तीतुस 2

खोरी शिक्षाआ अनुसरण

1पोन तू ऐहली गोठी कोईत जे खोरे उपदेशकाआ योग्य होय. 2डाया माहाआ शिक्षण आप का ते नेमस्त अने मापो जे नियंत्रण मिकत्लुके बोनाळीलो, ते जाखोज, विवेकी, प्रेम एने विश्वास यामेहे दृढ अने धैर्य पूर्वक सहनशील उवे. 3एहला प्रमाणे डायी बुईही पोन हिकडा का ते पवित्र जाहा योग्य अने उत्तम व्यवहार कोअनाऱ्या उवे निंदा कोअनाऱ्या न बनाविलो, तेहलूज जाखो जाखा द्राक्षरस पिहीलोओ सवय तियाहा कायनाहा, तिया हाजी-हाजी गोठी हिकाडनारी जुवे. 4याकोअता जुवान्या आप आपाआ पोऱ्याहा अने डोहाहा प्रेम कोईलाकाजे हिकाडीलो, 5अने सयंमी, पवित्र, आपा-आपीही कोआ देखरेख कोनारी, दयालु, आपाआ माट्योह आज्ञा माननारू ज्याआपोरोत परमेश्वरोओ निंदा न उवे. 6ह्याप्रमाणे जुवान्याहा हिकडा का ते सयंमी बोनाळीलो. 7तुमु स्वतःहा हर एक गोठीमे आदर्श बोणीत, 8एहली सद्वाणीचा वापर को ज्याआ आलोचना (वाईट न गोगे) न कोअयी जायलो यकोअता ताआ विरोध कोनारो लाजवाला उवे काहाके त्याजागे ताआ विरोधाम वाईट कोअला किबी नाहा. 9सेवकोहो हिकडा का ते हर एक गोठीमे आपाआ मालख्यओ आज्ञा पालीत कोईलो तियाहा खुश कोईत रोअलो उलटू मा बुलीही, 10चोर चालाखा कोहू कायना पोन आखो विश्वास नियताचा प्रदर्शन कोईलो याकोअता का आमाआ उद्धारकर्ता परमेश्वरोओ संदेशाचा हर एक प्रकाराआ होबा वोडाव. 11काहाके परमेश्वरोओ कृपा प्रगट होय आखे मांहोओ उद्धारोओ कारण होय. 12यावांही आमाहा शिकायलो जोडे का आमू परमेश्वरोओ ऐहिक वासनांना अने सांसारीक इच्छाहा निषेध कोईत एहलो जीवोन जिविलो जो संहार हाजू, भक्तीमेहे पोल्यो अने पवित्र उवे आजे जगमेहे, 13धन्य आशाआ दीहीओ वात पालीत रोहिलो जांहा आमाआ परमेश्वर अने उद्धारकर्ता येशु ख्रिस्ताआ गौरव प्रकट उवे. 14तिये स्वतःहा आमा कोअता आप्लु, याकोअता का तो आखे प्रकाराआ अधर्म आमाहा वाचाडयो गोयो अने आपाआ निवाडल्या मांहाहा रुपोमे आपाहा शुद्ध कोईलो, आमाहा जे उत्तम काम कोइला कोअता लालायीत होय. 15याआ गोठीही पुरो अधिकाराआ कोअलो, अने होमजीत लेत जा, उत्साहामे कोईत रो अने कोडु ताहू तुच्छ नि जाअहु जुवे.

Currently Selected:

तीतुस 2: NOINT

Highlight

Copy

Compare