani'naze 29Hagi Mitkatira atre'za Hasmona seli nonkumara ome ki'za mani'naze. 30Hagi Hasmonatira atre'za Moseroti seli nonkumara ome ki'za mani'naze. 31Hagi Moserotitira atre'za Bene-Zakan seli nonkumara ome ki'za mani'naze. 32Hagi Bene-Zakanitira atre'za Hor-Hagidgati seli nonkumara ome ki'za mani'naze. 33Hagi Hor-Hagidgatira atre'za Jotbata seli nonkumara ome ki'za mani'naze. 34Hagi Zotbatatira atre'za Abrona seli nonkumara ome ki'za mani'naze. 35Hagi Abronatira atre'za vu'za Ezion-Geba seli nonkumara ome ki'za mani'naze. 36Hagi Ezion-Gebatira atre'za vu'za Zini hagege kokampi Kadesi seli nonkumara ome ki'za mani'naze. 37Hagi Kadesitira atre'za vu'za, Edomu mopa atuparega Hori agonare seli nonkumara ome ki'za mani'naze. 38Hagi Isipitima Israeli vahe'ma atiramiza e'nazaza, 40'a kafu evigeno 5fu ikamofona ese knazupa Ra Anumzamo'a Aronina huntegeno Hori agonare marerino anantega ufri'ne. 39Hagi Aronima fri'neana 123'a kafu huteno, Hori agonafina ufri'ne. 40Hagi Aradi vahe kini nera Kenani ne'kino Kenani mopafi Negevi nemania ne'mo Israeli vahe'mo'za neaze kea antahi'ne. 41Hagi Israeli vahe'mo'za Hori agonaretira atre'za vu'za Zalmona seli nonkumara ome ki'za mani'naze. 42Hagi Zalmona atre'za vu'za Punoni seli nonkumara ome ki'za mani'naze. 43Hagi Punonitira atre'za Oboti seli nonkumara ome ki'za mani'naze. 44Hagi Obotira atre'za Moapu mopa atuparega Ie-Abarimi seli nonkumara ome ki'za mani'naze. 45Hagi zamagra Ie-Abarimitira atre'za vu'za Dibon-Gati seli nonkumara ome ki'za mani'naze. 46Hagi Dibon-Gatitira atre'za vu'za Almon-Diblataimi seli nonkumara ome ki'za mani'naze. 47Hagi Almon-Diblataimitira atre'za vu'za zage hanati kaziga Nebo tava'onte Abarimu agonare seli nonkumara ome ki'za mani'naze. 48Hagi Abiramu agonaretira atre'za urami'za Jodani timofo kantu kaziga Jeriko megeno kama kaziga Moapu agupofi seli nonkumara ome ki'za mani'naze. 49Hagi Moapu agupofi Jodani timofo akenare Bet-Jeshimotitira seli nonkumara ki'za Abel-Sitimi uhanati'naze.
Kenani kumama omerisaza naneke
50Hagi Jodani timofo kantu kaziga Jeriko megeno, kama kaziga Moapu agupofi Ra Anumzamo'a Mosesena asamino, 51Israeli vahera zamasamige'za Jodani tima takahe'za kantu kazigama Kenani vanu'za, 52tamavugama me'nea mopafima mani'naza vahera maka zamahenati trevareho. Hagi zafare'ma antre'za tro'ma nehu'za, aeni krenare'za tro'ma hu'nenaza havi anumzantamina maka ruhantagita eri haviza nehuta, havi anumzante'ma mono'ma nehanaza kumazamia maka eri tapage hutreho. 53Hagi tamagra ana mopa omerita maniho. Na'ankure Nagra ana mopa erita mani'nazegu neramue. 54Hagi mopama refkoma huta erisanti haresazana, nagate nofite satu zokago reta kesageno, ina nagamofo agimo'ma eama'ma hanimo'a ana mopa eritere hino. Hagi rama'a vahe'ma mani'nenaza nagategati refako huta osi'ama mani'nenaza negate uhanatiho. 55Hagi ana mopafima mani'naza vahe'ma zamahe onati'nage'za tamagrira tamavurgafi rampaza fre'neno tamata tamiaza nehu'za, ave'ave trazamo tamasopafi reankna hugahaze. 56Hagi tamagrama zamahe onatinage'na zamagrima zaminaku'ma retro hunte'noa knazana tamagri tamigahue.
Currently Selected:
4 Mose 33: KBQ
Highlight
Share
Compare
Copy
Want to have your highlights saved across all your devices? Sign up or sign in
Tyndale Bible Translators 2022
