1 तीमुथियुस 1

शुभकामना

1पौला वोलरोत जे आमाआ उद्धारकर्ता परमेश्वर अने आमाआ आशाआ आधार मसीह येशुउ आज्ञा मेहे मसीह येशुउ प्रेषित होय, 2तीमुथियुस नावापो जो विश्वासामेहे माआ खोरो पोऱ्या होय आमाआ बाह्हू परमेश्वर अने प्रभू येशु ख्रिस्त येशुप रोत ताहु कृपा अने दया अने शांती मिलीअलो रोनारु.

ठोगोओ शिक्षाआ विरुद्ध चेतावनी

3जेहलो आय मकिदुनिया जाआत्लू ताहु होमजाडयोहो ओते का इफिसा मेहेरोत केते मांहोहो आज्ञा आपीली का दिहरा प्रकारो हिकवन आपुहू कायना, 4अने तिया गोठीपो अने सार्वकालिक वंशावळीपो मोन लागाडहु कायना ज्यापोरोत वाद उत्पन्न ओये अने परमेश्वरोओ तियाअ व्यवस्थेनुसार नाहा जी विश्वास कोओ आधारित होय तेहलूज फासी कोत्लू. 5आज्ञा मुद्दा ओ होय का शुद्ध मोन अने हाजो विचार अने कपट नेसलेल्या विश्वासा प्रेम निर्माण उवे. 6याहा सोडीत केतो मांहे बडबड कोअत्ले वोलीत गोये होय, 7अने शास्त्री ओवुहू पालल्ते पोन ज्या गोठी कोतेहे अने मजबुते गोगत्ले तियाहा तोज होमजाडीत पोन नाहा. 8पोन आमाहा मालुम होय का जर कोडु नियमह योग्य प्रकारे कामोम लेत आवलू ताहा ते हाजो होय. 9ओ मालुम ओमेत का व्यवस्था नितीमानाकाजे नाहा पोन अधर्मी, अनावर, भक्ति नि कोत्लू, पापी, अपवित्र, अशुद्ध, याह्ही बाह्हाहा नी माननारे, अने हत्या कोअनारे, 10जारकर्मे, पुरुषगामि, मांहोहो वेचनारे, खोटो गोगनारे अने झुटी शपथ खाणारा अने याआ व्यतिरिक्त खोरो उपदेशकाच्या आखे विरोधकाचे मेकल्यी गोयी होय. 11ओ धन्यावादीत परमेश्वरोओ गौरवाआ तियाअ सुवार्ता नुसार होय जी माहु सोपी होय.

पौलुसोओ गवाही

12आय आपाआ प्रभू येशुउ जीआ माहु सामर्थ्य आप्लु होय धन्यवाद कोअत्लू का तिये माहु विश्वासयोग्य होमजीत आपाआ सेवा कोअता निवडोत लेदू. 13आयताहा पेल्लु निंदा कोअनारू छळ कोअनारू अने खुन कोअनारू ओतू तेबी मापो दया उवी काहाके आय अविश्वासोवाही ते काम कोले. 14अने आमू प्रभूऊ कृपा तिया विश्वास अने प्रेमो वोरिजे जो ख्रिस्त येशुमेहे होय विपुलतेने उवी. 15ए गोठी खोरी अने अनेक प्रकाराने मानिलो योग्य होय का ख्रिस्त येशु पापोआ तारण कोइला कोअता जगात आवयू ज्यामेहे आखाम वोडू आय होय. 16पोन मापो याकोअता दया उवी मापो आखाप रोत वोडो पायोमेहे येशु ख्रिस्ताने आपाआ पुरो सहनशीलता देखल्यी काजे मांहे तियापो सार्वकालिक जीवना कोअता विश्वास कोअनारू त्यांकोअता आय एक उदाहरण उवे. 17ओमे सार्वकालिक राजा म्हणजे केधी नाश उवे नाहा अने अदृश्य एकुच परमेश्वरोओ सन्मान अने गौरव कायम ओवती रोय आमेन.

तिमुथियुसोओ उत्तर दायित्व

18ऐ पोऱ्या तीमुथियुस, तिया भविष्यद्वाणी कोअता जी पेल्ली ताआ बारामे कोअयी गोयी ओती आय ए आज्ञा ताआ आथे आपोहो का तू तियाआ नुसार हाजी लोढाई कोईत रो, 19अने विश्वास अने तिया हाजा विवेक तोईत रो ज्याहा सेटे कोअत्लू तेहलाम केताके विश्वास कोअनारू जाहाजे बुडीत गोयी. 20तियामेहे रोत हुमीनयुस अने सिकन्दर होय ज्याहा आय शैतानाला होपित आप्लु होय का तिये परमेश्वरोओ निंदा कोअला हिकुहू कायना.

Currently Selected:

1 तीमुथियुस 1: NOINT

Highlight

Copy

Compare