प्रेरितो काम 23

1पौलुस महा सभाआ वोगे एक सोट्योच पाल्यो अने कोयो ऐ पायहो आय आज ज्या परमेश्वरोओ कोअता बिलकुल खोरा मोनावाही जीवल्यो होय. 2यापो हनन्या महायाजकाने तियाआ जागे जो उभे ओतु तियाआ सुबीप थापुड़ मारिला आज्ञा आप्यी. 3तेहलाम पौलाने तिये कोयु, ओ सुनु फेरविल्या पीतडो परमेश्वर ताहु माए तू नियम शास्त्रानुसार माआ न्याय कोइला कोअता बोहयु होय अने फासाडी कि नियमशास्त्राआ विरूध माहु मारिला आज्ञा आपित होय? 4जे जागे उभे ओते तिये कोयु, “नाहाकोत तू परमेश्वरोओ महायाजकाआ हाजो वाईट कोत्लू?” 5पौलाने कोयु, “ओ पाहीही आय उलखित्लू नाहा का तो महायाजक होय काहाके का लेखिलो होय, आपाआ मांहाहा अधिकारीही वाईट नाहा म्हणु” 6तेहलाम पौलाने ओलखे का एक भाग सदुकीयाआ अने दिहरु भाग परुशांचा होय महा सभाम आयडीत कोयु, “ओ पाहीही आय परुसी अने परुसी कुलोओ होय, मोल्याआ आशा अने पुनरुस्थानाच्या विषया माय माआ चौकशी उवनारा होय.” 7जांहा तिये ए गोठी कोल्यी, तेहलाम परुसी अने सदुकी यामेहे लोळाई ओवुहू लागाडीत मिटींगोमे कट पोडीत गोयी. 8काहाके का सदुकी ताहा ओ कोअता का पुनरुस्थान होय, नाहा स्वर्गदूत होय नाहा आत्माआ होय, परंतु परुसी आव आखाहा मानतेहे. 9तेहलाम वोडू हल्ला ओवयू अने किबी शास्त्री जे परुश्याआ दाव्याचे ओते उठित उभे रोल्या अने ओ कोत नोईला लागाडीत “आमाहा आव माआहामेरोत किबी वाईट पहीले नाहा, पण केधी कोडु आत्माआ अने स्वर्गदूत यामेहे बोलतुल्यो ओतु, ताहा फासाडी नाहाकोत?” 10जांहा जास्तीज लोळाई उवेताहा पोलटीला सरदारआ आव बितकोइत का ते पौलाचे तुकडे-तुकडे कोईत ताहा टाकही नाहा, पलटणला आज्ञा आप्यी का उतरित तियाहा तियाआ गढीत लाविलो. 11तिया राती प्रभूऊ तियाआ जागे उबे रोत कोयु, ओ पौला, धीर तो, काहाके का जेहलो तू यरुशलेमाहा माआ साक्ष आप्यी तेहलूज ताहु रोम माय पण साक्ष आपीली लागे.

