زبُور 93
93
زبُور 93
1یَاہوِہ بادشاہی کرتے ہیں،
وہ عظمت و جلال سے مُلبّس ہیں؛
یَاہوِہ عظمت و جلال سے کمربستہ ہیں
اَور طاقت سے مُسلّح ہیں۔
دُنیا اَپنی جگہ پر مضبُوطی سے قائِم ہے؛
اُسے اُس کے مقام سے ہٹایا نہیں جا سَکتا۔
2آپ کا تخت قدیم سے قائِم ہے؛
آپ اَزل سے ہیں۔
3اَے یَاہوِہ، سمُندر موجزن ہو گئے ہیں،
سمُندروں نے غُلغُلہ مچا رکھا ہے؛
اَور سمُندروں کی لہریں تلاطم خیز ہیں۔
4زبردست سمُندروں کی گرج سے زِیادہ
اَور سمُندر کی طُوفانی موجوں سے بھی بڑھ کر قوی تر ہیں،
آسمانوں کے، اعلیٰ قادر یَاہوِہ۔
5آپ کے قوانین پائدار ہیں،
اَے یَاہوِہ، ابدُالآباد تک؛
تقدُّس آپ کے گھر کی زینت ہے۔
Currently Selected:
زبُور 93: UCV
Highlight
Copy
Compare
Share
Want to have your highlights saved across all your devices? Sign up or sign in
اُردو ہم عصر ترجُمہ™، کِتاب مُقدّس
حق اِشاعت © 1999، 2005، 2022، 2024 Biblica, Inc.
کی اِجازت سے اِستعمال کیا جاتا ہے۔
دُنیا بھر میں تمام حق محفوظ۔
Holy Bible, Urdu Contemporary Version™
Copyright © 1999, 2005, 2022, 2024 by Biblica, Inc.
Used with permission.
All rights reserved worldwide.