पौलुसोहो माअलो योजना

12जाहा दीही उग्यु तेहलाम यहुदी माहु डाव रर्च्योहो अने शपथ लेदि का जांहा पर्यंत आमाहा पौलाहा माईत टोकीत नाहा तेहलाम पर्यंत आमा खायलो अने पिईलो योपो धिक्कार होय. 13जिये आपसामेहे ए शपथ लेदि ओती ते सालीह पेक्षा जाखा ओते. 14तिये मुख्य याजक अने आगला डाया जागे जात कोयु, आमाहा ओ ठाणून लेधलो होय का जांहा पर्यंत आमाहा पौलाहा माईत नाहा टोकीत तोपोरोत केधी आमाहा खाले तेबी आमापो धिक्कार होय. 15याकोअता ओमे महा सभा आरी पोलटीला सरदाराहा समजीला का तियाहा तुमाआरी घेऊन आव, माना का तुमु तियाआ विषयी फासी पण हाजा रीतीवाही तापसइ इच्छिता अने आमाहा तियाआ पुग्लो आगाडी माईत टाकिलाकोता तीयार रोहू. 16पौलाचआ पायहो पोर्यु होमल्यु का ते तियाआ घात कोअलाआ होय तेहलाम गढीत जात पौलाहा ओ संदेश आप्यू. 17पौलाने सुबेदारा होमला जनाला आपाआ जागे हादीत ओ कोयु आव जुवानाहा पोलटीला सरदारापाही घेऊन जा, तो तियाहा किबी कोहू इच्छितो. 18याकोअता तिये तियाहा पोलटीला सरदाराआरी घेऊन बातनी कोयु, बंदी पौलाने माहु हादीत विनंती कोअयी का ओ जुवान पोलटीला सरदाराहा किबी कोहू इच्छितो तियाहा तियाआ जागे घेऊन जा. 19पोलटीला सरदाराआ तिया आथे तोईत अने सेटे घेऊन जात फ़ुस्ल्याआ, तू माहु नाहाकोत कोहू इच्छितो? 20तिये कोयु, यहुदी माहु षडयंत्र रर्च्योहो होय का ताहु विनंती कोअही का उद्या पौलाहा महासभेमध्ये लेतआव, कोय का फासी तियाआ हाजी तपासनी कोहू इच्छितो. 21पोन तियाआ मानु नाहा काहाके त्यामेरोत सालीह जनावर मांहु तियाआ घात कोईलाकोजे होय तिये ओ ठाणून लेधलो होय का जो पर्यंत ते पौलाहा माईत टोकीत नाहा तोपोरोत ते नाहा खाही नाहा पीही अने ओमे ते तीयार होय अने ताआ वचनामे प्रतीक्षा कोईत ओते. 22तेहलाम पोलटीअला सरदाराआ ए आज्ञा आपित सोडीत आप्लु का कोडोबी याआ गोठी कोओलो नाहा का तू माहु याआ गोठी कोयु होय.

पौलुसोओ केय्सारिया मेहे मुकल्या

23तेहलाम तिये बेन सुबेदाराहा हादीत कोयु बेनहोव सैनिक, सोत्तर सवारी अने बेनहोव काम कअनारी एहलो प्रहर रात्रीस कैसरीयाला जाअलाकाजे सवारी घोडे तीयार मेका का तियाहा कैसरीयाआ इही जाअलाकाजे तीयार कोईत मेका. 24अने पौलाआ सवारी याकोअता घोडे तीयार मेका का तियाहा फेलिक्स सुभेदारापोरोत सुरक्षित पुगाड़ी दे 25तिये आव प्रकाराआ चिठ्ठी पण लेखी 26पोन सुभेदार फेलिक्स सुभेदाराहा क्लौदियुस लुसियाहा सलाम. 27आव मांहाहा यहुदी तोईत माईत टाकुहू इच्छितात परंतु आय जान्ये का ओ रोमी होय ताहा पलटण घेऊन सोडवीत लाविले. 28जो जाणू इच्छितो का ते तियापो कोडला कारनोवाही दोष लागाड याकोअता का तिये तियाआ महासभेमध्ये घेऊन गोल्यो. 29तेहलाम आय ओलखीत लेधलो का आपाआ नियमशास्त्राआ वचनाआ विषयामे तियापो दोष लागाडत्ले पोन माईत टाकीलापो किंवा बांधीत जाअलो योग्य तीयाम कोडूबी दोष नाहा. 30जाहा माहु कोयु गेल का ते तियाअ मांहाहा घातकोहू लागाडीत होय ताहा आय तत्काळ तुमाही मोकलित आप्लु होय अने वाड् कोअनाराहा ए खटला चालवावा. 31आखरी जेहलो सैनिकांआ आज्ञा आप्यी गोयी ओती तेहलूज ते पौलाहा घेऊन रात्रीच अंतीपत्रीसा मेहे घेऊन आव्ये. 32दिहरा तेदीही ते स्वारीनी तियाआ आरी जाअलाकाजे सोडीत स्वतः गढीत फासी आवयू. 33तिये कैसरिया पोताडीन सुभेदाराहा चिठ्ठी आप्यी पौलाहा पण तियाआ आगाडी उभे कोल्यु. 34तिये चिठ्ठी वाची फ़ुस्ल्याआ, “ओ कोडला प्रांताचा होय”? 35अने जांहा होमजीत गोल्यो का किलीकीया चा होय तेहलाम तियाहा कोयु, जांहा ताआ वादी पण आवे तेहलाम ताआ मुकद्दमा कोअही अने तिये तियाहा हेरोदासाठी वाडामे मेकजा आज्ञा आप्यी.

Currently Selected:

प्रेरितो काम 23: NOINT

Highlight

Copy